元気寿司 (曼坊)

營業中

休息中

近來週末都喜歡上食壽司，貪佢:1就腳2大家鍾意食乜自己叫3想減肥可以食兩碟就嗌飽下午1點幾，等位是必然的慶幸的係只需要十幾分鐘就有三人迴轉位，星期日中午算係咁。一坐低就見到窗口打開出就一批壽司，即係係輸送帶都攞到新鮮嘢。再睇睇季度推介。。。係我剛整完杯茶，set好豉油wasabi之際，媽媽二話不說已經擺咗一碟得返一半嘅牡丹蝦刺身俾我，本人都喜歡蝦，但更喜歡價錢大眾化一點嘅甜蝦，因為覺得鮮甜味都更集中，哩個大隻牡丹蝦只係合理嘅甜，欠一點鮮，同一價錢就寧願食其他試咗期間限定嘅吞拿魚腩壽司，超超超，肥美。肉質帶少少爽而無筋，高質素嘅吞拿魚，好難得係大眾化壽司店搵到。天婦羅蝦手卷原來要自己包，十幾年前都或者會貪得意，但而家就略嫌麻煩。仲有個軟殼蟹手卷，紫菜上枱時已經林林地。。。唔知係個架濕定師傅隻手濕特別order有炙燒:黑椒三文魚腩 - 一般牛油汁蝦，帆立貝同左口魚都肥味，而炙燒更能特出鮮味同油香，水準之作最後用特飲當埋甜品，菠蘿味唔會太假，但就有放暑假嘅感覺，wow~summer is coming但服務就有點慢，可能唔夠人手，每次想叫服務員都要週圍望一分鐘先見到有個會留意下你嘅侍應，又

經過美孚見到好耐都未食過元氣就入去食下啦。叫左幾款壽司同刺身，食呑拿魚壽司，好滑，好嫩，食落厚身，好食。反而最下果款呑拿魚就好一般。 蝦身起膠，好食。三文魚都厚身好食，又香滑，左下嘅壽司好食，好鮮甜。右下嘅象拔蚌壽司都好新鮮。帆立貝刺身大大粒，蝦刺身鮮甜。海膽壽司色澤光鮮，一睇就知新鮮，食落鮮甜。好耐無食芝麻八爪魚，八爪魚食落軟淋，同我平時食嘅口感有些小分别。 像八爪魚刺身的味道。青瓜爽甜，食材整睇都好新鮮，一改我對元氣食品嘅印象。p.s.不過服務質數有代改善。

一向對元氣印象唔錯，作為一間平民迴轉壽司店食物質素中上，但呢間分店簡直係惡劣去形容，唔知係唔係雷雨之下加上晚上九點，入面冇乜客，啲侍應從容咁打駡嬉戲，由於今次只係一個人晚餐，所以叫咗唔係好多嘢（好彩叫得少），除咗個蝦頭湯之外，其他簡直唔可以接受！個厚燒玉子一夾起啲蛋就已經條條fing，隔離件魷魚壽司仲驚嚇，一夾起下面舊飯即時「粉碎」跌晒落嚟，簡直係人生第一次嘅經驗！之後叫咗碟吞拿魚刺身。嘩！簡直係極品，多渣多筋到要吐返出嚟！我諗如果佢唔改善吓，應該好快摺埋

今次我和同事們一行10人，一齊去左新開無耐的元氣壽司食Lunch，因為人多的關係，我地就要分兩枱前後坐啦。開始點菜啦，因為今個月有優惠，而我地今日的優惠係三文魚$10碟，所以同事們豪不猶疑地一口氣叫左5碟三文魚，一人一碟唔洗爭。之後再叫左大家都喜愛食的帆立貝壽司、北寄貝沙律軍艦、軍艦三味、炸墨魚咀小食等等……壽司方面：好新鮮。三文魚都算厚身。而帆立貝好鮮味，完全沒有口的感覺。軍艦方面：圍邊的紫菜好脆，北寄貝沙律好味好香，蟹籽好晶瑩好脆。小食方面：炸墨魚咀炸得好香 又唔會太多油，非常香脆可口。