元気寿司 (新城市廣場一期)

營業中

休息中

【$12満腹之選壽司】小肌、炙燒目鰺、醋鯖魚、針魚等等☝️今日天氣突然間熱咗咁就諗到去元氣食壽司，原來佢今日剛剛開始做$12壽司優惠，咁我就嗌咗啲嚟試吓佢做優惠嗰啲味道都可以，個螢光魷魚都幾新鮮叫完嘢食啲壽司都好快到，個刺身蝦就必叫，同埋今次有叫過吞拿魚，雖然兩款都唔係$12，但係都係一個唔錯嘅選擇，大家可以試吓最後埋單食咗240幾蚊，因為上次有$70積分餘，所以最尾埋單160十幾最後發生d小插曲，比錢果時店員比左個盒我，話元氣三十週年有朱古力蛋糕🍰送甘我問可唔可以比完錢向坐位食咗先走，有另一個店員就不太有禮貌咁講:依個係要外賣食，不能堂食。我再問多次 因為天氣熱，我不是直接返屋企，方唔方便食左先離開？之後我比左一元買外賣义，她繼續不太有禮貌地說，門口都有位坐，你哋自己搞掂。最終我要去門口坐喺度食埋個朱古力蛋糕，雖然我覺得佢個心思係好嘅送個朱古力蛋糕俾人，但係執行上面就好hard feeling囉變咗，因為我食嘢嗰陣時係下午三四點，成間舖頭都冇乜人，就算食埋個蛋糕都係最多幾分鐘，變咗要坐喺門口食。

这家寿司店的食材新鲜度令人赞叹。三文鱼色泽鲜艳，肉质细腻，入口即化，仿佛置身于海洋的鲜美之中。此外，其他海鲜类寿司也保持了极高的新鲜度，口感鲜嫩，令人回味无穷。除了食材的新鲜度外，这家寿司店的上菜速度也非常快。从点单到上菜，整个过程流畅高效，让我们能够尽快品尝到美味的寿司。这种快速的服务不仅节省了我们的等待时间，也让我们有更多的时间去享受美食。最后，这家寿司店的价格非常合理。考虑到食材的新鲜度和上菜的速度，这样的价格显得格外实惠。我们可以以亲民的价格品尝到高品质的寿司，性价比极高。总的来说，这家寿司店在食材新鲜度、上菜速度和价格方面都表现出色，为顾客提供了优质的用餐体验。无论是海鲜爱好者还是寿司爱好者，都能在这里找到心仪的美味。

因為自己喺沙田返工，所以就嚟咗呢一度食午餐，佢本身都自己有一啲午餐set，而嗰啲set就會有烏冬啊，再加壽司再蛋，都有好多款唔同嘅選擇，因為當日返工好攰，所以決定散嗌去令自己開心吓自己本身必點嘅就會係三文魚啦，甜蝦，呢啲就比較普通一啲，都係正常嘅味道，但係三文魚呢就每一次食都會有啲唔同嘅，要睇吓當時嘅批次，今次食嘅三文魚好似凍得太耐，唔係太吸引同好食。但係自己每一次嚟都必定會食蟹膏系列，包括喺蟹肉蟹膏同埋甜蝦蟹膏，佢擺蟹膏嘅份量其實都幾好幾多，一次過食落去真係好爽，鍾意食蟹膏嘅朋友記得要嗌，另外佢有一隻黑松露炸蠔壽司，都好好食，嚟到嘅時候可以感受到佢係即時整，好熱，黑松露配埋好夾，下次一定會encore呢一款

平時收工夜咗，都會叫元氣外賣返屋企食因為佢個營業時間都比較夜，好適合夜收工嘅我。外賣叫咗五份三文魚壽司，即係有10件，可能夜咗，冇特別新鮮😣三件中拖羅壽司，一如既往的好食😋一份炸蝦卷，一份有三件。三件鰻魚壽司，值得一提嘅係而家外賣冇鰻魚汁，個人覺得好似唔係好夠汁同埋一盒炸雞軟骨，如果想要沙律醬，外賣膠盒要加一蚊埋單$235，兩個人食啱啱好。PS. 而家外賣嘅Wasabi終於大包咗😂以前一包一啖就食晒，好鍾意佢哋嘅新包裝！

下午茶時間去沙田開咗冇幾耐嘅元氣食嘢，入到去見仲有好多空位，所以就問吓可唔可以坐卡位，點知個女侍應（講廣東話唔正）就問經理，之後就比說話我聽，仲話盡快食喎，非常之無禮貌，完全趕客！野食算快，食物唔差，不過一坐低就比服務員咁樣對待，感覺真係好差，仲有呢間餐廳訓練下員工啲廣東話，講野唔正又要用廣東話去話人，真係好好笑食完個下午茶都唔夠九個字就埋單走人，對呢間分店評分好差，好耐未試過遇過啲咁嘅服務員，唔該練好啲廣東話先好落嚟返工啦

沙田又重開元氣壽司店，為於新城市廣場內裡，人流集中地今次裝修後有很多卡坐位同做了高速線火車🚄送遞，可以保持壽司新鮮度由食客自行用二維碼點餐，真的方便快捷同時小朋友見到火車🚄行來行去，都會坐定定望實駕列車🚄。今次特別來吃其中一個原因就是這裡推出左—— 巨大M Size 珍寶帆立貝，俾平時帆立貝壽司增量60%🍣，超大件肥美的珍寶帆立貝壽司真的超級厚，一件切開一半放在壽司面上，可以張整件壽司完全遮蓋住，超吸睛打卡一流，味道方面毋庸置疑超新鮮超甜美味，嫩嫩的吃一件真的不夠喉。吉列蠔伴龍蝦濃湯醬🦪，這款配搭很新穎吉列蠔加入龍蝦濃湯醬汁一起吃，口感幾特別夠鬆脆。炙燒脆蒜赤海蝦🍤，原隻赤海蝦很鮮甜超爽好彈牙，再配埋脆蒜味道幾夾。油甘魚天🐟，雪白魚身很爽甜又新鮮，平時比較少吃。日式海鮮茶碗蒸🥚，這款是長青食品每次來這裡也要點這個日式海鮮茶碗蒸🥚，蛋很鮮甜嫩滑，還有日本魚蛋、蟹柳、蝦仁和雞肉等。其他還有吃～～～炙燒味噌左口魚裙邊，珍寶虎蝦，大切親子三文魚，牛油味噌燒大切三文魚，油甘魚腩，吞拿魚，酥脆魷魚鬚和脆蒜炙燒日本鯛魚。

話說🇯🇵元氣壽司𝐆𝐄𝐍𝐊𝐈 𝐒𝐔𝐒𝐇𝐈 又有新壽司登場啦(⁎⁍̴̛ᴗ⁍̴̛⁎)!!! 全新的松葉蟹祭開始囉🦀!!!全新系列有𝟔款新品🥳，包括: ❶炙燒蟹膏味噌松葉蟹棒👑炙燒後香氣撲鼻，加上蟹膏更惹味。❷蟹雙式 ─ 松葉蟹鉗 ‧ 蟹味噌😆兩件松葉蟹鉗與蟹味噌飛魚籽軍艦，一次過滿足你兩個胃口講大滿足! 原隻松葉蟹，份量十足。蟹味噌飛魚籽，濃郁鮮美。 ❸雙式松葉蟹軍艦🍣用微酸的柚子醋果凍及鮮甜蟹肉組成的軍艦，别有一番清新感覺。❹ 豪快松葉蟹肉蟹膏💓小山丘般的鮮味蟹肉，超級吸引😍! 加上蟹膏及三文魚籽，正呀～❺ 𝐃𝐈𝐏 𝐃𝐈𝐏龍蝦湯松葉蟹卷🔥獨家隱藏食法: 先嚐一口龍蝦濃湯，再把蟹柳小卷或紫菜天婦羅浸泡在龍蝦湯中，或把它們沾上龍蝦湯，有與别不同的味道哦～❻松葉蟹龍蝦濃湯拌烏冬🍜有蕃茄香的龍蝦濃湯，拌上日本產烏冬、松葉蟹肩肉和蟹棒肉，龍蝦味十足，好吃呀～你都快點去試試期間限定的松葉蟹宴啦😍!