八時神仙草 (歌賦街)

營業中

休息中

之前已經想試仙草雪花冰，但因為太多人等億，淨係外帶過嘢飲，今次襯住落雨比較少人，可以堂食試吓雪花冰啦～▪️芋泥焙茶奶蓋雪花盛盤🍧面頭有一球芋泥，好綿密，而且味道好天然。然後係一層焙茶奶蓋，茶味好香濃，仲加咗啲玄米脆粒，增加口感。再下面就係仙草雪花冰，雪花冰夾雜住一絲絲嘅仙草，有牽絲感，好特別。最底仲有一層仙草，好滑溜。另外盛盤包括芋圓、薯圓、珍珠、紅豆、紫米，好豐富。仲提供咗花奶，唔夠味可以落，不過其實整體都好夠味，但又唔會好甜▪️燒仙草盛盤🥣除咗冰，仲叫咗款熱嘅。上枱時，出晒煙，熱辣辣，可以解凍😂 仙草喺熱嘅時候係液體狀，但稍微放涼後，就會慢慢凝固成凍。熱食口感就更加嫩滑，而且仙草嘅甘甜味更突出▪️仙草芋泥牛奶沙冰🥛🧊芋泥牛奶沙冰打得幼細，另外入面有三分一係仙草，仲可以免費加白珍珠，增添咬口▪️圓仔紅豆紫米牛奶🫘🥛糯米圓仔Q彈有咬口，配埋仙草、紅豆、紫米，好足料，好似飲咗碗糖水咁八時神仙草📍中環歌賦街19號地舖📍尖沙咀厚福街5-6號多富閣地下2號舖

再一次甜品當飯食，趁飯市少人d，如果唔係平時都好似幾長龍咁~ 一路食野背景一路播住好多經典台灣歌，感覺好有氣氛！✨芋泥焙茶奶蓋雪花盛盤 - 賣相很討好，芋泥質感好細滑入味，焙茶奶蓋亦夠香濃，最特別嘅係佢嘅雪花冰有一絲絲仙草絲，底層就係仙草凍，口感軟糯而且超滑嘟嘟，味道幾清香，唔會太甜🧡而盛盤包左芋圓、薯圓、珍珠、紅豆同紫米，煙煙韌韌，好鍾意有咬口嘅感覺😻✨燒仙草盛盤 - 食完個凍要食返個熱嘅暖下胃，上枱時熱辣辣，慢慢變涼嘅時候就會開始凝結成啫哩狀，好滑嫩好過癮🤩✨圓仔紅豆紫米牛奶 - 全部都係有咬口嘅野，雖然幾飽肚，但咬下咬下就飲晒😚✨仙草芋泥牛奶沙冰 - 牛奶味幾出，芋泥好足料，夏天飲真係幾清爽😝

【⭐️ 台灣過江龍·滿滿的台灣味 ⭐️】店舖位於📍上環地鐵站A2出口附近，平日晚上8點幾已經排晒隊🧐🧐🧐如果堂食可以試下雪花冰，個樣好吸引🤤不過今次買外賣返去食就算喇～.圓仔芒果嫩仙草盛盤 💰58.芒果甘露盛盤 💰58兩款料係差唔多，只係芒果甘露無仙草同少料～相反嫩仙草盛盤勁足料🙈 一碗全部都係料，食完會好飽😂 芋圓大大粒，好煙韌～食到芋頭味🤭🤭 仙草好彈超滑！唔會太甜！.⭐️ 整體黎講，唔洗排隊既話值得去食🤭 欣賞佢唔會好甜，味道幾好😋 有機會會再食。

外賣久違了嘅九記，等候期間見隔離有間食仙草，坊間店鋪大多用芋乜命名，而呢度就叫《八時神仙草》，仙草同芋泥都係我至愛，唔駛諗一定要外賣一碗試下。🥢芋泥嫩仙草盛盤 $56⭐️⭐️⭐️⭐️盛盤真係好多料，有仙草、芋泥、薯圓、芋圓、紅豆、紫米、白珍珠，頭四款材料係完勝咗我食開嘅《仙芋x》，仙草夠香又煙韌，芋泥綿密又有芋頭粒粒口感，薯圓同芋圓好有本身蕃薯同芋頭味道，而其他材料就有正常水準，整體嚟講係very good，下次要堂食試個雪花盛盤先得。一人共消費：$57

台灣過江龍仙草雪花冰🇹🇼每日熬制8小時🔻芋泥嫩仙草雪花盛盤 💰88呢度嘅燒仙草製左8個鐘，十分用心。第一次食切成一條條嘅仙草，雪花冰個口感都幾特別😗睇落去有小小拉絲嘅感覺，入左口都幾綿密，入口即溶，啖有陣陣仙草味😋🔻燒仙草盛盤 💰45冬季限定嘅熱燒仙草♨️，啱啱上果時有d暖，質感比較淋，有小小似液體。等一陣攤涼之後就凝結左。同雪花冰配料差唔多，都有芋圓，蕃薯圓，珍珠，紅豆🫘同紫米不過餐廳排隊時間比較長，夜晚9點半去都排左20分鐘，大家去食記得早d去啦～👅味道：8/10💡抵食：8/10📌環境：7/10

焙茶奶蓋雪花盛盤焙茶奶蓋唔會淨係死甜，有芝士個種鹹香味又唔會蓋過焙茶味。仙草雪花冰，係用嫩仙草冰磚黎刨，刨冰刨得幼細之餘，仲有一絲絲仙草。又唔會好似市面上其他甜品店咁，食到最後1/3就無曬味，讚！芋泥綿密重芋頭味！正！食到最底仲有滑嘟嘟仙草。芋頭芋圓&番薯芋圓， 咬落唔會死實，煙煙韌韌，仲食到有芋頭粒，番薯粒。配上紅豆紫米珍珠糖水底，多D咬口，想滑D，可以加埋煉奶。---## 評分標準食物:4/5環境:3.5/5服務:4.5/5性比價: 👍🏽pp$50-100回購率:👍🏽地址：中環歌賦街19號地舖

好食指數:🌕🌕🌕🌗🌑Cp值:🌕🌕🌕🌗🌑•圓仔芒果嫩仙草盛盤• $58呢個真係必點嘅估唔到佢啲仙草咁Q彈出面仙草 會比較實小小佢呢間仙草真係好彈 好滑 要食起嚟 真係滑lulu加埋芒果汁 夏天食真係幾啱 清爽feel 另外 佢仲有芋圓 有幾有咬口 唔會食到粒粒 麵粉！算係真係好足料2個人食啱啱好！1個人食實夠！重點係涼浸浸 夏天食 真係好讚！P.s 真係行到攰 入去食啲冰涼野 都幾爽嘅 啱曬夏天消暑啦😆遲下可以試埋其他🤭

⌂ 上環八時神仙草 Pa Shih@pashih.hk 中環歌賦街19號地舖星期一至四 12:30 - 22:30 星期五至六 12:30 - 23:00 星期日 12:30 - 22:30· 抹茶焙茶奶蓋雪花盛盤 | $98· 芋薯圓嫩仙草 | $45𖧷 無加一︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸#ewm上環#ewm︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸*･゜ 被台式刨冰耽誤的燒仙草店 ゜･*原本係想食 Sharishari ‪𐤔‪𐤔‪𐤔但見到條人龍真是等候不能 ( °‪ᗝ° ).ᐟ‪‪‪.ᐟ‪‪‪但又好想食冰，即刻 search 附近嘅甜品鋪呢間真係驚喜之外！！已經列入咗我嘅中上環必食 bucket list 超級滿足 ‪- ̗̀ ꪔ̤̥ꪔ̤̮ꪔ̤̫ ̖́-‬𖧷 堂食每人最低消費$45︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸๑ 抹茶焙茶奶蓋雪花盛盤 | $98用仙草冰磚刨成嘅拉絲刨冰 肉眼可見得到仙草嘅牽絲，入口即化有齊我鍾意嘅配料 （紅豆除外）綠茶.ᐟ‪‪ 焙茶 .ᐟ‪‪ 仙草 .ᐟ‪‪隔離仲有兩色芋圓添呢個真係選擇困難症必點刨冰 ٩(ˊᗜˋ*)و台灣甜品最

夏日熱辣辣☀️，最啱就係食刨冰嘅季節!今日同朋友喺中環行街，行到又熱又攰，就搵咗附近一間食冰嘅餐廳。聽聞呢間八時神仙草系台灣過江龍人氣甜品店，今日就試試佢先！我同朋友叫左芒果嫩仙草雪花盛盤 ［$92］，兩個人食啱啱好！個刨冰有令我驚訝🤩刨冰刨得好幼細，而且帶有一絲絲嘅仙草，口感非常特別，好爽滑！最頂放有粒粒酸甜芒果加奶蓋，加埋配料芋圓、地瓜圓，非常豐富。最好食係底下嘅燒仙草，嫩滑得黎又唔會有苦澀味😋

甜品腦袋芋泥腦袋必衝的甜品店！！-♡ 芋泥焙茶奶蓋雪花盛盤用仙草刨拉絲的雪花冰 看上去就很出片雖然吃起來會有拉絲感 但它真的入口即化焙茶味也很香濃 再配上芋泥 奶蓋和芋圓 口感層次豐富一份就足以跟朋友一起share啦

八時神仙草地址: 中環歌賦街19號地舖#yauyau_中環今次係朋友推薦之下去咗上環一間甜品舖，舖頭座位都係港式甜品店嗰種小小迫嘅枱枱凳凳咁，店員服務都OK。係食物嘅係呢個價錢之下份量比較少。🍧🍡嫩仙草盛盤 $48佢有啲紅豆同埋小丸子喺仙草同芋圓上面，仙草味都唔會好甜，有一浸好淡嘅仙草香味，咬落去口感好清新，係個碗嘅設計搞到我好難食到啲仙草，啲仙草太滑係咁跌返落隻碗度。另外啲芋圓都幾好咬，唔會話剩係得浸魚膠片，都會有啲番薯同埋芋頭味嘅。🍨🍡芋薯圓嫩仙草 $45同上面嗰個冇咩分別，係少咗啲紅豆。題外話，原來朋友係推薦我地食仙草冰，唔係啲仙草，佢個仙草平平無奇。兩樣嘢真係差好遠，大家嚟到唔好叫錯。味道: 3.5/5服務: 3.5/5環境: 3.5/5番兜: 3.5/5#中環美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #中環台灣菜 #台式飲品 #中環甜品 #甜品 #八時神仙草

女生們就愛逛逛愛嘮嗑，這店就在香港中環，方便逛街逛到累的姊姊妹妹光顧。 😝$92 芒果嫩仙草雪花盛盤芒果簡直是甜品大佬中的第一名，無論什麼甜品都能配上芒果。但對我來說，今天的主角是這個仙草雪花挫冰 😚他的口感很特別，是能拉出絲的那種刨冰，是我第一次在香港吃到這種挫冰！ 😝$58 芒果甘露盛盤對於芒果嫩仙草雪花盛盤而言，這一個芒果甘露盛盤就相對普通了，但是芒果不論配上什麼甜品都會很好吃，所以我和朋友都光盤了 。☺️

食完油腻腻烧烤决定吃点甜品去腻，刚好收藏了这家台湾过江龙仙草专门店，遂携两好友前往。工作日晚上直接入座即可，毋须排队。二维码点单，菜单上图片诱人令人食指大动。点了一份烧仙草盛盘、鲜奶紫米盛盘和抹茶焙茶雪花冰仙草盛盘。烧仙草上桌时热气腾腾还是液态，渐渐凝固。将芋圆丸子红豆全数倒进去搅拌，入口唇齿留甜和仙草特有的香气，小圆子尤为糯叽叽。将鲜奶倒进紫米粥中搅拌粘稠，雪白的鲜奶甜香四溢，温暖软糯。最重磅是抹茶焙茶雪花冰，抹茶微苦味甘，表面一层奶酱脆脆甜入心。雪花冰中密密麻麻的仙草拉丝最为特别，口感绵密冰爽，停不下来。融化的雪花冰混进底部的仙草盛盘，甜丝丝。美中不足是相谈甚欢中堂食45分钟过去了，店主前来赶客，但明明无人排队且有空座。其实可以灵活点经营。

小時候最愛在夏天吃涼粉，喜歡涼絲絲的甘甜的涼粉草味道。至於燒仙草就是「台味涼粉」，若愛吃涼粉的該不會抗拒燒仙草吧！對涼粉燒仙草是否同源產生迷思，兩者味道如此相似，就是口感有著些微的差別。原來他們都是涼粉草的製品，就只差在命名不同而已。但若以口感而言，涼粉用沾米粉為主料，故口感較為爽口實在，而燒仙草就用上台灣流行的木薯粉，口感較為水潤煙韌。本地以燒仙草為主打的不多，說到台味甜品主角大都是三色芋圓，燒仙草只是配角而已，只是在台灣處處都有燒仙草的蹤影，每次遇上燒仙草甜品，不其然就會想起台灣的味道。夜晚偶遇來自台中的燒仙草刨冰，名字也改得很妙一八時神仙草，多文青的命名。這家由台中逢甲夜市過江龍的人氣甜品店，而事實上總店屬非主流，店主經過多方研究，還原了傳統古方，又融和了咖啡店的概念，是故走進店內，沒有傳統台式冰點店的感覺，反而更像文青咖啡店。即使是只有刨冰、仙草兩個選項，依舊令人選擇困難，其實三心兩意的，就選刨冰好了，因為這家的刨冰，搭配雪糕、燕麥奶蓋、紅豆、燒仙草汁，底層是燒仙草，另付配料成盤，地瓜圓、芋圓、透明珍珠、紫米，幾乎就試勻店方的特色，選這款煩惱盡消。抹茶嫩仙草雪花盛盤($85)其

係上環食完晚飯, 見時間尚早, 就打算同朋友搵間甜品店坐底慢慢再傾下計. 開openrice search到呢間係中環既八時,評價相當高喎 , 而且係台中品牌,專門食芋圓同仙草,所以我地就決定去試一試啦.店鋪簡潔以灰白色作主色調, 空間感十足, 見到有樓梯上二樓既, 不過我地今次就無上二樓,坐一樓.小店哥哥會比一份menu 參考或者掃QR Code都得, 佢地分左多個唔同既系列有香港限定,萃茶系列,焙茶系列,冰沙系列,萃嫩系列,萃雪系列同暖心系列選擇眾多,實有一款岩你心水.而我就揀左經典萃嫩系列既芋薯圓嫩仙草(HKD45),甜品係以一個木盤作或盤,仙草同芋薯圓用另外兩隻碗送上,好有儀式感同高尚.第一啖係試仙草先,佢比我晚既感覺係比以往食到既軟身,仙草味係比較清同微淡,感覺你小清新既,而芋薯圓方面,分別有芋圓同蕃薯買各三粒,中間重有紅豆蓉作點綴,顏色鮮艷芋薯圓大小適中,配合埋仙草一次入口係絕配,口感方面,我好欣賞佢地做到煙靭度恰當好處，重有淡淡既芋頭香味滲出黎，令人忍唔住食完一啖又一啖，最後我重買多碗外賣分享比芋圓控既老公一試，連佢都讚不絕口，話要搵日堂食咁話添