影片
港鐵觀塘站 A2 出口, 步行約2分鐘
繼續閱讀
付款方式
其他資料
無障礙設施
詳細介紹
以上資料只供參考, 請與餐廳確認詳情
未食過咁難食的豚肉, 明白一定係雪藏豚肉。有勁大陣雪藏味不特止, 但而家係煮完都一大舊仲要係拆唔甩真係好難食，我最後只食哂D烏冬.....而且拎匙羹時, D匙羹上面係痴住D飯...無下次!
繼續閱讀
係APM 行街行到累，見food court 有位，都多唔同餐廳可以揀，就決定係food court 食。行左一圈，最後揀咗俺流カツ ，見放出黎D食物display 好吸引咁 😋📌蒲燒原條鰻魚定食 ($92)🍱所有定食都配一碗麵鼓湯🥣落單之後等左10分鐘左右有得拎。米飯係採用日本珍珠米🍚就咁睇以為好大碗，其實個碗好淺身😆米飯配上鰻魚汁絕對係停唔到口。原條鰻魚好厚身，食落好彈牙爽口。鰻魚定食黎講，呢個價錢唔算貴👍🏻
繼續閱讀
今晚約左朋友去APM行街，見到呢度冇乜人排隊，結果就揀左這間。今次各人各自揀咗一款碗。。俺流男盛拉麵 ($89)當諗緊唔知點咩食嘅時間，不如就揀一個大雜燴，樣樣都有。。香濃豬骨湯底，麵入面加有大量配菜: 蔥，菠菜，筍，還有小小柚子皮碎，柚子味好清香好突出。兩塊叉燒，二件厚身大炸雞，仲有一隻流心蛋， 流心蛋口感唔錯，只係隻蛋有少少凍，拉麵份量比出面食的多，面有少少鹼水味，但係都係好有口感彈牙。整體份量夠多，一定夠飽。可惜，湯如舖頭名一樣” 鹽” 有啲鹹，多飲兩啖湯後需要飲多少少水。豚肉盛合濃湯拉麵 ($89)呢碗就係豬肉大合體 ( 有豚肉，豬頸肉，豬腩肉)香濃豬骨湯底，麵入面加有大量蒜片，蔥，筍，柚子皮碎，叉燒同豬頸肉一般，豬腩肉，三份一大肥膏，太油膩好易食滯咗，我食咗一半就飽咗。湯底濃郁，有啲鹹，可能對呢間舖頭期望值有啲高，有少少失望。
繼續閱讀
705 瀏覽
有一段時間沒有去觀塘APM的美食廣場，原來今年初又翻新了！連同今次，記憶中最少裝修過三次。上一次，整個美食廣場交給了 CitySuper 旗下的 Cooked Deli 營運；今次裝修後，轉了營運商，名字也改為 Food Fiesta。共有10多間餐廳及小食店、甚至有間專門販售從日本各地搜羅回來的日式杯麵，包括部份地區限定版。餐廳以日式口味為主，其他風味只有泰國菜及川菜，似乎未夠多元化。但日式料理是很多香港人的偏好，在生意角度上來說也是正確決定。巡了一個圈，見到兩間以「俺流」為名字的食店，聯想起同樣位於APM 內的「俺流塩らーめん」，到底是否有關係？揀了「俺流カツ」試試。記得好多年前 food court 概念引入香港初期，全部由商場自行營運，缺乏品牌概念及形象管理。近年大型商場內的 food court 則整體租予餐飲集團，再統籌分租給其他餐廳。優點是強化形象推廣、高效餐廳組合管理、集中櫃枱買餐；缺點就是價位被拉高，始終多了 food court 營運單位要賺錢。「俺流カツ」主打日式吉列定食，同時提供少量款式大阪串炸、其他風味日式定食及日式碗飯(丼)。送餐區上面擺放了三碟吉列美食。有別於正式舖位的日式餐廳，並非採用仿真度極高的精緻料理模型，而是真係可以食得入口的真食物！相信要每天更換！小小的開放式廚房內只有兩位嬸嬸員工，由準備食材至炮製各款美食全部由二人負責。窺探櫃檯後的備餐區，有齊炮製日式吉列美食的必備食材：麵粉、雞蛋、麵包糠。雖然只見兩個小炸爐而並非大炸鍋；但在 food court 餐廳的有限空間內，仍然能夠堅持待客人落單後才新鮮炮製、即叫即炸，保留了要「吉列」好味道的必要條件，已經相當難得。既然餐廳叫「カツ」，當然要試主打美食，揀了吉列豬柳·蝦定食（$98）。定食包括味噌湯、白飯、椰菜絲及漬物。吉列豬柳·蝦的賣相同送餐區的樣板差不多一模一樣，望落去又同高級日式吉列專門店有得媲美，第一個印象相當不錯。味噌湯意料之外地相當好味道，甚至好味過一些更貴的鮨店出品。吉列豬扒醬汁也相當正宗，有少許果香。椰菜絲質素就很差，乾身、欠缺水份，唔夠新鮮；奉客前已經預先加入了柚子醋醬汁，味道一般，及不上豬扒醬。先食吉列蝦。咬下去非常鬆脆，內裏的蝦肉有少許爽口，談不上很鮮味，勝在夠大隻。然後食吉列豬柳。第一塊肉質鬆軟、豚味鮮甜；估不到親民價的日式吉列也有這種質素。定食有兩件豬柳，每件切開兩塊；之後食另一件豬柳，味道同一件比較沒有大分別，但肉質就差很多。這一件有很多筋膜、非常靭，完全無法咀嚼。估唔到同一份定食的兩件吉列豬柳，質素可以有如此大的差別！吉列出品熱辣辣、表層麵包糠夠鬆脆，做到了美味日式吉列的重點。雖然食材質素唔穩定，勝在價錢合理，比起坊間所有日式吉列專門店便宜一大截，可以一試。
繼續閱讀