倫記快餐

今天第一次跟同事來這裡吃午餐，食店以自助形式經營，沒有樓面服務，要自己去看看有什麼食材，然後落單買食物，接著自己拿著食物找座位。現在所見，有一男一女在煮麵、分配食物、收銀、洗碗，他們的手又拿食物又收錢，衛生程度一般。我選擇了幼麵、魚蛋和雞翼尖，合共二十七元，價錢不算貴。幼麵的味道欠佳，雞翼尖較為肥膩，味道一般，整碗麵之中較為好吃的是魚蛋，大粒彈牙，辣味適中。…查看更多

我在這裡吃車仔麵的時候，就會想起星爺的經典電影場景，D大腸洗唔幹淨，蘿蔔有渣。牛腩全部都是下欄位，差不多全部食物都係麻麻地。地方唔係乾淨，服務全無。如果係度買野食，要有冒險的精神。…查看更多

剛過午飯時間唔洗同人逼，去整碗車仔麵先叫咗四餸油麵，豬紅、豬皮、豬腸、煎釀三寶嘅茄子嘩！碗嘢好鬼大碗又足料豬紅冇吮牙嘅感覺，證明冇加化學物質，唔會一夾就散、豬皮乾淨冇毛、夠入味有口感、豬腸都ok、茄子份量好多，好香唔油膩正！呢餐好夠飽好滿足！今時今日以$34食到呢碗好車嘅麵實屬難得唔似得果D唔知何解會好多排隊又貴，碗嘢碎濕濕好似食餸頭餸尾嘅文X車仔麵咁！環境乾淨，坐位闊落，服務態度又好！好有Heart值得鼓勵同推介有機會會再光顧！…查看更多

今朝凌晨四點半要出去上班，我同D CREW，在公司附近搵左呢間野食。得呢間野開同比較光鮮。其實真係好唔衛生，D姐姐用手拿完D食物，又洗碗，又拿食物，在台底下既盒拿出腸粉。評： 5蚊5粒燒賣，全麵粉，只靠辣油，CHEW一粒一粒既丸狀物體。抵不過唔好食。4／10呢個世界一分錢一分貨。評：煎蛋，不是炒蛋，阿姐用油好似不用錢，好多油煎，重要連油倒進我碗米粒， 炸魚皮得四小塊，煙肉係最OK， ＄25 三個餸， 平又唔係。 4／10不過杯凍齊啡，都OK，起碼唔酸。6／10＊車仔麵有炸薯條係一個送，我第一次見。…查看更多

如果食評個分可以比負數~我諗呢間野我一定比負100分地方dirty, d人冇禮貌, 買野唔清楚 我同一個朋友仔~係工聯會學完野~搵野食見呢間食評都唔太差所以入黎試下~我叫左魚餅,墨丸同牛肚米粉朋友就叫左牛腩,雞翼,紅腸首先要講~雞翼得一隻~佢當一個餸,我係第一次見到車仔面係咁魚餅墨丸冇味勁粉,牛肚勁腥!牛腩先驚,我朋友完全冇食過,d 顏色係黑色,唔知咩部位,因為見到有骨係個紅腸同米粉叫正常,湯底都冇色冇味,驚到我呢我同朋友食左一半都唔夠就停手全間野,最抵讚係有2部高清電視la,最後唔好意思.....真係太難食, 一張相都冇影到,而價錢係$20 三餸一面…查看更多

依間係一間超水準既車仔麵鋪！去食野，不外乎兩個要求﹣﹣食得招積，坐得舒適！先講後者，我從來未試過食車仔麵食得咁自在。自動門出入，唔使食野前掂到人人都摸過既手柄。直入之後先到盡頭櫃檯買野食，攞麵後再坐低，有卡位有長檯。兩樣Ｄ位都好闊下，最令人驚喜係長檯底下有凳仔俾客人放袋，鬼咁細心。由入門口到坐低既流程都好順暢，值得大讚！　Ｄ野好唔好食﹖咪就係車仔麵囉，有成廿幾三十種餸，應該有既都有啦，無諗過有既係薯餅同薯條，唔通係下午茶時間留低﹖Anyway，覺得古怪咪唔好要囉。廿蚊有找三個餸，飲野另計。攞左面可以係櫃檯自助加調味同炸菜，好過Ｄ加條蔥都要收錢既車仔麵鋪啦！餐餐都奶菜咖啡o個Ｄ可以飲豆漿汽水，俾左錢自己攞，唔使等人服侍，啱哂心急一族！嗱，作為一間廿蚊有找既麵鋪，我真係無complain …查看更多

車仔麵是香港一個特色,記得細路仔去食車仔麵,是在街邊檔麵是沒有湯的,而是用豬油,麻油,醬油,辣醬,甜醬...總之就是混醬配料不多選擇,通常是魚蛋,豬皮,大腸...等等...但係煮到入哂味...好正因工作關係,偶然會到土瓜灣區,呢間倫記,食過兩次兩次都係失望真係唔明點解車仔麵會有薯餅?個湯不知所謂,鹽水味精湯d野食完全唔入味,煮唔夠時間煮麵個亞嬸推介的所謂辣醬.........買支李錦記沙爹醬好味過佢.......唯一可取係從批發買來的腸粉…查看更多

兩年多前曾給過倫記的一記劣評,現今再度擴充營業,事隔經年,姑且再給多自己一次機會.店內環境比之前更為光鮮.車仔麵現今是賣$18,有三味加一個麵餅,如要加料,每款加$4.在餐牌上,仍見到那些九唔搭八的薯條,薯餅.這兩味,同車仔麵根本夾不來.不過每個人都有不同飲食喜好,你喜歡吃車仔麵加薯條兩溝,沒有人資格去批評你.沒有豬肚,改要牛肚,另外的配料要豆卜,豬腸,同豬紅,麵底要油麵.榨菜同沙爹醬自己加,當一加沙爹醬落碗麵之時,驚見沙爹醬有如鼻涕的質感,如Jelly狀杰撻撻,已經跌到在麵上,想挽救太遲了.油麵條未夠熟,帶點硬,我吃車仔麵,不是吃意粉呀.豬腸一樣地硬,牛肚不入味,很硬,豆卜索不到味,豬紅算是最正常的一味.湯底更不用說地難喝.味道淡而曖昧.唉,我沒有話再可說,只有種恨鐵不成鋼的感覺,多年來由十三街做到去在紅墈開分店,水準沒有好過,莫非土瓜灣人未吃過更好的車仔麵?…查看更多

已有三年沒有來了"倫記"食車仔麵,今天和母親大人一起光顧.母親大人揀了牛腩,魚肉及芽菜. 我只試了吃牛腩,單看買相覺得牛腩會韌,應該會好難咬開,幸好又不是喎,而且整個湯也很有牛腩的湯味. 牛腩不錯,而我便order了雞翼尖,貢丸及炸魚皮. 雞翼尖好好味,但貢丸都幾勁味精.本來我打算慳錢不order飲品,但因為太重味精,所以也要order了一杯凍檸菜來解渴.前幾個月,倫記搬了新鋪,鋪位比之前大了及乾淨了不少. 整體也有進步.…查看更多

！咁都學人做車仔麵！配菜選擇其實不多，18蚊三餸就算係幾吸引，但係d餸麻麻地，老實說真係唔係咁好味！若唔肚餓真係食唔晒成碗，但睇左佢價錢同份量……俾你合格吧！都係糧尾手緊之選吧！食得太多佢的車仔麵，就越懷念以前推車仔屋村車仔麵囉！…查看更多

是朝想吃碗車仔麵作早餐，除了銀漢街的開利以外，要吃早晨嗱喳麵，另一選擇就是這兒...要了個牛腩、大腸及蘿蔔三餸油麵，好不豐富...牛腩不算太韌但吃落就不夠入味；大腸吃落還有一點點異味、蘿蔔又不算太淰且有少少渣...水準絕不合格。不過經常吃粥及ABC餐，偶然有機會於早上吃碗嗱喳麵，就算水準差一點，也還可以接受ge...…查看更多

第一次寫食評...以前喺呢區番學, 朝早時不時都會買腸粉食, 因為芝麻醬+甜醬+熱辣辣腸粉, 兩個字--好味!可能你會鬧我邊有人食豬腸粉唔要豉油架, 個剪腸粉嘅女人亦都好奇怪點解唔要豉油,但係因為啲腸粉已經滑雪雪, 又有種好好味嘅腸粉味, 再加埋啲醬汁味, 已經夠晒喇=]p.s.雖然話4條腸粉$5, 但係佢會問你要唔要多0.5條的…查看更多

車仔面既配料真係吸引唔到我...黎親都係陪老公黎食....不過有一次.....口痕想食豆花點知.........................係酸既...果次之後我再就無行入過呢間野...唉..…查看更多

8/3(四) 6:30pm上堂前再以倫記作晚飯落腳點,貪其快捷經濟.是次要了豬腸水餃蝦卷幼麵$15;先評幼麵,口感尋常,質地可彈牙點.豬腸肥膏纏繞連帶,猶幸質地爽口而入味;而蝦卷鮮味爽口,也吃得過去!至於2隻水餃體型適中,菜餡份量佔重比例,餡料新鮮具菜香.$15的質素,也算不過不失,唯吃罷胃口仍有點意猶未盡!…查看更多

很想食車仔麵, 又不想過海去鐘記便到倫記。我要了四送幼麵: 豬腸, 茄子, 魚餅及芝士腸。太座要了三送幼麵: 蘿蔔, 豬皮及魚肉。茄子, 芝士腸無難度交足貨。魚餅及魚肉都OK。蘿蔔沒有以前的甜亦有渣。豬皮好多毛及無味。豬腸真唔掂, 連花椒八角都無, 只是從急凍櫃倒進味精水中煮熱! 一句到尾就係好失望。題外話: 倫記已人面全非, 不知是否已轉了手, 請各食友賜較。…查看更多