八味客棧

營業中

休息中

講真……裝修就係故色故香嘅，感到店家誠意，不過就到喉唔到肺咁，可能有好多限制，地方，擺設……同埋係酒店入面，經過見到一堆人一堆行李，確有少少影響格調。不過我又唔係有錢人，其實無咁講究嘅。最重要食物如何。一座低先比左前菜你……一條用汆好靚盒裝住嘅頂，太瘋小籠包尚算有水準，如加D薑絲我覺得更理想。黑松露波波素餃，本身黑松露一咬就湧出嚟，粒粒素都係個D料，但個皮薄，呢個可以一試。蘿蔔千絲酥出面好多酒樓都有，味道都一樣，,又係睇個皮，呢度個酥皮夠薄，必試。最值得推薦嘅黎啦…客棧茶拉米素即係"Tea"ramisu用我最愛伯爵茶做底而唔係咖啡，首先佢用煲仔已經好eye-catching，個味用茶同咖啡都有異曲同工之效，加上佢用好多酒好香好濃，口感好soft，好滑。本身有唸過千層一酥，但……呢個不得不試喎。因為主要我一個人食對面個個食少少陪我試新嘢，所以好夠。中上價位，但幾樣有驚喜……裝修其次吧！同埋人手不足但服務不錯喎，有禮講解詳細，香港係要呢D服務質素唔好理價位……咁先可以做落去。

昨天銅鑼灣辦完事，想不到吃什麼，上網周圍睇，見到個大平台都賣廣告這間餐廳，就同阿女去試。又話咩米芝蓮師傅，以後見到呢啲字真係要三思。裝修裝飾係唔錯，股息故鄉，中國風，環境幾好，但係一望天花板，污糟求其，再望清楚就知其實所有裝飾擺設都係淘寶貨。午餐時段，小貓幾隻，星期六咁嘅情況，已經感覺中咗伏。侍應服務一般，嗌咗幾個點心，有燒賣，蟹粉包，蒸飯，菠蘿Mochi，叉燒包等等，都唔得閒所有影相，因為真係好難食。仲衰過超級市場買嘅淘大點心。

環境靚嘅，打卡一流，但對員工嘅服務態度及表現甚為不滿，幾個職員serve 過我地，只有一個中年女士係nice 的，其他的全部無心做service 1. reception員工不知什麼是切餅費2. 我哋分批進入，遞交蛋糕給店員時已表明壽星已入座，不要讓壽星睇到，結果全體朋友入座後店員過嚟問蛋糕係咪會喺鋪頭切？定會拎走？3. 最後決定蛋糕帶走，不在餐廳切，但離開後才發現貼實喺蛋糕盒上嘅刀同蠟燭不翼而飛整體而言，餐廳環境係好嘅，食物都係好食嘅，但係員工需要加以訓練，服務態度不符合預期

✨喺佢啱啱開張嘅時候去食，好好彩唔使等位。Staff都好有禮貌去同我哋解釋佢哋熱門items同埋餐牌。裝修好古色古香，好似穿越咗去古代咁樣 😂 好特別的體驗。整體上食物精緻，價錢為中上。當日有五個人食，所以可以試到好多唔同特色菜。(開心🥳) 新開張期間，佢哋送咗蛋花酥俾我哋，得到五個人的好評！奶香味濃，質感好鬆化。令我最有印象就係甜品開心千層酥，上面有兩粒小麻糬做點綴，好特別的做法。開心果味香濃但係唔漏，好light!

非常失望！尋晚同朋友食飯，因為係社交媒體網站 廣告見到呢間新開既餐廳，所以決定去試！我地冇訂枱walk in, 去到大概7:40分左右，見到入面有3枱客，於是唔洗等就可以入座！餐廳裝修唔錯，有懷舊味道之餘，餐廳中間亦有張長枱放左好多青銅瓷器俾人觀賞，旁邊有字提醒*如有損壞，照價賠償*，我覺得合理既，不過如果係枱旁邊加返啲圍欄既話，可以保障大家多啲！之後有位中年男侍應拎左menu同點心紙俾我地，不過佢第一句同我地講既係，講明先，呢度用餐時間係90分鐘，以入座時間計算！我同朋友即時打左個突，當時只係7點幾，亦只有4枱客，仲有超過10張吉枱，其實係咪有必要咁趕同咁冇禮貌咁表達！之後到點餐，整個menu只有兩道疏菜類菜式，但係發現點心紙上呢兩道菜式已經用黑色marker刪除左，並未提供任何疏菜類選擇！之後我地點左普洱茶，佢地既signature item 蟹粉大湯包，再加左一籠蒸飯，鮮蝦腸粉，麻辣排骨同腐皮卷！當點完餐，呢位男侍應就話蟹粉大湯包已經賣晒！當時只係7點幾唔多客，signature item已經賣晒，菜又冇，其實唔係剩返好多選擇！咁我地就剩係食咗本來叫既飯同點心！只可以講，腐皮卷我

找新中式餐廳，看過其環境相片有feel-中式。去到要等約15-30分，就在外面酒店大堂坐低看機。終於等到2人枱，茶壼好重手紫沙茶壼色， 雕龍 身鳳頂蓋， 荷葉型狀碗碟<如有隻青蛙， 蜻蜓，效果更佳 >，全套擺設，配合客棧概念，加上歷史文物擺件，飲茶之外多一分情趣。侍應先送上貝殼花中式首飾盒，藏一件蛋花酥，脆脆，鬆化，富蛋味，即蛋卷用另一狀態出現， 免費送。五福臨門蒸飯$148， 放潤腸臘腸，炸芋頭粒 ，炸午餐肉粒， 鹹蛋黃碎在飯面， 用荷葉盛載上， 以為係包主蒸，飯冇乜荷葉味，但好有特色，一啲都唔油膩， 午餐肉太細粒同炸得乾，下面盆有水及熱石，保持熱度，發現新大陸。魚肚雞扎$46， 材料新鮮， 魚肚厚身大件，唔會太鹹，好健康。北方餃子$78， 皮爽滑， 肉鮮甜 飽滿。老佛爺杏仁茶$52，等15分？有寄望，以此價不值片，量少兼唔係好熱，一般，加咗似百福豆腐花，微凍，個人不喜歡。等位時，在接待處，取$38coupon，埋單要等下次用。我一直有idea開間中式cafe，有人實現咗！

同另一半兩個人去食飯, 得番羊個鐘last order都放唔到一張大枱比我地, d staff話個個都咁講, 不過都要睇情況架….特點要$52個仲要得三粒加左麻辣嘅燒賣同蝦餃,埋單計數$500 2個人….Overall野食一般, 價錢貴, 態度麻麻, 唔推介同唔會再幫襯啦辣

先聲明我並沒有用餐，以下評論單純係比等位嘅下個時長因為淨係等位都玩左我幾乎成個鐘，我已經儘量避開用餐潮。大概十二點二十分去到等位，等到一點零五分，仲同我講要至少再等十五分鐘。入面有四人檯唔放出來我都算，但係如果座位真係咁緊張係咪應該開通預約，可惜係佢哋得walk in，中途都冇人同我地出面啲人講要等大概幾耐，只係話耐心等候。今日係我同女友七週年紀念，專登過來打算試下新餐廳，一日嘅心情就咁完全比個咁嘅開始破壞曬。我唔會推薦其他人去吃，除非你有好充裕嘅時間等位，咁你可以慢慢等

服務態度好，夠周全。當日是下午四點我哋去Walk in過去，服務員見暫時無乜客安排我哋坐窗口位，比我地打卡影靚相，態度都唔差。咖啡咖啡方面就麻麻哋啦，因為平時我哋都飲開咖啡，所以我地要求都比較高同埋覺得呢一隻咖啡係即磨咖啡，所以感覺一般。食物方面（由於本人都係做廚師對食物都有要求！）麻辣燒賣絕頂，本來叫咗一籠，試咗一粒之後就決定再叫多籠，真心正！！至於蝦餃，鳳爪，排骨，中水平唔差甜品嘅話有待改進..

到訪銅鑼灣新開的點心咖啡館—「八味客棧」，餐廳位於酒店內，主打精緻粵式點心，亦有中式小菜、蟹粉、咖喱、甜品同埋咖啡😋享受貴價版嘅「飲茶」體驗!-▪️黃金蟹粉沾麵 ($248)▪️頂!太瘋 小籠包 ($78)▪️蟹粉大湯包 ($58)▪️開心果千層酥 ($58)▪️蛋花酥 (贈送)-🐻 @brownlyeat 推薦指數：🌟🌟🌟 (3/5)八味招牌蟹粉共有4款，但其中2款都售罄🥹我地叫咗推介嘅「黃金蟹粉沾麵」，配有花雕汁同湯汁，可以自行淋上去；麵非常幼身，份量唔多，但蟹粉的份量就好多 而且蟹膏味好香👍🏻就算食晒啲麵 都仲有唔少蟹粉～「蟹粉大湯包」就係巨型版小籠包，同「頂!太瘋 小籠包」一樣湯汁多，但皮比較厚身～全餐最有驚喜的反而係「開心果千層酥」🤩面層係香而不膩嘅開心果cream，配有兩粒麻糬粒～千層酥烤得恰到好處，配上我地自選嘅桂花烏龍茶，配搭一流☺️餐廳行中式古雅路線，清靜舒服，食物小巧精緻價格定位偏高，整體而言比較適合打卡📷 (尤其係入座時店員送上嘅兩客「蛋花酥」，打卡一流!🤣)

接到朋友通知銅鑼灣有新食饍，當然要試試啦…假日立刻打電話訂位，對方有禮貌地說沒有電話訂位，要親臨取位，對方仲通知現時有5枱等待。果然門外有幾位客人等候中，立刻登記留名，接待小姐講有餐位會立刻電話通知，我唔想再走動便站在門外旁睇食評，忽見食評寫服務差，仲話冇下次，正疑惑中，男友通知可進內，原來佢早已留下姓名，坐左係酒店大堂等候。服務員安排座位，送遞餐牌及落餐紙，更通知有90分鐘慢慢享用。由於第一次到訪，心急網上中食物相片如何落單，服務員會細心解釋，令我非常滿意雖然服務員每個都非常忙碌，途中遇到客人呼叫Order，立刻回答：請等等，轉頭來，很多客人都會體諒。可惜食物出品稍慢，服務員會自動過來不斷說對不起，請多等一會。食物方面味道OK，特別好食暫時未見，裝修環境及餐具很特別，價錢識中，當然會再約班朋友來臨歡聚品嚐其他食物

睇社交平台有foodie介紹呢間食蟹粉沾麵，打去餐廳想book枱，不過職員話只能walk in。星期五晚6:30pm去到，都7成滿了，眼見個場唔大，大概有6張6人枱,4張4人枱同4張2人枱~一拎到張點心紙就見到蟹粉烤餅賣晒，作為早食晚餐都食唔到呢個真係有啲失落☹️唯有嗌另外2樣招牌菜:乾隆古法六頭鮑魚 & 黃金蟹粉沾麵，我見張張枱都有嗌沾麵咁滯。上菜要等足20分鐘，鮑魚幾入味，沾麵好食，個蟹粉有一大兜，唯一問題係個麵唔熱，蟹粉亦都唔熱，個麵食落就係室溫，個人認為如果有火㷫住個蟹粉，會好食好多。另外仲嗌左個麻辣蝦餃同鮮蝦腐皮卷，普普通通亦無影相，都算好食嘅。甜品係開心果千層酥同粟子紅豆沙，千層酥超好食，唔太甜亦有開心果碎。紅豆沙較稀不過都有幾粒粟子，凍上，不過不失～

我老闆比較喜歡點心，平常午餐都會去酒樓吃飯，今天帶老闆去試新酒樓，我會去試這間店的原因是因為網上去環境裝修不錯，但換來是老闆不高興，食品質素和員工都不行，環境也沒網上看的好，價錢都不算便宜，不會再去了！現在試新食店，各位都要小心選擇！不要再中伏了，香港現在營商環境咁差，好多有質素老店都結業了，剩下這些比較有裝修的店鋪，我們真的謹慎選擇，難道真的要北上消費，我本人比較想留港消費，希望這間店之後有改善吧！

八味客棧的內部裝修以客棧為主題，兼具懷舊與優雅風格，營造出舒適的用餐氛圍，服務水準更是一流。人未到齊就先上一個餐食小食，個擺盤好靚，打咭一流！今日試了多款點心，其中蝦餃夠大隻又爽口、燒賣結實，有肉味，夠新鮮、牛肉球和排骨入味。不過，蝦腸份量較少，隻碟太大，鮑魚擺盤好有心思、椰青甜品好多椰肉，椰味清香，綠豆沙略嫌唔夠香，欠缺臭草味。值得一提係個咖啡tonic，夠獨特。點心 + 咖啡=絶配☕️☕️以後夜麻麻在銅鑼灣想食點心和歎咖啡就可以去呢度！

因為昨天係IG 見到呢度的宣傳，被呢度的環境同擺盤吸引我，喜歡呢度的一壺壺嘅湯，於是今日黎左呢度飲茶。因為太趕急，訂唔到枱，好彩朋友仔早左黎，等一陣有枱。湯我地叫左個杏汁蜜瓜豬展湯，蜜瓜味蓋過左杏汁，但都好好味。叫左個招牌咖啡，我唔太喜歡，酸味太重。佢個咖喱豬頸肉，咖哩味好出色，少少辛辣，椰香味重，佢仲會配個白飯同蘇餅。其他如蝦餃，麻辣燒賣都好正。至於雞扎、小籠包就普通左d最後最後一定要試吓個Tiramisu，好香咖啡味👍🏻我決定要再黎食其他野🫶🏻🫶🏻