佛羅倫斯牛肚包

位處堅道住宅區為主，距離行人電梯區域一街口之隔，但氛圍淡靜得多。主打佛羅倫斯牛肚包。 據聞係當地嘅街頭食物，而為咗令出品保持原來神髓，店主堅持用返當地食材製作。烘香左嘅麵包，包含住滿滿嘅牛肚。牛肚煮得好淋，淡淡既調味恰到好處，既保留到牛肚原味，又唔會有一陣難聞既內臟味。店員會問你要唔要辣，記住一定要。個汁其實唔係咁辣，但係有滿滿嘅香草味，令到整個包嘅味道升華。牛肚包之外，用咗蕃茄同香草煮嘅金錢肚都值得推介。…查看更多

超肚餓但又唔想入餐廳等位，想搵啲快靚正嘅小食頂住先😆行過見到呢間主打意式牛肚包，感覺幾特別✨即刻買嚟試下！🥖 牛肚包真係幾特別，第一次食呢種意大利美食🇮🇹 麵包外脆內軟，唔會過硬，咬落鬆軟有嚼勁😋 夾住燉得好淋嘅牛胃，口感滑溜，帶淡淡內臟風味，但唔會有腥味或異味，處理得幾乾淨💯 再加埋青醬🌿同辣油🌶️，味道層次豐富，青醬帶出清新感，辣油有微微刺激感🔥食落更加惹味❤️ 如果住附近一定會再買！鍾意內臟料理嘅人應該會好鍾意🤤今次試到意式煮法感覺幾特別，下次都想再試吓其他口味🍽️🎉…查看更多

經過堅道叮一聲諗起bookmark咗好耐嘅牛肚包可惜遇唔到佛羅倫斯嘅chef叔叔啊～但為咗不枉此行，要食晒牛咁多個胃🤪最期待 ～～ 招牌牛沙瓜包🌟🌟🌟聽講係牛嘅第四個胃，最稀有軟硬適中嘅餐包夾住juicy牛沙瓜真係有外國街頭小吃嘅風味加點辣醬再惹味啲，非常滿意👍🏻意式蕃茄醬牛肚意粉🌟食到幾個位嘅牛肚，切得幾大塊，咬落有𡁻口茄醬螺絲粉就比較普通是夜濕凍加$20要咗兩個熱湯：青色牛肚湯牛味濃羅宋湯就太淡喇（自行加鹽、胡椒調味）埋單$150有找for兩位晚餐食到飽推薦大家下次行過路過唔好錯過…查看更多

做做下嘢係中環見到呢間小店，佢間鋪唔係好大，但係啲嘢食聞落幾香，所以最後忍唔住買咗個招牌牛沙瓜包食，估唔到有驚喜。之前食開都係啲牛雜或者酒樓既牛肚，估唔到重有呢種食法，個包入面D牛肚嘅量非常之多，比我平時食開既牛肚味道會清啲，但係啲牛肚又嫰又juicy，而且佢仲加咗啲青色嘅香草汁，真係好好食 ，另外個包都幾大個，做夜餐啱啱好。建議一定要快啲食，如果唔係個包可能會淋曬。建議大家過嚟試下，同埋見到佢重有Pizza同埋意粉，睇落都好值得一試。…查看更多

九龍區人甚少過港島區 之前睇YouTube Channel有介紹過意大利人開牛肚包店 一場嚟到就試一下 都經過攀山涉水先嚟到 店內環境細 但老細非常親切 除咗牛肚包，仲有意大利麵、薄餅、其他飲料可以點當然試一下牛肚包嘅味$58其實本人就未食過牛肚包 所以就想試吓究竟係咩味道老闆好細心幫我將牛肚包分開一半 麵包外面好脆 配有類似青醬汁 令到啲牛肚好Juicy感覺似去咗旅行先食到嘅食物 充滿異國風情如果經過附近都會買多次嚟食嘅…查看更多