八廚腸粉世家

營業中

休息中

喺外賣平台上面嗌這家外賣，有曱甴喺腸粉上面，食完驚肚痛，想作嘔。食物衛生很差，很想叫食環署上去店舖睇睇，擔心其他人食到曱甴，影響身體健康，不建議大家去，我也不會食。

今天網上外賣平台平台叫了外賣，方便在家已可享用。必點的齋腸，肉碎腸，好滑好好味又大盒，夠飽肚，我媽都贊腸粉好滑健康，這裡吃得出純米漿有益，值得一贊的櫃桶腸粉。豉油都俾得多，好味。食過這里辣椒醬太正，叫了一樽。

早上叫了兩碗小雲吞外賣，一碗係鮮肉小雲吞，令一碗係韭菜鮮肉小雲吞，小雲吞比我想像中大粒，個湯底都好濃，超級多蝦米，就係油多咗少少，十粒就已經好飽，下次可以午餐先再去食佢。

諗住清清地食啦，就去左呢間食，點知就中伏，中伏，死囉死囉，食左叉燒腸粉，粟米鮮肉餃之後果晚即肚痛 ,,以後都唔會再去啦，驚左污糟邋遢，出街食野真係要小心又唔新鮮唔好食，

一入餐廳同見到個menu, 覺得好有返咗大陸嘅感覺🤣anyway, 由於好少地方可以坐低食皺皮腸粉，所以都試一試啦。是日晚餐係：香菇鮮肉餛飩+蜜汁叉燒腸 (常餐$42，6.5/10）香菇鮮肉飩飩：肉餡入面嘅冬菇切到超級細粒，可能冬菇份量好少，冬菇味唔係咁強烈，但食得出入邊有汁嘅。蜜汁叉燒腸：腸粉入面嘅配料有生菜同叉燒，叉燒偏瘦，腸粉嫩滑，但係豉油真係偏鹹🥲，如果用甜豉油，成件事會爭好遠😔整體感覺好普通，未必會再嚟食第二次。

未食過一間腸粉是那麼垃圾的，未食過一間那麼垃圾的雲吞。腸粉鼓油有藥材味，估計有藥材成份。雲吞方面，叫自己小雲吞，包到乒乓波咁，餡料散收收，甩皮甩骨，就只有肉碎。中伏⋯因為我成日都去試唔到腸粉店，但哩間完全係失敗中的失敗，廚師仲要係廚房玩，其他唔評論咁多，永不光顧

我叫了B2 5隻粟米鮮肉餃配香菇鮮肉腸（42蚊）粟米鮮肉餃：餡料正常，粟米粒都甜，不過水餃皮有點厚，建議食小餛飩，湯放了好多小蝦皮，增加了鮮味。香菇鮮肉腸粉：好香蘑菇味，豬肉都多，而腸粉好滑。但醬料唔係潮州味道，有點兒失望呢個套餐唔會好飽，輕食比較適合。