元朗合隆潮州粉麵 (智群商業中心)

營業中

休息中

上一次幫襯摩理臣山店估唔到而家係灣仔半山後街咁近嘅距離都開多間🫣難得經過又有啲掛住佢嘅胡椒湯底即刻入去！.兩個人每人點一碗三拼粉麵 $53碗🍜🍜花雕醉雞 $48🐔韭菜豬紅 $38🐷.我自己嗰碗三拼要咗牛肉球，粉腸同豬膶拼油麵配胡椒湯，三個餸都出色，牛肉球爽口豬潤都滑嘅，粉腸夠粉真係幾好食！反觀個油面比較腍，唔係我自己喜歡嘅口感，湯底我覺得冇以前個胡椒味咁重咁辣，有小失望但好彩啲餸好食救到😂😂.枱上面嘅辣菜脯同埋辣椒油都值得食！尤其係辣菜脯真係超辣好惹味，鍾意食辣嘅朋友唔好錯過🌶️另一碗要咗珍珠蠔仔、鯪魚球同牛肉餅配河粉豬骨清湯（因為男朋友唔食得胡椒湯）珍珠蠔仔喺香港嘅潮式粉麵檔都比較少見，所以好難得有得食，每粒都脹卜卜好食🤤個湯底有啲似茶記自己叫貨嘅豬骨濃湯加水或者係即食麵嘅豬骨湯底😂😂我會支持要返胡椒湯如果你食嘅話🤣🤣我哋兩個不嬲都好鍾意食豬紅，所以見到牆上面貼咗韭菜豬紅即刻要叫碗！如果單餸叫好似加$13，佢個豬紅係跟胡椒湯底，份量略嫌少咗啲以$38嘅價錢，豬紅質地好食嘅，唔會碎濕濕，整體不過不失，下次就未必再叫了今餐最印象深刻係呢個花雕醉雞$48！男朋友極力推薦要食！雞胸唔會好嚡，個

放工心血来潮想食豬膶，第一時間諗起去呢間食豬什馳名嘅地方同行友人叫左個豬什撈飯⭐️⭐️⭐️⭐️1/2🤣首先，我哋都好喜歡邪惡的豬油撈飯，個豉油唔死咸，好惹味，有細個時食冬菇亨嘅蒸飯豉油嘅味道 至於豬什，份量都唔少，冇騷味，洗得乾淨，最正係個白胡椒湯，好入味少少辣，如果冬天飲返碗一定暖笠笠。三餸（豬潤豬肉丸豬手）撈麵⭐️⭐️⭐️⭐️我個人認為叫三餸的份量不及豬什多，但女士就剛好嘅！豬膶夠嫩滑、豬肉丸好味彈牙、豬手也不錯吃 至於麵質，我認為略淋左少少，個豉油係一樣嘅，撈埋一齊食，好味。

🌟餐廳主要係食豬什，同埋唔同嘅內臟，佢嚟灣仔地鐵站囍帖街出口大概係2分鐘路程，都幾方便，我今日就叫做一個三個唔同嘅餸，再加米粉，$53，牛猁嘅味道，我覺得幾好食，再加埋本身胡椒湯嘅味道更加夾，反而豬粉腸有一兩件有少少苦，豬潤就有啲住得太耐，令到成個口感有啲差，不過總括嚟講多幾好食嘅，呢一個價錢都冇乜嘢可以忐忑，另外要介紹吓佢嘅菜舖，非常開胃好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟

呢間係第二次同同事吃了 黎親都排隊 不過真係好吃既白胡椒湯底配豬肚 加 墨魚頭 米粉豬肚 洗得好乾淨 無壓味墨頭頭好爽口彈牙加埋豆漿 又5係好甜 細細支 剛剛好嘗試埋辣椒油 先香後辣 不妨一試

新開的不少食肆之中，這家潮州麵食店就是其中之一。特意來試的豬什麵，一定先選白胡椒湯底，喝下確實帶胡椒香，而不會嗆喉。配料的豬什有豬脷和豬大，加鯪魚球。豬脷有很多片，軟嫩腍滑；豬大腸也有不少，大部份都柔靭有脂香，然而有數件卻有點靭。鯪魚球有兩粒，滑溜到不似是鯪魚球！油麵也不俗，滑溜溜入口，跟湯及配料十分合襯。店方的魚皮是門鱔，比起坊間的魚皮相對厚身，表面炸到酥脆金黃酥脆，更有咬口。將魚皮放進湯裡，便可以做到響鈴放入火鍋湯的相同效果！油菜乃是菜心，油潤鮮甜，只是蠔油略鹹了些。還有不可錯過的就是辣椒油才是王道，少少辣，直接提升香氣！店子乾淨簡潔，店員服務態度佳，食物價位平民化，相信是餐廳越開越多的原因。

一向都好鐘意食佢既胡椒湯底，好好味但之前灣仔鋪既位置比較遠所以都唔係成日可以去食而家灣仔開多左間新分店又近我多左梗係即刻去食啦！餐牌就一樣，都係食個啲野🔆豬什湯粉麵。細。配銀針粉猪粉腸 豬心 猪大腸 豬肚 豬脷 豬耳，全齊，烹調時間岩岩好，無部食落都好爽脆，口感一流！胡椒湯底，一樣的味道，令人回憶銀針粉唔係到到有，所以都係必食！🔆脆門鱔魚皮同一般魚皮有啲唔同，比較厚身，而且勁更加酥脆！ 將魚皮浸落湯汁到一齊食用，真係令人回味無窮！🔆可能（罐裝）

平時喺灣仔想食潮州粉麵 只係得地來來去去嗰幾間 黎到就梗係要試佢最出名嘅白胡椒湯底啦🍜==========================配料方便就揀咗佢哋最出名嘅爆汁牛肉餅同埋豬肉青 (即係豬頸肉)牛肉餅食落去有啲似牛丸, 豬肉青就冇乜味, 好似就咁揼咗落啲白水烚咁🫠🫠========≈=================總括黎講, 我會再返嚟食係因為個白胡椒湯底, 睇嚟平日食lunch有多一間好選擇😋 下次要試埋佢其他嘅配料

📍灣仔 德仁街🪧元朗合隆潮州粉麵-雖然係叫元朗粉麵 但元朗係冇分店㗎！😹灣仔係總店 出名之後lunch hour就長期排長龍。馳名嘅胡椒湯底真係一試難忘 天氣一涼少少就心思思想去食 今個星期轉凍啱晒去食番次啦！！🤤🤤最平單拼$40落到樓 三拼都係$50左右 平過碗車仔麵🤣 灣仔區仲有咁既價錢真係幾難得！🍲白胡椒湯 銀針粉大推銀針粉！因為可以用匙羹連埋湯一齊飲🤣白胡椒湯就唔洗講啦 主力湯底必食！秋冬季暖肚一流🥰🦪珍珠蠔仔（特別餸要+$3）個人最愛🫶🏻大大隻又夠鮮味 咬落去會爆汁 超鮮甜🐷豬肚 🐽豬腸豬雜超級乾淨 白雪雪 平時冇食開都可以試吓！-環境就比較窄啦 坐圓櫈有少少逼 食完都會俾人催你走🤣因為太多人排隊 不過好食就得啦！-食物: 4.5/5價錢: 4.5/5環境: 3/5-📍元朗合隆潮州粉麵 (德仁街) @yuenlonghoplungchiuchownoodles 📍星期一至日10:30-20:45📍灣仔德仁街3號地下A號舖📝無加一#香港foodie #hkfoodie #foodie #香港美食 #美食 #灣仔 #灣仔美食 #灣仔餐廳 #白胡椒湯 #豬雜 #湯底 #秋冬美食