八方雲集鍋貼水餃專門店

營業中

休息中

員工態度非常差，十分惡劣，對著客人講粗口，從來未遇到咁差的餐廳，其他八方雲集員工態度好好多，依間唔知發生咩事，用餐子體驗極差。員工態度差到一個極點，絕對唔會在幫襯咁差的餐廳。

買外賣 給八達通不收只收現金 於是作罷講咗句「咁算了」估唔到個長發女店員居然用粗口回應！又冇落單又冇嘥嘢 至多係嘥佢幾秒鐘 落後就算了仲咁惡！咁已經唔係服務態度差嘅問題 簡直係香港之恥！

叫咗八方雲集的外賣，本嚟好擔心會變得好霖，幸好外皮還是脆的。跟餐有湯還有面。價錢合理抵食。不過食鍋貼都係要喺現場食會好食啲。不過等待時間比較耐，如果可以快點就會更加好了。

元朗西菁街八方雲集爛透，不但鍋貼來得遲又燶，我要求更換被惡言拒絕，店員說鍋貼當然燶，說間間都是這樣的，所有都是這質素，那中年男店員及中年女店員，還粗言穢語，企圖動手。不但如此，在這疫情環境下，那中年女店員更把該碟問題鍋貼巡遊各枱食客 及問他們是否燶 ，態度惡劣之極，令人髮指，聞所未聞，我覺得好像進入了某黑社會堂口。我話報警報食環，佢話隨便，等你，態度極為囂張，但兩者電話不通，最後報了總公司，不知是否有用。相片中其實我已拔走了部分燶的。

已經打電話叫外賣，話10分鐘有，點知去到等左成30分鐘，睇到堂食遲過我落單都有！全部俾晒堂食先，真衰格（只係呢間分店咁差）堂食都個個係到等食，出野食又出得慢，真係唔會有一次

餐八方雲集的加盟店 本身是八方雲集的fans 經常幫襯 但發現這間店 衛生很惡劣 員工不戴口罩 去完廁所直接包餃子 沒有洗手 一塊布抹完客人去後的枱及枱面上的殘渣後， 沒有過水 ，直接再抹下一張， 眼看他已抹了多張客人離去後的枱及殘渣， 仍不清洗繼續用， 這塊布亦同時用作沒去外賣盒上的湯汁， 令人嘔心！ 不能理解為何 規管嚴厲的集團會容許其下店舖如止不衛生， 後來才知道原來是加盟店， 他們沒有跟集團定下的守則運作， 其他八方雲集旗下的店舖都很好 ，衛生很講究 ，廚房員工都會帶手套煮食

足料 ！ 價錢公道， 平時唔知食咩好， 嚟到呢度 ，感覺好warm， 食物新鮮 ，水準保持到， 點完餐， 開放式廚房喺你面前即刻煮， 好乾淨， 出餐好快 ，熱辣辣 好有傳統餃子風味， 比起出面啲餃子 餡料比較多， 大大隻夠飽肚， 味道香口！ 牛肉麵亦非常好， 麵質彈牙， 內裏有牛展，牛腩，牛筋， 非常足料， 湯底香濃，濃郁， 絕對值得一試， 服務員亦很nice ，處處照顧周到 ，不會機械式，很有人情味， 所以每隔一段時間冇食，就會好懷念掛住， 一定要再嚟幫襯食返

今日有啲唔舒服╭(╯^╰)╮，唔想食咁多嘢，又唔想食粥或者通粉，結果就走咗去食久違了的水餃 |(￣3￣)|每個套餐都有十只，再配一個湯或豆漿平民價 (￣▽￣)店內裝潢簡陋，完全冇興趣入去食。結果我叫咗兩個餐，同家姐分。韓式辣味鍋貼 配貢丸湯 ($39)韭菜水餃 配雲呑湯 ($37)貢丸湯 有三粒雲呑湯 有五粒湯底係一樣，好明顯係味精湯，但好彩唔太咸。韓式辣味鍋貼，水準一貫，平實。韭菜水餃，好足料，啖啖韭菜。抵讚( ´▽` )ﾉ總括而言，平民價，抵食。如果高要求，就唔使特別考慮了 ( ´▽` )ﾉ

每日午飯為咗爭取食飯時間多d都會盡量揀啲快、正嘅小店。八方雲集可以選擇堂食或外賣，來自台灣嘅連鎖店、主力買鍋貼、水餃及麵線。雖然提供多種款式，但試著試著又是點回招牌鍋貼餐，今天遲了食午餐可以用下午茶優惠價$30👍🏻套餐有八隻鍋貼加一杯豆漿冷熱皆可。同事點了麵線套餐 $391碗麵線+5隻芹菜鍋貼及1杯豆漿店員現埸包鍋貼，真材實料又新鮮👍🏻

其實每日中午都有些煩惱，不知食什麼好，希望每日都有一些新意，今日下午就去了台灣風嘅八方雲集 食了兩個簡單嘅套餐，感覺良好， 店內播著悠揚的國語歌曲，店員的招呼就是地道街坊哪種，輕輕鬆鬆，還主動介紹餐牌，哪一款比較實惠人情味濃厚 ，一人兼多職，包餃子落單，備餐送餐 ，全店兩人搞掂，確有些去了台灣士林夜市的氣氛，台灣麵線雖然熱度欠一些但材料及味道都跟台灣士林夜市的地道風味很接近，但當然不能跟台灣的阿宗麵線比食的時候加少少黑醋滋味提升，稠度剛好，麵線幼細軟滑材料也很豐富有大腸，貢丸，香菜等，大腸也很清潔沒有異味。芹菜煎餃子即包即煎，食落餡料一般一般，兩個餐69蚊，包兩杯豆漿有冷有熱，任君選擇，食飽飽，滿足原來是很簡單的

我一向都唔鐘意食鍋貼，但琴日喺朋友慫恿下就入左八方雲集啦😟😟。之前喺台灣食過麵線，覺得幾好食，我覺得八方雲集個麵線同台灣嘅麵線都係差啲，但都算係咁🙂🙂。我食左韮菜鍋貼同原味鍋貼，我覺得韮菜鍋貼好食好多喎，又覺得原來鍋貼都幾好食呀😂😂😂

忽然想食台灣既大腸麵線，台灣大腸麵線係用豬骨熬製濃湯，台灣秘汁滷汁滷製既大腸，再加入手工麵線～好在香港有呢間連鎖店，每區總有一間係附近～有幾個套餐組合優惠，通常我都係揀10號既麵線套餐，套餐包左一碗台灣麵線、5隻水餃或鍋貼，口味方面有7款供選擇，招牌水餃、韭菜水餃、韓式辣味水餃、黃金咖哩水餃、田園蔬菜水餃、粟米水餃和翡翠芹菜水餃。仲包杯豆漿或酸梅湯。個人超鐘意呢間黃金咖哩鍋貼，香口又濃味，配大腸麵線既重口味，唔會有一方被搶味。豆漿大大一杯，豆味濃兼滑，飲完真係飽到上心口～

又喺元朗放完工之後，星期四夜晚要出去上堂，咁就一定要喺附近搵嘢食啦。嗰日突然好想食鍋貼，我要趕住出去嘅緣故就揀咗八方雲集啦。見到佢啲珍珠奶茶其實好平好想試吓，係都係食咗佢嘅餃子先啦。$40叫咗個招牌鍋貼，招牌鍋貼皮夠薄，入邊都有好多肉汁。相入邊都睇到佢外皮煎得好香脆，唔會焦黑咁。個套餐仲送埋一碗湯，我就揀咗肉丸湯。邊有大概五粒嘅肉丸，算幾彈牙既。但係佢堂食都係用即棄餐具，真係可以考慮下好似出邊咁比一啲可循環使用嘅餐具用囉。咁樣真係好浪費資源。

放假訓晏咗又諗唔到食乜好，通常都隨心落街見到乜就食乜。而今日就想介紹下，我平時最隨心嘅選擇，八方雲集嘅鍋貼篇。我以前都唔太好八方雲集，但開得愈來愈多連鎖店，所以食八方都變得好似老麥咁普及，都係個類垃圾快餐。泡菜辣鍋貼，永遠嘅選擇。勝在即整夠熱度，另外泡菜嘅辣味帶動食慾，而並非只係豬肉咁齋嘅味道；所以即使經常需要等大概十幾分鐘，都係值得等待。而配料呢，個人認為泡菜鍋貼配陳醋係最夾嘅，所以唔好點錯豉油啊！

是日晚餐吃的是鍋貼，水餃這間店的餃子真的挺不錯，而且味道多樣，一個套餐也可以配上不同口味的鍋貼/餃子。咱們三人叫了咖哩鍋貼、招牌鍋貼、田園水餃、招牌水餃、韮菜水餃，其他還有麵線、豆漿、抄手。就我個人而言，鍋貼比水餃好吃，大概因為鍋貼會煎得香脆可口。各種口味各有千秋，田園是全素，味道較清淡，對於時下年輕人來說或會過於淡口味，但卻是健康。而招牌是肉菜均有，韮菜則韮菜味濃郁，味道略重、咖哩味帶有點點咖哩獨有辣味，且有些咖哩汁在內，還挺特別。好吧，我本人是喜歡招牌鍋貼的。這是水餃賣相。至於麵線，有分大跟小。我吃畢小麵線以後發現，份量適合下午茶但晚餐就不夠了。順帶一提，店員的服務態度挺好的，很有禮貌，而且看到客人有什麼需要會主動幫忙（看咱們需要紙巾便親切的送上），讓人感到挺舒適。總的來說，對吃貨而言，鍋貼萬歲😂