元朗新記 (吳松街)

營業中

休息中

今日來佐敦元朗雞粥食飯，餐廳很明亮乾淨，有茶餐廳feel 服務都很友善。最出名的是他家的雞粥，據稱用幾十種材料燉煮雞湯，我们點的貴妃雞蠔仔粥，夠兩人食，粥很綿滑，味道偏清淡，感覺比較滋補。魚綾魚球很大顆很彈牙，有小碟沾料比較鹹，吃兩顆就好飽涼瓜炒蛋雞蛋炒的金黃誘人，和涼瓜組合口感極佳薑汁紅棗糕十分彈牙，可惜當時已經食飽，些許吃不下蛋白杏仁茶這個真的好讚，偏愛清淡不甜口味的一定要試下，十足香濃幼滑整體來說，很不錯的新式餐廳

今日口淡淡想食粥，就黎左新記食晚飯!一入到去有口罩套裝口罩，方便又衛生!貴妃雞粥雞粥足料又夠綿，雞既份量都幾多，而且都唔鞋口，又唔係舊舊都係骨冇肉食，雞味滲哂係粥入面，又香又綿，正!炸兩炸兩配粥食是常識吧!腸粉皮滑溜溜，入面既油炸鬼脆得黎唔會死硬，好易咬開，又香口。煎蝦米腸份量唔少，煎得好香口，又係配粥食定就咁食都一流!脆皮乳鴿叫左一隻SHARE食，乳鴿新鮮炸起熱辣辣，點淮鹽食一流!呢度既乳鴿唔會勁油，但又做到外皮脆卜卜既口感，連肉都好香好嫩，食到手指都想吮埋!XO醬叉燒炒蛋 白飯凍豆漿XO醬叉燒炒蛋係小菜黎，配埋白飯同飲品，味道辣辣地好惹味，XO醬味突出，蛋亦炒得香滑!叉燒係半肥瘦叉燒，食落有咬口，撈飯食好正!豆漿豆味香濃，飲得出自家製味道! 

經常到元朗都無緣吃到新記雞粥，今晚在毫無計劃下經過佐敦竟然見到它的分店。世事就是這樣，沒預計的事會忽然出現於你面前，而且剛剛過了晚飯的爆場時間，實在沒有原因不入進一試。原來這裏除了吃雞粥之外，還有多個粥品配搭選擇，亦有前菜小食和中菜，連蒸魚、乳鴿等等都有，有驚喜。來到當然要一試其招牌「 貴妃雞粥 $52」，還配搭了坊間少有的泥鯭 （加$12）。粥底很綿，久放粥都沒有變水，亦沒有很油，而且加上了調過味的鮮嫩雞肉令粥底更美味。蜆蚧鯪魚球 $52新鮮即炸，粒粒脹卜卜，放涼了亦沒有縮小，入口彈牙實在，配上了有鹹香的蜆蚧更加惹味，二人分享實在飽肚。海蜇八爪魚 $52海蜇分量多而且彈牙掛汁，八爪魚十分大隻，肉仍然鮮爽。椒絲腐乳通菜 $43通才新鮮沒有渣，但腐乳味比較淡。沒有加1服務費，平時來吃晚餐都很抵食。

最近多个星期經過佐敦這一帶，算是今天第一次看見這小餐廳，看見它是元朗老字號，心想可以一試。還以為它是一茶餐廳，進入後才得知它有粥吃，馳名的是招牌貴妃鷄粥，而且還要是用瓦煲仔上桌。由於天氣炎熱，我於是點了魚腩粥，配蝦米腸粉。午餐才$45還配有咖啡茶，真划算！粥和腸粉都需少少時間製作，腸粉充實滿滿蝦米和葱花，貨真價實。魚腩粥底綿滑，魚肉味道不錯。以這個價錢，肯定比相類似的快餐店 x粥麵要強得多。我覺得店東很有誠意做好每一項食物，值得推介！我下次會再來試試它的貴妃鷄粥。

好耐冇食拉腸，所以今日專登去呢間粥店試下個鮮蝦腸。啱啱12點入，叫咗個蠔仔粥配鮮蝦腸套餐。蠔仔粥，味道稍淡，都有蠔仔，不過可以再足料啲。鮮蝦腸蝦仁大大隻，再薄再彈牙少少再perfect。脆皮乳鴿乳鴿唔錯！即叫即整新鮮熱辣辣。乳鴿嘅大細嚟講，都算係幾大隻。抵食又好味。鮮蝦雲吞幼面竹升面爽口彈牙，我覺得係咁多樣最正嘅！鮮蝦雲吞大大隻，好吸引！以粥店嚟講出品都好好，所以好正！平時中午都可以嚟食一餐。又方便！

又食雞粥啦，是日去到佐敦shopping 同honey去新記食雞粥我就好掛住佢地的炸大腸哈哈雖然系茶餐廳，但佢哋的款式都好多，唔怕無野唔啱食是日同honey點左貴妃雞粥炸大腸 海蝥8爪魚豬手牛筋腩撈粗 飲品點左柑桔話梅7喜 龍眼7喜柑桔話梅7喜 龍眼7喜兩杯飲品都唔錯，夏日飲超正貴妃雞粥雞粥照煲得好有雞味，雞件多炸大腸真係好好味，小食送粥一流海蝥8爪魚海蝥爽口，真係開胃小食豬手牛筋腩麵味道唔錯，超多汁，豬手入味，牛筋腩不過不失

朋友仔一向鍾意食雞粥，今晚黎到元朗新記佐敦分店，7點幾黎到要排一陣隊。海蜇燻蹄爽脆彈牙既海蜇有咬勁，燻蹄滷得軟透，兩者好夾。泰式鳳爪 酸酸辣辣令人非常開胃，口感爽滑，啃得津津有味。秘製雞中翼煎到兩面好香脆，肉質嫩滑，啖啖肉勁滿足。招牌貴妃雞粥粥底綿滑，雞件嫩滑，帶點鹹香夠入味，啖啖鮮美。豬潤腸粉剛好熟既豬潤味道甘香，腸粉質感滑溜有米香。豉油王炒麵充滿豉油香，炒得有鑊氣，麵條炒至乾身，食落好香口。凍五花茶清熱祛濕既五花茶好岩最近天氣飲～熱豆漿香濃好有豆香。

今日係附近唔知食乜時見到新記，因為唔係第一次食新記，所以都知食物質素唔同，亦都試下之前覺得想試但又未試既菜式貴妃雞粥/海鮮粥食完又食既雞粥，每次都食到香濃的雞香，雞肉又仍然保持嫩滑，絕對係必點，海鮮粥就第一次食，十分足料，有蟹腳、蝦、魚肉、帶子等等，料都唔錯，令粥多一份海鮮味鯪魚球上次已經想食，每粒都有半個拳頭大，外皮炸到脆脆地有口感，肉汁鎖住係肉之中，所以十分惹味，而且仲有蜆介湯配，唔夠可以點脆皮乳鴿今次終於試試乳鴿，60幾蚊隻其實真係唔貴，而且燒得好好食，外皮脆肉嫩，鴿味濃，而且仲大大隻啖啖肉，真係一流

今日又好想食新記既雞粥, 雖然未試過元朗店, 但係市區有得隨時食咪仲好!! 近排食得油膩野多, 想食個粥清清地, 但朋友係夜晚一定要有飯落肚既人黎, 食過新記D小菜又唔錯, 岩哂我地今晚解決晚餐!環境都幾乾淨, 枱有隔板, 入座時有做足量體溫等動作, 店員仲提我地食野前後都要帶番住口罩添~香脆炸兩腸 $20炸兩配粥先係PERFECT MATCH, 最傳統既炸兩腸, 新鮮炸起脆卜卜, 滑滑既腸粉皮, 簡單又好味。貴妃雞黃鱔粥 $64貴妃雞粥一向都冇得輸, 粥有雞既香氣, 今次試下加埋黃鱔, 個粥多左陣淡淡既鮮味, 鱔肉亦一D都唔腥, 青紅蘿蔔栗米豬骨湯依度既例湯都好正, 唔係求其茶記味精湯, 而係一盅盅每日滾既湯, 而且日日都唔同款, 今日既係青紅蘿蔔栗米豬骨湯, 清甜可口又熱辣辣, 正!XO醬CHA燒炒蛋飯餐 $74叫餸加$17轉餐就會有飯有野飲, 叫得依個XO醬CHA燒炒蛋係冇可能唔叫飯送既, 皆日佢個XO醬辣辣地好惹味, 蛋又炒得夠滑嫩, 撈飯一流~簡單又好味, 快靚正既一餐!

得閒食下粥都唔錯，呢間新記雞粥平時都有食開筲箕灣分店，今次咁啱喺佐敦附近，就試下佐敦分店啦，坐得舒服又方便就腳。店面大大個元朗新記招牌夠搶眼一個人食左三碟野，太勁啦，好彩食得晒最出名係雞粥所以今次試個黃鱔雞粥雙拼，雞粥熱辣辣又夠綿，而且足料，又大大碗，抵食。回味無窮最正係有d涼拌小食，皮蛋堅唔錯，好多香料再加埋碟通菜就啱啱好啦最好係送埋口罩套認真貼心呢

佐敦有好多港式小店，大多老字號，新記在元朗起家，以前消夜食雞粥好出名。今日去到見到因為疫情，小咗人，每個位都有隔板分隔，多咗安全同私隱。最鐘意食佢個豬潤雞粥，四大片豬潤夠新鮮，三件滑雞好似少咗，但其實已經好大碗。另外不可不食佢嘅鯪魚球，成粒網球咁，6大粒，五十幾蚊一D都唔貴。今日另外叫咗蒜泥汁脆皮豆腐，夠脆夠滑，但唔掛蒜泥汁，如果再炸乾身D，可能可以吸多啲汁。肚餓嘅同伴就點咗XO醬叉燒炒蛋飯，一見到D滑蛋就覺吸引，叉燒份量多，XO醬又惹味，係唔食粥嘅好選擇。

由細到大都好鍾意食粥，今日黃昏時候一個人喺佐敦搵嘢食，諗起朋友介紹過新記，總店喺元朗不過喺佐敦開咗分店，即刻Google一下佢位置，發覺原來好近佐敦地鐵站，嗱嗱聲行過去。唔使等位，一個人入到去，心大心細諗緊到底叫貴妃雞粥好定係泥猛粥，考慮到衛生問題結果都係叫貴妃雞粥。貴妃雞粥成個瓦煲上，試一啖粥，相當綿，有米香味，又有雞味；雞就比較一般，因為佢俾咗個雞胸所以比較硬，但係都叫做好味。亦都叫咗份炸兩，腸粉裏邊嘅油炸鬼仲係脆的，呢個真係好正😋一個人的簡單晚餐，都食得幾滿足。

覺得新記雞粥價錢夠平，有粥粉麵飯之餘，也有小炒，選擇較多，味道不錯，所以今日來到佐敦，揀了食新記雞粥。紅燒元朗脆皮乳鴿$65紅燒元朗脆皮乳鴿，乳鴿皮不是很脆，不過就醃得很入味。牛肉腸粉$24牛肉腸皮厚薄適中，內裡牛肉與芫茜都很香，入口又軟又滑的，非常美味。豉油王炒油麵$30豉油王炒油麵不會太多油，炒得也不會太干身，有火腿絲、芽菜、芫茜、蔥、紅蘿蔔及洋蔥…等，炒得較香口，因為很多配料及調味很好，所以很可口。牛肉粥$33牛肉粥，牛肉切得都較為大件，經醃過，所以也很入味，牛肉帶腍滑，粥底也很甜。豬腰粥$33豬腰粥，豬腰帶少少爽的口感，味道稍淡，但點上少少辣醬及豉油，食得很美味。淨雲吞$39雲吞裡面的鮮蝦仁一隻隻，爽中帶點彈牙，雲吞的湯底很甜，雲吞與湯一齊食，令雲吞味道更鮮味。蛋白杏仁茶$19蛋白杏仁茶，杏仁味很濃，還感覺到一粒粒杏仁的微粒，不過如果喜愛甜的，就要自己添加糖的份量，甜度就要由自己調較了。

阿哥由細到大都好鍾意食粥，佢今晚帶我嚟佐敦嘅「元朗新記」食晚飯，仲點咗成枱都係我鍾意食嘅嘢。呢到環境唔錯，夠光猛企理，坐得都幾舒服。我哋倆個人，點咗：蜆介鯪魚球（$52）鮫魚球一客有六粒，大大粒，炸到金黃色的較魚球入口好彈牙，蘸點最佳拍檔嘅蜆蚧醬，好惹味。咬一啖熱辣辣嘅鯪魚球，飲一啖泰式青檸冰 （$23），青檸嘅酸酸甜甜滋味，加上凍冰冰嘅感覺，嘩，好正。原煲生滾貴妃雞粥（$52）粥底好綿滑，份量亦足，鮮味嘅雞肉及清香葱粒與粥融和一起，好鮮甜好味，果然係老字號。炸兩（$20）我一啖咬落去，炸兩裡面嘅油炸鬼竟然係脆架。酥炸魷魚鬚（$ 55）魷魚鬚炸得好香，入面嘅魷魚好爽口不韌，一條接一條，食唔停口。灼菜心（$31）大大碟，肥嘟嘟，好新鮮嘅菜心～薑汁紅棗糕（$16）千層糕做法，一層薑汁糕，一層紅棗糕，薑味濃郁口感煙韌，甜度適中。全部都係我鍾意食嘅嘢，雖然不是什麼名貴菜式，但好開心，而且價錢很實在，倆個人食到好飽，共$ 249，無加一。會再來。

知道媽媽鐘意食粥，專程帶媽媽嚟呢間位於近佐敦地鐵站A出口附近(地點都易搵 大概行五分鐘就會見到)- 包羅萬有又唔收加一既粥店😍一打開餐牌，款式多到樣樣都想食，淨係生滾粥都成三十款比你揀😳仲有爽滑腸粉、招牌小食、精選粉麵、精美小菜、數款甜品等等；感覺係去左一間茶樓飲茶咁，係估唔到咁細間茶餐廳格局，但就有海量既款式，任均選擇🤤🌟招牌貴妃雞粥 $52🌟招牌雞粥點可以錯過，滑雞係滑到一個點，肉質嫩滑，粥底米香軟綿，加埋蔥花一流，平時食粥都會加胡椒粉，今次好味到都唔洗加，食到就嚟無先發現原來我地無加到胡椒粉😅🌟紅燒元朗脆皮乳鴿 $65🌟呢個又係必點，如果你係乳鴿控😅，係即叫即炸，拍得住茶樓既質素，乳鴿肉厚而嫩，肉質鮮美，塊皮炸到脆卜卜，又唔會過於油膩🤤🌟酥炸魷魚鬚 $55🌟呢個又係必點，先唔講味道口感，係每一條魷魚都係大大條，唔係偷工減料，都係份量十足，唔係碎濕濕既魷魚仔比你的；口感鬆脆，外酥內嫩，個人認為比茶樓仲好食😋🌟泰式鳳爪 $47🌟媽媽鐘意食鳳爪，見到有又係必點😅味道酸酸甜甜，十分開胃😍🌟泰式青檸冰 $23🌟解渴之選，解渴生津，夏天熱辣辣，青檸檸檬都係最佳飲品🥰如果怕甜度過於甜，可以叫少