你好！茶飯

營業中

休息中

【鹽酥雞脾地瓜】 $39雞脾好大隻，比平常餐廳食到嘅更大，非常多肉。地瓜deep fried，如果炸得輕手啲會更好。.【奶蓋茉莉綠茶】 +$13非常好飲，超驚喜，質素勝過絕大部分台式飲品專門店！為左飲呢杯黎食下午茶，都值得 ❤️.座位舒服，職員態度亦好好，值得推薦 ⭐️

今日麻甩專員去左稱為「美食沙漠」之稱嘅何文田做勇士食午餐位於何文田廣場嘅食店，座位舒服，食物選擇種類還好專員叫左一份香酥雞排配白飯，免費一杯(熱/凍)嘅烏龍茶或綠茶  套餐價$58先上左杯凍嘅烏龍茶，都幾大杯，而味道方面就真係一杯烏龍茶嘅味道等大概7分鐘左右，份主食都上檯份餐配上珍珠白飯，一塊酥炸雞排，兩小份配菜(四季豆/蘿蔔木耳絲)配菜味道清淡，無加太多調味雞排有灑上梅子粉，但炸得過晒火變左雞排乾本來以為雞皮表面炸得夠脆身，但食落亦都未達到每一小塊有＂咔咔聲＂既口感唯獨個珍珠白飯最好食，水份岩岩好唔會太淋同硬但好可惜因為雞排乾硬，配菜清淡份量唔多，成個餐只可以用失望形容店內環境: 8/10食物外觀: 5/10食物味道: 3/10整體分數: 4/10翻食指數: 4/10 (有機會會再黎試食其他，希望餐廳認真改良炸物)

最近轉到何文田上班 Lunch time一個人唔知食乜好就四圍行下發掘有咩好食行行下見到呢間 你好！茶飯本身已經好中意食台式野 仲要lunch time時間都好多人幫襯一於試一試啦試台式餐廳一定要試佢既肉燥飯ok唔ok所以揀咗午餐A配無糖熱茶因為堂食多又外賣多 都等了差不多10分鐘先拎到外賣 不過唔緊要最緊要有得食睇落幾吸引 仲搭多兩啖大豆芽涼菜大豆芽幾好味但肉燥飯同真正台式肉燥飯差好遠肉燥味道同中式糯米雞既餡是一樣的成個飯就好似食緊糯米雞咁不過糯米轉成白飯好失望下次試其他好了

而家新冠肺炎疫情咁嚴重，夜晚無得堂食又無煮飯。行勻成個何文田廣場差唔多間間食肆都冇開。見二樓呢間嘢仲做緊生意，新開張咗咁耐都未試過，咪買兩個外賣返屋企食吓啦。結果嗌咗雞扒飯同排骨飯連飲品。嘩！成$70一個飯竟然一條菜都無。食炸嘢竟然無菜真係好熱氣，頂唔順呀！台灣嘢特色係青菜多，你菜都無條真係好唔正宗囉。啲肉雖然因為外賣嘅關係所以淋晒，但係炸得幾好味，好重五香粉味。飯盒係紙盒裝，幾環保，但份量有啲細，我咁細食食完都唔覺飽。飲品揀咗熱綠茶，甜甜哋，有茶味，飲落喉嚨幾舒服。總結，你咁嘅價錢連條菜都唔俾條，我好難再幫襯。

疫情下, 大家都盡量少出門食飯, 唯有喺外賣上都花少少心思, 將 ❥⧽你好! 茶飯 ❥⧽嘅外賣換碟, 令自己好似置身街外食飯咁。忽然間好掛住台灣京鼎樓, 所以就試吓搜尋類似嘅台灣嘢食。𓊈招牌排骨蛋炒飯𓊉排骨好厚肉而且酥脆, 充滿肉汁, 蛋炒飯炒得好香, 粒粒分明, 絕對有台灣嘅味道。𓊈京蔥爆牛肉𓊉份量滿瀉, 不論係京蔥定牛肉都好多, 牛肉爆得有鑊氣, 肉質軟腍, 原粒蒜整得好甜。𓊈台灣櫻花蝦高麗菜𓊉可能因為而家鬧蔬菜荒, d 高麗菜明明炒得好靚, 不過唔甜之餘竟然仲有少少苦, 好可惜呀。✧✧ 整體食物都幾好, 而且份量好多, 可以一止對台灣嘅渴望。

呢間開店以來都keep住多人幫襯，午餐時段門口時時見有堆人等位，不過外賣等候時間又算好快，10分鐘有得拎。午餐都有唔少選擇，跟飯居多，轉麵嘅話要另加$10。我揀咗排骨，飯轉湯麵。排骨炸得ok脆，但比較肥，味道都算ok. 麵嘅水準好好，滑及彈牙，都值得加錢轉嘅。跟餐有杯野飲，紅茶或綠茶，亦可用半價叫餐牌上其他飲品。我要咗杯熱綠茶半甜，半甜後都仲有啲甜，下次可以叫微甜試吓。

已經幫襯過幾次，早餐、午餐、晚餐都食過。早餐算低食，午餐晚餐就偏貴，但飲品味道都OK。服務態度就睇運氣。今日買飲品就出事。睇完menu叫左杯芒果海鹽芝士奶蓋(menu有話固定甜度)，另一倍係寶島鳳梨綠茶(menu無話固定甜度，我就叫少甜)，點知Bar臺落單的女侍應就話無得揀甜度，我以為自己睇錯所以就算，之後就企係隔離等飲品。企咗差唔多5分鐘見有人行去另一邊攞嘢飲我先知原來要去另一邊攞。去到已經有2杯飲品係臺，頭先落單果位侍應就攞一杯啱啱整好的飲品出來，我同她有眼神交流，她叫個落單號俾左杯嘢係隔離的人，跟住就走了。隔離嘅姨姨話檯面呢2杯係未你㗎，她遲我落單都有喇，我睇睇先知係我的。服務態度實在差，我企係度等時都係抬頭睇下個menu仲有咩糖水同飲品，又唔係睇電話。她一聲都無叫過我個落單號碼，仲要你俾杯嘢位姨姨時都可以同我講聲。買嘢飲得2位客都可以咁嘅服務。最後最後我上網上外賣平台睇，杯鳳梨綠茶係可以揀甜度，大大張圖作證。呢間嘢好唔好食就見仁見智，但服務態度今次就真係趕客。

首先 由於我係1點半黎 等候時間唔算長大慨5分鐘可以入得入到去見到餐牌討好吸引 有d期待我地3個人 嗌左2個香酥雞扒飯 1個台式牛肉麵首先講講雞扒飯 D飯又凍又乾 食左2啖 就有d feel到要飲啖水先得d雞扒 正正常常一件雞扒應該係熱辣辣 點不知佢黎到係偏凍既.仲要份量唔跟圖既 又乾到講下牛肉麵 d麵軟硬呢 就適中既咁個湯呢 就有浸藥材味 最慘係d牛呀 佢係好韌 以為食緊牛肉乾 真係不了不了總結黎講 唔會再黎

今日因工作關係要嚟到何文田。早左到而又未到返工時間。當然係附近兜兜搵個早餐食啦。咁岩見到呢間你好茶飯，而且入面都算多人。就入左去坐低食早餐。今日點左沙嗲牛肉公仔面配煎蛋。份量唔算多但勝在都夠飽。另外仲可以以半價嘅價錢去換杯latte去飲添。沙嗲牛肉麵正常發揮。公仔麵亦都算彈牙。沙嗲牛肉份量都算多。煎蛋煎得有少少過熟。Latte味道唔錯，以$8換購價嚟講絕對值得大家飲。$44一個早餐以而家嚟講唔算貴。都值得大家試下

見屋企附近何文田廣場，開咗間台式火鍋，趁而家天氣開始轉涼，就諗住入去試一試啦。火鍋係每人一鍋，夠晒衛生，我和朋友分別選擇了養生藥材蒜頭雞鍋和川芎藥膳魚頭鍋。首先上枱的是藥養生藥材蒜頭雞鍋，顧名思義是雞湯底，再配上豚肉、雞件、貢丸、鴨血、豆腐、雲吞，唐生菜、金菇、鮮冬菇，和台灣麵。跟住上的川芎藥膳魚頭鍋更豪華，包括了生魚片，花膠、墨魚丸、雲吞、豆腐、豆卜、唐生菜、鮮冬菇、蘿蔔和台灣麵。一個人份量，消費連埋飲品都只係百多元，捧住個肚走，食物又好味，超值了。

說起台灣菜，大家可能便會想到茶木。這次終於可以一嚐茶木以外的其他選擇。在何文田廣場裡面有一間新開的台式餐廳叫「你好！茶飯」。餐廳主打手搖茶、熱炒和台式火鍋。但個人認為除了主打外，甜品亦相當吸引🤤餐廳以Tiffany blue為主色，令整體感覺年輕！花雕醉雞卷（不推）花雕醉雞肉是被捲起帶皮蒸，再用酒浸一整晚把酒香浸住嫩雞。但這個雞肉可能煮得太久，有點老，所以肉質偏「鞋」，花雕酒味亦不夠。三杯中卷這個炒鮮魷比上一道菜好很多。一來夠鑊氣，二來魷魚數目也夠多且十分新鮮，不像其他餐廳般魷魚只有少數，濫於充數。魷魚也很入味，可讓我送上好幾碗飯👍🏻黃金湯酸菜無骨魚片黃金湯足料，魚肉嫩滑，裡面還有晶瑩剔透的粉皮作伴😎台式蝦球蛋炒飯出色出色出色！重要的事情要講三次！歡迎親臨店舖了解有沒有誇大其詞😉你好！茶飯 雖然不是正宗台式口味，但是比起試業期間的確進步不少。何文田居民又多了一個選擇👍🏻為了迎合香港人文化，引入一人火鍋和港式炒飯，真細心☺️

🇹🇼你好！茶飯 hiya!chafan新開台式餐廳 食物種類多亦夠惹味😋可惜亦好重口味 野食偏鹹 🤩招牌古早味滷味拼盤(大) $128有花生、鴨舌、豆腐、牛肚、豬肉等味道好好 夠曬豐富🐟黃金湯酸菜魚片 $128好味既 而且有薯粉係入面 但都有啲啲失望 因為一啲都唔辣同埋味道偏鹹🌱和風秋葵 $42秋葵同日式麻醬真係唔夾🥲🥚皮蛋豆腐 $48豆腐有肉鬆喺上面 正常發揮🐷鳳梨黑醋骨 $82唔係罐頭菠蘿👍🏻酸酸甜甜好開胃🫓蚵仔煎 $88粉漿偏多同厚 無台式脆同煙韌既口感味道正常🤩台式炒鴨血 $72炒得好惹味嘅鴨血 推介👍🏻🥬香腸高麗菜 $78正常發揮 可想像既味道🍚台灣肉燥飯 $38係偏鹹嘅肉燥飯 🥲🍹招牌水果茶 $38@1啲野食太鹹 頂唔順嗌咗水果茶好消新 十分解油解膩 靜靜雞食唔到蛋餅 表示失望🙁同埋應該重味精 食完勁口渴💦😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💸💵💵💵——————————————————店舖資料📍 何文田佛光街80號何文田廣場2樓227-228號舖#eatstealthily #靜靜雞食 #香港美食 #美食 #food #hkfoodie #fo

話說，有天放假，一瞓就瞓到三點，梳洗完就去依到諗住食個Tea，入坐時已經3:30分，個女侍應重同我地講lunch要停，快D落埋我地張單。。。。我老公一睇menu.就話我地食tea.吾係食lunch，問他們攞下午茶餐牌，個呀姐話問下先，之後同我地講，今日下午茶時間改左，3:45分。。。。。下，咁都得，我知lunch貴D，但都吾好咁做生意吖大佬。。。。唔係咁做生意囉之前去食，等到天荒地老，左追右追先出食物，飲野，如果口渴就真係唔好飲，你一定會渴死。

何文田開咗一間新嘅台灣菜，我同朋友趁住今日放飯🤤嚟咗呢度食。呢一間野由開業到而家都超人氣🤩！每次經過都見到10幾個人👻喺度排隊，所以今次老點左我個朋友霸位先🤪我哋今次嗌左：台灣滷肉飯+鹽酥雞 （$56）滷肉飯🐖用咗五花腩熬製而成，配合埋醬料嘅香味，幾邪惡但好好食！鹽酥雞🍗脆口得來又唔會太過油膩🛢，值得一讚！香酥雞扒配白飯 （$58）雞扒好大塊，好彩切開左一塊塊🔪咁，非常易入口，炸粉都唔會好厚，真係好正啊！套餐亦都會跟上配菜，有小蕃茄🍅同埋四季豆🟢，成件事好滿足😚南投小農紅茶☕️（跟餐）彰化茉莉綠茶🍵（跟餐）綠茶裏面應該加咗蜂蜜🍯，好適合呢一種乾燥🍂嘅天氣，滋潤一下喉嚨😷➖啲人喺出面排隊嘅時候會望到入嚟，感覺唔係咁舒服，同埋座位都有少少擠迫⋯😮‍💨➕佢啲餐具🍽好精緻，用木🪵嘅托盤上菜，成件事好文青📝P.S. 究竟點解佢叫 你好！茶飯？😂——————為食分界線——————你好！茶飯 hiya! chafan何文田廣埸227號鋪推介指數 🤰🤰🤰🤰(4/5)好味指數 🤰🤰🤰🤰🤰(5/5)抵食指數 🤰🤰🤰🤰(4/5)環境推介 🤰🤰🤰(3/5)人均消費： $60#mariofatfat #hkfoo

1.想嗌特飲，遇上餐廳電腦系統失靈問題，餐廳嘅安排變得混亂，落單時職員就提議我地飲返跟餐嘅綠茶或紅茶較為方便。2.嗌咗肉燥乾拌麵，點知上枱時變咗做肉燥飯，同個職員反映返時，佢問我地介唔介意食呢個。3.當成餐飯就嚟食完，但鹽酥雞小食仲未有。催咗職員三次之後先有鹽酥雞送上，但鹽酥雞係凍嘅，肉質係硬嘅。4.食物質素令人失望，加埋2份小食後平均人頭$70。最後餐廳無收到的我地鹽酥雞嘅錢，希望質素可以有所改善。