八拾台式串燒火鍋酒場

前排經過旺角嘅創興廣場，發現2/F 新開左間台式串燒火煱店🔥所以有日朋友話想食串燒，我就二話不說帶佢黎呢間八拾台式串燒😋同埋餐廳好細心，會將烤好嘅串燒都放喺一個小火爐上保持住食物嘅熱度👍🏻餐廳系用生燒方式燒串燒，有別於坊間其他串燒店先炸後燒，所以串燒會比較濕潤！仲有，呢度好啱一D夜收工嘅朋友嚟食宵夜，營業時間竟然開到成凌晨4點😮烤生蠔🦪生蠔鮮嫩多汁，烤後嘅香氣更為濃郁，用左大量蒜蓉黎一齊烤，一定系絕配啊👍🏻烤魷魚鬚🦑一份有成10串，正啊😋魷魚鬚烤至彈牙，外層微脆，內裡仍保持彈性。烤韭菜💚韭菜烤至微焦，香氣四溢，保持了韭菜嘅脆口感。鹽烤雞頸肉💛竟然呢度連雞頸肉呢d 罕見部位都有，烤得恰到好處，肉質鮮嫩，油脂適中。鹽燒厚切牛舌芯🔥牛舌厚切，口感滑嫩，肉質鮮美。烤地捫菠蘿🍍燒菠蘿外皮微焦，內裡鮮嫩多汁。經過燒烤嘅菠蘿，糖分稍微焦化，增添香氣同口感嘅層次。…查看更多

呢一間旺角新開嘅火鍋串燒舖頭，營業時間去到凌晨四點，啱晒年輕人聚腳飲酒吹水！我哋今次嚟到冇食打邊爐，淨係試咗佢哋嘅串燒，留意番佢哋嘅串燒係採用生燒方式燒，同坊間嘅串燒舖採用先炸後燒嘅方法唔一樣，所以上菜時間真係會比較耐一啲～今次試咗幾款串燒海鮮，分別係烤魷魚鬚(10串)🦑$48、生蠔 🦪$28、烤臺灣白鱔🐟 $48，生蠔同埋白鱔都算肥美厚肉～另外都嗌咗幾款唔同嘅肉類同埋蔬菜，分別有豬仔髀2隻🐷 $38、鹽燒厚切牛舌芯🐮 $48、烤胸口油🐂 $48、鹽烤雞頸肉 🐔 $28、烤豬頸肉🐷 $18、烤韭菜🥬 $18，咁多款入面就最欣賞佢哋嘅燒韭菜，佢哋嘅韭菜唔會燒到太乾身，而且用嘅韭菜部位都係比較嫩一d 既，唔會有食到黐晒牙嘅情況～…查看更多

呢間旺角新開嘅串燒店都幾抵食～串燒都係大概$10-20，人均唔使$200都食得好飽🤤餐廳是採用生燒方式燒串燒，唔似坊間串燒店先炸後燒，所以串燒會較濕潤😋大推鹽燒厚切牛舌芯‼️大大舊牛舌彈牙得黎又好軟嫩，超好味👍🏻烤雞橫隔膜肉質帶微微筋膜感，師傅燒得焦香脆口，咬落去先脆後嫩，油脂香混埋調味超惹味🤤 五花肉串肥瘦三層分明，有豬油特有嘅焦脆感～中山脆肉鯇皮脆肉彈仲有魚鮮味，完全無泥味！八拾炒麵鑊氣十足，麵條沾滿蛋香同肉碎，宵夜食呢碟超滿足～驚喜位係錫紙金針菇🍄蒜蓉香爆棚，掛汁能力💯…查看更多

收工去咗旺角創興廣場呢間新開既「八拾」～餐廳用生燒方式燒串燒，食落d串燒真係juicy d咁。八拾煎餃（$68）有成10隻咁多!!! 煎到底脆卜卜，咬落去肉汁爆出嚟，點埋醋食超開胃！肉燥飯（$78）幾大碗，滷肉鹹香得嚟唔會太膩，撈飯食停唔到口。 串燒方面，雞皮餃子串（$28）脆內軟嘅口感好過癮；鹽燒雞心（$28）燒得剛剛好，爽口彈牙又冇腥味；雞全翼（$18）真係抵食，皮脆肉嫩仲好多汁！ 白鱔皮脆肉彈👍🏻最正係甜品，烤年糕（$16）外皮脆脆哋，入面煙韌軟糯，點煉奶食簡直係邪惡；烤小饅頭（$16）香脆鬆軟，仲有台灣腸（$18）好有地道風味，食完成個人都開心晒！ 整體嚟講價錢合理，味道有水準，環境都幾舒服，係宵夜吹水嘅好地方。…查看更多

星期五晚，餐廳都只有4成滿。7點半入紙點單，等成45分鐘，到8:15先開始上菜，好慢，好混亂，各枱人都開始鼓燥，店家只能抱歉說廚房處理不到。店員自己也很混亂，認不得枱號，有上錯菜。因為忙，上菜是掉到你枱上的。或者隨便放下不是你枱的菜在你枱上，回頭再拿走送去另一枱。等到1小時多也只上了3-4串，不想再等，未上齊野我也直接埋單。但單論食物的話，串燒是燒得好的，上菜夠熱，調味也不錯。然後我直接去了附近其他餐廳再吃一餐。…查看更多