佛羅倫斯牛肚包

營業中

休息中

超肚餓但又唔想入餐廳等位，想搵啲快靚正嘅小食頂住先😆行過見到呢間主打意式牛肚包，感覺幾特別✨即刻買嚟試下！🥖 牛肚包真係幾特別，第一次食呢種意大利美食🇮🇹 麵包外脆內軟，唔會過硬，咬落鬆軟有嚼勁😋 夾住燉得好淋嘅牛胃，口感滑溜，帶淡淡內臟風味，但唔會有腥味或異味，處理得幾乾淨💯 再加埋青醬🌿同辣油🌶️，味道層次豐富，青醬帶出清新感，辣油有微微刺激感🔥食落更加惹味❤️ 如果住附近一定會再買！鍾意內臟料理嘅人應該會好鍾意🤤今次試到意式煮法感覺幾特別，下次都想再試吓其他口味🍽️🎉

經過堅道叮一聲諗起bookmark咗好耐嘅牛肚包可惜遇唔到佛羅倫斯嘅chef叔叔啊～但為咗不枉此行，要食晒牛咁多個胃🤪最期待 ～～ 招牌牛沙瓜包🌟🌟🌟聽講係牛嘅第四個胃，最稀有軟硬適中嘅餐包夾住juicy牛沙瓜真係有外國街頭小吃嘅風味加點辣醬再惹味啲，非常滿意👍🏻意式蕃茄醬牛肚意粉🌟食到幾個位嘅牛肚，切得幾大塊，咬落有𡁻口茄醬螺絲粉就比較普通是夜濕凍加$20要咗兩個熱湯：青色牛肚湯牛味濃羅宋湯就太淡喇（自行加鹽、胡椒調味）埋單$150有找for兩位晚餐食到飽推薦大家下次行過路過唔好錯過

做做下嘢係中環見到呢間小店，佢間鋪唔係好大，但係啲嘢食聞落幾香，所以最後忍唔住買咗個招牌牛沙瓜包食，估唔到有驚喜。之前食開都係啲牛雜或者酒樓既牛肚，估唔到重有呢種食法，個包入面D牛肚嘅量非常之多，比我平時食開既牛肚味道會清啲，但係啲牛肚又嫰又juicy，而且佢仲加咗啲青色嘅香草汁，真係好好食 ，另外個包都幾大個，做夜餐啱啱好。建議一定要快啲食，如果唔係個包可能會淋曬。建議大家過嚟試下，同埋見到佢重有Pizza同埋意粉，睇落都好值得一試。

九龍區人甚少過港島區 之前睇YouTube Channel有介紹過意大利人開牛肚包店 一場嚟到就試一下 都經過攀山涉水先嚟到 店內環境細 但老細非常親切 除咗牛肚包，仲有意大利麵、薄餅、其他飲料可以點當然試一下牛肚包嘅味$58其實本人就未食過牛肚包 所以就想試吓究竟係咩味道老闆好細心幫我將牛肚包分開一半 麵包外面好脆 配有類似青醬汁 令到啲牛肚好Juicy感覺似去咗旅行先食到嘅食物 充滿異國風情如果經過附近都會買多次嚟食嘅

呢間餐廳算係我2024年食過最WOW既一間😎 位於上環既呢間意大利小店隱藏住全香港最好食既牛肚包, 另外仲有Pizza同Pasta, 全部都係即叫即整🤩Signature Lampredotto Bun🐮($58)用牛骨湯煮到好腍身既牛肚配上帶點微辣得黎幾清新既墨西哥青醬, 加埋個勁鬆軟既自家製麵包一齊食完全震撼左我既味蕾🤤下次會再去試下佢地既Pizza同意粉, 黎中環一定要食🥳

今日嚟到有開門終於食到亦唔係繁忙時段 😛經網媒介紹，透過鏡頭睇到老闆好熱情咁款，畢竟係一個訪問。現實本地員工塊面黑過獲撈，嬲爆爆可能跌咗錢卦 😂。英文員工表現正常。招牌牛沙瓜包：從未接觸過呢類食品，以為會好濃味同漏，剛剛相反；食到食物嘅原味，個包熱焫焫，餡料剛相反；只係唔喜歡個醬汁令到個包太濕。試過就好了，再吃興趣不大。有糾結過嗌唔嗌個意粉，但見個員工咁嬲 🐷，食完拿拿聲走啦 😂網媒就還網媒，現實就歸現實。無預料到有本地員工係真嘅，感覺都另舍扭曲。我接個包時候對方都係黑住面 😑。小店文化卦 🤷‍♂️😂

週末行山經過中環半山區，睇YouTube知道有foodie有介紹過一間由一個來自意大利佛羅倫斯既廚師開嘅小店，主打自己家鄉，意大利佛羅倫斯嘅平民美食- 牛沙瓜包，店舖嘅地點唔算就腳，所以經過附近就專程去試一試屬於意大利人嘅掃街美食。牛沙瓜包所用嘅牛肉部位係非常罕見嘅部位，同我哋潮州粉麵舖一般食到嘅金錢肚唔同，雖然大家都係牛嘅胃部，但係牛沙瓜就屬於牛嘅第四個胃，口感同形狀都同金錢肚不同，口感就比較近似豬肚。店主都係用高湯烹煮嘅方式烹調牛沙瓜，配上佢特製嘅青醬，非常開胃，店主有得俾食客選擇加唔加辣醬，今次由於同伴唔食得辣，所以就冇加辣醬。而麵包就同一般嘅西式麵包店嘅Broiche相近，都係軟身唔會好難咬，係值得推薦嘅輕食。

成日喺唔同嘅渠道都見到好多人推薦呢間嘢嘅牛肚包，但係成日都唔記得去買嚟食。今日終於過嘅時候扚起心肝去咗外賣，因為間舖頭真係好細同埋生意超級無敵好。喺門口已經聞到啲青醬同埋蕃茄嘅香味，瞬間就覺得好肚餓，買咗蕃茄牛肚，同埋傳統牛肚包，同埋一個蔬菜嘅薄餅。Pizza嚟講，因為全部都係菜不過不失，但係牛肚包同埋牛肚配飯真係好出色，咩都唔會太過於濃烈，啱啱好，牛肚好腍一咬就已經散開喺口中，配埋啲新鮮蕃茄嘅自然酸酸甜甜味道極度開胃，本身以為個飯係白飯，原來個飯係青醬飯，好邪惡，但係好好味。希望呢啲咁有心思嘅小店可以越早越好長做長有咁我就可以成日都有得食！

非常好食，正宗義大利料理，店主都係義大利阿叔。特別係牛肚飽，內餡軟嫩，外皮酥脆，調味恰到好處，清新中帶有肉香。不過就可惜堂食的話座位不多，建議經過可順手外賣帶走。

呢排見到網上好多媒體都介紹呢一間意大利嘅牛肚包，就決定同朋友過嚟試吓係咪真係咁好食。餐廳位置唔算方便，如果搭地鐵嘅話都起碼要行15至10分鐘先可以到達，我同朋友今日就比較懶，直接搭咗的士上去門口。見到有其他評論都話佢有時食材不足唔係成日開，好彩我哋嗰日去到都有開，而且餐廳見外邊有幾個人等緊外賣！😂😂牛肚包👍🏻，我覺得都唔算太貴五十幾蚊，呢一個質素同埋瞓啦嚟講我覺得合格有餘，嗰包係幾好食，餐廳係用牛肚牛沙瓜，再切碎加入香草醬，令到成個包嘅口感更加好食。第一次嘗試呢一個牛肚包，咬落去都啖啖肉咁，整體唔差。香草蕃茄牛肚飯，餐廳係為咗香港人幾特別配製呢一個飯，香草飯同埋蕃茄牛肚嘅配搭，我覺得唔錯，牛肚亦都炆得好琳，非常入味，鍾意嘅朋友都可以試吓。

今日天氣好熱，諗住食啲開胃啲又唔好太Heavy嘅嘢！上網見到有人介紹呢一間係中環嘅弗羅倫斯牛肚包即刻捉埋朋友一齊嚟🐮招牌牛沙瓜包 $58呢個包喺呢度嘅signature，本身以為牛肚會有啲韌點知食落去好似牛肉咁嫩，好有驚喜雖然牛肚本身冇乜味，但係加埋佢獨家自己整嘅青草醬汁，即刻加咗好多分，成件事十分之夾😆個醬汁唔會有咩青草味反而係好開胃，亦都唔會好漏下次經過會再食多次！🍅 意式蕃茄醬牛肚配自家製香草醬飯 $88身為飯桶，梗係唔可以錯過呢個香草醬飯知道原來老闆係特登喺香港加呢一個有飯嘅option即刻試試佢本身以為同沙瓜包嗰個醬一樣唔會有咩分別但係個香草醬夾埋落個飯度又係另一個風味一食即刻停唔到口再加埋個蕃茄醬牛肚，又係另一個好有驚喜嘅mix and match我同朋友好快就已經食到見底下次會再嚟！

我住得遠，要山長水遠搭車過黎，然後外賣咗返去食。我用錫紙包一包，放焗爐焗熱。個包估唔到依然咁好食。我只能夠講，我後悔嘅係冇即場一買即刻食。現場即買即食一定仲好食。

經網媒報導及介紹方知道呢間食肆，諗住一試究竟。地址對我黎講一啲都唔走腳，仲要係特登去果隻。由於我唔熟路都搵咗一陣，其實就唔難搵嘅。點都好，一心諗住黎食個飽，嚟到門口話由於食材不足乜乜乜，要六點後先營業。。我真係X咗出聲，見到有個男士都應該係同一遭遇，佢仲有影門口張告示，我。。真接走啦仲影 😒。。到今日，我會途經中環諗住再一戰，想打電話問吓先記得同睇見係無電話號碼，可能有其他平台搵到聯絡方法卦 🤷‍♂️

今次喺"佛羅倫斯牛肚包"點咗瑪嘉麗塔薄餅、芝士肉醬千層面同四式芝士薄餅，相當滿意嘅外賣體驗。瑪嘉麗塔薄餅真係又大又薄，餅底焗到酥脆，番茄醬同芝士味道非常fresh。四式芝士薄餅尤其出色，四種芝士完美融合，個人特別鐘意藍芝士帶嚟嘅濃厚香味，令整個Pizza味道更豐富。至於芝士肉醬千層面，層層鋪滿濃郁嘅肉醬同芝士，食落口感軟滑，而且味道非常rich，充滿咗意大利菜嘅正宗風味。總括嚟講，"佛羅倫斯牛肚包"真係一間非常正宗嘅意大利餐廳，美味同分量都十分足夠。喺家中享受呢啲美食，彷彿置身於意大利嘅小餐館，係一個非常滿足嘅外賣體驗。

以為外國人唔食牛內臟，原來牛肚包就係意大利人民間傳統食物，外表比一般漢堡包大同足料嘅牛肚包，一試驚為天人，老闆表示包同牛肚麵係每日新鮮製造。難怪包外層鬆脆，內部軟綿綿，配料鮮嫩多汁，牛肚比牛扒更有肉味，一試難忘，水準遠超平日隨處可見的漢堡招牌牛肚包$49一個，份量爆多！中環一個無肉嘅包都貴過佢，以這個價錢同份量，Florence Tippa 性價比滿分。老闆幾Friendly同風趣，下次再試其他菜色。餐廳就係大館同孫中山紀念館附近。