偉景餐廳

營業中

休息中

樓下好少過來食，今天同家人一齊過來，點左午餐陳皮鴨腿湯飯真係好食，值得一提係哩間餐廳好乾淨，好少見到咁乾淨嘅餐廳，三個人食左156蚊，平均50蚊嘅價錢都好平，低食

乾淨，抵食，方便街坊好多年住偉景好多年，經常幫襯樓下餐廳，睇到樓下哩條食記，決定寫一篇真正的食記，哩間餐廳係偉景開左好多年，第一個印象就是乾淨，去過嘅街坊都知。食物花樣唔多，有問題同老闆娘講都會換卑你第二個就係平，早餐雙拼得33蚊，任揀，外賣偉景一個餐都送，疫情期間真係幫助街坊好多，午餐份量都係好大一碟，之前有例湯，宜家冇左真係可惜，但係相比青衣周邊食肆，都係平左5-6蚊，師傅手藝唔算好但係都唔差，但係哩間星洲炒米真係好食，仲係45，邊都搵到？服務好過連鎖品牌好多，以後都會多多幫襯

食咩無咩。唯獨一間香港茶餐廳中午已經開始無沙茶牛肉。面包都發霉了還賣。完全無任何食安意識的垃及餐廳。冷氣又無凍。成間餐廳得個臭字。個老板娘態度太差把口太衰。把口從來講唔出好事差差差

餐廳你想食乜冇乜，餐廳的女侍應不斷催你，態度差，同你講5:45就要離開。未到時間就嚟不斷催你，食咗一半都未食完，真係好嬲，好離譜，到底點做生意㗎？淨係顧住自己放工。

一早去青衣拜年，響附近食返個早餐先上樓，附近無咩餐廳選擇，朋友介紹呢間一於試下😂⭐️紅腸蛋配多士，漢堡扒出前一丁估吾到呢度早餐有紅腸選擇! 好多餐廳都無架，仲要有3塊😋👍好滿足，蛋有少少流心，加分🤩雖然出前一丁要加6蚊，但實在太想食啦，照加啦！漢堡扒煎到脆脆地，咬落去有肉汁，食啖出前一丁再飲啖湯，正阿😆⭐️餐肉炒蛋配多士，沙de牛肉通餐肉炒蛋正常發揮，多士岩岩整好仲熱辣辣😄沙de牛肉通就普通啦，都係果句，加錢轉出前一丁好味好多

話說已有大半年沒有幫襯過屋苑樓下這茶餐廳，給我印象只是一般般，但勝在就腳，不想走太遠去其他地方，坐低就隨便叫個午餐A, 椒鹽豬扒飯，落單後大約一分鐘就神速上枱，心想都預咗佢炸好一大堆豬扒，馬上出餐也不奇怪，但神奇在這堆所謂豬扒咬入口的感覺和味道完全和豬扒 扯不上關係， 一股濃烈的鬆肉粉味道，隨舌頭沖上整個味覺神經裡面，肉質已徹底改變，真心從未食過咁難食的豬扒，食咗半塊都冇就放棄了，舌頭感覺超級難受，埋單時跟收銀員（類似老闆娘）申訴，她輕輕的回應說，可能是師父落食粉重手咗喎！會同師傅反映，但沒半點想幫我換過第二碟飯的意思，這店真的可以‘’永不錄用‘’

放假在朋友家打牌，打到下午茶時間好肚餓，朋友手中有舊名字餐廳，打電話去話餐牌已過期，口頭講咗有嘅餐，打電話落單，20分鐘後到！包裝正常星洲炒米（$46）炒得幾靚幾乾身，咖哩粉幾香，火腿絲正常，蛋塊、蝦仁落得多，米粉乾身有咬口，足料鹹香好味凍檸茶（跟餐$2）叫了走甜，茶味清爽，檸檬酸甜！好解渴朋友食：乾炒牛河（$46）焗黑椒雞扒飯/意粉（$38）凍可力（跟餐$2）食物幾好味，份量又大，不過下午茶嘅粉麵選擇唔多！店員爽快，叫了比新餐單，比了兩份！