侍元

營業中

休息中

平時經過，覺得門面都幾吸引，原來真的不可以，以貌而定質量，真係堅伏，堅難食，湯麵溫度偏低，基本上所有炸的食物都是硬的，滑蛋豬扒飯，蛋是酸的＇如果服務好，都算，可惜不是，以後都唔好再來！，

呢間餐廳好近荃灣西西鐵站一出就會見到見到呢間餐廳都幾靚完全估唔到啲野食咁抵性價比極高!!!又平又好食😋職員好好禮貌👍🏽難怪咁多人幫襯😆好彩早到,坐到個靚位,一坐低之後就即刻好多人等位喇～🫣🟡墨魚餅湯烏冬$54炸雞兩件＋凍檸茶$24呢個烏冬係海帶湯底 清清地咁好鍾意兩塊魚餅大大塊, 好厚肉, 好有口感仲有隻糖心蛋🥚夠晒淺味估唔到日本餐廳嘅凍檸茶都整得咁有水準拍得住茶餐廳個種港式檸檬茶🤤唔會太甜得來，但係有檸檬嘅香味就係我最鍾意嘅凍檸茶味道😋🟡炸雞定食$54呢個炸雞定食係全日都可以叫嘅估唔到呢個價錢都有咁高質素$54咁平有成4隻炸雞 沙律菜 仲有杯飲品添!!啲炸雞仲要炸得好好食,肉汁好豐富加埋上面啲蛋黃醬好正,送飯好夾👍🏽啲飯都煮得好好食,仲要超級大碗添大碗到就快跌出嚟咁🫣🫣我淨係食左一半已經飽,下次要叫少飯先得佢啲珍珠米真係好好食🤤大大粒脹卜卜咁

這天晚上我去了荃灣吃晚飯，經過網上的推薦，我便決定來到這間日本菜餐廳試一試，店內環境明亮和清潔衛生，位置十分方便，從地鐵站出行兩三分鐘便來到溏心蛋蒲燒鰻魚飯($64)用芝麻粒灑面，鰻魚非常軟身，而且冇骨，非常適合小孩和老人食用，糖心蛋十分軟身，吃的時候蛋黃緩緩流出和飯融合在一起，飯粒粒分明，質素很高，份量非常多炸雞套餐($24)炸雞是即點即炸，所以食物温度很高，炸的時候很好地鎖住肉汁，口感外脆內嫩，非常新鮮，凍檸茶，檸檬味道突出，酸中帶一點甜，令人十分開胃整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的定價相對大眾化，而店員亦有良好的服務態度和積極，所以我認為這間餐廳是值得再去惠顧

🍜黑武士醬油拉麵黑武士 - 東京風黑蒜油醬油湯嘅代表，湯底醬油味重黑蒜油味十分輕身，唔算重口味之選。但醬油湯算唔錯，麵質偏幼，軟硬適中，日式叉燒就不過不失，整體綜合嚟講都算係性價比唔錯。🥸🍜赤武士地獄拉麵首先，唔食得辣嘅朋友建議大家三思，因為辣味抗性低啲🥷都會覺得幾地獄下 (即係唔食得辣嘅朋友)。湯底辣度級別大約有中級，辣味一入口就即刻擴散全個味蕾🔥，岩晒心急又嗜辣嘅朋友。麵質同叉燒可以參考番黑武士。補充一下，溏心蛋質地控制得岩岩好，但味道小編鍾意再甜啲🥰🍗炸雞&炸雞翼炸漿調味做得幾好，炸物嘅火喉都控制得唔錯，香脆得嚟入面都保持到Juicy 嘅肉汁。小編就欣賞個炸雞翼多啲啦，因為夠味之餘肉質都好滑，上品！ 炸雞就可能雞塊比較厚身，醃得唔夠入味，同埋唔夠雞翼滑，小編同去都會揀番雞翼😋

今日發掘到呢間位於荃灣西站海之戀商場地下既餐廳，入面裝修充滿和風主題，介紹不同食物的用料，而且放上一幅日本地圖標誌各種拉麵湯底起源，食之前可以長長知識😂左揀右揀之後點左一配黑武士拉麵（$64)同溏心蛋蒲燒鰻魚飯 ($64), 升級做套餐（$24) 可以跟一份小食同一杯飲品，位於海之戀商場黎講可謂性價比非常高👍👍鰻魚飯份量非常足料，鰻魚熱辣辣搽上照燒汁好香😋而且全條都無細骨 🤘（小弟好怕食鰻魚尾部有好多細骨），加埋蛋汁撈飯一流🥳 炸雞翼大大隻皮脆肉嫩😍黑武士拉麵係以醬油湯作基底配上黑蒜油，整體味道較清淡小油，可以飲多幾啖湯都唔怕肥🤭， 煎餃子亦同雞翼一樣非常香脆，餡料多汁👌👍 整體而言超級抵食，不過想黎食既朋友記得早d 黎喇，七點後入座已經要排隊🤓埋單：$ 176好食指數： 🌟🌟🌟🌟🌟性價比：⭐️⭐️⭐️⭐️⭐️

之前用商場積分換左3張$20 coupon 6月30號到期，咁就快啲搵🤴🏻一齊用咗佢先！😋😋之前食過兩次佢嘅拉麵質數都係👎🏻👎🏻，今次都係叫返個飯穩陣啲😊😊，但佢地所有炸嘅食物都很有水準😂😂～～～吉列廣島蠔定食～～～廣島蠔有四粒，粒粒香酥脆口，雖然唔係好大粒，但廣島蠔味道都唔錯！😁😁～～～龍田揚炸雞定食～～～炸雞塊有中size四件，雞肉嫩滑，炸脆嘅口感同廣島蠔有分別，各有特色，兩款炸物都好食！😋😋～～～榴槤炸彈～～～好大粒，大過粒乒乓波，榴槤味唔錯，仲帶有少少甜味😚😚綜合兩個飯，今次落水重咗做唔到粒粒分明偏向軟 ‘ 淋淋 ’ ！😓😓，同埋食過幾次都係炸物最好食！👍🏻👍🏻

嚟到 海之戀 想嘆返一個 地道日本正宗拉麵， 我會建議你去 呢一間侍元。呢度地道日本正宗師傅烹調， 拉麵用上地度日本正宗拉麵。 值得一試首先我就叫咗一個赤拉麵， 湯底紅色 當然就係有少少辣口。 拉麵 咬落煙韌 彈牙 小麥味豐富。 湯底 惹味 少少辣。 配上三隻秘製餃子 令人回味無窮。 飲品就要咗一杯 檸檬茶 少冰走甜 透心涼的感覺。朋友就叫咗一 客 吉列炸蠔定食， 定食的飯 是日本珍珠米 咬落煙韌， 吉列炸蠔大大隻 總共有四隻， 咬落豪的甘香回味。呢度坐位舒適同朋友傾計就最啱

海之戀行街行到肚餓，見到呢間拉麵店啲裝修都幾得意，就揀咗呢間醫肚，坐低咗先發現，之前好似食過另外一間分店， 印像中質素都幾好，餐牌都幾多選擇，花多眼亂，揀咗赤武士地獄拉麵，$64，以今時今日嚟講，都真係幾抵食，碗拉麵都幾大碗，拉麵爽口彈牙，豚肉又大塊又厚切，軟稔入味，最正係個半熟溏心蛋，滑溜有蛋香，湯底辣辣哋，而且唔會一味死鹹，餐廳座位舒適，餐桌和餐具均乾淨衛生，店員招呼亦都親切有禮，點餐出餐快靚正。

係荃灣西站想快速地食個晚餐，原本想去海之戀2樓食個快餐，但係地下個層見到依間待元，雖然寫外賣專門店，但有堂食的。 先到點餐處點餐和付款，再等叫號，象快餐點的方式。 上餐速度幾快，2個餐5min 就出餐了。待元同店名一樣的拉麵，望都望得出湯底非常濃厚，聞落有好香嘅味噌味，飲落除左味噌味仲有豬骨湯味，唔會過咸食完都唔會有好強烈嘅口渴感覺，豚肉厚身有咬口，肥瘦均勻，味道偏淡配上湯底一齊食岩岩好😋親子丼滿滿的雞肉和蛋，配上鴻喜菇同蔥，好吸引。雞柳厚身，又香口，配上雞蛋送飯一流。 當中鴻喜菇有好多汁，好香菇味。 雞柳同雞蛋配上菇同蔥，十分配合。另外檸檬茶茶味幾好，有茶味之餘又飲到檸檬味， 好啱我口味。依度真係又快又好味，價錢唔貴。海之戀速食好選擇！

今日有啲趕時間食lunch，見到呢間拉麵店平平地，而且有種快餐店feel，就諗住入去食個quick lunch。點知認真睇下個menu之後發現，都幾多野揀，除左拉麵之外，仲有好多款唔同既定食同埋飯類，而且全部都唔貴😄 1⃣️東京風黑蒜油醬油拉麵（$64） 拉麵係香港食到呢個價真係算平😲醬油湯底都算香，帶甜味，加上大量既木耳、粟米做配料，性價比好高。叉燒有兩片，偏瘦，另外仲有半隻糖心蛋。  2️⃣別府風血池地獄豚骨拉麵（$64） 呢個湯底比我想像中辣！食落好惹味🔥另外豚骨湯底都濃，幼面掛曬啲湯汁👍  3⃣️炸雞黑豚肉海軍咖喱飯（$64） 咖喱係甜甜地既，黑豚肉切粒混合左落啲咖喱入面。炸雞炸得夠脆！雞肉幾滑😋  4⃣️炸雞套餐（套餐+$24） 炸雞有兩件，炸得好脆好juicy，拉麵加錢就可以有炸雞加飲品。 5⃣️芝士春卷（$30） 有5條，薄脆，芝士唔算好濃，冇流心，純粹食到啲芝士味咁。  6⃣️北海道南瓜餅（$18） 南瓜餅甜甜地好好食！而且炸得一啲都唔油。 

123009052023黎到海之戀商場，今次再次光顧呢間侍元。中午時間人流不太多，入去坐好位睇睇餐牌先，連到櫃位買飛，今次叫了呢個海軍咖哩豚肉飯，加沙律凍檸茶，成為64元。等咗三分鐘左右便有得取餐，咖哩豚肉飯份量頗多，先試一試過沙律，沙律胡麻醬比較多食落有點鹹，咖哩豚肉咖哩汁很多豚肉亦都非常之淋，咖哩汁味道是正宗的日式咖哩不太辣送飯一流，而且咖哩入面有薯仔蘿蔔等蔬菜，正。唯獨最可惜是凍檸茶味道有點怪。

海之戀平時都係行下，好少會坐低係餐廳食下嘢，原來有間平平地嘅日本野~呢度好似快餐店咁要order比咗錢先，係位到等拎餐~不過我係平日去食，唔洗等位的~假期就唔知啦XD· 札幌風味噌豚骨拉麵 $62 餃子套餐 + $22配菜係大量嘅木耳、蔥同半隻蛋係我比較鍾意既粗拉麵~口感加分😆不過我覺得湯底鹹咗少少，可能味噌太重~轉餐加咗餃子，正正常常嘅餃子啦~· 咖哩吉列豬扒飯 $56 炸雞套餐 + $22咖哩做到日式嘅風味~但睇落可能會深色咗少少haha吉列豬都炸得啱啱好，唔會太鞋口，配咖哩都好好食~轉咗餐可以要炸雞，2舊炸雞其實都好大舊不過我覺得好似都係鹹咗少少~整體都OK，加埋餐其實都係$70-80/1人🍽 侍元 | 荃灣📍 荃灣大河道100號海之戀商場地下G32號舖

今晚呀媽出左街得返我同呀爸兩個人🤣梗係唔會煮飯洗碗啦落樓下搵野食，我想食麵而呀爸想食飯咁岩睇到呢間侍元、可以滿足曬我地既願望👍🏻🛎 $62 赤武士 - 血池地獄豚骨拉麵平時食醬油味既拉麵多，見到辣味就好想試下！個人覺得係中辣～幾惹味拉麵軟硬度適中，配埋爽口既木耳👍🏻口感好豐富兩片叉厚幾厚，又腍滑😍溏心蛋熟度剛好，蛋黃香濃又流心，配埋個辣豚骨湯好夾！🛎 +$22 餃子套餐有3隻炸餃子，都幾大隻😳外皮香脆，餡料是白菜豬肉，仲有肉汁的！野飲就揀左凍檸茶🥤🛎 $48 照燒雞肉飯超多雞肉🤣應該都係雞髀肉，因為件件都好嫩滑而照燒汁亦好入味，甜甜地～岩曬撈飯🍚加上芝麻亦都令香味更上一層樓😚🛎 +$22 炸雞套餐有兩件炸雞🐥肉質結實，有彈性！係無骨既所以食落好方便，啖啖肉😗咸香亦充足，好香口～另一杯野飲都係揀左凍檸茶🥤不過其實仲可以揀飲汽水架～🌐 環境/服務呢到唔洗收加一👍🏻自己出收銀位置點餐，然後自己出去攞餐就ok～出菜都幾快手👍🏻有二人台/四人台，裝修亦都好日式🇯🇵靚靚！

荃灣西站 C2 出口一出行幾步就到佢喺海之戀商場地下或者喺啲商場度行過去未到Donki 條扶手電梯一落就到店舖裏面有好大隻豬武士嘅壁畫自助快餐形式 坐低之後出去點餐俾錢再攞餐食選擇主要有拉麵同埋飯 價錢算幾抵食🤍白武士櫻花拉麵 $62 流心蛋 😋好juicy 櫻花蝦為拉麵添上來自海洋的鮮味湯底係豬骨湯係精華 奶白色 配上塊厚度適中嘅豚肉 拉麵有彈性 絕對值得一試 仲已經同埋一杯凍檸茶 其他汽水只係+$2+ 🤍餃子🥟餐 +$22 三隻餃子 多汁鮮甜 🤍炸雞定食 $56 4大件雞脆卜卜 裏面好多汁 炸粉一啲都唔厚佢配埋一個芝麻醬汁嘅新鮮生菜🥬salad on the side 都已經包嘢飲 凍檸茶 其他汽水只係+$2

侍元，一家價錢實惠的日式拉麵店！位於荃灣大河道海之戀的這家店，不僅讓你品嚐到高質素的美食，近西鐵綫，食完搭車也很方便。這裡有4款拉麵，其招牌菜：豬骨濃湯味增拉麵。這一碗湯頭濃郁，麵條有著彈性感，口感絕佳，讓你一口接一口停不了口！還有，他們的餃子也不俗，外皮薄脆，內餡鮮美，加上濃郁的湯汁，讓你的味蕾直呼過癮！最後，搭配上可樂檸檬茶，讓你的口感更加豐富。除了拉麵，他們的親子丼也是一道不錯的美食。這一碗飯配上雞肉和蛋，口感豐富，蛋香滑溜，味道鮮美，雞肉份量多到滿瀉！再加上一杯泡茶或汽水，讓你的味蕾更加愉悅。價格方面，侍元的價格非常實惠，荷包不會受到嚴重打擊。豬骨濃湯味增拉麵連配菜和飲料只需$84，而親子丼套餐只需$64。不僅價格實惠，食物的質素有水準。侍元 (荃灣)荃灣大河道100號海之戀商場地下G32號舖#侍元拉麵，#荃灣美食，#豬骨濃湯味增拉麵，#親子丼，#檸茶，#美食愛好者，#拉麵控，#餃子，#日本料理，#香港美食，#foodie，#yum，#delicious，#foodporn，#instafood，#foodstagram，#foodphotography，#foodlover，