佳美餐廳

營業中

休息中

今日lunch同同事落去公司附近呢間餐廳食，好彩訂左位，唔係有排等。呢間餐廳係lunch time設有指定set lunch餐牌，每半個月轉一次。set lunch主要有扒類，意粉湯面等等我就叫蒜蓉汁燒羊鞍扒配薯菜而同事就叫左芝士忌廉汁明蝦燴天使面餐湯係忌廉湯，有蒜蓉包配搭我就覺得個忌廉湯淡左d，但同事覺得ok個蒜蓉包好正，配湯一流之後芝士忌廉汁明蝦燴天使面黎先，同事話個天使面好香，重芝士味，之後佢再加芝士粉仲好好味<3成個天使面好多汁，唔使驚食食下冇汁。之後我個羊鞍扒黎到，好香好有騷味，一個字正。而且我鍾意佢個薯菜係薯角同沙津菜。平時去開果d餐廳既薯菜都係急凍薯條同大大舊雜菜。至於個羊鞍扒好正好腍，唔會好生，個汁好香蒜蓉味。最緊要係夠熱!!!!!真係好好味。餐飲叫左熱咖啡，諗住用黎提神，扮下陳豪品嚐一下。杯咖啡好香好濃好好飲，估唔到連餐飲都整得咁好。最後我同事都要encore杯咖啡，拎番公司品嚐。呢一餐真係好飽同好好味。餐廳內的staff都服務好好，笑臉迎人，good!不過價錢就貴d，set lunch平均要七八十蚊，單買一杯熱咖啡都要二十二蚊，starbuck價，但我覺得佢

平日間中會黎呢度食餐晏仔，見佢都只係六十幾到八九十蚊個餐唧，見伴碟既沙律菜又算幾正，兼夾佢每日都有一款有機素食提供，就諗住帶爸爸黎試下．星期六，冇訂到檯架，諗住有位就食，冇位就算．點知去到大把位，咦？好似做緊自助餐咁款既？有ｄ滴汗，如果冇素食，爸爸就唔開心啦．問侍應有冇set lunch，佢話仲有，都好ｄ．點知爸爸居然話要食自助果ｄ喎，搵唔到餐牌指示，問下價，原來$38 + 10%咋！咁一於就食佢啦．一個餐都頂到兩個自助餐啦！雖然食物款式唔多，但我原本都只係諗住飲個湯，食少少雞或者魚加薯菜既唧，依家仲多咗選擇，又咁平，咁就覺得好抵啦．我冇飲雜菜湯，我驚有牛肉成份，所以唔敢試．要咗蘑菰湯，ｏｋ，唔太咸，又唔會太杰．跟住食咗ｄ沙律菜，佢都有幾款沙律俾你食既，青蘋果西芹合桃，雜果（？）我冇試到，雜錦鬼佬生菜．兩款醬汁．同埋飯後果：西瓜．其餘既全部係熱食黎：照燒雞扒，雜菌燴油菜，炸魚柳，炸雞翼，麥樂雞，春卷，咖哩角，咖哩牛腩，雜錦丸丸，肉醬意粉，乾炒牛河等等．我之前冇心理準備食好多野既，所以都只係夾咗兩件雞扒，一塊炸魚，幾條菜，跟住再食件春卷，一件雞翼，一粒墨魚丸就收手啦．雞扒味道唔錯，炸魚尤

最近經常都要山長水遠的由荃灣去中環工作, 因便成利又約了以前的同事吃午餐聚一聚~舊同事早幾天已經知道我會到中環來, 跟我說特別訂了一家旺場又多人讚的西餐廳, 讓我期待了好幾天~當天我比對方早到, 未到1:00已經要排隊等位, 果然墟冚, 幸好我們有訂位. 一坐下來,接過侍應的餐牌後, 開始心中暗叫: 怎麼好像沒什麼東西供選擇呢?其實餐牌上的set lunch也有十多款之多, 但是就是看來看去都沒有一款特別想吃的. 很多款式都很類同, 你不想吃A和B嗎? 那也代表你不會喜歡C和F... 而當中的亞洲風味, 自問不會在西餐廳點亞洲菜色, 因為明知不會做得比專做亞洲菜的地方好, 如果我要吃星州炒米, 我就不會來這裡了...最後我們二人都選了同一款的帶子天使麵. 因為我們都選不到其他...其實我不太喜歡吃天使麵, 不過繁忙的LUNCH TIME也不想多多事實要別人改來改去, 所以算吧! 天使麵上桌了, 唔..... 味道是挺香的, 但感覺好漿... 吃下去的感覺還是好漿... 那個白汁跟天使麵漿成一團團的再漿着我的嘴巴... 我吃了一半已經不想吃下去了, 因為好膩... 最後把帶子都吃完

又是個特別的日子，Lunch時間同事帶我到這間餐廳吃餐飯等了一會才有位坐，點了雞扒 (忘了名字了...有波蘿，且像是有紅酒sth..?!) 配薯角，配忌廉湯。先來忌廉湯，不過倒像是南瓜湯 ( 好過飲普通忌廉湯吧)沒有被外形欺騙，喝下果然好味，夠濃味，跟湯還要有我喜歡拿來點湯的蒜蓉包，簡直完美最重要的是蒜蓉包還暖，而且包上的蒜蓉未見吝嗇，分成一塊塊小小的放在湯中，實在一流。見此店的湯做得不錯，於是對主菜更有期待。雞扒波蘿配薯角:一上枱的時候覺得份量不多，細看之下應是雞扒的問題 - 只得一塊、不大的先吃波蘿， 別小看那片波蘿，原來做得很入味，所以吃波蘿不是先吃到波蘿汁，而是伴主菜的惹味汁再吃我喜歡食的薯角，沒有什麼特別和驚喜，可能薯角較厚身吧，覺得在吃一舊舊薯仔多過吃薯角..伴菜的沙津則OK.至於雞扒，更加失望，只是普通的煎雞扒味道，而且有點油膩，這個菜的主角似乎是波蘿而不是雞扒..!!餐飲熱檸茶，印象中檸茶有澀味，不是太好。有點奇怪為何湯、那片波蘿比主角(雞扒)好味得多，妹仔大過主人婆..希望有番個balance吧.$60幾一個餐，水準可以的餐廳，但不便宜。

今天上班前突然想吃個較豐富的早餐，路經這間餐廳發覺選擇也不小，而且價錢亦合理。記起之前曾在這裡吃過晚餐，味道不俗便決定再試。餐廳位於地庫，所以較為陰暗，可能已接近九時，所以顧客不多。筆者點了麥皮/多士加咖啡 – HK$20.00。麥皮味道偏淡，但很滑，感覺好健康。多士我選了花生醬及練奶，失望是多士不夠熱、可幸還脆，算是可以接受。咖啡是我最欣賞的一環，又香、又滑、很有咖啡味。可以給我足夠能量應付半天的工作。

今日LUNCH 忽然想食意粉, 公司附近又沒太多選擇, 路過佳美(貪佢一點前埋單有八折)就入去食. 餐湯: 羅宋湯 (送兩件蒜蓉法包) - 夠味, 酸度適中, 有蔬菜無牛肉味.主菜: "煎三文魚拼北海道帶子" 跟茄汁意粉 - 三文魚煎得唔錯, 外層有少少脆! 帶子(即帆立貝)外層包脆槳, 咬落都幾脆可惜帶子本身無味, 解甜欠奉, 失敗! 意粉茄汁味OK, 不過比較硬身 (烚得唔夠熟)另外跟茶或啡, 埋單 $62~ 中環黎講算係咁!

與同事D吃午餐. 因之後要趕去"珍妮餅"買曲奇. 她建議這裏, 說這裏上菜不會慢. 其實很久前已吃過一試, 但覺得麻麻. 但又不想多想, 便和議.紅湯 & 蒜蓉脆多士: 很不錯, 味道香濃, 有很多的蔬菜在內. 一點點的酸味很醒胃. 蒜蓉多士蒜香恰到好處而且搽得均勻(試過很多店是隨意的在多士中間一搽就算). 最好味係起脆口, 又熱辣辣. 在午市中, 很少會吃到香脆的多士了. 而且店方出手闊綽, 每人有兩件.主菜: D要了鵝肝雜菜螺絲粉. 茹素的她把鵝肝粒全給我. 鵝肝粒被炸過. 口感大減, 但內裏尚算香糯, 沒要求了. 聽她說, 她的螺絲粉也不錯, 雜菜料也下得夠, 螺絲粉沒有煮得過腍, 醬汁酸咪咪的, 小胃口的她也吃了大半碟. 我的西冷配紅糙米則一般. 說是西冷極其量是平時快餐店的"牛扒", 幸好不算太靭. 紅糙米有咬口, 配上"西汁", 總算吃了一半.餐茶的檸茶沒特別, 但小小的一杯也有三片檸檬, 算不錯. 試過有些店只給予一兩片, 要這麼孤寒嗎?? 想提的是那杯子頗吸引, 帶點流線型. 小碟子有點像顏料碟呢 和D邊吃邉說說以往工作的事, 埋單時

之前屢聽說過這裡不好吃,但飯腳卻說上禮拜吃過不錯,於是決定來試一試.午餐有沙律/是日餐湯 (紅/白) + 主菜 + 咖啡/茶.主菜有多樣選擇,由$58-98(?)不等.羅送湯是不錯的,夠香夠味,蔬菜也多,不是稀巴巴,加了很多水的那種.可是主菜一來就證明了所言非虛,難吃果然是名不虛傳.我選的是芝士菠菜汁雞胸配煙肉汁伴紅米飯(名字超長的!我記不牢,但大概是這樣吧).一把飯送進口,就已經不想吃了... 飯是冷的!雖不至於冰冷,但毫無暖意(更說不上熱呼呼了!),而且飯煮得太開,但又很乾,像是翻蒸一樣.真的很不行.然後再試那兩塊雞胸,一切下去就慶幸來的就只有那麼薄薄的兩條.乾、沒鮮味、外表好像煎過火而硬掉了.那個芝士菠菜汁吃不出是甚麼味道.而煙肉汁呢,比普通茶餐廳的燒汁更人造的味道.飯腳的螺絲粉看來也十分普通,至少我問好不好吃時他是這樣回答.另,沒有甚麼服務可言,這我也不要求.但起碼讓我把湯喝完了,才把那放主菜的大盤子擠到我桌子上可以嗎?我們桌子的面積就像McD's兩人桌一般大小,怎麼放嘛...是我不幸選了那個雞胸,還是一向都是這個水準?而且也不算便宜呢.如果是這樣子的話,還怎麼能經營下去呢?

今日同朋友行過佳美見到 $38 有buffet食就想去試試有意粉﹐飯﹐菜﹐薯條﹐腸仔﹐湯同沙律$38來說係唔錯既選擇唯一美中不足的是食物唔夠熱

近日盡能力吃盡中環, 一出地鐵站, 去銀行捐埋錢, 看看佳美的早餐是什麼回事.早餐價錢Set得高了一點, 但樓下環境, 乾淨企理, 不錯. 只可惜要趕回Office, 決定叫Waiter包起, 返公司食.說選擇, 除了一般西式早餐, 也有日式, $27, 一個雙蛋紐西蘭牛扒, 包果汁同奶茶.好期望咁打開個盒, 好滿足咁拍下照片, 慢慢同杯奶茶落糖. 吃也........行返公司, 打開盒, 映相, 落糖, 都唔係用好多時間姐, 為何蛋只是少少暖, 最後享用塊扒, 凍的.....是否紐西蘭特色??? 但最起碼, 兩隻蛋都要熱吧.如有下次, 食麵......

經過這裡無數次，但是日才第一之幫襯，相信如果不是連天大雨又寸步難行的話，也未必會來。走下來才知，原來地方也不錯的，雖然是茶餐廳格局，但幾潔淨又有大電視及報紙雜誌看，不俗。要了野菌火腿奄列加熱咖啡，烘多士零零舍舍去左檯先，雖然薄薄的，都熱脆，幾好；奄列煎得賣相很好，蛋鬆軟，餡料也多，有點水準。咖啡不是高級貨色，只Americano般的淡淡黑咖啡，不過無限添飲，飲得落的應該滿意。埋單22蚊，坐了半句鐘又剛好看完一份報紙，也是個不錯的吃早餐地方。

雖然是中環區，但容易訂位，食物種類很多，中西日也有，水準不錯，份量足夠，只嫌有點嘈吵，不是傾偈之選！

位處中環要衝地帶，客源肯定充足，勝在地牢地方夠大，因此通常不需等位。食物方面，中西日式都有，款式算係多樣化，而且非常大份，以他們的價錢來說都算抵食。不過話雖如此，多不一定等於好，食物的味道其實只屬一般。以今次為例，我叫了一客焗牛飯，但用咖喱汁好像效果不太好，我的朋友點了一客藍苺汁配龍柳，味道就更加不協調，因此我倆都吃不盡我們各自的食物。店員服務非常勤快，務求盡快返，機械式的招呼在分秒必爭的中環也是無可厚非。

約左舊同學,佢想試下這裡雖然要等位,但唔算等得久點了兩個午餐本人要了印度xx雞柳配意粉意粉係standard的茄汁意粉與雞柳不太配合雞柳有少少香草味,亦夠嫰滑不過無汁,若配飯會好乾試了舊同學的鱸魚喇沙很好味,再辣點會更好速度夠快,但兩個主菜都不夠熱

一心諗住試吓新野喇, 我就叫咗三文魚濶條面, 同埋一個牛扖, 前者好難食, 後者就幾好味...但到俾完錢時果個唔知係經理定係咩水就話: "唔好意思, 俾完錢就起身走喇, 因為要入客"(講得好快)但我地杯野都差唔多未飲過, 都只係坐咗一陣, 佢竟然又走過來(前後一分鐘都無)...佢又話真係要起身喇.. 入客喇... 我忍唔住話" 飲都未飲完呀, 真係想話佢囉.. 有個waiter聽就同我講聲唔好意思... 你睇吓呀, 條靚咁有教養, 點解個頭咁...