侍拉麵

太子呢間入型入格充滿住工業風嘅拉麵店，成間店勁型。佢地唔止淨係食拉麵，居然仲有冷粹飲品同甜品，幾難得一間咁正宗嘅拉麵店會有埋甜品食。到底係一間被拉麵耽誤嘅甜品店，定係被甜品埋沒嘅拉麵店，答案係拉麵同甜品都係完美！！🤩😍🦐濃蝦湯拉麵 $98店家只有三款拉麵，但蝦湯呢碗真係令到成間拉麵店都好香。佢地個碗用左黃銅鋼黎裝拉麵，成個感覺幾正之餘，就算食得慢少少都仲係好夠熱。湯底較濃同杰身。一大片嘅叉燒搭配兩粒手打豬肉丸，肥瘦適中，肉丸仲有D軟骨幾特別。炸雞兩件 $28就連炸雞都炸得好好食，炸皮唔厚咬落好脆皮，肉好厚好大件，雖然有少少油膩但係肉汁好多，蛋黃醬加埋一齊食係勁正🍮焦糖布甸 $40布甸夠結實，蛋味好香之餘仲見到唔少雲尼拿籽，食落滑得黎好香雲尼拿嘅香。焦糖都好夠多，至少係包晒成個布甸，整體都非常之香。🍰Tiramisu巴斯克 $65又點會諗到拉麵店都有巴斯克食，而且仲要咁出色。表示灑左咖啡粉，中間層係棉滑嘅芝士蛋糕，底層係好香嘅tiramisu乳酪蛋糕層，仲食到D好濃咖啡味嘅餅乾碎，呢個甜品比起一般甜品店更加值得去食🍵冷泡八女煎茶 $45綠茶茶味清香，慢慢細味下有種甜香綠茶味，飲落舒服，食過拉麵同甜品後飲起上黎就更加解膩如果香港有拉麵店排行榜，我會將佢排係第一位，下次會再戰食埋其餘兩款拉麵同其他甜品…查看更多

早兩日已經好想食拉麵🍜星期五去太子附近 食左地鐵站隔離嘅拉麵店餐廳Menu貴精不貴多 網上睇食評啲人仲盛讚佢個甜品雞蛋布甸🍮 老實講我都係衝住佢而黎🤣⭕️ 濃蝦湯拉麵 $98先生叫咗佢最鍾意嘅蝦湯拉麵🦐湯頭好濃郁 飲落去完全係鮮甜蝦膏爆晒出嚟 唔係嗰種假蝦味拉麵亦十分掛湯 麵底偏爽⭕️ 熟成雞白湯拉麵 $98我就要左雞白湯🐓 上枱見到成碗起哂泡🤤好creamy 先飲啖仔好真材實料除左片肉 仲有兩粒肉丸 唔會好齋⭕️ samurai炸雞🍗 $28外皮炸到金黃超脆搣開雞皮淨食肉🤣好嫩口juicy呈微粉紅剛熟狀態 高手👏🏻黎到甜品環節 係我今日想試嘅主角⭕️ 焦糖布甸🍮 $4090分 只係我自己鍾意食再硬身啲嘅質地甜度啱啱好 布甸亦好幼滑其實都算大舊⭕️ 開心果巴斯克 $60第一啖食都有開心果味未算流心狀態 但亦唔會乾爭爭好硬所有嘢都幾平均去開附近真係可以一試🫶🏻…查看更多

早兩日先黎過太子花墟，呢日臨時朋友又約黎太子食飯，朋友揀左呢間拉麵店，好方便，一出地鐵站已經見到。 餐廳裝修都幾靚，係工業風，環境都幾舒服，職員有笑容。點餐可以用手機落單。 濃蝦湯拉麵餐廳只賣3款拉麵，蝦湯拉麵的湯底非常濃郁，湯底比較杰身，很掛汁，麵身彈牙有咬口，而且配搭兩粒丸，很彈牙。叉燒口感柔軟。 Samurai 醬油拉麵 2.0呢款係朋友點的，朋友話呢碗拉麵醬油味道啱啱好，不會過鹹，食完亦不覺油膩。 炸雞（兩件）我地點左炸雞share黎食，一向都好鍾意食炸雞，呢度嘅炸雞外脆內嫩，肉質juicy，最緊要炸粉夠薄，啱哂我，仲可配搭沙律醬好滋味。 焦糖布甸上網望左幾眼，見原來呢度除左出名拉麵，仲出名甜品，所以就叫左，焦糖布甸很滑身，奶味香濃，焦糖不會太甜。 開心果巴斯克開心果大熱，都未試過開心果嘅巴斯克，有少少開心果碎點綴，增加口感，而且芝士和開心果配搭好香，口感輕盈，食完也不會很膩。 冷泡八女煎茶呢款冷泡茶清新爽口，茶香濃郁，配蛋糕真係好適合。…查看更多

餐廳嘅裝修都有少少cyber punk溝工業風嘅感覺，主要都係行型格路線。我自己都冇諗過食拉麵，竟然可以配咖啡食Basque cake，成件事都幾fushion。我覺得拉麵就貫徹始終一樣都係咁好食，反而令到我真係好有驚喜嘅係個炸雞同埋布丁。‣ 濃蝦湯拉麵 $98如果鍾意食重口味嘅人，一定要叫蝦湯，真係超級濃郁。佢未上枱嘅時候，離遠都聞到蝦個陣味，而麵底相當之掛湯汁。平時食完拉麵我都冇話特別想飲埋個湯，但係呢一個我真係飲唔住飲晒，但係同時我又覺得餐廳做得好好，佢個麵嘅份量同埋個湯都啱啱好，相信我，你一定唔會嘥咗啲食材。‣ 熟成雞白湯拉麵 $98雞白湯調返轉就主打一個舒服，飲落去嘅時候，一樣都係好濃郁，但雞湯嘅鮮甜同海鮮嗰種鮮甜，我覺得係兩回事嚟。飲落去嘅時候真係覺得喉嚨好舒服，整體感覺都清新好多。佢仲有一個小巧思，放咗粒蕃茄仔喺雞白湯入面，但係蝦湯係冇嘅，我自己覺得個味道出嚟都幾正，所以話好fushion。‣ 炸雞兩件 +$28雖然有啲誇張，但係咬落去第一啖真係忍唔住「嘩」咗出一聲，俾我想像中好食太多。啲雞肉係勁！嫩！滑，你諗吓誇張到我忍唔住用咁多感嘆號你就知。作為一個好鍾意食炸嘢嘅人，拉麵舖嘅炸雞嚟講，佢都算令到我印象深刻，鍾意佢個炸皮，同一般嘅唐揚皮唔一樣，而且個皮唔厚。‣ 升級套餐 +$60套餐包一個布丁同一杯野飲，可以揀煎茶或者咖啡。咁套餐我就揀咗一杯冷萃咖啡，我覺得咖啡佢哋真係好細心揀過，呢一杯飲得出係酸味比較重嘅豆，但同時間過果味好出，係一杯細心挑選過嘅咖啡。我覺得搭配甜品一齊食簡直一流，苦混甜更加飲到咖啡豆本身嘅香味。不得不提就係個布丁，我見到好多食客一個人嚟食都好，佢都會加餐同埋食個布丁。雖然真係好打手，但係佢個布丁真係俾我之前喺其他Cafe食過嘅布丁好食太多。個蛋味超濃，唔呃你望個布丁嘅顏色就會知。你唔好以為佢叫硬布丁，個口感就真係好硬，食落去我覺得有啲似panna cotta，口感軟滑綿密，值得一試。‣ 冷泡八女煎茶 $45本身八女煎茶都好出名，所以我覺得舖頭係好有心思設計過個Menu，甘甜但我覺得個茶香都幾鮮爽。‣ Tiramisu巴斯克 $65本身自己都好鍾意食Tiramisu，所以見到已經忍唔住點樣都要嗌返個，可惜冇得跟餐，但係我覺得好值得。口感綿密，我覺得入口夠濕潤同軟心，本身餐廳嘅咖啡已經好出色，用埋係Tiramisu上面夠晒香醇濃郁，真係冇得彈，我下次應該會過嚟食個開心果巴斯克。…查看更多

侍拉麵 Ramen Samurai 新開於太子, 由「悄悄食堂」同「頂立拉麵」聯手新開. 悄悄之前去過, 好喜歡佢地氛圍同甜點. 今次黎到侍拉麵, 最欣賞都係呢兩樣. 水泥風和尼龍燈, 樓底高. 內裏有好多店主收藏, posters 好可愛, 令人會心微笑. 坐窗邊位, 自然光加裝潢好有悠閒感覺Samurai 醬油拉麵2.0 $98雙重湯頭以沙甸魚煮干同雞骨混合而成, 湯頭清澈富鮮香又唔會太鹹、 有2粒脆骨雞丸子幾有爽脆口感.麵唔會太腍, 爽口掛湯. 喜歡上面仲有風乾小茄, 味道更濃縮咬落酸甜爆汁. 油封玻璃豚肉, 店社交平台寫係用左瑛夏農場出品 三元豬玻璃肉部位, 半肥瘦得黎肉爽帶油香, 幾好食. 溏心蛋入味熟成雞白湯拉麵 $98奶白色湯底, 唔知點解覺得呢碗肉鞋d 但店員話係一樣嘅肉. 其他配料相約, 較喜歡醬油Samurai炸雞 $28/兩件炸得外金黃香脆內嫩, 炸粉唔會好厚. 放耐左都保持到放久香脆 焦糖布甸 $40好香滑~比起比時食pudding 滑嫩動L 感, 呢款食落更似法式flan, 口感比較紮實富vanilla香.焦糖醬香甜中帶微苦, 味道balance 剛好, 送啡一流. Tiramisu巴斯克 $65Tiramisu sponge cake 加左mascarpone, 香滑creamy. 食到rum 同可可香味. 底部coffee Basque cheese cake 真係好香濃啡香, 而個隻啡味唔係平時常見三合一啡, 而係好似SOE靚啡, 啡香中又會品嚐到一絲酸味. 喜歡品啡嘅朋友應該都會鐘意Cold Brew/冷泡八女煎茶 $48/45有大粒方形冰, 可keep 凍溫度又無咁快溶稀釋味道. cold Brew 飲落順滑偏向nutty 較少酸度, 而冷泡茶就較清爽. 太子運動場道3號地舖…查看更多