兩三碗餃子

營業中

休息中

一路以黎都幫襯開呢野兩三碗餃子，由佢新舖開張，一開頭以平同大大粒足料到之後開始出名了，都有少少名氣有youtuber 介紹中間餃子size 有一排細粒左少少，宜家叫回復正常la，而且愈出愈多口味不過老實講，質素就真係愈黎愈麻麻地！今日去到食左個湯餃，同埋試左個石鍋香辣煮蜆配烏冬湯餃上到黎個有幾粒餃子餃子皮未夾就已經穿左個石鍋香辣煮蜆真係極極極極極極極咸！！咸到好似食緊成堆鹽落口咁！都算la，問佢比碗熱水黎，個職員竟然話，冇。熱。水！ 真心想問句，一間舖頭點可以冇熱水？？！ 廚房點煮野食？？ 個職員話要熱水要去格離舖頭拎 （係ge，佢格離仲有兩三碗麻辣米線同兩三碗車仔麵） 而個職員好明顯係一副厭你麻煩唔想行去格離舖頭拎ge 態度la都算la，最後佢用左個細碗裝左個清湯比我地但食到一半清湯都變左做咸湯la，問佢拎多碗清湯格一格，個職員竟然話，只。會。比。一。次！唔會再比清湯！？？？家下你碗野煮到咸到飛起，連一碗正常熱水都比唔到，比碗細細ge 清湯仲要想要多碗都唔比？ 咩服務態度？？到底佢地有冇食過碗野係幾咁咸？真係好垃圾，太惡劣，冇影到咩相近年間野出名了，紅了，又開左幾間舖了，質素差了

好耐無黎兩三碗諗左一陣想要湯餃定煎餃最後都係叫返至愛嘅蕃茄薯仔湯有一舊蕃茄 兩大舊薯仔雖然係滾湯，但對我呢啲少湯水嘅人黎講已經好好仲要蕃茄味好夠 酸酸地岩夏天*西洋菜+羽衣甘藍 湯餃 $44/10隻餃子略嫌唔夠味唔知係咪預左啲客會沾醋/加菜餔食餃子調味好淡餡料打到碎哂 但又壓得實的的唔係啲肉打到起膠個種真係壓到實一實咁種唔係見住佢人手包我真係以為向工場用機啤到實一實先包餃子好似好細，但滿滿都係餡，好滿足！個湯飲哂，飲完唔口渴西洋菜同羽衣甘藍由於打碎哂，其實兩者好似 唔係用豬肉同墨魚肉都分唔到兩者大家可以避免叫差不多款嘅餃，分別不太大*因為隔左好一段時間，原來無左有醃蘿白個個自助區……

平民鐵板煎餃大推😝🍽 招牌生煎餃 8隻 $45❤️4.3/5 叫左2份份量，第一次見用石板上既煎餃子🥟，上菜個陣仲熱辣辣，餃子皮煎到好脆身，吾會好lone，餡料今次叫左4隻味。第一隻係芝士粟米雞肉味，普通水準發揮，略嫌雞肉有啲乾身。第二隻係冬菇雲耳椰菜鮮肉味 。第三隻係咖喱薯仔🥔豬肉，咖喱味幾香濃。最大推係泡菜芝士鮮豬肉味，辣辣地加埋芝士味，非常香口，又吾會太滯🤩

有兩個foodie朋友都推介呢間餃子店，今次專登過黎試下睇下值唔值。食物叫咗：石板孜然火箭魷魚，醉雞，湯餃子（韭菜豬肉併羽衣甘藍墨魚+蕃茄湯底）先講吓石板魷魚，賣相一流，但係老到咬唔到，食咗三份一放棄醉雞賣相幾靚仔，唔會好似有啲舖頭咁樣碎濕濕。酒味唔會太勁，肉質滑，身邊朋友覺得少少咸，作為小食我覺得OK最後到重點餃子，叫咗韭菜豬肉餃同埋羽衣甘藍墨魚餃。首先講下湯底，偏向清淡，少少油浮面，蕃茄味唔算太濃。韭菜豬肉餃正常發揮，但係有兩隻爆左。墨魚餃口感好特別，好似食緊墨魚滑一樣，彈牙。驚訝唔使排隊，不過唔值得專登嚟，講真有少少失望，不過呢個價錢係超抵食。🥟餃子競爭太激烈，太多好選擇。

係新聞見到原來係全港十大必食餃子之一，對佢更加期待-1️⃣雙拼蕃茄薯仔湯餃（冬菇雲耳椰菜鮮豬肉餃，羽衣甘藍墨魚餃）真係大愛墨魚餃，皮薄足料，墨魚再加埋冇咩存在感既羽衣甘藍，食落係比豬肉更加挺身，既有爽口又有層次。薯仔湯係比較水同冇咩蕃茄味，但都唔差。-2️⃣雙拼生煎餃（冬菇雲耳椰菜鮮豬肉餃，芝士粟米雞）冬菇有鮮味比煎得比坊間大粒冇咁油而芝士粟米有驚喜！入面爆多芝士仲係流流地心。-3️⃣雙拼生煎餃（香芹芫茜鮮豬肉餃，菠菜南瓜芝士） 南瓜口味一聽就知好健康同高纖維食落好香甜，可以一試！-

重口味爆汁脆皮肉嫩生煎餃，新款定傳統餡料都掂😋！・・・・・・・・・・・・・・・・・・・・🥟 生煎餃 雙拼十隻 HK$60 (外賣平台外賣價*) 店內食價錢HK$50口味 ＞ 洋蔥牛肉餃、泡菜芝士鮮豬肉餃・味道：兩個餡都好食，洋蔥牛肉係甜咸甜咸咁，仲有牛味。泡菜加車打芝士食落似咸蛋黃醬，重口味肚波喜歡～・口感：牛肉豬肉都係嫩滑款。個皮外賣竟然仲脆！・・・・・・・・・・・・・・・・・・・・🤰性價比：高～🤰9衝度：9衝～🤰結論：肚波家族愛店，亦係區內人氣餃子店，值得一試！・・・・・・・・・・・・・・・・・・・・

突然心血來潮想食餃子，經朋友介紹黎左呢間兩三碗餃子最後嗌左蕃茄薯仔湯嘅香芹芫茜鮮豬肉餃+芝士粟米雞肉餃，同埋生煎泡菜芝士鮮豬肉餃+洋蔥牛肉餃等上菜期間試左佢嘅蝦米辣菜脯，對於勉強食到譚仔五小辣嘅我黎講有啲辣🥵不過味道都唔錯加埋落餃子食別有一番風味番茄薯仔湯唔算太濃味，但都幾鮮，但就得番茄，一舊薯仔都冇粟米餃味道有啲似忌廉粟米湯嘅味，芝士味都幾重；香芹芫茜豬肉餃口感同味道都好豐富，同蕃茄湯都幾夾。四個味道入面我最鍾意呢個煎餃係用石板上嘅，外皮十分香脆但同時有幾隻嘅皮都煎窿左兩隻味都唔錯，個人覺得洋蔥牛肉餃好啱用煎嘅方法整，洋蔥同牛肉都煎得好香，有啲日本風味！不過啲餃子雖然睇落好大隻，但內餡偏細，好多時一啖就食完個餡，然後就剩左一半外皮喺度，唔係幾過癮

:/📍兩三碗餃子🥟 慈雲山尋找美味餃子之旅(◐‿◑)🥟💨嚟到慈雲山一帶 發現呢一間由兩三碗車仔麵分支發展的姊妹店✨上網見有人介紹它最特別之處是煎餃子都是用鐵板上(⁎⁍̴̛ᴗ⁍̴̛⁎)搞到我見到圖都吸引到流口水🤤 由黃大仙站行上一大條斜路 終於俾我試到呢間啦！-🕯紫菜葱花鮮豬肉x菠菜芝士 湯餃 8隻🐖🥬🥟(hkd 38)必定試試番茄薯仔湯🍅🥔湯底正常 無咩特別 不過不失咁 但飲完有小小口渴🙌🏻湯餃最可以見到真面目( ̀⌄ ́) 每隻都好足料飽滿🥰 皮算薄 食落每一啖都幾滿足ahhh紫菜豬肉又比想像中夾 不過紫菜量比較多 偏重菜味🥬另外叫咗一款素餃😗芝士菠菜 但唔係拉絲個種 係會遇熱溶到變水 所以一咬會流曬啲汁出嚟(｡ì _ í｡) 所以浸得太耐 個皮好易穿🥸要快啲食咗先！🕯 粟米芝士雞肉x洋蔥牛肉 煎餃10隻🥟(hkd 42)脆卜卜大大隻~ 無得輸~每一隻餃子都煎得好香脆(˶‾᷄ ⁻̫ ‾᷅˵)特色💡熱石燒上碟❣️好處係可以食到最尾餃子都可以keep warm芝士粟米雞肉 芝士味好濃厚🫶🏻🧀 加上粟米清甜🌽✨ 令口感層次豐富(*≧ω≦)牛肉餃 好香🤪🐂懷疑係洋葱關係🤩 牛肉+葱口感有彈牙綿密🤓Ps🌶️自家製辣

慈雲山好多學校自然就好多嘢食而且平民地區所以好多餐廳性價比都好高今次就約咗朋友去食兩三碗餃子🥟以前中學嗰陣都已經有食佢嘅兩三碗車仔麵🍜個價錢都唔貴不過朋友仔唔算肚餓就嗌左兩款試下分別係口水汁餃子同埋鐵板煎餃子每款各10隻 仲可以揀兩種餃子餡即係一共可以試四種餃子餡印象中口水汁餃子揀咗紫菜豬肉餃+白菜豬肉餃鐵板煎餃子就揀咗泡菜芝士餃+芝士雞肉餃口水汁真係好好味同紫菜餃好夾而鐵板煎餃一定係泡菜芝士🤣🤣未試過嘅 經過慈雲山一定要試吓啦

已經食咗好耐兩三碗餃子，但係每一次都係外賣生餃自己返屋企煮，佢嘅款式好多，餡料飽滿，大大隻又好食！但今日心血來潮，第一次堂食，結果實在太有驚喜！堂食佢嘅餃子俾自己買嘅生餃子更加新鮮，而且煎餃仲要係喺石板上面熱辣辣脆卜卜咁樣端上雖然係熱氣啲，但係咬落去除咗好脆口之外，仲有好多肉汁鎖左喺餃子皮入面。而且佢堂食嘅辣蝦米菜脯，都比起外賣拎返屋企更加香❤️幾乎佢所有款式都食過，我諗堂食其中覺得真係好正嘅係佢嘅菠菜芝士餃，每一啖都充滿着芝士！仲有仲有，佢個羊肉餃係真係好好食。如果鍾意食餃子嘅，真係推介要去一試。

慈雲山居然有一個咁好食既餃子，絕對需要大家支持支持雖然唔近地鐵站，但有心搵好嘢食就必定要黎餃子可以選擇湯餃、煎餃或者口水汁撈餃煎餃的話係用鐵板上，所以個煎到好香好脆，但要小心食，因為一定會焫親個嘴湯餃的話薯仔番茄湯就好正，似係住家湯咁個人十分推介咖喱薯仔餃子同埋羊肉餃，十分出色，咖喱薯仔餃食煎餃的話更加好味而且餃子既size好大隻，肉餡勁飽滿，食8隻已經好飽肚除左餃子，呢道仲有其他小菜，但個人覺得重點食餃子就ok鐘意食的話仲可以買生餃返去，想幾時食都得呀！

天氣凍最啱食餃子,配個熱辣辣嘅湯.呢度啲餃子都有幾多選擇,唔係剩係得啲傳統味道嘅餃子.例如有羽衣甘藍墨魚餃，菠菜南瓜芝士餃等等湯餃可以揀雞湯或者蕃茄薯仔湯，今日就揀咗蕃茄薯仔湯.個湯都幾足料，有好多蕃茄薯仔仲有洋蔥，清清地味道唔會太酸都幾開胃。本身唔食辣，挑戰下叫咗個咖喱薯仔豬肉餃。食落去果下我覺得幾辣，但又覺得幾過癮，飲飲下啲湯都飲晒。不過其實幾好食，佢個饀都幾多，餃子皮厚薄適中。另一款叫咗芝士粟米雞肉餃，本身都幾鍾意食芝士,所以食到佢個軟心嘅感覺都覺得好好味.

口水雞飯雞夠入味，飯又夠熱，鍾意食辣嘅朋友可以試吓，非常一流夠入味招牌生煎餃子，有泡菜芝士味同咖喱薯仔味，煎餃火候非常好，比起一般餃子店煎得香脆可口美味，仲有鐵板上

今日嚟到慈雲山食兩三碗餃子🥟🥟見到鋪頭食物嘅種類都幾多，又有酸菜魚，又有石燒牛柳粒。但我今次去到就緊係試左最出名嘅餃子先啦😎😎我就叫左一份口水汁雙拼餃子(西洋菜豬肉餃&芝士粟米豬肉餃)同埋一份蕃茄薯仔湯雙拼餃子(芝士泡菜豬肉餃&羽衣甘藍墨魚餃)🥟🥟總括食左四款餃子嚟講最好食一定係芝士粟米同芝士泡菜餃子。因為佢真係好足料，芝士亦都非常之香，絕對值得一試！🤤🤤而口水汁用嘅辣油都真係幾辣，如果食唔到太辣嘅就要小心啲啦🤣而蕃茄薯仔湯就係值得推介嘅，飲落唔會有種好假嘅茄味，味道唔會太濃，亦都似係冇用到味精。食完都唔會頸渴😗😗

之前睇到餃控有人推介 去開慈雲山探親就買左泥食 當時點左外賣 餃子還好 比較普通 冇人地講到咁誇張 覺得冇一定要去食既必要 不過可能因為我係叫外賣冇堂食咁好慈雲山泥講 街市間天圓好食好多5/10