健康齋廚

咁岩經過黃大仙, 竟然比我發現個邊有間齋鋪, 位置都有少少隱蔽, 大概只有附近街坊先會知道。除左單點都有唔少套餐, 二人至八人不等, 價錢都非常優惠 😊 本身朋友同我都想叫西檸千層, 但最後冇得叫所以就唯有叫第二款。一個黑椒茄子煲, 一個五柳仙斑, 煲仔個款熱辣辣, 上碟後都仲係滾住個煲, 雖然幾乎無黑椒味, 但依然好惹味, 而且朋友仲因為咁先反而覺得更好食 😃 仙斑外面脆炸, 裡面既芋頭都好粉糯, 雖然有兩款, 但味道都係一樣既, 配埋甜酸醬就岩岩好 ☺️ 大概係餐廳老闆, 佢好好人咁送左碗粉葛湯比我地試, 味道甜美。…查看更多

查實我嘅人生目標之一係食多啲素ʕ •ᴥ•ʔ今次嚟到呢間家庭式素食小店食少油少鹽中菜，叫咗以下呢幾樣👾紅燒豆腐▶️一上枱就聞到好香嘅醬油味。豆腐每嚿都好大嚿，個外皮明顯煎過有微微焦香，豆腐入邊就好嫩滑(*¯︶¯*)金沙卷▶️呢個菜式我都係第一次食，酸酸甜甜好開胃(>﹏<)粟米豆腐羹▶️其實食咗兩個主菜已經幾飽下，再嚟埋呢個禁足料嘅羹，真係幾滿足🤣南瓜粥▶️南瓜嘅嘢食我不嬲都好鍾意，呢個南瓜粥好鮮甜，好多南瓜蓉，中晒我胃口^ω^ …查看更多

無諗到素食煲仔菜都有鑊氣平時食煲仔菜，好多時以為都係臘腸、排骨、咸肉嗰類。今次喺試咗素食煲仔菜，完全打破咗我對齋菜嘅印象。 ✅ 食物：煲仔上枱時一樣有「滋滋聲」，揭蓋有陣香噴噴嘅菇菌香, 完全有返港式煲仔菜應有嘅靈魂。配埋店家特調齋汁，味道更惹味，不會因為無肉而單調。個素牛比較好食, 夠彈牙, 有肉的感覺鰻魚用紫菜包腐竹, 略為重咗點紫菜味✅ 環境：餐廳地方唔算大，但乾淨企理，食飯氣氛算幾舒服, 食齋都有大排檔感覺。✅ 價錢：菜式價錢合理，2人餐$158，仲包1碗湯2個飯。以份量同用料嚟講，性價比算幾高。呢度嘅素食煲仔菜，真係做到「無肉都有鑊氣」。啱晒平時想清清地食，又想保留香港熟悉風味嘅朋友。…查看更多

如果想食健康住家齋菜，推薦呢間位於黃大仙嘅健康齋廚，係一棟棟工廠大廈中間有呢間家庭式經營嘅齋舖，以少油、少鹽、冇味精的烹調方式，為食客帶來洗滌心靈的健康齋菜～ 比起食過的齋菜多了一份真摯和熱誠～點的齋菜都吃得出食材的原味，不會因為純粹是素菜，而用上口味重的調味料加強味道～經典香茘酥卷($88)是餐牌上的廚師推介，入口外層酥脆，中間是芋香泥，外脆內軟，十分有驚喜，每一件都是薄切，吃罷不會因為是炸物而滿口油膩感二人餐可選一款湯品及兩款小菜 ($158)，其中一款小菜轉了古法上齋煲，整煲燒得滾熱呈上，厚身軟腍香菇是精粹，涼瓜炒牛肉配白飯一流～…查看更多

最近想食清淡啲嘅中菜，就同屋企人去咗附近嘅素食餐廳，試咗佢哋嘅二人餐，味道有驚喜，原來素菜都可以咁好味😍佢哋嘅$158二人餐都幾抵食，有兩道菜加湯加白飯粟米豆腐羹好足料嘅粟米羹，除咗豆腐仲有好多菇，湯羹好滑，粟米嘅甜味同豆腐嘅嫩滑好夾，飲落去好舒服！🌽鮮竹雲耳炒翠玉瓜翠玉瓜好新鮮，炒得好翠口，鮮竹同雲耳又夠曬爽口，食落好清新🥒紅燒茄子份量十足，茄子煮得好入味，醬汁濃郁，送飯一流🍆🍚軟綿綿南瓜粥最後叫多碗南瓜粥，好香甜🥰無論係小朋友定老人家都好啱食～粥底好綿滑，南瓜嘅甜味好突出，食落去暖笠笠，好舒服！🎃🥣…查看更多