光榮冰室

營業中

休息中

光榮冰室別有一番風味，環境好似番去細個幫襯嘅冰室咁，檯櫈都係以前個種摺櫈，真係好懷舊喔～價錢方面都好經濟，我地叫佐常餐，雪菜肉絲米粉配西班牙奄列，西班牙奄列竟然有焗豆，我就麻麻地有焗豆，野飲係凍檸茶，一個餐需48蚊，性價比極高～另一個叫佐雞扒辛辣麵，配火腿奄列，奶油多只需另加一蚊，好抵食，凍飲亦都好大杯，大滿足～份量超足夠～唯一想講係鋪頭只收現金有啲唔太方便😆同埋座位有少少窄～都會繼續幫襯，因為性價比高～

點3去到叫咗兩個午餐腸仔煎蛋雞扒麵：豐富、好味。水準正常。想講個重點係本身我嗌常餐加腸仔。侍應姐姐話不如你嗌呢個雜錦面餐仲抵唔使加錢，覺得佢好老實主動同我講。蔥油雞扒飯：雞扒極大塊煎得好香，蔥油唔會太鹹，又唔會係甜味，個汁味道啱啱好。最正係杯奶茶，奶同茶個分配啱啱好。茶餐廳最緊要就係杯奶茶。凍熱都好飲，個人推介熱飲。由於質素好，對佢啲食物有信心。食到兩點叫多份茶餐嚟食😋😂塊豬扒好香脆完全唔油，所以食到咁飽都唔覺得膩。叫半份西多士但好厚，如果連鎖店呢個係一塊嘅份量。西多士中間仲要有餡，好邪惡，但好味！呢個脂肪值得比，豪俾佢😆由於太好味掛住食，食完個午餐先記得要影相，淨係得茶餐相一張😛 我見到斜對面頗為上年紀嘅阿叔都忍唔住同食物打卡，好得意😂 證明都幾有吸引力👍🏻仲有，個姐姐好細心未到兩點幫我落住單先，一到兩點即上食物。又要俾個like佢👍🏻呢間一定encore

【屯門區】【光榮冰室】今日光榮冰室嘅屯門店正式開始試業，由於大量戰友身處深圳山姆超市血拼，所以留港消費呢科嘢都係由我頂住先啦。然而，我打個比喻，足球嘅香港隊喺世界上係一支中下游嘅弱旅，但係我作為香港人係一定會支持嘅。咁同一個道理，香港人攪咗光榮冰室出嚟，我支持吓都得掛，道理好簡單。本身想叫下午茶炸髀，但佢開張冇幾個鐘，侍應話未有都冇計。咁就叫 $48 嘅全日特餐啦，「鮮牛肉湯意粉」免費轉「出前一丁」，配埋「火腿奄列」同「牛油方包」，我加 $1 轉「奶油多」，嘢飲我就飲「熱奶茶」嘅。個鮮牛肉冇乸到冇質感，有驚喜，個奄列整得有啲老，奶油多正常。熱奶茶就茶味幾濃，好飲。補多件 $26 嘅「西多士」，我落煉奶，佢係一片冇餡嗰隻西多，即炸即食都可以。價錢 $75，都係食個情懷嘅，我諗大家都理解。。。（地址：屯門河傍街155-165號雅都花園商場10A地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globa