八月花 (朗豪坊) (已結業)

咕嚕肉一上枱已經聞到陣陣香氣，肥瘦分明嘅肉炸得外脆內嫩，咬落去油香四溢，完全唔膩。醬汁酸酸甜甜，比例掌握得極好，唔會搶味，反而令肉味更突出。每一件都好似經過精心設計，唔係亂咁炒出嚟。食完真係會忍唔住講句：「呢個係我食過最好味嘅咕嚕肉！」脆皮鴨係另一個驚喜。個皮炸得香脆但唔油膩，咬落去有種「咔」一聲嘅滿足感。鴨肉保持嫩滑，冇半點乾柴，啖啖肉都好juicy。配埋店家自製嘅梅醬，酸甜中帶微微果香，令整體味道更有層次。龍蝦年糕好有創意。龍蝦肉鮮甜彈牙，年糕煙韌得嚟唔黏牙，兩者結合得出奇地夾。醬汁微辣，令龍蝦味更突出。係一道好有節日感覺嘅菜式，食落去有種「新年先食到」嘅儀式感，但而家可以隨時享受，真係幸福。清炒豆苗炒得好乾淨，冇多餘油份，保留咗菜本身嘅清香。入口爽脆，完全唔焗。係一碟好適合平衡味蕾嘅菜式，食完重口味嘅主菜之後，嚟返碟豆苗，整個人都清醒晒。牛腩陳村粉炆得夠腍，入口即化，湯底濃郁但唔死鹹，有種老火湯嘅深度。陳村粉吸晒湯汁，每啖都係精華。食落去有種好熟悉嘅感覺，好似返咗細個喺茶餐廳食晚餐，嗰種溫暖、嗰種人情味，喺呢碗粉入面完全呈現。我用左白金AE 平日75折即刻覺得勁抵食！！！…查看更多

58年來第一次寫食評，竟然是寫災難的經驗。出品質量是災難：食品質量偏低，舉個災難級例子-炸鲮魚球。12位點了2碟，上枱的時候基本上是涼的，咬下去中間是生的有特色服務是災難中的災難：冇人加水在香港酒樓實屬正常。叫侍應，5分鐘冇人應。有人答你，然後對方忙碌而忘記也可以理解。回頭看侍應忙於與客戶聊天，交談甚歡，你明白了，你的存在是打擾她們了。看看自己身處的地方，不是別的地方，是八月花！是美心的八月花！是香港美心的八月花！只能怪自己無知，今非昔比難怪香港餐飲業，如此如此。…查看更多

食物叫了大部份都要二十至二十五分鐘先上枱。當叫侍應跟進時，他出去看一看，跟住攞咗一籠沙嗲牛肚入嚟，但牛肚只得四五嚿，份量很少。所有食物都唔夠熱，擺到凍曬先攞出嚟俾人客，炸雲吞凍哂又唔脆，煎釀三寶啲汁king曬。剛巧父親節做雙皮奶特色食物，又話座熱佢俾人客，等人客叫起，但上台都係凍曬，真的十分令人失望。唯一可取是叉燒飯。…查看更多

朗豪坊八月花🤬香港餐廳推動大家北上消費，因為呢間餐廳簡直係難食嘅表表者曾幾何時，係一間高級酒樓，因為成為大集團旗下所以變差？？？ 已不用寫食過甚麼了，因為太太太難食，不想拍照不想記得來過😤鯪魚球係凍嘅，似足隔夜。鮑汁鳳爪，醬汁好深色，但完全冇味嘅。炸兩，同吸水海綿一樣。諗住蒸包都正正常常啦，黐牙㗎，啲料仲要好少。本身想叫個蒸飯，冇信心再加單了。另外，完全無服務，由開茶到加水，樓面圍埋傾計都乍看不見，都多次努力招手及重複開大聲要求才受理😡，而家大集團管理有那麼差嗎？絕對無下次🤬🤬🤬🤬:(…查看更多

約咗屋企人星期日飲早午茶 (11am)，一早已經打去訂位，我哋 7 個人，全部都係大人。我哋冇遲到，仲早少少去攞位，酒樓竟然安排我哋坐 6 人枱，我哋話點坐呀，佢哋竟然話其他枱有人訂咗，我話我哋都有訂㗎，最後先勉強換張 8 人枱 (酒樓話可以坐到 10 人 🤦🏼‍♀️🤦🏼‍♀️🤦🏼‍♀️)。 位置好迫，因為係角落位置，坐得較辛苦，都算啦！點嘢食，蒸點完全冇問題 👌🏻，但其他就。。。。。蘿蔔糕，唔熱，勉強叫做暖蛋撻，凍嘅，係凍，冇暖嘅感覺 🙈🙈🙈最後老公叫咗個咖喱薄餅，點之前都問過嗰侍應係咪熱食，仲要 11:30 後先可以叫嘅，一到 11:30 就即刻落 order，等咗 40 分鐘先有得食，心諗等咗 40 分鐘，碟嘢應該熱啩，點知老公攞上手都覺得奇怪，凍嘅，咖喱汁都係凍嘅，有冇搞錯，最後搵個侍應話取消，真係離晒大譜 😤😤😤P.S. 我想食呢間嘅原因，係因為佢有我想食嘅「糯米飽」，但今次經歷真係好差，冇下次 …查看更多

上兩個星期日，一家三口去咗八月花食晚餐。阿仔一早就欽點想食阿拉斯加長腳蟹，所以已經一早預訂咗，可以加多100蚊做套餐要多個蟹汁伊麵，然後再叫多個欖菜菇皇四季豆。呢餐嘅主角就係隻蟹，攞去整之前待應會攞畀你睇，都好大隻。前菜有木耳花生，小小微辣，非常醒胃。隻蟹蒸好擺上枱已經食指大動。剪開d蟹腳，真係啖啖肉，肉質鮮嫩，有天然海水味，蟹膏比起其他蟹類嚟講稀身，都好食，蒸煮嘅時間控制得好好，阿仔食到舐舐脷！未食完已經問下次幾時再食！！😂😂 而伊麵嘅味道就較為清淡，如果濃返少少就更加好。至於四季豆，軟硬度適中，加埋欖菜同菇，配伊麵一流。侍應服務態度好有禮貌，三樣食物連氣水，張單連埋加一，$1500左右！…查看更多

入去食飯之前未睇OpenRice食評， 可能餐廳當眼處又走腳就衝咗入去。 原來好多朋友都寫咗差評。首先員工態度好差，大部份都黑面人手又唔夠， 食飯張枱冇紙巾，連續問三個人，問左第三次先至有人拎過來。 食物淡而無味， 完全好似冇煮過咁， 然之後放咗喺個蠟燭盤上面用個蠟燭熱住上菜。豆腐煲又係排骨又係放咗半個鐘，終於有少少味入咗落個餸度， 點解個廚師唔煮耐啲先攞出嚟呢？全部餸都唔入味再評論佢個茶人蔘烏龍都係同出邊飲嘅唔同沖第二炮， 已經係淡晒冇晒味。 呢個情況都唔知叫佢換唔換茶好。 算啦，食咗一次唔會再嚟啦…查看更多

8:30入座，入到去見到入座率唔夠一半，已經心知不妙 。成間餐廳好暗，餐具好污糟，換左兩次都係污糟 。叫咗兩個一人餐，個餐包一口乳豬、龍蝦伊麵、湯羹、花菇鮑魚、炒雜菜、同埋杏仁茶 。上菜好似趕收工咁，甜品未叫起已經同主菜一齊上埋 。嘢食又唔熱，龍蝦伊麵好鹹，杏仁茶又勁甜，成個餐都冇咩特別好食 。埋單total $900，食物質素完全唔值呢個價錢 。之前食過屯門V city分店，對比起其他分店，呢間野真係好差，好難食以後唔會再嚟！…查看更多

很久沒去八月花，怎料食物質素差左好多，咖喱蘿蔔魷魚咖喱無味，蘿蔔有渣，魷魚係硬的，煎釀三寳凍嘅，魚膠加入有軟骨嘅豬肉，春蛋燒賣啲豬肉有少少怪味，山竹牛肉好深色，睇落唔多新鮮，蘿蔔糕好咸，食落滿口粉，服務人手不足，食物質素差劣，應該暫時唔會再來😣…查看更多

都黎過八月花幾次了，以前有welcome drink，但宜家唔知點解無左💔 同埋佢D特飲都幾好飲的，好飲過出面D茶飲店，又大杯都可以兩個人飲～野食雖然有本大菜牌，但感覺好似選擇不多～！講返野食：🌟燒鵝半隻肉唔太多，有D韌，食個時骨肉難分開，碎骨比較多！要小心食🌟椒鹽鮑魚蘿蔔糕個樣好靚，蘿蔔糕外脆內軟好好食，鮑魚夠淋但無味～🌟芝士焗大蝦伴魚麵蝦肉好結實食得出好新鮮，魚麵好鮮美，不過蝦頭好鋒利，界到個咀🌟 生麵估佢唔到又幾爽口，最好係因為無乜梘水味第一次黎食個時覺得都幾驚艷，今次整體不太差，但感覺都比以前差左，希望下次有改善啦～🏠店名：八月花 JASMINE (朗豪坊) 🚘地址：旺角亞皆老街8號朗豪坊3樓35號舖…查看更多

八月花，位於旺角亞皆老街8號朗豪坊3樓35號舖。 其實已經對這間中菜館的菜式好熟悉， 因為已經食過好多次。 店內環境唔算寬敞， 我們今次叫了節日套餐，另外再散叫菜式，晚餐 ～ 前菜$17、節日餐$388位(8折)、炙燒松露黑豚肉$198、芥末脆香蝦球$168、 黑松露醬羊肚菌腐卷$138。 🔸節日餐 ～ 套餐包括菠蘿海蜇球冷鮑魚、 上湯開邊龍蝦伊麵、 蟹肉燴燕窩、 鮑汁白花釀海參、 蘆筍山藥炒藕片、 蛋白杏仁茶。 每款菜式表現普通，只有龍蝦伊麵稍為做得好些。套餐份量太少😅， 所以最後我們要加多三個菜式。 🔸炙燒松露黑豚肉 ～ 感覺以前比較好味， 現在口感偏硬， 肉質沒有嫩感。 🔸芥末脆香蝦球 ～ 蝦球炸得過火了， 沒有酥香感。 🔸黑松露醬羊肚菌腐卷 ～ 味道普通， 羊肚菌只有四粒。 四人用餐，埋單大約二千， 感覺水準退步了😅。 🏷️溫馨提示～ 整個用餐體驗均屬個人分享意見， 只作參考😊。 …查看更多

新年同老婆出咗去食飯，周圍都冇乜鋪開，就揀咗間集團式中菜，由於新年嘅關係，所有set都係新年套餐，所以決定單碟，兩餸一湯加一飯燒味雙拼-叉燒拼油雞： 叉燒估佢唔到係半肥瘦，唔係瘦到柴嗰種，酒樓嚟講算係好好食！但酒雞就俾咗個雞翼位我，全部都係碎骨，味道就得個鹹字醬油炒飯： 啱啱炒起，所以送到上嚟嘅時候仲係熱辣辣！抵讚！味道係唔錯，但炒飯就唔係粒粒分明嗰種，集團嘢唔要求得咁多豉汁帶子蒸豆腐： 整體嚟講好鹹，賣相同擺盤都係求求其其個種瑤柱燉冬菇盅： 成個湯都係冇乜味，似係拎啲高湯，再放粒瑤柱同埋冬菇個一種成餐飯整體一般，最唔滿意嘅就係，明明仲有好多細枱，都要安排我哋去廁所門口，要同佢哋講，佢先肯傳俾我哋，呢一樣就差咗啲…查看更多

各位飲食界嘅朋友大家好，今次我去左一間令人驚喜嘅餐廳試餸啦！起頭我哋點咗個大閘蟹套餐，啲花雕醉雞細細塊但酒香飄逸，個蟹又肥嘟嘟新鮮到爆炸。翅湯和海參炆雞都溫潤滿分，講真個鍋煲得嘅海參入味得嚟口感又滑，簡直係靚到冇朋友🤩！繼續有咕嚕蝦球同臘肉芥蘭，都鮮香得滯，蝦球彈牙又唔黏牙，臘肉煙韌帶勁，油光閃閃。再配上瑤柱炒飯，米粒飄香，一啖一啖嘅幸福感覺🥢。完場個薑茶湯圓啖啖薑汁暖笠笠，好滋味！總括來講，份量大細適中，價錢ok，仲要係咁高質素，呢間實在係筍盤之選，真心值得推介！👏🔥🎉…查看更多

今日同屋企人嚟食 真係估唔到未開始食就一肚火落單個陣 有位著西裝嘅男同事(有帶眼鏡) 貌似係全場最大 落單好似好趕時間咁 我地10個人 未落完第六樣就叫我地再諗下先 其實我地已經可以落得單 如果趕時間可以叫其他人同事過嚟落 本身都覺得可能好忙所以佢先咁趕 但落完單拎張單返嚟叫我地check下 發現有幾樣落錯咗 我地諗返個位男同事去處理 過咗陣 有出餐同事就隊咗啲出錯咗嘅野食出嚟 我地話我地冇叫呢幾樣野食 個出餐同事就話 你地咁多人食埋佢啦 即係咁 食唔食得晒係一件事 啱唔啱食又係一件事 如果客氣啲 禮貌啲嘅 我哋食埋冇咩所謂 但出餐同事嘅態度真係令我哋連1星都唔想比希望餐廳方面可以跟進跟進(雖然評論區有好多都係服務質素嘅問題，但都希望會有改善)…查看更多

咁耐以嚟，第一次食飯食得咁唔開心，親友問我邊間好，我就在這個openrice網度揾，我比較喜歡食廣東菜，這間菜單上的圖片覺得幾好，價錢可以接受，就放棄了其他食店，點知座下來想點菜，職員話圖片的菜式是很舊的，拿了份新menu給我們看，menu的菜式很少，那我就點套餐，一碟炒菜，半隻鴨，幾支啤酒，菜式的份量得很少，根本食唔飽，基本上你一定要另外多叫幾個菜，到比錢先發覺價錢貴得很，大家想去之前，真係要諗清楚………查看更多