円相

營業中

休息中

心血來潮約了數好友來試試呢間餐廳，因為上幾星期參加了畫圓相班。學完諗住搵下有冇餐廳有類似嘅名啦，點知機緣巧合搵到，便一於試試，原來係有驚喜！仲叫咗其他小食同炒飯，每樣都唔錯，最緊要係同好朋友過咗一個開心又難忘噈happy fri ！！

一早知佐敦尖沙咀多cafe靚野食，朋友介紹近佐敦既一間居酒屋，最近做緊優惠野食又唔錯，當然要黎試下。 鐵板漢堡扒配忌廉蟹肉薯餅，依個一定要點。切開個時，肉汁係爆出黎，好誇張。仲有大量炒蛋，好正。 串燒做緊優惠38蚊一份，各款都試左啲。月見汁雞肉棒串，雞肉彈牙，仲有少軟骨，富有口感。月見汁豚腩波板串，好大一串，惹味。鹽燒雞翼燒到表皮香脆，入面仲有大量肉汁，有水準。 另外叫左佢個助酒小食套餐，200蚊包括有明太子沙律，枝豆，玉子燒 ，蒜香牛柳粒。特別中意佢個玉子燒，好滑，加埋明太子係上面食更加正。蒜香牛柳粒係鐵板上，一開蓋香到不得了，好味。整體黎講依度係好高質既居酒屋，價位合理。黎既時候仲有一班人慶祝既生日，好有氣氛，一定再黎。

喺香港如果要搵返日本嘅味道～小編就同朋友去咗依間日式居酒屋🏮一齊聚一聚(⁎⁍̴̛ᴗ⁍̴̛⁎)🍢 蔥花牛肋肉串、蒜味鹽燒日本豚腩串、日本雞腎、月見汁免治雞肉棒串、日本雞皮、蒜香厚切牛舌芯串嚟居酒屋絕對係食串燒❗️而燒依啲肉好驚燒到好啃好老同埋好多店都燒到好😿佢就燒得都好好👍🏿熟度岩岩好多肉汁同唔啃～全部串燒味道都好香就偏咸小小不過送酒一流(*ˉ︶ˉ*)覺得豚腩串真係好正(｡･ω･｡)用鹽燒再加上燒左出嚟嘅豬油好香～唔會好啃同埋保到肉汁！依間串燒係完全好食大家可以試吓～🐟 真花魚一夜干本身真花魚的油脂少啲啲雖然係咁但冇燒得好乾油脂含量岩岩好😆同埋都仲好有鮮味～🐥 柚子炸雞依個又係炸得好好！外面好脆咬落去好多雞肉汁保留係雞塊入面再加上柚子醬變到成件事都好fresh唔會好油膩依個大家記得叫！🍜 青檸素冷麵雖然佢睇落普通但小編會評佢為MVP選手佢嘅重點佢個湯係超好味青檸檬配冷麵汁係好fresh同埋一定要飲店員麵話好多客人都會飲埋個湯！🍝 明太子蟹籽蝦冷烏冬依個相比其他就普通咗啲～就係明太子烏冬～個汁我覺得有小小膩總結依間日式居酒屋都水準唔錯～同埋環境都好岩同一班朋友放工飲下酒食下串燒relax下(⁎⁍̴̛ᴗ⁍̴̛

性價比高居酒屋👍🏻👍🏻👍🏻食物質素高質 今次已經第二次過嚟食 餐廳好有氣氛🎉🎉超適合同朋友眾餐/慶生店員非常友善會主動講解酒類飲品、餐廳特價商品咁啱個日去係星期六，做緊3.8婦女節優惠，店員都好nice去講俾我聽有個咁抵優惠最好食係個炒飯、明太子沙律👍🏻👍🏻個炒飯超入味，啱晒我呢個重口味人士🤤至於明太子沙律就好爽口、有蟹籽但碟碟嘅份量真係好少🙂‍↕️食極都唔太飽

呢條巷仔平時小行 原來都有幾間餐廳係度服務人員態度非常有禮 介紹酒精飲品成個感覺都好親切小食方面有唔同種類和風紫菜魷魚鬚 魷魚鬚彈牙炸得香口每一條都好大大條 好快就食晒啦😂😂😂每次去居酒屋都一定會點炸雞炸雞入面仲係好Juicy嗰個他他醬係一個精華 好好食😋🤪蟹籽玉子卷蛋基本上每一台都有點呢一份卷蛋好滑 鋪滿晒蟹籽蟹柳口感層次好好蒜香牛柳粒黑醬油炒飯呢個飯我地好鍾意食好快清盤牛柳味滲晒落啲飯度🥰黑醬油食落去唔會好鹹味道恰到好處炒飯炒得粒粒分明 正😎😎😎

一入舖頭，見到調酒corner裝飾得咁leng，又有幾句文字就望下啦。原來連店名都好有意思，先知原來「圓相(Ensō)」係解和睦同埋循環不息，feel到係個有心嘅店主。啲座位幾好坐，唔會好迫，又可以坐耐啲傾計。🍀是日點餐🍀蒜味鹽燒日本豚腩串(💰48+10%)一上碟已經聞到濃濃嘅蒜味，加埋黑椒喺面，食落口有啲油脂味又唔漏口，超正🐷🤤啲肉煎得啱啱好仲係好嫩口～｜👅: 5/5🦀子🦀柳玉子燒(💰76+10%)呢個我會講係必點！因為真係滿滿嘅🦀🦀再配埋超多蛋汁嘅玉子燒，好夠蛋香，食落大滿足｜👅: 5/5火炙明太子山藥煎(💰98+10%)呢個菜式特別又好味😋明太子醬汁好濃厚，配上輕輕煎過嘅山藥，剛剛好又健康，幾欣賞諗到呢味菜式｜👅: 5/5蒜香牛柳粒黑醬油炒飯(💰128+10%)醬油炒飯好香又唔會太鹹，幾好，配埋紫菜絲同埋香蔥碎，好有口感！仲有隻溫泉蛋，令成個飯更易入口，好creamy！如果有更多牛柳粒就好啦｜👅: 4.8 /5🥂Hail Santa🎅🏻🎄 (💰54+10%)本身唔係飲開酒都覺得好飲，易入口又幾暖胃｜👅: 4.5/5

琴晚約左朋友食飯，嚟到呢間巷仔中嘅小店試一試佢～店內裝修都好有風格菜式都係居酒屋常見嘅類型蒜香牛柳粒黑醬油炒飯個炒飯份量都幾多！入口好香嘅醬油味，但唔會過鹹，配上濃厚嘅蛋液，包住啲飯粒明太子玉子燒呢個玉子燒有驚喜‼️好厚實，口感好鬆軟，配上鹹香嘅明太子，令人一啖接一啖咁食哂😋日式炸雞新鮮熱辣辣炸起，外肥內嫩，好多汁juicy👍🏻燒鳥串燒拼盤拼盤我就揀左雞肉、三角雞軟骨、免治雞肉棒免治雞肉棒好紮實！沾上醬油蛋汁，令味道層次更豐富👍🏻三角雞軟骨都有驚喜！好少食到連肉嘅雞軟骨🤣口感好特別，係雞肉中帶有啲爽脆嘅口感，唔錯唔錯-總結：每道菜味道同口感層次都好出色！唔好睇佢得4道菜，我地兩個人食都好飽🤣埋單大約$430左右，我覺得都唔錯，推薦俾大家

放假去咗尖沙咀漆咸圍的日式居酒屋「円相ENSO」食餐好~ 係好小店Style 溫暖居酒屋! 燈光柔和，好適合同朋友一齊chill下、食下嘢、飲下酒~店內都有好多款清酒! 職員都可以好專業咁介紹呢~先叫左份唐揚甜蝦，超惹味!甜蝦外面炸得好金黃，連殼都可以食~ 正裡面啲蝦肉保持到好好嘅texture, 好高質的送酒小食!跟住叫咗鐵板香草帆立貝鐵板上慢慢煎，外層金黃色，裡面依然嫩滑~牛油香氣入到帆立貝裡面，超香~仲有鐵板蒜片牛柳粒肉質肥瘦均勻，又充滿洋蔥同蒜香! 都係好出色!明太子蟹籽蝦冷烏冬真係超驚喜~烏冬煙韌彈牙，每條都包住濃郁鹹香嘅明太子醬，仲有好多蟹籽同三隻大蝦，蝦肉好爽口!円相的菜式無論味道定份量都令人超級滿意, 值得encore 嘅居酒屋!

今日晏晝同同事喺尖沙咀食咗個Late lunch燒油甘魚餃係首選，魚肉本身肉質比較腍，但亦都有油脂比比起一般白身魚豐富，加埋檸檬汁食係my favourite。同事就另外叫咗個漢堡扒配咖喱烏冬，烏冬都彈牙，配咖喱汁都幾正。但因為漢堡扒本身都有醬汁，或者配清淡啲嘅鰹魚湯烏冬底，或者蕃茄湯烏冬都仲夾。漢堡扒幾大份係值得欣賞。而且無論油甘魚鮫定係漢堡都好，都會有足夠嘅沙律菜。茶飲開心嘅係有我中意嘅 peppermint 🌿小食有留心芝士年糕，不過如果佢唔切開等我自己咬就仲好囉～Late-lunch 2:00 餐廳都幾靜，幾適合坐低慢慢傾偈。

蒜香牛柳粒黑醬油炒飯 $128第一睇見到依個飯已經覺得好吸引🤩個飯色澤均勻，加上牛肉粒、蔥花、蛋黃，令到口感更加豐富😋加埋蒜香同醬油令成個飯既味道更昇華，超級大推😛厚切牛舌芯串 $68本人同男友係牛舌愛好者，想講依間既牛舌做得非常Juice，口感好彈口😆而且牛味好出，超級推薦🤩和風天婦羅魷魚鬚 $88外層勁酥，加入紫菜調味，而入面既魷魚味道好鮮，口感爽口彈牙🦑配酒一流流心芝士年糕 $48炸到一啲都唔油，口感好煙韌，餐廳仲好好幫客人一開為二，容易入口🫶🏻味醂魚干 $76慢慢食會有陣陣魚味散開，每條都好有光澤，口感好有咬口，送酒一流，男朋友飽飽都仲不斷食😂依款係佢大推巨峰梳打+柚子梳打 $48/1由於本人同男友都唔選擇飲酒，就揀soda🍹 本人巨愛提子🍇必叫巨峰梳打，超級超級重巨峰香味，加埋梳打既衝擊，爽呀！而男友揀左柚子，十分重柚子味，偏酸酸甜甜，十分解膩😛另外特別要讚店鋪裝修好日系，仿如去咗一趟日本既居酒屋🏮食物質素高，本人同男朋友都覺得會返check😆大推大推！

今日去尖沙咀行街，想靜靜地同朋友傾吓偈，搵到一間日本小店，入去試一試，都有驚喜。我哋兩個人叫咗一個一人餐，再另外散叫。呢份係明太子沙律，另外叫的，我覺得成餐飯佢最好食，好爽脆，質感好特別，凍凍地少少酸，好開胃。牛舌都係另外叫的，都好腍，好Juicy，肉質鮮味。牛柳粒都淋，加埋蒜片一齊整，好香口。炸雞件都好食嘅，感覺正常發揮。仲有個烏冬，都係彈牙，食完好滿足。黃豆粉蕨餅好食，煙煙韌韌，又彈牙，加埋紅豆超正。我哋叫咗一杯白土梳打，一杯青檸梳打，正常發揮，比較多冰。仲有一個大酒櫃，雖然我唔識佢，不過見隔籬枱揀得好開心。望落去種類好多，有簡介，有價錢，清晰又吸引。總括，會再去食，不過要搵一個食飲酒嘅朋友。😋Yummy Yummy: 7/10😋

唐揚豆腐 $52今年年頭去沖繩嘅時候第一次食唐揚豆腐覺得超級好食，好驚豔，見到呢度都有就果斷嗌咗，果然都冇失望，豆腐好滑豆味濃郁，炸得外脆內軟，而且表面嘅炸衣好薄，唔會太多粉，口感豐富蒜香厚切牛舌芯串 $68呢個牛舌芯係全場最好食！係近期食過最好味、最高質嘅牛舌。牛舌本身就勁高質，大大塊又厚身，牛肉味超級香濃，一咬落去口感彈牙得嚟又唔會太靭。加上廚師燒得非常好，咬落去係會有肉汁😍😍自選燒鳥串（任選三款） $108-月見汁免治雞肉棒串免治雞肉棒唔單止將雞肉絞碎，中間仲夾雜住軟骨碎，令口感更加豐富，點日本蛋食一流-日本雞肉雞肉燒得好靚，火候拿捏得啱啱好，肉質嫩滑，唔會太乾-日本三角雞胸軟骨串軟骨串表面灑上七味粉，肉同軟骨交集住，口感幾豐富明太子蟹籽蝦冷烏冬 $118烏冬好彈牙又掛汁，醬汁好多，蝦大大隻😍😍明太子味道濃郁得來又唔會太鹹，加上烏冬嘅溫度夠凍，食落更加清爽，唔會咁易膩

happy hour 19:00前落單 $110以下啤酒買一送一/ sake買一送一附近食飽飯，同老公happy hour上網有人推介呢間居酒屋即管試下咁岩佢搞緊活動，唔知咩sake節，吸引，但老公唔好sake，所以陪佢飲啤酒估唔到酒類選擇幾多，有啤酒，有cocktail，有sake小食不錯點了唐陽甜蝦明太子沙律炸雞軟骨好啱送酒店員好nicefeel到勁friendly店入面坐位唔算逼，星期三黎所以唔多客人，坐得好舒服

今日嚟食呢個蛋包飯，我揀咗個魚柳咖喱飯，升級咗做蛋包飯，加咗個炸雞。同朋友人叫咗吉列豬扒咖喱飯，一樣升級咗做蛋包飯，仲要咗杯凍鮮奶咖啡。份量好多，咖喱唔辣，係日式甜咖喱，個蛋包飯份量好大，好多蛋，食極都仲有。 個蛋好有蛋味，同埋好滑，面頭仲有少少蛋汁，同埋香草，都幾香，唔係煮到好老好嚡嗰啲。 去到個炸魚柳，炸得好香脆，魚塊唔腥。 最鍾意啱啱炸到熱辣辣就可以食。 個炸雞都係，個炸醬好薄，裏面雞肉好有肉汁，平時喺出面食炸雞，好驚好油同埋好鹹，呢間嗰調味啱啱好。 個炸豬扒都係，好大塊同埋厚肉。呢度嘅食物質素都唔錯，至於杯凍咖啡就同平時飲開嘅差唔多正常發揮。

If you're on the lookout for a culinary adventure in Tsim Sha Tsui, look no further than Enso. This charming restaurant caught my eye with its cozy vibe and enticing menu. As I settled in, I couldn't help but feel excited about diving into a feast of Japanese flavors, each dish a potential new favorite waiting to be discovered.Fried Squid Tentacles with Seaweed: Crunchy and Umami-PackedWe began our meal with the fried squid tentacles, which were perfectly crispy and seasoned. The light batter of