八户屋和食料理

營業中

休息中

垃圾服務好差，黑衫女服務員同灰色衫肥仔好似同佢地有仇甘。岩錯低放D野系檯面，竟然粗魯甘撥開我個生日蛋糕盒，如果入面個蛋糕爛咗係咪你哋賠，重點係你間公司有收加一服務費噶。而家噉嘅服務態度，經濟咁差，甘唔想做，不如執左佢啦，嗰個黑口黑面叫你地換個茶壺態度都差到爆。永遠唔會再幫襯，更何況你地啲嘢又唔係平又唔係好食過人，早啲執笠啦唔好再害人，真係未試過食野食到咁樣一肚氣。

星期日下午Family Day🥰呢排天氣好熱，家庭樂都唔想去户外同小朋友玩完冒險樂園晚餐決定係同1個商場食最後揀左八户屋餐廳主打日本料理丶燒物- 蟹子沙律 點左細款，二人份量- 豬軟骨拉麵 份量適中，麵唔會好硬，配料剛剛好- 雜錦魚生飯賣相同份量都多，喜歡食魚生飯既我，會俾4星星🤭- 燒物 （雞軟骨串）一份有三條，食落甜甜地，小朋友都啱食- 芒果沙冰性價比高，唔會太甜👍🏻只售$20沙冰仲有多款口味選擇總結： 餐廳價格比較便宜適合街坊、學生職員態度都好好經常同我囡囡傾計

呢間係我地第一次幫襯，我以為我哋咁唔好彩遇到一個態度極差嘅職員，正所謂間間食店總會有一粒老鼠屎都不足為奇，點知坐耐咗之後先至發覺原來係呢間店舖嘅特色，如果成間舖都爆場，佢哋做到冇停手而忽略咗待客之道，我可以理解，但係當時嘅情況係連半數客都冇，但係每個職員落單嘅態度都係唔願意多聽你講一個字，問佢問題佢唔答你，直接話，「講，食乜」，好似已經想趕你走咁，未食已經飽晒。餐牌食物相幾吸引都冇用，食得唔開心，整得幾好味都唔想再幫襯，更何況食物都唔係咁出色。

唔使點等位，屋村位置日本定食，質素一般價錢實際，不過最唔方便係現金找續😣無八達通、電子支付，所以食完飯俾錢反而最耐及浪費時間☹️七味雞球拉麵🍜$495-6件炸雞非常超值，拉麵🍜都有口感，湯底唔錯呢個價錢真係無異議😌⋯⋯好過去快餐店沙律🥗粟米🌽蟹柳、青瓜絲、紫椰菜，材料足醬料較小，不過清清地都不失禮凍柑桔🍊檸檬🍋+$3火炙熟壽司🍣+炸雞烏冬$75整體來講都可以烏冬都係正常，唔會特別細碗，抵食😋

小朋友喺附近返學，放咗學於是幫襯附近的餐廳。第一次入嚟呢間，用餐點餐感覺沒什麼，有坐低直至食完飯大約50分鐘，我仲飲緊杯咖啡，有個職員走過來，用好認真的態度和語氣同我講：（你哋夠鐘交枱啦）。唔知道呢間餐廳的門口有冇貼住「限時食50分鐘」，但係我當時的感覺認真地：感覺很差！老實講，我同埋小朋友其他d 家長都唔會再幫襯。再講食物質素，拉麵就好似味千咁，第一和唯一一次幫襯冇辦法。如果大家要俾錢睇人面色食飯，先考慮去啦⋯⋯88

週末同友人一齊食個午餐，選了這間日本料理，雖然時常在富善出沒，但這是第一次堂食。下午兩點左右，不用等位，有卡位。點了三文魚帶子甜蝦丼，3款刺身都會食，所以見到唸都唔唸就選了這個。等了一陣，好快就到了。帶子好鮮甜好新鮮。三文魚略嫌太薄，甜蝦都好鮮甜，整體來說係唔錯既👍🏻友人點烏冬加熟壽司餐，啲壽司黎到係熱既，岩曬友人👍🏻食物整體係唔錯，只是衛生程度有啲差，因為枱抹得唔夠乾淨，還有少少食物。但都ok la…應該都會再黎既。

係附近做嘢，求其揀了呢間食lunch 😅選擇都好多 🍜吉列豬扒拉麵（$58）拉麵口感有啲似公仔麵🥲湯底偏鹹味精湯feel🤨不過個吉列豬扒係出色嘅 😜😜送上來熱辣辣😋食落好香脆 炸粉薄 肉質也不會老 炸得剛好 🥳🥳隨餐送飲品揀左熱奶茶都係好飲嘅👍🏻不會有苦澀的口感 很絲滑😆不過價錢就偏進取🤫呢度唔似日本餐廳反而係賣日本嘢嘅茶餐廳 質素/setting都傾向茶餐廳的水平

不過不失嘅日式餐廳☑️-佢哋嘅海膽幾新鮮又鮮甜，壽司就普普通通啦，唔太差， 幾讚賞佢哋嘅天婦羅👍，出面好多嘅天婦羅外皮都好粉，但係呢間嘅外皮好香口，炸粉好簿，食日式餐廳梗係要飲sake啦，佢地既清酒只係$48/250ml，好抵飲👍，味道亦都較淡，啱一啲初初想試飲既人仔👌

全部大人用安心岀行掃描後，職員話小朋友都要填資料先准入。我以為有新政策唔知，所以冇問。整體黎講，用餐經驗極差，賣相已不開胃，味道唔洗講。食物質素惡劣，店員態度差。依間冇下次，差差差！

d侍應時常黑面，外賣找錢飛比你，好似得佢一間野咁，今日剛剛遇到呢個屋邨惡霸日本餐廳，食物正常質素但完全冇招呼，客人好似要求佢施捨咁，如果唔係會餓死咁，又其是d女侍應。

本身都食過不下十次，價錢同食物質素都合理，屋邨黎講，整體而言尚可接受，所以都仲有繼續幫襯，但今日食到個粒粒魚生飯，啲魚生居然係暖架😖😖，之前仲見過啲員工對其他客人的服務態度有啲差，店員態度令人感覺有啲囂張，到今日食完飯嘅時候有留意見到，隔離枱有客人好似想飲埋杯野飲先埋單，店員想盡快安排下一位客人入坐，於是岀口術 意思想令客人盡快離開，雖然明白要做生意 但店員的態度令人感到有點不舒服，商場裡面雖然唔多選擇，但決定永無下次🥱

買外賣比錯晒我。重調轉頭同你講下次睇清楚先好拎啦。你拎錯人地既野喇。我想講我俾個收據佢係佢俾啲嘢食我。我鬼知入邊係咩嚟。態度差到一個點！黑衫既不知所謂經理！不知所謂既女下屬。重係扮睇CCTV。睇半個鐘都睇唔到咩出黎！！！錯就要認啦仲要話人哋！老細唔好好管理啲下屬等如趕客走！

伙計黑口黑面，語氣態度差到冇朋友，我地叫飲品: 柑桔檸檬及熱檸水，不停講冇檸蜜，我同佢講我地冇叫檸蜜，佢仲發脾氣， 仲講唔滿意可以走，我哋走仲要用粗口鬧我哋，呢間垃圾級服務，永不幫襯

呢間野食本身都抵食，但d侍應態度超差。本來一早已經落左單，等等下等左勁q耐都冇黎野食，隔離張張遲落order既都黎哂野食，我地個d都仲未黎。諗諗下唔對路，就問下侍應。侍應一睇就話根本冇落過單比廚房，然後搵哂當初幫我地落單條友黎，佢居然仲發晦氣話當時叫左另一條落單，垃圾果然係死都唔會認錯。話佢依家咩野態度，居住仲駁嘴話都唔係同你地（我地）講野，叫我地唔好ff咁多，真係嬲到爆。即刻就講左句咩野態度，自己做錯野唔認錯仲話返人轉頭。呢d人真係要惡先會識驚，即刻死死地氣講道歉。仲話咁依家落返咪得lo，快d講食咩啦。呢d態度真係唔得，以後都唔會再食。垃圾食肆一間。

依個店裝修後，我第一次幫襯，亦係最後一次幫襯。疫情下已經無生意，好心幫襯下佢堂食，今晚晚市全場加埋三張枱，叫咗個拉麵堂食，食物一般，收銀服務態度惡劣，我食完叫埋單，對我無回應，手指指我去收銀處，我行到收銀處後，指我過嚟個職員才施施然慢慢行過嚟，無禮貌到極，然後佢講67蚊，收完錢找完就行開。。。。無生意已經好得閒，仲要對客人咁嘅態度。。。。。。員工多過客人，香港飲食業有啲咁嘅鋪。。。。。。。。。。。。。。