八户屋和食料理

營業中

休息中

星期六又去食日本野~ 去到時門口都有一堆人排緊, 不過好快就可以安排入座想試D新野, 於是點左個鰻魚豆腐卷 (HK$68), 呢款唔係間間有得食成件野炸得好香口, 配埋鰻魚汁好好食, 推介!牛肉炒烏冬 - 好食(HK$68)粒粒魚生飯(HK$58) 同牛油炒什菇 (HK$38)魚生飯幾抵食, 魚生幾多, 唔會細細碗炒什菇份量很充足, 炒得很香!!整體服務正常, 價錢合理, 份量唔會太細, 屯門區黎講真係唔錯的日式餐廳, 好味過好多有名的連鎖店

屯門安定邨翻新後，有多間不同類別餐廳進駐，八户屋是我較喜愛的選擇之一，雖然她的服務好一般，因為地方夠大每次等候時間不會太長。而且收費合理，星期一至五有不同午餐供應，是日有咖喱龍脷柳丼和照燒豬頸肉湯烏冬，日式咖喱味道偏甜不太惹味，龍脷柳件數不少肉色雪白冇雪氣味，豬頸肉腍滑帶肉味香氣，湯底濃郁温度夠，連一杯凍飲收費八十五元，超值出品。

屯門區黎講呢間日本菜都算係幾好食&抵食散叫左少少壽司，好新鮮，海膽食落好甜帶子都好甜，推介石鍋咖哩豬扒飯，好有驚喜呀！平時d咖哩食上台唔會熱辣辣…佢呢個用石鍋裝，keep到熱度，仲有飯焦！正呀！另外咖哩甜甜地，豬扒炸得好脆！炸蝦天婦羅，個炸漿唔會太厚，夠脆d蝦好彈牙

每次經過都沒有冷場，到週末假日時，更是人頭涌涌，今晚與媽媽兩日唻食，都只是等了5分鐘，這裡餐牌最適合媽媽，全部都有圖片，看圖選擇食什麼，問都不用問，可以自己選擇食什麼！！點了些許壽司與刺身…刺身：牡丹蝦，三文魚腩壽司：原隻帶子，鰻魚，立魚，花之戀，帝皇蟹棒，火炙三文魚腩，柱貝沙律，芥辣八爪魚及海膽。各樣都感到飯還有微溫，生食都還有些許冰凍，最讚的是原隻帶子壽司大，大大件，還算厚身！巧合地與最細件的鰻魚壽司放在一起上枱，形成了很大的對比，鰻魚還感到有點偏咸…而三文魚腩刺身內還中招，有一小小骨，進食時要小心點…而芥辣八爪魚就偏辣了…海膽壽司還司新鮮，沒有腥味，份量也適中，沒多沒少！還點了兩款熱食…牛肉薯餅及炭燒蟹肉明太子玉子薯餅內牛肉不多，但份量剛好，完全吃到一粒粒的牛肉粒，夾雜在薯蓉中，好好味，薯蓉夠滑，入口即溶，外層炸得剛剛好，金黃色的，溫度還有點偏熱，剛上台要小心食，應該不是即炸，但也沒有番炸的味道，很好味！而玉子就比較暖，可以立即入口，但蛋的感覺乾乾的，夾在內裡的蟹柳及明太子可能因為蛋的溫度令到有些少熱度了…但味道也很好！還感覺到有些許甜味，連媽媽都大讚！這裡第二次食了，也是與媽媽

日前到屯門探朋友，到商場內的八戶屋和食料理吃晩飯， 由於是星期天，要等十來分鐘方可入座，點了份日本菠菜胡麻小砵，顔色翠綠，菠菜面上的木魚花，豐富了胡麻醬的味道，很是可口。芝士鰻魚杯飯，芝士細小欠濃香，鰻魚味淡汁醬少。倒是大蝦天婦羅，名符其實夠大隻，蝦肉爽囗，脆漿色澤金黃， 最後來杯熱咖啡，香濃味夠，溫度不足，分數大打折扣。

因為媽媽生日, 其實之前已經同佢預祝左食左兩餐晚飯, 不過今日正日又晚上約了朋友, 所以近近地同佢在屋企附近的食店吃, 之前經過都成日見到好多人想來試下, 今次假日未夠12點就來到, 竟然已經9成滿 (原來新界人咁早食午飯, 哈哈~~), 還好兩個人都有位, 入內看到環境裝修都幾日式, 同埋都算大可以容納到幾多客; 入邊有一個位置可以睇到師傅整SUSHI, 同埋上面就用好多日式酒作裝飾點綴, 都係平凡中一點特色!!假日午餐 – 鰻魚滑蛋丼 ($42)~~~假日有SET不過$50, 都幾抵, 飲品包了唔飲的凍野, 所以幫媽媽轉左熱柚子蜜, 但要加$3~~汁幾多幾好味, 蛋都幾滑, 不過覺得鰻魚份量略唔多, 當然可能因為係午餐原因吧, 但整體來說OK……火炙熟壽司盛合併湯烏冬 ($58)~~~因為我個人唔食生野, 所以叫了火炙物, 因為時間已經差不多全滿座, 所以就等左蠻耐的, 終於來的時候擺放得幾靚, 壽司唔算太特別, 中規中矩的味道, 反而個湯烏冬幾好食, 當然這個價錢我覺得可以接受; 另外加錢的柚子茶, 都算幾好飲, 柚子都蠻多又唔會太甜, 潤喉……不過不失的日式飯堂, 因為在屯門這

經過揾食，見到有人等位入面又full，心諗應該唔會差得去邊，咪等位……坐低睇餐牌，相片賣相唔差，價錢又大眾化，於是叫咗韓式豚肉泡菜石頭鍋飯、日式蛋包奄列飯、牛油炒野菜同軟殼蟹卷。首先韓式豚肉泡菜石頭鍋飯，除咗夠熱之外，根本冇泡菜竟用黃芽白代替，係一條泡菜都冇，只係用D泡菜汁嚟煮到D飯紅色，所謂豚肉係超肥豬腩薄片，9成肥肉，僅此而已日式蛋包奄列飯普通，只有少少菇碎喺入面，冇咩料軟殼蟹卷較正常，一般ok最後牛油炒野菜，最差既一樣，我見相片有椰菜、雜菇、茄子……好多材料好靚，但嚟到竟然全碟只有椰菜一種+少少蘿蔔絲，完全呃人，冇晒胃口，不會有下次

正值午餐時間，客人頗多，好彩餐㕔座位夠，不用等候巳可安排入座，午餐$40至$44元，學生仲有優惠。 叫份照燒豬頸肉拉麵，湯味夠濃，有四大片豬頸肉，配料跟足，還有幾片惹味筍片。 豬頸肉非常香口， 浸落湯都唔會腍哂。 另一份豬軟骨牛展丼，兩大片牛展，略嫌未夠淋身，四件豬軟骨，味道夠濃之餘，非常淋滑，珍珠飯溫度十足，還配些甘荀及椰菜絲，跟上既味噌汁就偏淡，加埋兩杯頗具水準既熱咖啡，令人回味無窮。

今天星期六，我和男友去這間日本餐廳吃午餐，下午1點半左右，不太多人等位，等了10分鐘左右店員安排了4人卡位給我們，座位十分舒適^_^我們叫了鰻魚帶子井和芝士咖哩吉列龍利柳飯定食，2個餐都附送味噌湯。飲品我叫了熱咖啡，男友叫了凍香芒橙汁。鰻魚帶子井味道方面，鰻魚十分美味多汁，鰻魚肉質很美味，帶子都很大粒，白飯是日本珍珠米，又圓又大粒，和鰻魚一起吃十分美味！芝士咖哩吉列龍利柳飯定食方面，吉列龍利柳很大塊，而且味道不錯，外表脆口，不過溫度只是暖和而已，不是即炸。咖哩汁是日本咖哩，只是很小辣味，和白飯一起吃十分美味。味噌湯味道方面，普通味噌湯的味道，不過不失。熱咖啡方面，咖啡加了太多奶，我不是太喜歡多奶的咖啡，但味道都可以接受。凍香芒橙汁方面，橙汁內有芒果的味道，味道不錯。價錢方面，鰻魚帶子井$58，芝士咖哩吉列龍利柳飯定食$50，餐廳不用加一服務費，2人總共吃了$108，對於在日本餐廳吃飯，這個價錢算比較便宜的了。總結來說，這間日本餐廳的食物味道不錯，而且價錢中等，是假日吃飯的好選擇^_^

一行人4位,可以食多D花款壽司抵食,炸物出色,環境都OK,上菜快,價錢相宜炒牛舌,野味香口炸雞,好味又唔油辛辣海鮮湯烏冬,辣得黎好味,每次食都必叫南瓜餅,足料又好味,而且唔會得D粉

呢間日本菜係冇得訂枱的, 見食評都幾正面, 又唔貴, 同朋友決定嚟試下呀, 三個人朋友先到等左一陣, 門口勁多人等位呀, 唔算大的, 但樓底都幾高, 唔會有壓迫的感覺. 好多嘢都想叫呀, 我們三個人叫左蟹棒壽司, 日式海鮮鍋, 蟹子沙律, 壽司刺身船, 白汁鳯尾蝦, 七味雞亦, 金龍卷, 雜錦天婦羅. 不知不覺原來叫左都好多嘢喎.蟹棒上面有些沙律醬, 同埋唔係蟹柳咁, 所以都幾好味, 海鮮鍋入面係好多海鮮的, 有好多隻蝦, 青口, 蠔, 帶子, 蟹柳, 豆腐, 粉絲, 菜, 等等, 都好豐富呀, 豆腐好滑, 個湯底好甜的, 蝦都爽口呀, 其它都OK, 好鮮甜. 蟹子沙律超大份, 好多沙律醬呀, 青瓜絲, 蟹子, 蟹柳絲, 撈埋一齊食, 好FRESH, 好好味, 沙律醬好香, 食左好耐都食唔晒呀.壽司刺身船, 賣相相當靚, 好吸引呀, 入面係有一件花之戀, 兩件北寄貝壽司, 蟹子壽司, 帶子壽司, 兩隻蝦刺身, 三文魚, 八瓜魚, 仲有一種唔知係咪油甘魚刺身各兩件, 好多呀.  三文魚, 八爪魚新鮮好味, 帶子北寄貝都好鮮甜的, 我們都食唔晒呀, 太多.朋友話鳯尾蝦以為係蝦嚟架, 點知原

雖然等左一陣位，但坐到vip房靜靜地唔錯，拉麵湯底同麵質都可以，海鮮唔抵食，反而小食類有驚喜做得幾好，牛肉夠林有肉味，個雪糕有小小失敗唔可以轉味，好多小朋友唔食綠茶，搞到要隔起掂到既又唔食

今晚30號我們去咗八戶屋喺屯門安定邨嘅分店食壽司！我們叫咗吞拿魚、油甘魚同三文魚刺身，非常新鮮同厚切！他們嘅吞拿魚他他沙律係我嘅必食推介！因他們用火炙將吞拿魚嘅表面輕輕燒過，令到吞拿魚外脆內軟，醬汁亦配搭得恰到好處，另有一番風味！明太子玉子燒即叫即燒，玉子一層一層堆砌而成，非常厚身同嫩滑多汁，口感十足，令人一試難忘！八戶海皇卷造型同賣相非常生動，令到我有唔捨得食咗佢嘅感覺！另有多款各具特色嘅飲品！價錢非常相宜！

個日比個FRIEND捉左去八戶屋食lunch，佢話試左八戶屋個炭燒魷魚筒，想叫我呢個魷魚怪去試。環境都幾好坐，靜靜地好舒服，想同FRIEND坐耐少少傾下計都可以!食物選擇夠多，揀左好耐先叫左炭燒魷魚筒、八户龍皇卷、鹽燒鯖魚、 牛油香蒜炒野菜，辛辣海鮮烏冬鍋，份量都夠我地兩個女仔食!作為一個都頗喜歡食燒魷魚既人黎講，佢既燒魷魚真係nice既! 夠大隻，而且夠彈牙，唔似有時係出面食個d燒魷魚感覺係放左好耐變得好硬!值得試!八户龍皇卷都唔錯，d蝦大大隻既，比足料，同埋一啖一個架，好體貼女仔，唔洗怕要擘大個口無食相!! 真係唔錯!鹽燒鯖魚都唔錯，清清淡淡，魚都夠滑!好好對八戶屋印象真係幾好，得閒可以入屯門encore!

好少入屯門，經過見到有間裝修唔錯嘅和食料理，價錢又合理，就入左去食dinner。是日星期二，人唔算話特別多，叫左d和食料理。牛舌好好味，仲有金龍蝦芝士卷和鹽燒鮪魚，新鮮得黎口感亦算唔錯。壽司都好新鮮，特別推薦八户龍皇卷，飯量適中五會話太大舊。飯醋香味岩岩好，食晒真係好飽好滿足。不過辛辣海鮮窩既湯底有d偏咸，對於不擅於食辣既我黎講略言調味料落得太多。看到隔離枱點了溫泉蛋煙肉炒飯，牛油香蒜炒野菜，炭燒魷魚筒，做得頗為特別。咁既價錢黎講真係十分抵，而且份量同款式都幾多呀，下次都想試下。另外，員工態度沒有特別好，又沒有特別差。大致上都幾滿意，鍾意食日本野既朋友都值得一試嫁。