影片
營業時間
今日營業
10:30 - 21:30
星期一至日
10:30 - 21:30
公眾假期
10:30 - 21:30
公眾假期前夕
10:30 - 21:30
以上資料只供參考, 請與餐廳確認詳情
今日去咗屯門錦薈坊鎖鏈八方雲集試吓佢哋嘅招牌水餃，果然冇令我失望！一入到餐廳，環境乾淨整潔，坐低冇耐就上菜，效率幾高。水餃款式多樣，我揀咗招牌鍋貼同韭菜水餃。鍋貼煎得金黃脆口，咬落去外皮香脆，內裡肉汁豐富，肉餡鮮味十足，完全唔會油膩。韭菜水餃皮薄餡多，韭菜同豬肉嘅比例啱啱好，食落好清新，蘸少少醋同辣油，味道更加突出。除咗水餃，佢哋嘅酸辣湯都值得一讚，湯底濃郁，酸辣度適中，配埋水餃食真係一流。整體嚟講，八方雲集嘅水餃質素高，價錢合理，服務亦唔錯，如果你鍾意食水餃，呢度絕對值得一試！
繼續閱讀
間唔中唔想食飯/麵就會想食八方雲集😋屯門呢間晏就都多人，經常性接近滿座。佢呢到啲鍋貼/水餃味道都算多，有成6種(招牌、韭菜、粟米、韓式辣味、黃金咖喱同田園蔬菜)我就每次都係叫韓式辣味🤣辣辣地開胃D~同埋入面啲餡都好多，咬一啖都有好多汁😋最緊要係個皮好，唔會太厚唔會粉，外皮又唔會燶晒，食落勁香脆🤩之前去過台灣食八方雲集，佢地個到係可以逐隻逐隻叫，即係可以1隻招牌、3隻韭菜、4隻粟米咁樣叫，我就覺得咁樣靈活好多，唔怕固定只係食其中一兩款🤣不過逐隻逐隻叫就可能會麻煩到啲職員，睇黎都係唔可行~
繼續閱讀
突登走去屯門嗰度行吓街，點知停車場要等位，見到停車場隔離有間八方雲集，就落車買兩個外賣上車食，一邊食一邊排隊等停車場車位，都幾爽。入到去店員喺收銀枱前邊好有禮貌咁問我哋食乜。我哋揀咗兩個鍋貼午餐： 一個招牌鍋貼加豆漿，一個韭菜餃鍋貼加豆漿。返上車繼續排隊等車位，一邊飲味道啱啱好嘅豆漿一邊打開兩盒鍋貼，見到簿簿嘅鍋貼皮，造成長方形嘅鍋貼，感覺好特別。睇到以為餃子皮會脆，但係食落係淋淋地嘅，不過味道都幾好。
繼續閱讀
我最喜歡食台灣的大腸麵線， 偶爾都會去八方雲集食吓。 當然八方雲集大腸麵線的味道遠遠不及台北西門町有名的大腸麵線店。我們點了兩份12號勁量麵線套餐$47, 再加一杯紅豆豆漿$10我們一份要了大腸麵線， 一份要了肉羹麵線， 五隻招牌鍋貼＋五隻招牌水餃 ,五隻韭菜鍋貼＋ 五隻韭菜水餃。先講大腸麵線， 有四五舊豬大腸， 鹵得不太入味 ，麵線份量好少 ， 較稀。有一些似花枝丸的丸子在麵線內。 花枝丸帶微甜。 肉羹麵線也是麵線份量較小，較稀。 肉羹味道不錯。招牌鍋貼有好多一点点的鑊燶， 明顯沒有清理爐頭先煎，失敗！ 韭菜鍋貼煎得都燶， 但起碼冇獲撈。 招牌水餃和韭菜水餃也是正常味道， 保持到水準。 紅豆豆漿沒有豆味， 飲到底下有甜甜的紅豆 ，拆開一看，紅豆都較為大粒 ，煲得粉軟粉軟的， 不錯。總結： 麵線落番多一些麵條會更好， 同埋好似台北咁樣畀一啲芫茜，蔥，蒜和黑醋，麻油 ，等客人自己調味會更好！ 還有鍋貼煎到咁多鑊撈出嚟，簡直失敗。
繼續閱讀
食左個抄手套餐，食習慣辣味鍋貼，同平時食開其他分店一樣，都幾香唔會太辣，但紅油抄手就唔夠多汁，入面好多肉但似雲吞多啲。竟然冇曬粟米湯就試下紫菜花枝丸湯，但啲花枝丸唔係平時食嗰啲有啲怪嘅口感。不過啲姐姐都幾有禮貌～
繼續閱讀