佳佳甜品

營業中

休息中

Mr. Jun第一次食米芝蓮推介嘅甜品店。我地去個日係平日晚上7點左右唔哂等有位坐。Mr. Jun 唔好中式甜品，所以點左生果類別嘅楊枝甘露Mango Pomelo Sago ($34) 。食到濃濃芒果味，西米就咁miu佢都得。Mrs. Jun 點左潤肺嘅杏仁芝麻糊Almond and Black sesame dessert($24)。芝麻糊好滑。兩碗都好好味細細碗，食得出真材實料，齒頰留香，差啲想叫多碗。係有啲貴，雖然係咁，一定會再返黎，而家過左幾日已經心思思想食。環境好乾淨整齊。

忽然之間好掛住中式糖水，於是放工就約咗同事一齊去佳佳食返碗正嘅糖水！我叫左番薯糖水加湯圓，而同事叫咗芝麻糊拼杏仁糊加湯圓食咗咁多次，都覺得佢好有水準。湯丸做得好好，皮薄餡靚！真係食三粒都唔夠喉!番薯糖水好夠薑汁！辣辣地咁好正呀！食完之後成個人勁滿足

佛誔假期前嘅夜晚最好食碗糖水燒夜, 岩岩向佐敦食完晚飯又唔堂食住, 決定到佳佳甜品外賣一碗湯水返屋企慢慢食.外賣紙杯夠厚好穏陣, 外面印住佳佳同店舖簡介好有心思. 叫左最愛招牌必食寧波薑汁湯丸, 已經食左好多年, 每次都可以保持水準, 不會失望, 一碗八粒皮薄多餡, 湯丸黑芝麻餡, 仲要唔爆口真系好好手勢. 湯丸皮囗感綿滑, 而黑芝麻餡流心, 糖水系用左蕃薯糖水底, 薑味夠濃. 食完一碗真系想食多碗, 下次要買埋合桃露或者芝麻糊先更滿足

同朋友係佐敦飲完茶,佢趕時間,冇食到飯後甜品就埋單,好似爭減啲,於是自己走去佳佳甜品嗌返碗糖水食下。叫咗個芋茸蓮子西米露,味道吾會好甜,西米通透,蓮子够稔,加上芋茸粉綿,食落幼滑起沙,有口感！食埋個甜品,滿足晒！

喜歡食中式糖食嘅朋友都一定有聽過佳佳啦今日試左芋蓉蓮子西米露個包裝upgrade之後第一次食，新包裝好穩陣呀，保溫之餘又唔會驚倒瀉，封得好密實架作為芋頭嘅fans，呢個芋頭十分正呀口感好綿密，芋頭已經煮到好軟，但咬落去仲會食到芋頭嘅口感，唔會煮到爛曬仲有蓮子口感都一流架，食落仲係爽脆有咬口，唔會太軟爛嘅同時又會食到蓮子香至於怕甜嘅朋友呢....呢款糖水係會比較甜㗎，所以如果好怕甜呢，就建議可以試其他款會好啲喇

呢個糖水舖起佐敦,平時我就最鍾意食完壽司郎然後行過去食呢間糖水舖架啦😍佢真係平靚正!而且專賣中式糖水,食完覺得勁養生😆即刻冇左食甜野嘅罪惡感!大家不妨去試試!木瓜燉雪耳 [$26]糖水十分足料,好多木瓜同雪耳🤤糖水飲落滋潤又消暑,木瓜十分鮮甜,雪耳咬落爽口.杏仁露 [$26]杏仁露飲落軟滑,而且聞落同飲落都好香杏仁味,一次過滿足杏仁控嗅覺同味覺上嘅享受😋冰花燉雞蛋 [$26]燉蛋十分軟滑,而且有淡淡蛋香味,甜而不膩😝粒粒紅豆涼粉 [$24]都係個句,佢真係用料十足!好多紅豆同涼粉!紅豆食落軟綿綿甜味十足,涼粉都好滑有dd苦澀味😍

有時食甜品唔一定係西式既 人大左反而愈黎愈鐘意食中式糖水 冬天食翻碗熱既糖水好幸福( *´꒳`*)੭⁾⁾⁣⁣▫️芝麻糊💰22⁣↬聽講係用人手炒香既芝麻 食落當然同用粉開既差好遠 入口順滑 好濃芝麻味 又唔會太甜 但唔知點解食完有啲涸口⁣⁣ᐠ ♥︎ ᐟ當日去食咁岩係元宵節 又落大雨 但門口條龍都勁長 唔想等就買左外賣 但又未至於要排咁長龍去食( ´•̥ω•̥` )⁣⁣

懂我的朋友絕對知道我不是🙅🏻‍♀️一個甜品控糖果🍬、雪糕🍦、甜點🍮不是我杯茶（朱古力🍫除外）話雖如此，偶然也會想來一份甜品🙋🏻‍♀️ 這次就是心血來潮，光顧米芝蓮名店，一嚐著名的中式糖水～核桃露（冷/熱）$26由於這次是買外賣的關係，實在沒有在店品嚐到那種熱呼呼💨的感覺，稍為攤涼的更易入口點選這個算是中式糖水中其中一款最愛❤️質地偏向濃稠，核核味香濃，入口幼滑甜度適中適合我這種不太嗜甜的朋友，還有細碎的核桃夥粒增加口感這個味道很可以！👌🏻店家算是香港🇭🇰傳統老店之一，超過40年歷史而這40多年亦只專注做好十多款中式糖水，難怪由五年開始一直被選為米芝蓮名店

小編不嬲都唔好甜品，但今次有親戚推薦佳佳甜品， 姑且試一下。 外賣左2款甜品， 分別係: 薑汁湯丸， 腐竹白果薏米糖水。 先試左個薑汁湯丸， 薑味特滾，湯丸皮薄煙韌彈牙。 真係好好味。另一款腐竹白果，材料分量十足， 白果夠甘香又多， 薏米彈牙，亦份量十足。 果然好推薦。

由2016年開始連續6年獲得米芝蓮「街頭小吃推介」既佳佳甜品，沒有打卡大熱窩夫、梳乎厘呢款西式甜品，賣既只有傳統中式糖水，選擇唔多，有紅豆沙、芝麻糊、合桃糊、薑汁湯丸等等，人流不斷，非常受歡迎牆上掛有貼有米芝蓮推介既證明，下面就有一幅手繪既插畫，非常可愛芝麻糊湯丸叫左其中一款好賣得既芝麻糊，黑芝麻幾香，真係好濃稠，質感好滑，甜度適中，我仲加多幾粒湯丸試一試，而湯丸仲係芝麻流沙，兩重芝麻味，一入口芝麻就咇出黎🤤值得一試

連續五年米芝蓮推介 果然名不虛傳每次經過 無論幾飽都要食返碗先安樂我今次食合桃露加芝麻糊加湯圓質感很好 不稠不稀 芝麻味好濃好香 合挑磨到好細滑而且好夠熱 呢一點非常重要。另外餐廳嘅衛生做得唔錯 枱櫈抹得好乾淨平靚正 性價比高👍傳統糖水店 真係買少見少

間歇幫襯佳佳已有數年，以往一直以薑汁湯圓稱道，惟近日再臨光顧，味道已今非昔比，那薑湯既渾濁且肻甜，並夾雜蕃薯碎，須知薑湯要清澈及帶微辣，伴着湯圓才好吃，乃一碗湯圓之精華，與又㘣又香的湯圓相得益彰。可是，今之佳佳竟以蕃薯湯水取代清甜帶辣的薑湯，相當失望。更甚者，如此配合，竟令一貫受眾人青睞的湯圓，變得平平無奇，可惜啊！

西式甜品就成日都會見到 不過主打中式糖水而又高質回頭嘅真係唔太多🧐所以 呢間一定要同大家開心SHARE❤️❤️係名副其實多年榮獲米芝蓮推介嘅傳統老店以下係按小編覺得好味到舔舔脷嘅順序ʕ•̀ω•́ʔ✧🔖 芋茸蓮子西米露 $22一直都係偏愛芝麻糊 點知朋友比咗幾啖我試發現好好食🥲🥲 我可能要轉會喇芋茸稀度剛好 唔會黏口 啖啖濃郁芋香蓮子清甜唔苦 西米保持爽彈🔖 白果薏米腐竹 $22以為無咩特別 點知出乎意料之外好好食😋腐竹已煲得融於水 口感綿滑 SUPER LIKE!仲有勁多煮得好淋嘅薏米 有啲咬口無咁單調🔖 芝麻糊加湯圓三粒 $29芝麻糊一上枱已聞到陣陣芝麻香 食落香濃幼滑必加三粒寧波芝麻湯圓 皮超薄 餡超多 襯埋一絕!🔖 寧波薑汁湯圓 $22薑汁味恰到好處 食落好濃薑味但又唔會嗆喉食完成個人暖笠笠無咁寒 冬天食一流🥰🔖 花生糯米麥米粥 $22有勁多粒花生、糯米、麥米 口感多層豐富 唔甜唔可以話唔好食 但食落真係似食緊粥 如果以想食糖水嘅心態嚟講 就唔太推薦喇🥲🔖 春蛋燉雪耳 $24一大堆雪耳配兩粒鵪鶉蛋同冰糖水 無咩得別

每次黎都必食芋茸蓮子西米露，好香好滑～～～煲到好綿綿咁，啲西米唔會爛哂冇口感👍🏻👍🏻另外朋友點左知芒果紫米露，都好好食～碗野入面唔止得紫米，仲有好似大西米咁既野，口感提升哂😀同埋叫左楊枝甘露～朋友都讚不絕口❤️❤️❤️每次黎門口都會要排隊，不過唔洗怕既，因為就會好多人排，都係好快就有位～絕對推薦呀！！

每次經過佐敦寧波街都會黎呢間知名中式甜品店「佳佳甜品」，曾經榮獲2016年米芝蓮推介，搭配傳統手工技術熬煮每一道健康同養生傳統甜品🍮。餐牌設計簡潔清晰，圖字並茂，而且價廉物美。芝麻糊（HKD 24):用上傳統飯碗份外懷舊，芝麻濃郁磨得非常幼細，口感棉密，啖啖芝麻香，吾會話好驚為天人，但論甜度，細滑程度，甚至價錢都好平民。整體質感濃稠，顏色烏黑漆漆，甜度剛好，好養生，芝麻有助防脫髮，增加頭髮韌度。總結：佐敦價廉物美回頭率高的中式甜品店