俺流塩らーめん (東港城)

營業中

休息中

見呢間嘢出咗新嘢，又轉晒名叫餃子館，好似好力推新品，就打算試試佢！哇，見有明太子餃子，雖然無咗之前同芝士mix埋一齊，但因為之前個款都幾中意食，所以就照試試佢！哇，想講粗口，啲餃子同之前好唔同，但宜家係好x難食！皮又厚肉又少，上面啲味精汁不得了唔怪得平咗又大件咗下次一定唔會再叫🤮🤮🤮🤮拉麵就正正常常發揮，係呢區嚟講都算叫性價比比較高，飲得出個湯係真材實料。大家以後嚟食拉麵就好，唔好比佢招牌呃到，亦可能係我理解錯，其實原意可能係想改叫超難食俺流餃子館————————————————-題外話，個晚見得3個店員跑嚟跑去，但店員係門口都有打招呼，應人速度都ok，不過仍有客人貌似因為人手不足問題，出口鬧店員，希望貴公司除咗出難食新品，都考慮下人手不足問題，我相信店員足夠的話，我作為客人感受到的服務會更上層樓

好耐冇來過食拉麵，今日一踏入鋪就見到週圍貼滿呢張*本店沒有*提供的紙，好似比人追債咁成間餐廳都係🙄，食物的質素一次畀一次下降不特只， 還貼到全間舖都係😫 感覺很不好 ， 應該加多兩項沒有七味粉提供，同有服務員但沒有服務提供， 問佢有冇七味粉只係搖頭，答到不答😑， 上個月來還聽到歡迎光臨，今日全程沒有一個侍應有對話，如果你要跟日本文化只提供冰水，咁就跟埋人地日本人的服務態度， 請記住你們是有加一服務的 ，應該下次不會再來☺️

最近成日都好想食拉麵 , 放lunch就醒起一田對面有間拉麵就去試下❣️豚肉盛合拉麵拉麵一黎到其實係幾香, 係種好好食嘅味, 而且叉燒嗰種焦香味真係唔錯✨可惜Okie味道就係冇咩驚喜😮‍💨湯底都算濃郁, 但係冇種好特別嘅感覺. 叉燒味道比較淡, 有少少浪費咗叉燒嘅焦香味. 其他豚肉都係差唔多. 溏心蛋係好食嘅~ 好有蛋香味( which 係我最鍾意食蛋嘅原因), 不過以拉麵蛋黎講, 個人覺得冇咗豉油嘅鹹香味, 醃得唔夠耐🤔整體其實絕對唔係難食, 但係冇特別驚喜嘅感覺

8:15pm入席，被告知收9pm, 8:30pm就在客身邊掃地，d塵飛哂落碗麵，禮貌地向店長反映，獲回覆是他們9pm正要打咭收工，所有員工都不定圍繞客身邊抹枱及清潔，給予壓力，整體人員的服務態度簡直差到極點！

食過好多唔同嘅款式, 不過始終都係最鍾意最簡單嘅款式: 01 俺流熟成濃湯拉麵 $69黑蒜油熟成濃湯拉麵 $84除咗開頭嗰幾次 會叫餃子之外, 咁多年來都只係食佢嘅拉麵, 善用枱面醬料, 自行調配 夾返啱自己口味~ 因為佢嘅餃子實在太頹了, 好細隻 好細隻 真係好細隻, 而且勁少餡料, 食完 會好似完全冇食過嘢咁架… 叫咗 會後悔 會後悔 係一定會後悔… 水準 其實基本上都幾穩定, 除咗有一次有事故發生之外 (我地停咗大半年冇去食) , 一直都真係幾穩定的~

放lunch突然想食拉麵，估唔到呢間拉麵都幾高質。鍾意黑蒜唔可以錯過。黑蒜油熟成濃湯拉麵成！碗！都！係！炸！蒜！真係勁香炸蒜味道，加上佢湯底係黑蒜，所以佢個蒜味比起一般拉麵更加出，每啖都連埋一齊食，好香口。叉燒又好厚切，食得出佢燒過嘅味道，肉味好豐富。佢仲係一層脂肪一齊肉，所以，能夠做到入口即溶嘅效果！雞蛋都做到溏心嘅效果，慢慢品嘗。京蔥味好香，帶出咗湯底味，係好好嘅配料。最特別係佢喺面撒咗一啲柚子皮，超級香，就咁食仲有一種Frenshening嘅感覺！

俺流塩らーめん (東港城) (將軍澳)地點📍將軍澳坑口重華路8號東港城2樓227號舖Lunch Time 經過見到，都有唔少學生同打工仔排隊嗌野食，決定可以一試---------------俺流塩湯拉麵💲69拉麵軟硬度適中，唔會太硬身，而湯底較清，但唔會話無味，但塊肉就有D 鞋，有D 失色---------------俺流柚子拉麵💲84湯底有濃濃柚子味，而流心蛋都好好食，但失色既都係塊肉😢😢---------------大阪燒餃子💲45好好味既餃子，每粒餃子都包滿大阪燒醬同木魚，食完想再食---------------

🍜黑蒜油熟成濃湯拉麵🐱 係坑口如果想食拉麵都有幾間揀，俺流塩係最好食果間，價錢正常價位，姊嗌尼碗$83 。週未夜晚需要排隊，姊梗係揀平日食喇！哈！尼間d 麵都可以揀鐘意既硬度，除左湯底，麵質就係碗拉麵既靈魂，所以有得揀好重要，正所謂做人最緊要有得揀。嗌得濃湯，個湯底好濃厚，黑蒜味好出，無令人失望。佢舊腩肉係厚身，見到一層脂肪一層肉咁，脂肪同肉既比例做到入口鬆軟，又唔油膩，厚身令每啖都好滿足。其實除左拉麵，尼度既唐揚炸雞都好好食，炸醬唔厚，調味恰到好處，最緊要上枱仲係熱到辣嘴既程度，記得都嗌黎試下。姊今次就唔記得影炸雞相🥲📍俺流塩らーめん (東港城) (將軍澳)將軍澳坑口重華路8號東港城2樓227號舖

成日去東港城食拉麵，呢間之前食過晚餐都冇咁差，唔知係咪轉咗啲樓面服務員，冇招呼冇歡迎,就咁帶你入座Order完之後嗰碟菜超鹹，明明叫柚子味嘅菜，但係好似用鹽水醃過一樣，同店員講佢係拎咗入去換過碟出嚟啊，但係冇分別冇改進!我即刻嗱嗱聲求其食完就閃，仲要見到啲店員好似好得閒喺度吹水🙄所以就係唔知道係咪真係轉咗手定轉左啲員工，最差收錢嗰個就係經理，好似欠咗佢嘅眼神一樣😪可能佢今日心情唔好，但係我就唔會再幫襯

事源下午經過東港城，諗唔到食乜嘢，咁啱經過，見到哩間嘢無乜人，諗住坐低睇吓有咩食！一坐低，有個女店員1秒唔使即刻走埋嚟問食咩？（心諗：大姐呀，我餐牌都未拎上手，點知有咩食！）我答佢睇吓先，佢即刻話哩度唔比坐！跟住行咗去！嗰陣隔幾張枱有個男食客，個女店員走去同嗰位男食客講：佢以為可以坐……！邊講邊望向我嘅方向，夾雜埋狗眼看人底嘅笑容！跟住嗰位男食客亦向我報以恥笑嘅笑容！我即刻起身走！就算餓死，我哩世一定唔會幫襯佢哩間拉麵店&任何分店！垃圾不知所謂！

我去到一間排隊店試咗幾款招牌美食，真係驚喜連連！首先，特製撈麵絕對係一道出色嘅選擇。麵本身帶有濃厚嘅蛋香，加上生蛋同特製醬汁，撈起嚟嘅口感真係令人驚艷。而最令我意想不到嘅係麵裡面嘅菠菜，佢帶來一份清新嘅感覺，為整碗撈麵增添了一絲特別的風味。另外一碗黑蒜油拉麵更加令我迷戀。黑蒜嘅香味散發出來，令人著迷不已。拉麵本身質感細緻，每一口都帶來濃郁嘅湯汁和彈牙的麵條，讓人回味無窮。加上後面那拳頭般大塊嘅炸雞，真係令人欲罷不能。而附帶嘅日本大蔥碎更加提升了炸雞嘅味道，令整個組合更加完美。

今晚晚餐帶屋企人黎食拉麵😋原來黎到坑口，想搵一間正式食嘅拉麵都唔多🫣自己平時叫外賣都有叫過呢間，但堂食真係第一次🤔當然啦，堂食嘅價錢合理，而且新鮮、熱辣辣咁食拉麵一定係最正🥰屋企人都係叫返普通嘅湯底拉麵，因為佢哋少食辣🤭而我鍾意比較刺激嘅口味，所以我嗌咗呢一個芝士辣味拉麵。湯底比較鹹，但係因為夠哂濃味，所以配搭拉麵同叉燒一流🤣最重要係個芝士🧀️！呢個芝士超級好食，而且放落拉麵湯底，佢會有拉絲嘅效果🤩唔好睇少佢！係必食吖🤤🧡

lunch 呢間都要排隊先有位水準係一間好穩定的拉麵點定期仲要有期間限定辛辣熟成濃湯拉麵（麵•普通， 蔥•有，荀•有）追加菠菜點知佢地趕唔切入貨我地改為加荀乾大阪燒餃子烏龍茶唐掦炸雞飯一碗都有3隻早知就吾再加炸雞呢飯有辣的（店員細心已問要不要走辣）唐掦炸雞（4件）呢件事真係錯左下次吾會甘叫🙈🙈

2個人好耐無食好些決定來碗拉麵辛辣鹽湯拉麵（硬麵底）辛辣熟成龍湯拉麵（普通麵底）男友叫的呢個湯底比我的濃點加左筍乾唐揚炸雞（4件）我一個人食左3件食吾晒碗麵寧願食多點蛋白質提子梳打

俺流特製拉麵味道🌟🌟🌟 3/5分量🌟🌟🌟🌟4/5價格🌟🌟🌟 3/5 衛生🌟🌟🌟🌟4/5晏晝突然之間好想食拉麵🍜叫左個撈既拉麵 - 俺流特製拉麵一黎到因為肚餓覺得好香，實際味道只係不過不失，有一啖菜，一隻生蛋，有一塊叉燒，老實講叉燒算淋既，但不過不失，唔係好cheap既拉麵，但一定唔係特別既拉麵。黎到撈完食左一啖原味，有油香，不重口味分量都係多既，加上我加左辣油、黑蒜蓉，無渣辣油同有渣辣油都係完全唔辣既！蔥係另外加既蔥加左$6，一共$92，本人覺得係偏貴！