健康食品拉麵 (威利大廈)

營業中

休息中

藏身中環小巷的健康食品拉麵，居酒屋的氛圍，吸引了不少在港日本人光顧，讓人彷彿置身於日本街頭。除了各款串燒及下酒小菜，亦提供傳統王道豚骨湯拉麵。湯底濃郁而不油膩過鹹，拉麵煙韌彈牙，溏心蛋配上叉燒和大量京蔥絲，每一口都是溫暖的滿足感。Kenko Ramen exudes the cozy ambiance of a Japanese izakaya, offering a selection of yakitori, appetizers and traditional tonkotsu ramen. The broth is rich yet not greasy, topped with egg, slices of tender chashu and scallions, curating a bowl of comfort in the night.

店員都似日本人，英文下單沾麵個人不熟識沾麵，但認知應該熱/凍食都應該係一碗剩麵無湯，一碗濃湯這樣，我地睇圖睇漏眼，佢嘅沾麵係一碗清湯麵，另一碗係似比教濃少少嘅湯，又或是食流水麵點那個汁嘅質感，比我認知湯洲嘅濃度濃到近似汁嘅印象完全不同。 食落麵質不錯，幾煙靭。但湯嘅味道好普通，湯汁太稀，完全沒有食沾麵嘅感覺。 配菜炸雜菜還幾好。三文魚子飯，三文魚子超鹹。鹹到咩味都食唔到。 以$200蚊黎講，魚子份量合理。但飯係暖嘅，感覺很怪，個人還是喜歡冷壽司飯或以醬油加蔥撈好嘅飯。牛舌好鹹，口感一般，都幾靭又油餐具感覺洗得不太乾淨

叫咗一碗「健康拉麵」，諗住「健康」啲，點知食兩啖就頂唔順，鹹到飛起，同店員表示太鹹，佢話叫廚房畀另一個湯我，但等咗好耐都無，個喉嚨好唔舒服，我再叫支茶諗住沖淡啲鹹味，點知又係等好耐都無。我決定唔再等，埋單走，先發現同店員order嘅嘢係無落過單，只有一開始用拉麵紙寫嗰啲，真係激死。環境又迫又窄，又無服務，嘢食都唔得，真係無需要再去！店員三位：1）講日語/英文- 似係老闆，有禮貌但好忙，唔得閒理你2）講英文 - 求其，問佢健康拉麵有無肉，佢話有，點知得八爪魚。同佢叫支茶，佢應完之後無咗影3）講廣東話 - 同佢講個麵太鹹，佢就畀杯水我，處理唔到問題

非常失望，加埋一$110一碗既拉麵，本身諗住一分錢一分貨，點知拉麵入面既溏心蛋竟然係熟曬既烚蛋…好無奈。就算唔計溏心蛋原來係全熟烚蛋，拉麵本身都好普通。湯底普通，不過不失，定價$110黎講性價比好低。叉燒就係典型有肥有瘦，但肥膏居多。炸雞亦都唔係我原本諗到既炸雞，佢既炸雞係炸完再淋上汁，所以d雞既外皮唔脆，仲要係林曬。整體來講，餐廳野食既質素俾我既感覺似外國唐人街既中華料理，貴得黎但性價比唔高，仲要漏單，絕對無下次。

Is my first time and my friend introduce me to here.A normal lunch on Saturday but we dont know they are closing at 4pm and their attitude are worst ，keep calling us to leave while we havent finish the meal.Really a bad experience and the staff was rude.Not going back.

🇭🇰健康食品拉麵·呢間餐廳雖然個名有啲搞笑 但係野食相當唔錯 而且佢啲啤酒超平 $55一杯 係happy hour既好地方🍻😈·炸雞$55 l 日式炒麵$75 l 泡菜炒飯$80我自己尤其中意呢度既炸雞同埋日式炒麵 佢個炸雞係超級juicy 好嫩 而且佢個炸皮唔會太厚 食落唔會太熱氣 好岩送酒🐤😍之後佢個日式炒麵我都好中意 佢個調味係真係好似日本街邊居酒屋咁 超有風味 而且麵條質感都好好🏮我地另外仲嗌左個泡菜炒飯既 呢個我自己就覺得偏濕少少 無炒麵咁好味🤣🤣·燒鳥串燒$90/5串 l 赤魚一夜干$75之後佢呢度啲串燒都超抵$90有5串🤑我自己就特別中意佢既雞肝 佢個雞肝超綿 食落仲好juicy 口感超好😍之後雞脾肉 雞心 雞腎都唔錯 調味好惹味 唯一係佢個雞肉丸我自己覺得乾身左少少🫢😂之後佢個一夜干都唔錯既 好送酒 不過我自己就覺得偏鹹少少 雞串燒好味啲😈🐟·#rbyeat#rby日本菜#rby中環·📍中環威靈頓街97號威利大廈地下B,C,D號舖

經朋友推介這店的牛腸鍋，星期六中午來試，滿懷興奮，山長水遠來到，店員表示牛腸鍋及泡菜鍋之類紅日、公眾假期及中午均不會供應，好啦，無問題，試下其他食物啦，食物無什特別，可能因為我全心來吃牛腸鍋，失望嘅心情之下，龍肉都無味。之後再來多次，今次選擇左weekday 嘅晚上，要排隊，排左十分鐘左右，店員安排好位置，又叫了個牛腸鍋啦，店員回覆今晚無牛腸鍋，我詢問店員，店員了解後表示牛腸鍋的豆腐備料不足，要留來炸豆腐做小食，我跟店員表示來了兩次，希望能處理，沒有豆腐也沒有問題，店員再問廚房，廚房表示未能提供，失望之餘，唯有離開，覺得此俗稱為隱世小店的餐廳，未滿盡力提供服務，令人非常失望，by the way ，該小店餐廳內清潔不善，地上滿佈垃圾，不信的我親身體會

健康食品拉麵係一間隱世日式拉麵店，但想介紹既係佢隔離果間外賣自取店，便當/丼飯款式超過二十多款，價錢最平$50左右，但絕對唔馬虎，店員大部分都是日本人，用英文點餐即可。1. 是日精選-雞卵吉烈豬扒丼 $50《⭐️⭐️⭐️⭐️⭐️》除左有二十多款便當/丼飯揀，大概$55-$85，佢每日都有唔同既是日精選，都只係$50，非常抵食！今次係雞蛋吉烈豬扒，豬扒唔會乾爭爭同埋厚肉，仲有洋蔥+蛋，好惹味😍前菜係沙律蛋薯仔，超級好味，唔會好酸，有少少黑椒味，另外最欣賞係佢系飯到灑既梅子粉，酸酸咪咪好開胃，因為佢整體份量都唔少，佢呢個價錢呢個質素絕對係對得起！除咗本身性價比高之外，每個餐佢都會比個印仔你，儲夠20個就免費送一個餐，非常抵🥹

隱世日本經營居酒屋🏮環境係好細，但好窩心，彷彿去左日本本地嘅居酒屋一樣全部都係日本人，成間店都係充斥住日文溝通！好地道！！！！之前黎食拉麵🍜好好食！今次就黎淨係試食串燒！$20/1串，$90/5串 好抵食！！！推薦雞頸肉串燒，好爽口彈牙雞皮串燒（太興奮唔記得影），又唔乾，油脂比例岩岩好！！！雞肝串燒嘅汁好惹味份炸雞，連埋雞皮好脆口，本身都已經有提前醃製，好入味，炸到又唔會好乾，咬開都仲好多肉汁鮮嫩！！！

今次嚟到中環嘅橫街小巷食拉麵，成間店都係日本人主理，佢哋融合到香港大排檔文化，係鋪頭出面放咗幾張摺檯，夠哂風味，形容得靚啲就係屋台風😆😆🍜豚骨拉麵用紙落單後唔洗等好耐就已經煮好有得食，拉麵非常大碗，湯底有濃郁豬骨味，但唔會好鹹，叉燒有兩大塊，肥瘦比例啱啱好，食落軟熟又有油香，另外拉麵入面有搭配菠菜，感覺食得健康啲🤭 枱面有辣芽菜可以自由加落去拉麵，不過味道偏淡，油味比較重，唔推薦加呢個！要食就記得早啲嚟，因為好多人嚟食好快坐滿，除咗拉麵，我見有人會配埋炒飯一齊食，仲有燒物可以叫，送酒一流！！

📍 健康食品拉麵 Kenko Syokuhin Ramen📍 中環 𝗖𝗲𝗻𝘁𝗿𝗮𝗹 • 威靈頓街97號威利大廈地下B,C,D號舖〔 Follow me on instagram @sikbaobaola ! ^^ 〕-自從有一天經過這裡，看見超長人龍後，就把它收藏了起來其後又有看見有youtuber介紹這裡，就更想到訪～-到訪前有到openrice，看看有什麼人氣菜式，被為數不少的負評嚇倒了，誰不知個人體驗同樣不算很好：1. 有幾位樓面店員，但好像總是很忙 (?)，好像也要到旁邊的分店幫忙，所以效率不算高；在廚房裡忙碌烹調的師傅反而比他們還要焦急，也比服務員更留意到哪些客人需要幫忙2. 服務員下錯單，結果廚房只是用錯給的那道菜式加工，弄成我們點的菜式，結果味道跟口感與真實的那道都應該有出入（下面部份會詳述）3. 店子不大，只有少少的20來個座位，地方窄、坐得擠4. 店子不大，理應開一點冷氣都會感覺到涼快，可是環境超熱，不知道有否開冷氣，也有可能是廚房太熱？5. 衛生一般，餐牌、桌上調味醬瓶都有點油-雖然如此，整體感覺滿地道的菜式種類有很多，到訪一次絕對試不了多少，所以有機會的話，還是會

本身同朋友想食其他嘢 但係咁啱無開 行下行下就見到呢間健康食品拉麵 聽個名覺得好伏 但係最鍾意試伏既我就入咗去🤣 老細 店員同廚師都係日本人 好nice 嘢食都OK 不過鋪頭有啲迫 餐牌有啲油😹 聽講夜晚會變身居酒屋！✨香港撈麵 （連一碗飯）💲 85我因為好想知咩係香港撈麵所以嗌咗😹😹 賣相比想像中吸引🥹 配料有 生蛋黃一粒 大量肉醬 日本叉燒粒 蔥 韭菜 紫菜碎～ 食完都唔明點解係香港撈麵😹 配料偏濃味 所以要同飯一齊食 但係比想像中好食🤍 啱重口味既人🫶🏻 本身拉麵份量都幾多下 所以一定夠飽～ ✨咖哩飯 + 蟹肉炸餅💲 40 + 40正常日本咖哩味 蟹肉炸餅炸得幾脆唔算油～

約咗個朋友喺中環食飯，因為朋友喺中環返工， OT情況都幾嚴重，所以佢收得工黎都冇乜太多選擇經過見到呢間健康食品拉麵，覺得個名幾特別就坐咗落去我哋一行二人，嗌咗兩碗拉麵幾串串燒同埋梅酒傾吓偈咁就過咗一晚我叫咗一碗糖心蛋拉麵，而朋友就叫咗一碗叉燒拉麵整體而言未到覺得都幾好，舖頭好似主要有日本人打理，湯底係非常濃郁嘅豬骨味，但係唔似得坊間好出名嘅拉麵譜咁油膩，反而有浸清新嘅香味！梅酒就正常發揮嘅味道，唔多以闡述但係個串燒係幾令我驚喜，燒雞肉係非常之亂畫，而且炭燒味非常香，希望下次再過嚟試去其他產品

中環巷仔一向有唔少平價餐廳，今日收工黎試左呢間午餐晚餐都好旺場嘅健康食品拉麵，夜晚氣氛好有日本居酒屋feel，不過坐嘅位置好擠迫。《晚市限定拉麵》（夜鳴きそば ）$80店員同我地推介呢碗拉麵系晚市先有，有2片厚切日式叉燒，肉質好鬆化，配菜份量方面比一般拉麵多，有大量荀、菜同京蔥，仲有半隻溏心蛋。不過湯底偏咸，同啤酒好襯。《燒鳥（5串）》$90串燒方面揀左雞胗、雞肝、雞頸肉、雞軟骨同山葵雞柳，每串都燒得唔錯，特別系雞頸肉，系起曬d骨，剩低雞肉同根，質感好特別。雞胗同雞肝鮮嫩，雞軟骨酥脆，山葵雞柳就有wasabi嘅微辣味，味道唔錯，而且都系同啤酒好夾。大家黎到不妨見返杯酒啤一啤！

2023.6.12好冇出外食拉麵，今年終於香港開齋啦😂與同事閑談提起有間拉麵店既店名好特別，所以放假就走出黎試下😃😃我點左碗溏心蛋拉麵，等左5分鐘就有啦，好快！🍲🍲湯底係豚骨濃湯，飲落唔漿口， 鹹味適中，油量唔係好多，但是濃湯黎講比較易入口。🍜🍜麵係細麵，食落好順滑有彈性！食細麵一定要揀硬麵，如果唔係啲麵浸耐左會好快林曬就唔好食啦。🍥🍥拉麵既配菜有波菜，紫菜，青蔥，肥叉兩塊，溏心蛋一只開半。🥬🥬波菜有啲變黃，味道同口感雖然冇怪味。🐷🐷叉燒係用五花腩制成，豚肉味都幾夠，不過我自己覺得肥左少少。青蔥既量係幾多，但食落啲青蔥有少少唔新鮮。🍳🍳溏心蛋已經熟到冇蛋黃流出黎啦，如果流心多啲就更好啦。枱上有辣芽菜提供，辣芽菜只有辣味，香味不足， 口感有粗粒嘅辣粉，唔夠爽口，不過加入拉麵一齊食湯底增加層次感，非常美味😌店內既裝修係日本拉麵小店既風格，都係木櫈木枱，有長吧檯，2人或者6人座既長枱，場內比較細，如果坐滿之後幾乎冇得喐😗😗店長有好多朋友，幾乎全店內都係日本人😃😃餐牌除左拉麵，仲有好多小食串燒，丼飯，烏冬等等。飲品方面除左一般清酒以及啤酒，仲有自家制既梅酒同檸檬酒。如果話係拉麵店，我覺得比較似