佳運餐廳

營業中

休息中

朋友帶我黎上水街市覓食，星期日黎到佳運好多人，每張枱總是坐滿一家大細，生意好好！經朋友介紹下，叫左個紅燒豬頸米(酸辣湯底)。湯底好入味，配料都好足，抵食之選！同枱見到其他人食焗飯炒野都好吸引，下次會黎試其他野食！

好耐無出帖, 無他, 因為上水要食又平又實際既, 黎不開街市.今次食到佳運梅菜扣肉飯, 真係值得在此分享一下.相就唔出, 因為扣肉飯印象唔係定時有, 今次係每月外賣單上有, 外賣單每月變, 每十天又一轉,  37蚊有野飲, 價錢合理當然重要, 更重要係梅菜扣肉真係好香好淋好化, 梅菜又多, 仲要加三條菜俾你, 真係誠意之作, 重想去邊到食.講起扣肉呢家野, 自不然會諗起老招牌泉XX, 不過今非惜比, 食過都知我講乜.話時話, 佳運既扣肉淋化程度少有, 當然罐頭就更化, 入口就溶, 呢D無得比. 但梅菜比例足就無可否認, 而家出去食扣肉, 梅菜好矜貴, 有D係現成野, 更加無可能加到梅菜俾你. 所以, 今次食外賣, 都要上黎講下! 

細細個讀中學就食佳運唔好以為街市就冇好野食雖然坐位係迫少少 但係由細食到大個種親切感係無可取代基本上次次黎食都係腩肉米線加凍啡佢既米線有得比你揀麻辣定酸辣辣既程度分小中大我就鍾意叫麻小～腩肉係用醬汁醃過😋 唔似一般米線鋪頭就咁薄薄一塊冇味既腩肉仲有一款過橋米線係有哂好多種料，不過份量真係好多其他配料亦好足😆花生😋酸菜😋凍啡亦好出色夠多奶夠濃🤗可惜宜家出左黎做野 冇幾可會去上水食街運住起上水附近既朋友要好好珍惜可以食佳運既日子🤗😆

今天食的是上水石湖墟街市的這間佳運，早餐款式大致跟其他差不多，今次點了吉列豬排配煙肉煎旦。因為等了好幾分鐘，所以推算吉豬是現炸的，上台時亦很熱，新鮮。但煙肉稍為炸得太過火，柴皮一樣。下次會試一下吉列魚柳，因為看到對面點了，好像不錯。

又到星期六訓醒諗食咩既時候喇！心思思想食米線，想食平野都係去街市就最岩喇！去親佳運我都唔諗一定食佢既過橋米線！點解？真係好抵食囉因為真係好大碗，又足料！主要有咩料？ 有飽片～大大粒冬菇，金菇，火腿，豬肉～酸菜～蟹柳～花生。辣度都可以自己選擇！平時都會叫杯凍檸茶，但今日病病地就叫杯熱檸茶黎飲喇！料真係好足好大件，唔會每樣得少少冬菇件件都咁大粒！真係好正每次食完都會好飽，咁我覺得呢個價錢有咁大碗，真係好抵食！

正如流行所講:頹餐, 日日都外出食, 唔通真係好中意出街食咩.今日如常去街市搵食, 新年街市仲有幾檔未開, 佳運食過叫做靠得住, 咪頹叫個午餐囉.如題都估到我講乜.abcde,叫左個B冬菜都知係鹹, 但佢既雞亦醃得好夠味.再發現佢會用上大頭菜絲黎配搭. 變左鹹上加鹹.雞係滑的, 只可講, 好好送飯.之後, 豆卜唔洗講啦, 索埋D汁, 食到那位一定人中之蟲的鹹蟲不過, 再鹹過後, 佢杯茶係飲得過, 好過街市好多檔, 用上黑白奶係唔同.只係講到尾, 呢餐真係太鹹, 真係俾唔到佢合格

就如我成過往習慣, 未食過既餐廳, 就會食呢味, 又簡單, 又可比較. 食左周太多次, 開始悶悶地, 加上有次朝早上街市循街, 發現呢家朝早多人食過周太, 一定有原因, 問過可以叫外賣, 咁就試下啦..39, 外賣加1元, 支竹火腩飯...有湯, 有熱飲有圖, 飯,餸比例唔錯, 味道呢/......穩陣, 火腩撞著幾揀手, 皮, 肥, 肉, 好勻稱, 飯量都唔小架跟左杯熱鴦, 有糖包跟, 但用捷榮包裝, 好細包, 嗜甜者一定唔夠, 但鴦味唔錯, 聞到有茶有啡。唔怪得朝早有捧場客, 朝早一杯靚熱飲, 成日都精神比起周太, 除左輸份量, 價錢外, 味道, 熱飲我中意佳運. 同埋, 呢間可以自由少火配搭, 反之, 周太太除左食客飯, 其實無乜選擇。終於有多一間選擇

晨早流流入上水搵friend食早晨梗係去最地道嘅地方食早餐 早餐都有10個選擇 任搭任配👍🏻仲可以配火腿、腸仔、煙肉、餐肉、煎蛋、火腿奄列🍳 任選兩款。 想食咩就揀咩再加牛油厚多士再配多個麵 凍飲都只係加1蚊 都咪話唔抵加多杯凍檸茶 perfect 落完單好快就到 有效率我揀咗香煎雞扒米線、煙肉、煎蛋、凍檸茶 Friend 揀唔香煎豬扒、餐肉、煎蛋、熱奶茶分量十足 早餐杯茶好緊要. 朋友都讚杯奶茶 得👍🏻$63 兩個人埋單 抵！飽！好味！

因為工作關係，經常都會來到上水，石湖墟熟食中心往往係我醫肚既首選，貪佢近火車站之餘，仲有好多選擇，今日去左食米線。餐廳位於熟食中心角落，舖位都相當大，適逢午飯時間，勉強先搵到位，即時睇睇食乜。除左有每日午餐外，呢度最出名米線，特定米線都只係35蚊，亦可以額外加配料。今日叫左紅燒豬軟骨米線走韮菜。米線非常大碗，份量十足，當中酸菜尤其惹味，平時唔點食酸菜既我都食到一塊不留，豬軟骨有三大件，煮得夠淋，亦相當入味。總括黎講，呢度既米線大碗又好味，食完真係飽足成個下晝。唯一美中不足既係熟食中心冷氣唔夠，令到一路食一路出汗。

凡係街市，都流傳不少隱世美食，當然，有真又有假，係石湖墟街市樓上有不少野食，去左其中一間，點解專登去?原因係睇左某網既介紹，話呢到有個焗白汁豬扒飯好正，想試下，不過去到坐低，問個阿姐話無！唔係呀嘛！？咁快賣晒?跟住個阿姐講無呢個飯..........另一個阿姐唔得閒招呼。 環境:街市既位呀。 食物:之後叫左都係豬既野，不過係奶油豬，又幾香脆，多練奶香甜，好食! 差唔多走人見到另一個阿姐拎焗白汁豬扒飯比其他客....................則疑個阿姐係新來話無囉。 佳運餐廳

想信石湖墟熟食市場倍伴好多上水人渡過無數的時光，皆因幾10蚊就可以解決一餐所需而且到夜晚既大排檔又係成班友食宵夜既好地方。雖然每日都有好多人幫襯，但係又好似冇咩人分享心得，所以我決定整番個石湖墟熟食市場食記完全版，實行細味每一間！第一間既餐廳當然係自己最成日幫襯既，我已經係佳運解決左無數既午餐，最令我難以忘記就係大大碗又好味既米線。入正題之前緊係要講下佳運係邊啦，熟食市場正門轉左行到盡頭跟住再轉行到角落就係。要點樣分邊張枱係邊間鋪最簡單就係睇餐牌，見到綠色底寫住特價午飯就係佳運啦！雖然1-9號餐都好吸引，但係我最鐘意都係佳運既米線，先睇下佢既米線餐牌先。都有成20幾款配菜同埋3款湯底(麻辣 酸辣 清湯)可以選擇，如果驚唔知有幾辣仲可以辣另上自己加到岩口味為止！我最推介當然係紅燒豬軟骨米線！落單後唔洗5分鐘已經送到枱上，貫徹茶記特有既高效率。同個茶杯做下對比就可以知道碗米線有幾大碗，份量之外賣相同埋味道都唔會差！米線唔會煮得太淋軟硬度適中，湯底濃郁每口米線伴隨酸酸辣辣的湯底完全做到酸辣米線特有既重口味豬軟骨肥瘦岩岩好，唔會炆得太淋而且非常入味一個完美的午餐緊係配埋一杯凍檸茶先得，食完飲番

近期係上水翻工總有幾日攰到lunch time唔想出去食 叫外賣翻黎食今次試左呢間餐廳意料之外既好食根據外賣menu上都有好多款餸菜比我地揀今次我叫左個節瓜咸蛋肉片湯飯$33 唔包野飲如果想加野飲都係$35因為呢個係湯飯 諗住飲湯都飲飽等左45分鐘 終於送到黎啦湯同飯分開既 熱度啱啱好湯好清甜同埋超多料 特別係瘦肉而且湯冇加味精白飯亦都比左好多 最後我食唔曬食完覺得今餐比較健康令我意料之外既係因為我通常叫親茶餐廳啲外賣都係伏 但今次感覺良好所以之後都會繼續揀呢間

石湖墟市政大廈食店選擇多又經濟，這天想吃港式炒粉麵。看到此店有港式多種食品的套餐，又有米線。下午茶餐有乾炒豬扒意粉，可改炒河粉，配了熱菜蜜。數分鐘送來乾炒豬扒河粉。吃下，發現雖是一般的茶餐廳選擇，但河粉炒得熱騰騰、香惹又軟滑，豬扒味足易吃不黏牙，是十分好吃又料足的水準，是我意料之外，熱菜蜜濃度得宜，很美味呢!是令人十分滿意的港式茶餐。

上水佳運係上水街市比較熱門, 好食O既餐廳之一。 好多人幫襯,尤其係中學生,成日都坐無虛席, 但係職員都會好快幫你搵到位。而且出餐速度快, 所以唔怕要等好奈講到環境方面, 會有大風扇吹, 所以都唔會太熱。但係可能因為想做多幾單生意, 所以枱櫈都擺得幾逼下, 會稍為逼少少。我所點選的是沙爹牛肉公仔麵, 大約等左5~6分鐘就有得食。味道方面, 煙肉炒蛋多士都幾好食 味道豐富, 炒蛋夠滑多士夠厚, 可惜係煙肉落得太多油。而沙爹牛麵好大份, 身為男仔O既我都差D 食唔晒, 味道不俗。而同行O既朋友就食左鮮牛通 + 火腿奄列, 我試左少少, 味道較清, 岩女仔食多D。牛肉夠厚身, 食落都幾有口感, 性價比高。(由於個人比較鍾意濃味, 都係會揀返沙爹牛)而最後, 每人只係$28, (凍飲加$1), 還算合理!以下係畀大家參考O既餐牌, 而佳運都有提供外賣服務。如果唔想出街食, 叫外賣都係一個唔錯O既選擇。

又是一間上水街市熟食中心的食肆，早上過來買菜，當然順便看看那一間未光顧過。今次要了雪菜肉絲麵，一如所料，肉絲少之又少，雪菜佔了七成以上，幸好麵身都淥得夠腍，澆點辣椒油提提味，還可以吧！火腿跟餐肉就非常乾身，望見已經拎拎頭，再加一杯熱飲，食過就算。