八方台式麵屋 (杏花新城)

之前有一次幫襯 杯野飲極甜，接近糖水味無辦法飲落去。今日幫襯多次，因為其實D麵同餃子唔差價錢正常。因為跟餐，都係叫左杯凍飲。點知又係接近全糖，真係飲唔到要去換。兩個阿姐黑口黑面，話係固定甜度，佢地飲慣都係咁，咀臉極差，唔該請訓練一下班員工嘅對客態度，同埋高層有無飲過D全糖飲品呀？換過杯野飲，真係完全唔會同你講唔好意思，仲要比說話你聽。唔該攪好d質素啦！換過杯野飲，真係完全唔會同你講唔好意思，仲要比說話你聽。唔該攪好d質素啦！…查看更多

呢間野真係差，收銀沖野飲搞外賣得一個阿姐做，人手安排好有問題，星期日食飯時間都咁少職員。我30分落單，45分去到，見到app仲寫待接單，未有外賣號碼，問個阿姐竟然話好忙冇接單，個刻真係好想爆粗，大姐你咁個制接單，之後都係廚房整，你唔接單，等幾耐廚房都唔會出到餐，但其他外賣平台有照常出單，想點？咁你一係取消openrice個自取服務喇，阿姐一啲歉意都冇，講句唔好意思都要喇，離曬大譜。前後等左26分鐘，好過份，我用得外賣自取就係想落定單黎到攞，我黎到你地先接單會唔會太過份？其次，寫走芫荽，又比芫荽我。我叫烏龍茶少糖，飲落完全唔知咩嚟，打開嚟睇似落左奶，奶茶色飲品，勁甜，但又唔係飲緊奶茶，飲到想嘔。間嘢真垃圾。…查看更多

1-2-2025 19:17:45下單兩個S2 套餐另加兩杯走糖（熱）珍珠奶茶。結果來了兩杯有糖既珍珠奶茶，店員聲稱已經無糖，珍珠本身就是甜的，咁以後糖尿病人自己諗清楚幫唔幫襯依間集團旗下既所有食肆啦，原來咁樣培訓員工和食物質素咁樣…查看更多

依間舖頭採用開放式設計，環境舒服，燈光柔和，吸引左我入去。豬扒滷肉飯+台式飲品只係$68滷肉飯有菜有蛋，滷肉好淋，醬汁唔鹹，幾好味，但豬扒略嫌太咸，重酒味同埋多太多黑椒👎個餐包一杯飲品可選：阿薩姆紅茶/抹香綠茶/炭燒烏龍我揀咗茉香綠茶，少冰，呢杯飲品反而有喜，好香茉莉味，加埋冰凍綠茶，為成個餐加分不少👍👍我另外單點左5隻韭菜鍋貼$23鍋貼煎得好脆，上枱熱辣辣，韭菜餡好多汁好juicy，好味👍…查看更多

之前都幫襯過起嗎五六次，今晚嗌咗10個韭菜水餃同5個韭菜鍋貼再加一杯少甜黑糖冬瓜茶，黑糖冬瓜茶都唔係第一次飲，之前飲過兩次都OK正正常常。但今晚飲嗰杯真係有叔味，第一啖以為錯覺，再飲第二啖試清楚即刻要吐落個碟度，立刻同阿姐反映話啲茶變咗，個阿姐話黑糖冬瓜茶係咁，唔係叔味係「木」味，我回答唔係丫係「叔」味嚟，佢就答我係淡味咗啫唔係叔係「木」味…佢話佢哋啲冬瓜茶係咁嘅味！又話啲嘢飲放喺雪櫃係唔會變嘅，放喺雪櫃係唔會變…真係唔知放咗幾多日先有咁嘅效果，真係服咗佢！唔會再幫襯啦～…查看更多

今晚因為要OT，嚟到杏花新城已經差不多9pm！😬🙈見到呢間八方台式麵屋得一枱客又大把位、於是便馬上入嚟試試！這個榨菜肉絲麵套餐，包鍋貼五隻及一杯飲品，只是$60，真的很抵食呢！不過湯底就比較淡，肉絲份量也很少，鍋貼𤐄得唔夠耐！🙈😆😬如果𤐄得耐少少應該會香口d、好食d！🤣😆…查看更多

很久沒有來過杏花邨，發現很多店舖也轉了手，這間八方台式麵屋，很多人排隊，還有很多人等外賣。不太肚餓的我，點了一個台式小食拼盤和一杯珍珠奶茶。香口食物一定美味，這個是定律，台式拼盤有炸花枝丸、鹽酥雞和台式香腸，比想像中好吃！珍珠奶茶，味道偏甜，應該要叫半糖或小糖。珍珠比較淋，不像一般外賣連鎖店那麼Q彈，算是不過不失啦。來的時候已過了晚市繁忙時間，相信生意是不錯的，因為枱上有很多碗碟也還收進廚房，真替樓面辛苦，因為無論是收錢和服務也只得一個年青人。…查看更多

用自助點餐機點咗餐，當時餐廳都無乜客，唔知點解可以漏單，咁整個自助點餐機嚟做乜。員工話即刻整俾我，結果無咗件事。我趕時間返工，不能一等再等，唯有走人。永不幫襯。…查看更多

好耐無來過杏花頓，逛完杏花新城揀選了這間台式麵店吃飯。見到價錢好優惠，我們四個人各自揀選了不同味道，有泡菜餃子 泡菜水餃，不吃辣的亦可揀選原味，喜歡吃餃子雲吞的就好滿足，每份餐有10只，份量很多味道也不錯，但我覺得面線份量就略少，可以加返多一些。套餐跟一杯大餐飲，我較喜歡原味，茶最好不要落糖水。經濟優惠味道也不錯。…查看更多

食飯時間黎到杏花村， 本身商場選擇唔算太多，到食飯時間， 好多餐廳都要等位。而 今日有啲想食台式， 唔使點等位就可以坐低。 呢間餐廳可以先係門口點餐， 然後坐低就會有人送餐 。 叫左個鹵肉飯餐， 仲有鹽酥雞 ， 送杯野飲，咁我就揀左杯菜，如果keep fit 人士記得呢啲台式茶就會落糖， 有需要可以走糖。 呢個價錢有呢個份量都算可接受， 一個成年男士都夠飽。 食物方面味道都唔差， 上餐快，啲野食黎到都係熱嘅，而且 坐得舒服，會再幫襯。…查看更多

個日同班fd唸住食近啲就諗住行去杏花邨搵間嘢食，咁啱就搵到呢一間食台灣嘢嘅餐廳。開頭入到去其實都幾正常，落單要自己出去俾錢，但個餐送到黎嗰陣就發現有問題，分量同價錢不成比例，雖然話係杏花邨嘅餐廳價錢都通常偏貴。但係你一碗麵用筷子一夾就冇曬都好誇張wor，滷肉飯啲老玉又少，飯又少，唔講以為係BB餐食。我嗰陣買咗個套餐$64連小食+飲品，我個鹽酥雞其實還好但係個豬扒真係唔掂。味道口感完全唔似。飲品整好咗又唔送過嚟，又唔係忙，等到人哋食晒先送來係咪有啲過分啊？要過客特登出去同個店員講，佢先肯用3秒幫你整好杯飲品。匙羹一睇就知冇洗過，啲污漬一大塊黐線叫個客自己用紙巾抹，唔係話一個喎，係一大堆匙羹。店員態度又差問佢幾時跟杯嘢飲又唔理人，如果要來杏花邨食一定唔會揀呢間😅…查看更多

紅燒牛肉麵系列 豐盛 三品牛肉麵（牛丸，牛腱， 牛腩） $70.0轉新竹米粉。熱 碳焙烏龍今日中午試左呢間台式粉麵 ， 台灣牛肉麵都有好多選擇。仲有一啲粉麵加餃子或者鍋貼配台式飲品嘅套餐。 價錢相宜都係$50至$80左右 今次試咗佢牛丸牛腱牛腩。粉底轉做新竹米粉。 牛丸嘅味道係手打牛丸一咬入口。爆出好多油嗰款種類 😝😝 所以就要小心d 食 😏 牛腱牛腩做得好厚好大舊， 但係我就鍾意厚切一片一片會覺得較為有誠意d, 同埋個咬口相信都會覺一大舊好 可能因為轉左新竹米粉所以個面比較黏合。三四啖就已經食完都仲未飽肚。🥺🥺 下次可能試吓傳統麵條會比較飽肚少少。佢嘅紅蘿蔔同埋蘿蔔配菜就好入味啦 ！ 餐飲我叫咗熱嘅 碳焙烏龍 濃淡度到適中。飲到烏龍茶嘅香味。烘焙就要俾啲想像力 😜 整體而言都係一間可以再試嘅午餐好去處。…查看更多

兩個禮拜前試過一次堂食，環境好逼，餐具又污糟。當時食滷肉飯，但係d滷肉俾得超級少。今次決定俾多次機會佢，試下嗌外賣，單叫一個麻醬椒香乾拌麵。一打開碗麵，見隻色已經覺得唔係好對路，食落果然一d辣味都無，根本就係普通麻醬麵，仲要麻醬麵嘅價錢係平過椒香拌麵。d麵攞到翻屋企，凍咗少少變咗一坨我唔怪佢，點知食落d麵都係一團粉。入面仲有兩條菜，半隻蛋。點解咁都可以收成三十幾蚊一個麵。今次食完都真係唔會再有下次。…查看更多

Order了外賣$70大元一碗豐盛三品牛肉面（牛腩、牛健、牛丸）回家打開成碗湯得2粒半吋大小牛腩，牛健碎到找唔到，只有找到2粒牛丸，超中伏，永久列入黑名單，永久不會再幫襯！！！…查看更多