再來一煲 (好發大廈)

營業中

休息中

點解話佢係世一雞煲! 因為終於有一間雞煲的底料調味並唔係用花椒八角!雖然呢個雞煲對我黎講就甜左DD，但食落愈食愈有勁!因為佢係採用印度魔鬼椒去製作呢個「招牌魔鬼雞煲」~ 所以個辣度方面我都唔敢太辣~ 加上朋友不太吃辣~ 所以叫左個BB辣去試試佢!「招牌魔鬼雞煲」(半隻) HK$198 + 加魚鰾 HK$88一上枱，店員示意先將雞煲再熱多一下~ 佢地會再幫你快炒一下~快炒完個一下~ 真係香到不得之了~佢所有炒雞汁料掛滿晒所有雞件上面，料頭中有洋蔥，芫茜，原粒炸蒜頭，紅蔥頭，玉豆，木耳等~相當多配料，反而咁樣加埋印度魔鬼椒令到個汁醬提味提香~雞件相當滑嫩，厚肉，採用走地麻雞，絕對新鮮~ 雞味濃肉質好~真係好食得不得了~ 同埋半隻雞都相當夠兩個人食~ 我地另外加左魚鰾~ HK$88 都有成8大舊~ 食落口唔腥~ 加埋呢個雞煲汁醬~真係吸收晒精華~ 滿分之雞煲 X 魚鰾食到咁上下，加湯轉為火鍋~ 所以額外再點了配料我地點了皇帝菜 HK$38，好大份~ 絕對抵食~同埋食材相當新鮮~ 紅薯粉 HK$18，又係好大份~ CP值太高了吧!!! 呢度的紅薯粉係寬粉狀的都係非常岩配合到雞煲汁，勁好食~此外

對佢哋嘅雞煲加鵝腸念念不忘今次再黎encore~~~真係再來一煲啦🤣必叫 招牌魔鬼雞煲 記得一定要加鵝腸！😍唔食得辣建議bb辣就好🤣另外佢哋小食都做得十分唔錯推薦要食椒鹽粟米🤟🏻今次試埋椒鹽鱔球同樣出色😋最後叫多碟本地手切牛for打邊爐就夠晒皮本地牛就係偏無咁肥但牛肉香味好出！同埋手切口感會比較厚實😆一杯大大珍寶果茶份量夠晒2個人飲😉真心又好食又抵食😍😍係我心目中嘅雞煲TOP 3😎

晚上約朋友聚聚，好耐冇食雞煲，特登揀咗屯門其中一間人氣雞煲店再來一煲，大家都抱住滿滿期待入座。招牌雞煲一開煲就聞到濃郁麻辣香氣！我哋揀咗BB辣，辣度剛剛好，唔會過火，反而更加突出雞肉同醬汁香味。雞件嫩滑又入味，啖啖肉都係精華，配埋煲底嘅配料一齊食，超過癮！另外點咗幾款小菜：
黃金芝麻豆腐 外脆內嫩，炸得香口，配上鹹蛋黃粉，味道鹹香又有層次，好快就被清碟！
蜜椒薯仔牛柳粒 牛柳粒炒得夠鑊氣，外層微脆，肉質有咬口又唔韌，薯仔香軟，非常惹味

家人於30/3/2025係openrice 訂購自取外賣，單上顯示領取時間為18：15。當我18：20到店舖時，職員話要等。等咗半個鐘，追問店員，回覆係仲未得，“廚房踢晒腳”。再等多近半個鐘，再追問店員，話“仲爭個響鈴”，結果19：15至可以拎到個外賣。個響鈴係室溫既，既然唔係即炸，咁即係耍個客啫。

OpenRice book位，到現場可以話見到Booking但冇位俾我，仲要唔止一次對上一次叫我等半個鐘，最後我等咗個幾鐘嘅經驗今次同我講半個鐘有位，我只係問多一次唔該❗️我想問下係咪真係半個鐘有位？已經得到一句：黑曬面「咁我而家同你講半個鐘有位，只係個客走唔走？我唔知喎」「咁我而家都只係同你講，咁你而家等唔等？」哇😂其實唔洗咁嘅，知你唔休做啦👍🏻同埋搞返清楚，而家唔係我冇book位而且最開始你同我講係因為你哋冇熄呢個book位時段，最後導致Overall Booking我亦都係平靜地接受，作為消費者同埋始終有book位嘅人我唔覺得我想confirm一次大概要等幾耐有咩錯？點解要好似俾人鬧咁樣嘅態度？對唔住，我最後真係因為咁樣嘅態度焫着咗因為我真係未去過一間態度咁差，好似我求緊佢嘅舖頭哪怕佢同我講搞錯咗，今日完全冇得食，我都唔介意但唔該唔好，我求佢嘅態度喺度黑晒面「咁你而家等唔等？」同埋澄清返book咗枱，你最後冇位俾我你哋係一句，唔好意思都冇直接係問我：要等你等唔等？

📍再來一煲😍世一雞煲👍呢間雞煲超好食😍服務質素仲超高😍打邊爐嗰陣會幫你隔油😘❤️～招牌魔鬼雞煲半隻😍好耐冇食過咁香濃嘅雞煲🤪雞肉嫩滑😘完全唔鹹🥰調味做得超好👍～椒鹽粟米😍再來一煲必食菜式😘粟米鮮甜😘椒鹽味好重😍重要勁細心切成一條條😘食到停唔到口❤️～安格斯牛小排😛非常高質素嘅牛肉😍油花非常之靚☺️接近入口即溶🤪肉質嫩滑👍～即叫即炸脆響鈴❤️非常脆口😍仲要有少少鬆軟😘鮮炸出嚟熱辣辣👍配上呢個高質湯底食真係正到爆🥰📍再來一煲 (好發大廈) (屯門)屯門青棉徑6號好發大廈地下17-20號舖

屋企人生日，訂左頭輪5點半入座。入座時已經差不多半滿了。5個人總共叫左7樣野，估唔到份量比我地想像中多。1. 全隻雞煲 （小辣 ）雞煲雞件份量好足，食到尾都仲有雞🤣 另外可加配其他配菜炒埋落去，我地加左鵝腸同鴨舌。 呢2款同個醬都好夾，同埋又係好多件😛2. 牛魔王拼盤Menu 上面有幾款牛。拼盤一次過可以試哂🫢 牛肉味好濃，牛板健更是岀色3. 生蠔 （期間限定） 隻隻都有手掌甘長 多肉 都鮮甜既，一盤有7隻4.豬爽肉好奇試下🤣 唔知係咩部位但好爽口 好食5. 水餃一碟6大舊， 無太特別6. 皇帝菜皇帝菜配雞煲 世一😌 同個醬料真係非常夾7. 椒鹽粟米呢個可能依架係大排檔都食唔到既野 呢度整得好好食 粟米又好甜8. 食滿$1200 送的 牛板健原來已為送的會好小 但原來係同散叫一樣大😦👏🏻最後食埋生日蛋糕，免切餅費，一家人食左$1500👻滿足

自從上次喺元朗店食過一次呢到嘅雞煲之後，再來一煲已經成為咗心目中排名No.1嘅雞煲啦！今次來到位於屯門虹橋嘅分店，空間感更大，座位更加闊落舒適～✨招牌魔鬼雞煲(1隻)呢到嘅雞煲味道與別不同，平食開微辣嘅，可以食下呢到嘅手抱B辣！除咗辣嘅香味，仲多咗一種甜味，帶有小小嘅東南亞風味！雞件肉質嫩滑！食完雞煲之後，就可以加湯打邊爐啦～✨椒鹽粟米椒鹽增強咗粟米啲自然甜味！味道微辣惹味，非常之有水準～✨安格斯牛小排(例排)安格斯牛小排肉質嫩滑，肉香四溢～✨即叫即炸脆響鈴即叫即炸嘅脆響鈴，口感係特別唔同啲嘅！掛汁能力又高，好入味～✨烏卒卒粒粒墨魚滑墨魚滑彈牙有嚼勁，仲有大量嘅粒粒墨魚肉，口感超豐富～✨出前一丁吃到最後，一定要食返啲麵食，咁先至完美㗎嘛～✨可樂

無乜特別的雞煲囉，都係個啲味，人均$300，服務麻麻地，牛無乜牛味，張枱好細，d碟和杯野飲好大好掗位，有啲2人位有車仔可放，但我當日4人枱坐5個人真係太逼所以問店員有無車仔，佢話會阻住人(態度好差咁講)，但我心諗，張枱咁逼都好阻我食野🙄無咁大個位就吾好俾我地坐啦。

環境舒服雞煲好食老闆講到好辣 但個人接受能力高啲建議先嗌小辣或bb 辣 唔夠再叫老闆加偏甜 所以要辣啲先過引服務一般 老闆好好人 但收錢有個女人 就趕客咁 岩岩上完菜就行過黎問 你覺得你xX還唔還到枱？唔記得有無限時 但我見唔到 落單個陣都無講上菜唔算快 我都等左個雞煲一陣 傾住計都無咩所謂上曬菜就問幾時還枱 全枱呆左 然後差唔多時間係咁望住 搞到想快手快腳食完走 無啦啦比壓力人還枱 又唔係仼食火鍋Overall 食物滿意都幾好食 但服務影響一切

睇咗YouTube港飲港食嘅訪問，好吸引，一於訂位去食。帶唔嗜辣嘅家人去，只好叫BB辣，店員表示BB辣即等於出面嘅小辣，佢哋好貼心咁將BB辣再減辣。招牌魔鬼雞煲加咗份鮮雞雜，雞肉食得出好新鮮，雞唔會好肥，味道好驚喜，微微辣越食越想食，帶甜甜哋中和一下，絕對超班嘅雞煲。食哂全隻雞之後通知店員加湯，據知係魚湯，完全無溝淡本來雞煲醬汁嘅味道，湯底一流。邊爐途中店員會幫忙撇油👍椒鹽粟米個風沙好惹味，粟米依然甜，唔會乾爭爭，推薦。烏卒卒粒粒墨魚滑，未開始打邊爐已經上咗枱，擺到個面有層膜，硬硬哋。老闆表示因為唔夠人手，所以一次過上菜怕漏單。彈牙好有口感，墨魚滿滿响口內動L，必點。0.03紙豆腐，第一次食，無油炸過嘅腐皮，又唔會似鮮腐皮咁易散，索湯汁一流，值得一試。

Book左9點半，9點25分去到同佢講左報左到然後再有另一個客人過黎又話book左9點半跟住係到搵搵搵，話佢地冇mark到我個booking落簿，所以比左張枱遲過我黎嘅客人，我問佢點解，佢一路答唔到，ee 哦哦係到，我話咁而家點處理，佢話真係比唔到枱你，仲話唔想再同我講落去不知所謂嘅餐廳，不知所謂嘅處理手法唔會再去

📍再來一煲😍忍唔住山長水遠二訪嘅雞煲👍～招牌魔鬼雞煲半隻😍同出面嘅雞煲唔同🤪餐廳選用走地麻雞👍肉質非常嫩滑😘仲要勁新鮮😎雞煲調味亦都做得非常之好👍不過BB辣我都覺得好辣😂～手切本地雪花肥牛☺️好耐冇食過咁正嘅手切肥牛😍肉質接近入口即溶😘仲要非常有牛味🥳難得可以兩者兼顧👍～椒鹽粟米🥳香港冇一間餐廳嘅椒鹽粟米整得好過佢😎完！～即炸響鈴😘真係新鮮即炸☺️出到嚟熱辣辣😛口感同出面既響鈴完全唔同👍正勁多倍😘～餐廳職員仲會主動幫你隔油😘服務勁好👍唯一缺點真係要排長龍🥲黃金時間根本冇可能直入😨📍再來一煲 (好發大廈) (屯門)屯門青棉徑6號好發大廈地下17-20號舖

依間成為我屯門最愛既雞煲！佢地雞煲係用左印度魔鬼椒走整招牌魔鬼雞煲，並唔係市面常見既花椒八角😍愈食愈好味😋今次叫左以下野食🐔招牌魔鬼雞煲(半隻) $198 上左枱職員都會講聲要等熱多下，之後佢地會再幫手炒多幾下，聞到勁香😳😳雞肉採用走地雞，食落去嫩滑，仲好鮮嫩多汁😙😙另外加左魚鰾 $88，啲魚鰾無腥味，仲索埋啲汁，好有口感之後就轉食火鍋🥬皇帝菜 $38好大份，仲好新鮮！紅薯粉 $18佢係寬粉咁大條，通常依啲先襯雞煲，分量都多架🐮新鮮滑牛 $88佢會配埋雞蛋，比你撈完再落去煮黎食，食落去有啲似沙嗲牛肉既口感🍡精選雜丸拼盤 $68入面有貢丸、蟹籽丸、墨汁墨魚丸，芝士丸同牛丸都係正常味道飲品都好大杯🍊珍寶多果茶 $58勁大杯！送雞煲一流，入面有好多水果，包括火龍果、菠蘿、橙等。唔會太甜🍓士多啤梨乳酸梳打 $38係用新鮮士多啤梨製成，酸酸甜甜🥰再來一煲 (好發大廈) (屯門)📍屯門青棉徑6號好發大廈地下17-20號舖

天氣開始轉涼，又係時候食啲熱野暖暖胃，雞煲就係一個非常好既選擇😌近近地係屯門搵到呢間未食過既雞煲，就決定試試! 估唔到又有意外收獲~🥰🥰店面好光猛，啲坐位都好闊落，而且都好企理。整體感覺都十分良好，落單係掃QR code都好方便。😝一坐底店員已經拎定豉油同配料比你加，仲拎埋熱水黎洗碗，服務好周到。係落單個陣都有溫馨提示我地如果叫雞煲揀辣度要比平時食開低一度，因為佢地嘅雞煲用印度辣椒係比較偏辣!同埋店員亦會介紹返有咩時令野，例如今日有蝦、豆苗同西洋菜~👍🏻👍🏻經店員提示後，我揀左個BB辣試一試，而佢雞煲仲可以加錢加唔同料落去一齊炒，建議可以加鵝腸，超級香同惹味。😚🤤叫左杯珍寶檸茶，真係大大杯飲足成晚，仲可以2個人share都夠皮~~🫣雞煲辣度叫BB辣吊一吊味都夠，汁底係有少少甜味，同埋有啲香茅嘅香料味咁，都幾特別，仲要大讚佢多茜，同埋有好索汁既豆卜!淨係食雞煲其實都飽左七成。🥴不過為食見到人地隔離個椒鹽粟米幾靚就忍唔住落左單，另外再叫多份酥炸蠔魔。椒鹽粟米香香辣辣好開胃，啲蒜頭炸得好香!😝炸蠔個炸粉唔太厚，外層好酥脆，但蠔肉又保留到肉汁仲好香蠔味!係面層有啲辣辣地嘅調味，食唔到辣嘅建議落