你好！茶飯

營業中

休息中

位於何文田廣場僅有台式餐廳，朋友提議想試吓紅燒牛肉麵叫咗個紅燒牛肉麵底，完全感覺唔到辣味，比想像中既味道有啲誤差，牛肉叫還可以☺️☺️手撕雞乾拌麵手撕雞mix台灣腸一齊食，感覺還可以，乾拌麵味比較彈性🤤🤤套餐贈送熱飲，凍飲或特色飲品加錢❤️

我係外送平台order咗好多次呢間嘢，之前都好滿意，同埋好鐘意佢嘅滷水飯。點知今次有曱甴，而你哋冇積極處理，淨係叫我拎返張單下次free俾我。咁嘅情況下，我係唔會再幫襯呢間嘢！我點知下次食仲會唔會相同情況出現？！所以我好唔滿意，同對呢間家有陰影！大家食嘅時候記得搵清楚啲ingredients 有冇收埋啲咩「寶物」先起筷啦！

今日想食雞，見到有雲吞雞就買黎食，佢一攞出黎我見到咁細兜攞上手又冇乜重量已經覺得伏，就問左句「呢兜係雲吞雞？咁細兜嘢200蚊？」點知個阿叔唔理我直接掉頭走左。好啦是但啦咁我返上樓準備開餐，一打開見到啲雲吞真心懷疑係咪比錯嘢我，呢啲應該叫水餃下話？好啦諗住算，點知了一了先發現連雞都冇。呢一刻我已經火滾到冇曬胃口，即刻攞返落去問佢，本來有諗過直接退，但係唔想浪費食物所以算，點知再返上樓一打開發現佢剩係補左幾舊雞比我，啲雞仲要勁瘦。200蚊你比兜咁既嘢我你真係好意思咩？

我叫咗個三杯雞跟飯同小農珍珠奶茶。先講環境，可能係lunch，人比較多，都比較吵，而且啲枱都幾逼，不過環境算乾淨重點係食物。我第一次知道三杯雞呢種熱炒係可以凍到同即食雞胸有得比就算啲飯叫做熱啲，都救唔到雞本身。雖然調味正常，係一般嘅蔥加蔥頭加少少辣椒，但係呢種調味喺屋企都絕對做到。而且唔知係咪因為啲餸太凍，令啲調味食落去都淡味咗啲。而且啲雞肉似係因為雪過再攞返出嚟炒，所以骨同肉無法分離 純雞肉都有啲難咬。不過杯奶茶中規中矩，珍珠夠大粒，咬落去夠煙韌，奶茶比例平衡，甜度都適中，加上黑糖嘅香氣同甜度，啲珍珠都冇搶戲。而服務，喺午餐時間等咗起碼十幾分鐘先有嘢食，而且店員會不停喺耳邊大叫，屬於一般茶餐廳級數嘅服務態度。最後CP值，$81.5嘅Lunch set，嘢飲好大杯，但係餸好少。如果單計嘢餸半價，其實都ok，但餸質素不敢恭維。呢間餐廳，我之後唔會再幫襯

喺附近搵朋友！泊車何文田廣場隨便搵間嘢食！叫咗個滷肉飯、鹽酥雞、鹽酥豬扒飯、蠔仔肉碎泡飯！鹽酥雞第一次嚟全部凍嘅🙄叫佢整返熱啲應該就係用微波爐加熱，啲雞全部乾真真😮‍💨個鹽酥豬扒飯又係乾過80歲阿婆🙂‍↔️個蠔仔肉碎泡飯水汪汪，滷肉飯一pat pat😟都唔知點解仲可以咁多外賣！奇怪😮‍💨個杯污糟黑糖珍珠奶茶幾好飲，但係叫咗中糖，一樣甜到趴街😝埋單三百幾蚊唔算貴！但係真心覺得唔值呢個價錢！完

上星期日經過何文田廣場，見到有一間台灣菜睇吓門口啲餐牌下午茶選擇都幾多，入面坐滿人，就入去試吓點知有驚喜 咁啱我哋入去就有張卡位有人起身，之後我叫咗一份雞髀沙律，隻雞髀仲好大隻，唔會炸得好乾。我見佢哋晚餐仲有好多嘢食，估唔到呢個月仲有煲仔飯，同埋火鍋。下次都要嚟試吓

今次喺app度叫呢間外賣，有8折，價錢還ok啦，比預計時間快送到。第一次食，之前未食過。酸菜魚米線幾夠味，啲酸菜好鬼酸，唔係好辣，不過個湯底都幾麻，都幾多魚，好滑冇骨招牌排骨肉燥蛋飯啲肉燥幾香，同埋夠多可以撈晒成盒飯排骨唔乾硬唔鞋，都好多肉，亦冇乜肥膏香酥雞扒肉燥蛋飯雞扒都唔乾硬，肉嫩。雖然外賣嚟到已經唔脆，個盒都焗到淋晒，但啲雞扒皮都唔會太難食。套餐有免費飲品，熱四季春唔洗錢，都好大杯，好似平時出面買茶飲大杯裝咁，都幾抵食。

時隔一年多再次光臨你好茶飯，只能以極度失望來形容。先不論食物質素，飲品是令我最失望的一環，叫了一杯熱綠茶但明顯感覺到茶葉質素差了😅明顯見到茶內有一層雜質👎🏻另外杯熱latte仲好笑，以前最起碼到拉個心比客人，但今次不單止拉花都冇，明顯睇得出最基本的打奶泡和mixing都未做好，成杯又多泡又難飲，難道水吧內沒人識沖咖啡？搞成咁不如唔好再賣👎🏻食物方面比起以前也退步了，成塊雞扒都是凍的…..

我咬下去幾口之後發現雞是生的，然後另外幾塊同樣也是生的。就是咬下去明顯看得到有血的，紅色的鮮血。雞湯是雞汁的味道。50多塊錢一個，下午茶的分量非常少。有一個小飛蟲在湯裡面，那當時我算數了，沒有拍下來，現在想起有點後悔。

外賣早餐，塊雞排好大塊但係好多雞毛，係超級多😅炒蛋又怪怪地打電話同佢地員工講塊雞排有好多毛，竟然叫我下次去食補返塊雞排比我😅邊個夠膽再食？個早餐其實都成五十幾蚊😅🙏🏻奉勸大家睇路Okay唔知點解open rice叫我寫多啲嘢😅😅errrrrrrrrrrrrrrrrrrrrrrrrrrrrr

首先，講吓佢嘅台式鳳梨香腸蛋炒飯，口感非常好，整體嚟講很有台式的風味。是我其中一度喜歡的菜式。👍🏻👍🏻👍🏻佢嘅香酥雞扒蛋炒飯，雞扒的確很Chole很香，而且很脆卜卜，不過蛋炒飯方面有改善嘅空間可以更好味。炒飯方便可以更乾一點。不過整體而言都係好食的✨✨✨我最鍾意食佢嘅芋圓仙草凍1號，整體性價比很高， $34可以食到咁大碗真係好滿足，而且佢用嘅料好足夠食完成碗之後成個人都好飽同埋佢嘅紅豆同埋仙草都係好好食👍🏻👍🏻👍🏻✨佢嘅芋香紫薯鮮奶茶別具特色，喺淡淡嘅紫薯味上面有淡淡嘅芋香味，飲完再飲都好好飲✨🤤🤤🤤

叫咗外賣，遲足一倍時間都唔出，啲姐姐就係話吹咗廚房，但係完全冇行過入去，完全唔知想點。問吓仲有幾耐，跟住又話係囉咁耐，幫你追吓，然後繼續再做自己嘢。跟本冇心幫，就唔好一直敷衍客人。其實用得 Apps 預早落單，就証明大家都係趕時間番工先做，如果咁唔願意做外賣，朝早落單就 block 咗佢啦......

台式早餐,用k字apps 😇買全部只係40蚊港幣四十雞內有找信用卡有折tim熱辣辣滑滑溜溜炒蛋配莞茜牛肉台式米粉再黎杯新鮮熱檸水 加多2蚊雞仲有丹麥包何文田區 想點病住 作感冒😷食好推介👍👍👍👍

✨黑松露蝦仁炒蛋呢個炒蛋加左好多黑松露，好香濃🖤🖤，炒蛋唔會落太多蔥而被蔥搶味👌🏻🍳蝦仁彈牙，大大隻咁，就係平時食茶記啲炒飯蝦😂🦐.✨香酥雞扒蛋炒飯蛋炒飯～哈哈又係蛋😂😂呢碟炒飯亦都有細細隻嘅蝦仁🍳。我覺得黑松露炒蛋撈呢一個蛋炒飯嚟食 係一流喎👍🏻😳但係 個鹽酥雞扒好似融合唔到個炒飯咁，不過雞扒都好食又酥脆，某啲位偏肥，外皮鹹鹹地 有啲胡椒味。.✨香酥雞粒鹽酥雞扒啲frd，只係少啲肉+變曬一粒粒🐓係幾香脆 不過都幾熱氣下🔥

有時候唔知食咩好！何文田廣場嘅《你好！茶飯》都係一個幾好嘅選擇！雞煲、烤魚、糖水、台灣飯麵小食、中式小菜都有！而且價錢都好合理！味道都唔錯！今晚又唔知食咩好，我哋又過咗嚟食飯，貪佢多選擇，前菜，小食，主菜，糖水，飲品都有，唔洗周圍去。今晚我哋揀咗4007 鳳梨黑醋骨 $84 ：酸酸甜甜好開胃9002 花膠鮑魚雞（煲）$98：花膠同雞件都多，不過小鮑魚就得一粒切半，不過我自己就冇特別鍾情鮑魚，所以就冇乜所謂！味道老公覺得幾好！8002 鹹蛋炒苦瓜 $68：甘而不苦，清清地，我自己就覺得幾好！如果唔鍾意咁濕身，可以叫佢炒得乾身啲！我哋仲叫咗糖水同飲品！S21 紅豆紫米糖水加芋圓 $35 ：我係中式糖水控，所以我自己就好鐘意呢個糖水，又會好甜！602 海鹽芝士奶蓋茉莉綠茶 $28 ：味道淡淡的，芝士味比搶，如果鍾意飲士多啤梨，推介雙莓海鹽芝士奶蓋另外加咗兩個白飯，每個白飯$15！埋單 $343！我哋兩大一小，其實都食唔晒，最後有打包，外賣盒每個 $2！留聽朝中午，所以我覺得都幾抵！大家如果過開嚟何文田廣場，都可以試吓呀