八〇

難得一間好好招呼，味道好好的小店，劃碟好特別，打卡氣氛一流，門口好似綠化森林咁，老闆有人情味，仲要在旺角，地點方便，朋友聚餐傾偈，環境清靜，so good👍🏻…さらに見る

同朋友約食飯，原來撞正做緊韓星嘅應援主題，所以現場有好多fans😂舖頭氣氛唔錯，適合同朋友慢慢吹水不過座位安排有待改善，喺OpenRice book咗位，但係去到現場話要等多兩張，諗住都好快，結果等咗半個鐘😥主食唔錯，叫咗黑松露雞胸意大利飯，因為見到張相好靚所以試吓，雞胸肉非常有驚喜！份量多，而且肉質唔嚡，好好食😋飲品嗌咗抹茶鮮奶，非常貼心地可以嗌走甜😚，抺茶味道濃郁，都幾好飲甜品係黑糖麻糬窩夫同Tiramisu ，窩夫幾好食，入面有啲麻糬，甜甜地，又軟綿綿，令口感更豐富，配埋雪糕好夾👍🏻但tiramisu 就唔推薦～好膩🥹好似食緊一坨cream多過食緊Tiramisu，味道都係死甜，唔算好好食🫣…さらに見る

食過好幾次佢嗰個all day Breakfast，好食！薯條都好好味，好脆。雞胸沙律好好味，適合減肥人士食。環境幾好，因為我每次都是早午時段食，人唔係好多，坐得舒服同埋容易傾計。…さらに見る

Cp值高$498既2人晚餐，無論同朋友子或者男友子去，都真心十分推薦比大家🫶🏻餐湯係南瓜湯，都好重南瓜味，唔會過淡🎃前菜和牛薄切配青醬同沙律菜，青醬帶微辣，和肉肉質嫩口，我好欣賞依個前菜，因為好適合唔鐘意沙律醬既朋友子食👻黑松路和牛粒珍珠米十分重黑松路味，炒得乾身加上珍珠米口感煙韌，配埋和牛粒令成個香味提升👍🏻牛骨髓配法包+西冷依個實在太震撼我眼球👀份量多多，牛骨髓比想像中唔太油膩，配外脆內軟既法包再配一啖黑松路薯蓉，好滿足🥴西冷就3成熟，呈粉嫩肉質嫩口，有埋莎莎醬、海鹽同青色既芥末（😂？）沾黎食，不過本人愛沾海鹽，更吊到牛既香味，仲有西蘭花苗、粟米仔、瓜，又有菜又有肉😆Tiramisu 甜品係大大杯既tiramisu ，口感比較實在，都唔錯既餐飲水果茶，味道都好清新，完全解到食物既膩，仲有生果粒可以食👍🏻…さらに見る

平日間中都會嚟呢度食lunch因為同同事都好鍾意呢間嘅燒春雞燒春雞燒得好香脆肉質柔嫩又多汁而且配菜係炸薯餅lunch仲包一杯美式咖啡或茶即使加錢轉其他咖啡都唔貴埋單加一都係$109…さらに見る

首先，我哋星期日 14:05-14:10入到去，當時裡面係滿哂嘅，之後waiter哥哥話可以坐住出面先。一坐底冇耐比咗 QR code, 水，同餐具，同講咗 QR code落單。掃入去淨係見到下午茶餐，同其他無關痛癢嘅嘢，Lunch menu 唔問唔比，然後就再冇人理我哋，最好笑係 Lunch menu係要搵人叫嘅電話落唔到單，所謂 QR code 落單係做唔到。好記得當時係 14:13, 諗住再過幾分鐘冇人理就走，入嚟坐底至走有幾張枱走，但係都冇人叫番我哋入去，結果有 4 個人入嚟就有人 serve 咗入去。OKAY, 唔使多講，BYE…さらに見る

要食得開心，餐廳環境都好重要～早前我同老公就被極具園林feel嘅🌸 After Eightys 🌸 所吸引，仲嘆咗個 #黑白大廚套餐 添‼️餐廳座落📍旺角鬧市之中，環境雅緻，坐落舒服唔壓迫，係個相聚好地方！牆身用上粗獷感滿滿嘅水泥磚設計，加上石頭咕𠱸🪨、植物🪴、結他🎸等點綴，充足休閒感覺，食物亦打卡able📸🖤 #黑白大廚套餐 $498 🤍・是日餐湯：南瓜湯 x 2・泡菜豬頸肉沙律・法式紅酒燉牛肋骨・辣椒奶油醬6安士美國封門柳・蒜片欖油意粉・栗子提拉米蘇・芒果乳酪沙冰 +$45・士多啤梨乳酪沙冰 +$45🎃南瓜湯賣相吸引，但湯味較淡，未夠濃稠。🥗沙律醬汁惹味開胃，豬頸肉爽口但有D韌。🍖牛助骨好有份量，燉得好腍身，好有口感。🥩封門柳牛味濃郁，肉質鬆軟，配上脆薯粒及惹味辣椒奶油醬，味道層次提升⬆️🍝意粉賣相一般，但有驚喜，蒜味香氣四溢帶香辣感，欖油令意粉濕潤、香滑、彈牙。🌰栗子提拉米蘇造型精緻，滿滿栗子溶，口感香滑，但餅底好薄，咖啡味好淡。🍧沙冰造型吸引，沙冰配上果醬及脆脆，入口酸甜透心涼，做餐後飲品超正！💬平時餐飲會在餐食中段或尾段出場，今次揀咗沙冰🍧手機落order時無得揀「後上」，🫣但店員竟第一時間送上，由於會溶，要馬上飲一部份先，真係要改進吓～…さらに見る

嚟到旺角搵野食，見到呢間cafe又有意粉同埋燴飯，就入去試吓我叫咗雞胸肉黑松露燴飯、封門柳蛋黃闊面同埋雜莓乳酪飲品🤤雞胸肉黑松露燴飯我本身唔係一個會食雞胸肉嘅人，但係呢個雞胸肉打破咗，我平時對雞胸肉嘅標籤🥳雞胸肉有調味，所以唔會好dry👍🏻另外都要讚一讚佢個燴飯，黑松露味非常之重😍如果食開黑松露嘅朋友應該會幾鍾意🤭封門柳蛋黃闊面平時都係食開普通意大利粉，好少食到呢款蛋黃闊面，闊面令到成個菜式咬落去都勁加之有口感👍🏻味道方面有濃郁嘅蛋黃味，喺濃味同淡面之間取得平衡😋封門柳方面，都非常之有牛味，雖然冇得揀熟成度，但係牛肉煮得唔會完全過熟，叫做啱啱好🥰雜莓乳酪飲品呢個野飲十分推介！就算唔嚟食嘢都可以過嚟飲呢杯飲品🤭雜莓同埋乳酪本身就係完美嘅配搭💗飲落去十分清爽，上面仲加咗啲脆脆點綴，有埋細節位好加分🤍呢度嘅餐廳環境都好好，店員都盡量安排唔使搭枱嘅位置俾客人，同埋店員都服務態度好好❣️總括而言，呢間cafe都幾值得食，如果喺旺角經過唔知食咩好，不妨試吓呢間Cafe，有個位同朋友慢慢食飯chill吓都幾唔錯架💖😚推介指數：⭐️⭐️⭐️⭐️…さらに見る

位於旺角鬧市既一間cafe,係門口我以為呢間係salon. 入到去係水吧位，有兩張小枱，再入去先見到餐廳cafe 格局。我去左兩次，因為個all day breakfast 太好食。餐廳播K-pop , 而且我去個時係幫韓國男團做後援會，所以我覺得係韓式cafe. 係個度坐左一陣，以為自己去完明洞cafe,成個人young 左，心情亦開心左～ 第一次去，隔離枱仲有個妹妹係度食小蛋糕🍰算係旺角既綠洲餐廳。Brunch: 1) ADB-全日經典早餐（$128）熱薯波太好食😋好食到第二次去係加左薯波。waffle 也很好吃👍🏼👍🏼👍🏼落左醋既沙律🥗都好好味😋焦糖香蕉🍌，大愛❤️，平日唔食香蕉既愛，都喜歡吃；因為本人喜歡焦糖味❤️❤️2）明太子雞翼全日早餐，明太子雞翼麻麻地，寧願叫腸仔個個全日早餐，個沙律落左沙律醬，雖然有Parma ham 但無落醋咁好味，可能係個人口味問題。Drinks1) 薄脆焦糖咖啡（$45）雖然無拉花，但甜得嚟好好味😋2）latte ,有心形拉花，味道不過不失。…さらに見る

📍咖啡廳定期舉辦不同的應援活動 見到餐廳外牆貼住好多個靚仔韓星 就入去睇睇( 今期係TWS韓國六人男子團體 我本身係唔識既😂) Reception位有應援包歡迎自取 好多妹豬特登過黎影相🙈除咗TWS應援餐之外 仲幾有Gimmick 提供黑白大廚menu! 🔅是日餐湯: 南瓜忌廉湯偏甜濃稠 幾飽肚🔅 蒜片意大利麵: 意大利麵吸入橄欖油的香氣 仲做到更加彈牙 橄欖油同蒜香配搭下 出乎意料地好吃 表面撒上少許芝士及basal 調味 提升味道層次🔅西式麻婆豆腐: 圓筒型設計幾有美感 不過味道偏辣麻麻地 外層炸得得挺身脆口 麻婆醬汁加入少許豬腩肉 會有炸雲吞皮脆片配搭食用🔅東坡肉佐馬鈴薯泥: 參考黑白大廚白匙羹組的東坡肉與薯泥醬 將帶甜味的東坡肉汁拌入薯泥 醬汁濃而香 但又少咗奶油的油膩飽滯感 紅燒肉入口即溶 口感非常嫩 底層瘦肉一絲絲極容易撕開 配搭表面烤甘筍及小西蘭花 非常balance～🔅美國封門柳配乳酪奶油醬: 大概3成熟 睇落軟嫩 配搭好多新鮮甘筍同西蘭花 乳酪醬好開胃🔅 栗子提拉米蘇: 低糖感覺健康 食落口感唔太似tiramisu 蛋糕比例較少 食到唔少栗子粒粒 足料…さらに見る

上次舊朋友約出嚟聚舊食個午飯，旺角地區比較就腳。上網見到呢間Cafe好多評價，一於就試佢啦。星期六午餐食飯時間，都幾多人，等一陣先有位，所以係出面等待期間，我哋已經睇好餐牌，準備點嘅食物。我就揀咗香辣蒜片意大利麵（$68）。每一啖都惹味香口，蒜味十足。朋友就揀咗法式紅酒牛面肉手工闊蛋麵（S168）。手工麵，扁扁平平，幾好口感。牛肉炆得好入味，而且啲肉好淋，好易撕開。仲有西蘭花同翠玉瓜做配菜。飲品方面，點咗兩杯創意特飲，一杯係西柚咖啡湯力（$48）；另一杯係提拉米蘇咖啡沙冰（$55）。…さらに見る

最近我去咗八〇，呢間餐廳以法式料理聞名，環境優雅，非常適合享受悠閒的晚餐🍷💫 我點咗個牛肉紅酒燉，$168，味道真係好正，牛肉煮得軟嫩入味，配上濃郁的紅酒醬汁，令人一試成主顧😍💫牛肉紅酒燉 呢個牛肉紅酒燉真係一絕！每一口都充滿了紅酒的香氣，牛肉軟滑得來又不失嚼勁，搭配埋啲時蔬，簡直係完美嘅搭配🥕🍖 這道菜不單止味道好，還有著色誘人，食到令人心情大好！🎶🎶🎶Indulge in the rich flavors of Beef Bourguignon at 八〇, where tender beef meets a luscious red wine sauce for a truly unforgettable dining experience. This dish is a must-try for anyone looking to savor authentic French cuisine in Hong Kong.…さらに見る

早排個個都喺度講黑白大廚⚫️⚪️入面好多菜式都真係好想試吓！香港竟然有Cafe可以呈現返入面嘅菜式 參考咗神級大廚嘅製作方法同埋材料配搭👩🏻‍🍳不過我會話始終都係gimmick 質素非常普通 無令人特別想再食多幾啖嗰種🥹（唔知係咪因為同黑白扯上關係就會令人期望過高🤣🤣🤣）試過就好1️⃣撕漫男東坡肉佐馬鈴薯泥 $148東坡肉幾腍幾入味，薯蓉都Creamy，但係冇乜特別🙈2️⃣西式麻婆豆腐 $78布甸狀嘅麻婆豆腐外皮炸脆，入面軟腍腍，加上辣油再配雲吞皮食🌶️3️⃣栗子提拉米蘇 $88好多栗子蓉，但係冇乜酒味同咖啡味，比較似雪糕嘅質地🌰…さらに見る

📍八〇 (旺角)旺角豉油街27號地舖黑白大廚喺Netflix熱播，好多食物都好想試，今次嚟到旺角有黑白大廚Set，價錢實惠，食物高質大份，餐廳裝修水泥風，坐得舒適，好期待個栗子甜品。🔲黑白大廚SET$498☁️daily soup南瓜忌廉湯南瓜味重，非常濃郁，天氣凍凍地好啱飲☁️西式麻婆豆腐麻婆豆腐一大件，外邊炸得脆口，辣度適中，旁邊有兩個雲吞皮，口感豐富☁️蒜片欖油意粉 正常發揮，如果蒜片再多啲會更好食，意粉份量多，軟硬適中。侍應會即磨芝士🧀，超級邪惡☁️辣椒奶油醬6安士美國封門柳擺盤非好靚，辣椒奶油醬，口感特別，少少辣，配上粉嫩封門柳，旁邊配菜西蘭花苗新鮮☁️東玻肉佐馬鈴薯泥東玻肉好軟腍，豬肉肥嘟嘟，好正，馬鈴薯加上東坡肉汁，好creamy ,好夾，好好食☁️栗子提拉米蘇 期待已久，栗子醬🌰好多，小小栗子粒，提拉米蘇好smooth ,少量酒味🍸coconut coffee越式咖啡椰奶沙冰椰奶冰好濃味，加上香滑咖啡，好飲#旺角#旺角美食#mongkok #香港#hongkong#hkfood#hkfoodie#食好西#相機食先#手機食先#香港好去處#週末好去處#甜品#dessert#黑白大廚#eating_and_working_in_h_旺角…さらに見る

7:25去到餐廳 7:30落單 叫左個應援餐 只能講個飯一d技術性可言都冇 唔明點解要等成個鐘 已經8:00問左一次好聲好氣 提下係咪留左單 8:15仲係冇 要再提多次 先至承認廚房漏咗單 好心漏咗就早啲同我講啦 我直接唔要 連遲我半個鐘入嚟嘅客人都有野食 仲要係需要時間嘅炸野 問左2次都冇任何回應 8:30終於都有😂😂 個飯係咁嘅 認真要整1個鐘咩😂😂😂…さらに見る