健康食品拉麵 (威利大廈)

《健康食品拉麵》特製拉麵🍜📍中環威靈頓街97號威利大廈地下B,C,D號舖本身呢間店完全係我雷達範圍外，因為我睇完OpenRice 個 menu之後，如果佢唔係一間專做拉麵，而係乜鬼都有得食，好似間居酒屋咁嘅店，除非有人推薦，如果唔係我多數會 skip。而呢間店食物種類之廣闊令我認為佢徹頭徹尾就係一間和食屋，或日式飯堂，最令人吃一驚係佢連牛腸鍋都有做。原先我朋友係推薦呢道嘅沾麵，不過唔知佢其實係幾耐前食嘅，我今次去食店員就話冇做。咁 ok 啦，疊埋心水一於食返拉麵啦。《特製拉麵🍜》店名有”健康食品”四個大字，而我又係第一次食，我去之前係相當好奇佢點呈現健康食品於一碗各方面都唔太健康嘅拉麵呢？食完我大概心中有數。香味 (2/5)雖然呢款麵叫特製，冇標明係咩湯底，不過睇完menu個賣相，同其他麵款都好肯定係豚骨湯。如果以豚骨湯來講，香味係唔ok，因為我聞到嘅就只有麻油味同蔥嘅味，豚骨味就聞唔到。湯 (2.5/5)個湯味道係夠，鹹度適中，但唔係濃濃豚骨味為主，豚骨味只係個配角，我偏向認為加左唔少科學味道，個湯同出前一丁味粉嘅味道差不多，但點都好d因為食得出豚骨味係真實的，而個湯比味粉湯有層次，只係個味道效果類近。麵條 (3/5)正正常常，都爽口，唔錯嘅。配料 (3.5/5)叫得特製拉麵，料一定要豐富，叫點佢係做到。豬叉燒係豬五花，上碟時先用鐵板煎香先，又香口感亦扎實，厚度夠，有三塊都算係咁，滿足嘅。比起叉燒，蔬菜嘅量係多到驚人。首先要注意係佢係加左超大量嘅蔥絲同蔥粒，近乎係每一啖都食到滿滿嘅蔥。不過因為蔥係生嘅，冇煮過，所以有唔少蔥嘅辛辣味，如果唔好食蔥嘅人未必會鍾意。另外就係菠菜，又係量超多，而菠菜煮得亦唔夠透，好就好在脆口，唔好在於要咀嚼好耐都未必完全咬得爛，食到半路中途我牙較開始有d軟。紫菜我冇細心數過，不過至少都有三塊。不過咁，我都算係注重健康嘅人，多菜食我冇投訴，縱然d蔥同菠菜都未盡滿意，不過食咁多蔬菜落肚點都係好事。溏心蛋正常，調味剛好夠。整體 - 不推薦。但經過可食碗。看來，店家呈現健康食品嘅方法，正正就係加入巨量蔬菜响碗麵當中，除此之外我就食唔出仲有邊方面係健康的。…查看更多

見到這拉麵店都有很多好評，所以就去試吓。今天晚上六點半去到，只有兩台客。店員都是日本人，像是家庭式經營。我們點了健康拉麵和糖心蛋拉麵，非常之咸，味精很重，可以說是只有咸味！！而且環境非常污糟😣見到網上有人話幾年前係好好食，早兩年已經轉咗手，而家好難食!以後都唔會再去😵…查看更多

睇完社交平台介紹就想試好耐，因為係日本人主理，拉麵店裝修同日本嘅拉麵店風格一樣，令人感受到日本嘅風味。點咗一碗特製拉麵，湯底咸度恰當，麵質好彈牙，配菜份量足夠;另外點咗5串串燒，雞翼、雞頸、雞腎、雞皮和雞腿肉，燒得好好食，好有風味👍🏻👍🏻😋…查看更多

同朋友响附近飲嘢消遣，突然覺得有啲餓想食啲嘢，朋友就建議食拉麵。本想話夜媽媽邊度仲有拉麵食，然後就嚟到《健康食品拉麵》。佢個招牌簡單到唔留意佢係拉麵店。店內個感覺好老日本餐廳感覺，原來老闆係日本人，嚟到香港開店。响店入面好似去咗日本咁，個個都係講日文，連香港人都係講日文，所以我都拋下書包，用日文點餐(笑)。我哋點咗份串燒、關東煮同《豚骨拉麵》，佢個拉麵最好嘅係有硬度選擇，家下好多都冇得揀。佢個湯底好濃郁，我估除咗用上豬骨熬製外，再加上醬油，所以個咸味先咁出。做到咁濃厚嘅湯底响香港的確比較少見，相信佢係用傳統嘅方式去熬製湯底。麵嘅硬度我揀咗「硬身」，麵掛上濃厚嘅湯汁，令人有一種「思鄉」嘅感覺，真正日本嘅味道。價錢方面，《豚骨拉麵》只係$75蚊，响同區之中算係平，而且店嘅裝横好地道日本家庭式嘅居酒屋，好有親切感，而且一大班人一齊講日文，係一個訓練日語嘅好時機。…查看更多

中環健康拉麵 隱藏在小巷門面不起眼 很容易走過日式昭和風食物主打低卡高蛋白招牌拉麵    -湯頭熬足12小時，骨膠濃郁帶焦香細麵掛湯一流，叉燒厚切入口即化溏心蛋流心誘人節骨拉麵  -湯頭濃郁帶骨香，麵條彈牙掛汁佳叉燒軟嫩入口化，溏心蛋流心誘人雜錦天婦羅現炸酥脆不油膩，蝦肉彈牙蔬菜甜番薯綿密、茄子多汁，蘸蘿蔔泥醬油更提鮮日式牛小腸鍋  -濃郁脂香彈牙，醬油湯底醇厚，韭菜提鮮解膩串燒雞中翼  -皮脆肉嫩多汁，炭香入味雞三角軟骨  -脆爽彈牙，焦香微甜燒汁雞皮  -焦脆油香四溢，醬甜不膩口…查看更多

呢間健康拉麵，真係我每次飲完酒去食，絕對係世一嘅Comfort food。呢度個拉麵係我覺得喺香港搵到最近日本口味嘅拉麵我今日食呢個健康拉麵，主要其實係用蔬菜做配料，但係完全唔覺得冇咗叉燒嘅嗰個缺陷感，而且個湯底係好濃郁，又唔會食完覺得口渴。同埋每一啖都充滿蔬菜佢有唔同嘅蘿蔔芽菜洋蔥等等。平時食普通拉麵嘅油膩感將拉麵提升另一個層次。健康拉麵仲配咗支益力多添。記住加埋個炒飯好好食嗰度仲有好多特色小食例如串燒同埋玉子燒等等都好高質。…查看更多

健康食品拉麵係真正日本人開嘅拉麵店！入到去係充滿日本人居酒屋嘅風格！而全部店員都係日本人，講日文嘅！好有feel今日食左節骨拉麵加蛋，湯底濃郁偏鹹；麵身夠爽，質地緊實，能很好地吸附湯汁，口感極佳；豚肉有三塊，脂肪分布平均，好味；麵上邊放咗啲味粉幾好味，口味獨特。隻蛋唔算太糖心，然後死碗麵勁多菜！可能就係因為咁樣叫健康拉麵？食完成碗麵充滿日本風味，感覺好似去咗日本鄉下食嘅拉麵咁，好味！不過返到公司要飲勁多水…查看更多

好幾年前去過一次，今日星期五晚去座無虛席，要等十幾分鐘先有位。這裡的氛圍熱鬧非常好，甘岩前後枱都係日本人，估計應該都好地道串燒，不過有d 太乾鹽味牛腸鍋湯底清淡鮮美，鹽味岩岩好，搭配嫩滑豆腐和新鮮韭菜。但牛腸的比例相對較少，不過油脂感十足明太子玉子燒這絕對係居酒屋必點。外層金黃內裡柔滑玉子燒，搭配上香濃的明太子，咸香咸香…查看更多

估唔到Friday late dinner健康拉麵要排隊排到第四枱，而出面大排檔唔使排🙆🏻‍♀️之前中環返工lunch會嚟食拉麵，但唔知夜晚居酒屋原來仲受歡迎！lucky us🍀 等咗10分鐘就有兩人枱可先入座左右兩枱客講日語、後面大枱講英文，氣氛熱鬧到呢～ 似身處响新宿思い出橫丁咁😀 例牌叫咗生啤先！Suntory隻凍杯堅冰👍🏻 好嘢！見bar枱有兩樣我好耐冇食同飲嘅🤩🤩即刻order：✅梅酒：自家浸，鍾意佢唔太甜，然後空肚咬兩啖梅差啲暈低🤣✅關東煮：大根入味但唔算好淋，湯底清甜仲有食依d。。。。🌟炸牛腸：好少食到，非常惹味香口，夾配洋蔥菜絲解膩好正🌟檸檬雞：少少驚喜，檸檬汁好醒胃🌟幾串串燒：最出色推雞三角軟骨，其他普通係咪奇怪點解冇叫拉麵呢？因為想落單時已經後知後覺人哋last order咗🫠🤣服務方面，店員上菜前有留意碗筷是否乾淨等；另因我哋坐中島位置枱底冇勾冇籃，食到中後段忽然有店員把儲物籃遞給我放袋，如果可以早於入座時提供就更好…查看更多

🇯🇵健康食品拉麵 (威利大廈) (中環)中環威靈頓街97號威利大廈地下B,C,D號舖香港中環石板街附近由日本人主理的隱世拉麵🍜店！目測多本地人光顧， 但聽到左右旁的食客日文講得流利🤣 原來這麼多香港人有學日文！😂🌼下單時懂得講日文可以大派用場😆 或是用英語下單都可以！ Menu 圖文並茂，大可以不用擔心😙🌼裝修好簡單， 好像日本小巷內的店舖般，有一刻令你感覺置身在東京🤣湯底除了有豬骨味，都好像混合了魚，可以隨心選擇要偏蒜味或是走青！所以湯底有點點黏性，有別一般重味精的口感😏 不過叉燒略嫌有點肥， 如果很喜歡食瘦叉燒的朋友或者要選其他款式啦！ 🌼唐揚炸雞不過不失， 如果可以點檸檬汁會更清新啦😚😋整體評分：7.5/10 🫶🏻✍🏻…查看更多

Used to be a regular spot we visited but forgotten lately. Came here on a weekday night, we ordered the healthy ramen which tasted similar to previously but slightly saltier this time yet still acceptable.However the skewer quality dropped quite a bit, the chicken heart was barely cooked which the waiter insisted can be eaten raw as these were good quality sourced chicken. The other skewers were quite a miss, the chicken breast with miso plum was too heavily sauced making it too salty. Chicken soft bone we had 2 pieces which didn’t have any soft bone.Next we ordered the beef intestines skew, however as it was summer they turned on quite a few fans which even after over 30mins our skew couldn’t bring to a boil, we first informed the waiter of the situation and they said it’s ready to eat which obviously isn’t cause the intestines we raw to begin with. We then asked the waiter if we could move to another table cause the wind was blowing too strong she replied at the table suggested there was more fan surrounding. Another 10mins passed we ask if they could helped us bring it into the kitchen to bring it to a boil they said the kitchen had many orders to handle at the moment. After another 10mins still unable to boil, we asked again and they finally brought it into the kitchen but when brought it back out the intestine was still barely cooked. At that point we gave up and just asked the waiter if we could get a takeout box but they said the food is too hot and the box won’t be able to withstand it. Excuse after excuse they obviously had no intention of finding any resolution we left with a bitter taste in our mouths. …查看更多

今日同事帶我黎呢間健康食品拉麵。我地可以各自落單，自己選擇麵底，拉麵硬度，要唔要香油，蒜蓉同香蔥。我揀左豬骨湯底，普通硬度拉麵，要香油，蒜蓉同香蔥。义燒份量算多，唔會好似平時食兩啖就無左。有好多蔥，同幾香既蒜蓉味。拉麵軟硬度適中，食落爽爽地，口感幾好。同事叫左溏心蛋拉麵，其他野都同我一樣。不過蛋好似偏熟左啲。同事覺得湯底無咩味，我自己就覺得我個碗ok,仲有蒜香味。至於店舖環境比較迫，本身職員安排我地同人坐，我地揀左自己一枱坐，職員有同我地講個個位比較熱，但我地照坐，最後真係好熱😅唔知係個日壞左冷氣定不嬲都係咁。…查看更多

餐廳位於中環，我哋都係搭地鐵，跟住慢慢行過去，沿着天橋嘅話都好快到，我哋今日係紅日去，所以整體上都唔係太多人，餐廳主要係有一間賣日本嘢食嘅居酒屋，所以日頭都應該唔會太多人，因為之前朋友試過夜晚去，所以佢今日都叫我下晝去試吓 ，今日我哋每人就叫咗一碗拉麵同埋一個凍嘅烏冬 ，整體上嘢都幾好食，我覺得都可以推薦俾大家！✔️豚骨拉麵有兩件叉燒，再加一隻糖心蛋，拉麵我就叫咗比較硬身，餐廳嘅拉麵係偏向九州福岡嘅風格，非常重豚骨嘅味道，所以我覺得幾好食，而且味道非常香濃，充滿豬骨嘅味道，感覺上都非常偏向日本嘅風格，餐廳嘅老闆娘都係日本人，非常好似返咗日本居酒屋嘅感覺，非常好！…查看更多

豚骨拉麵，份量多，個湯就一般，食到一半會覺得比較濃，唔算香，麵就一般。重點係食完好口渴，成晚都想飲水。串燒好得，不過有一串燒燶咗。個場係細又迫，啲員工跟單成日錯同漏。…查看更多

Stepping into Kenko Shokuhin Ramen is like stepping into a little corner of Japan. The cozy space, run by a Japanese team, exudes authenticity and warmth. I opted for the Roast Pork Ramen, eager to delve into a classic. The broth was undeniably the star – rich, flavorful, and deeply satisfying. The noodles were cooked to perfection, boasting the ideal texture and bite. However, the roast pork, sadly, was a letdown. Instead of melt-in-your-mouth tenderness, it was disappointingly rough and chewy.To accompany my meal, I tried their highball. It was a decent drink, refreshing and well-made, but nothing extraordinary. While I enjoyed it, I wouldn't necessarily recommend it as a must-try. Perhaps on a scorching summer day, it would hit the spot.On a previous visit, I sampled their bento box, which turned out to be a delightful surprise. The variety and execution of the dishes within the bento surpassed my ramen experience.Overall, Kenko Shokuhin Ramen is a mixed bag. While the atmosphere and core elements like broth and noodles are spot on, inconsistencies like the roast pork hold it back from true ramen excellence. However, their bento offerings hint at potential beyond the ramen bowl. If you're in the mood for Japanese, it's worth a try, but perhaps explore beyond the ramen options. The highball, while pleasant, is more of a situational choice for those seeking a cool, refreshing beverage.…查看更多