但馬屋 (新都會廣場)

營業中

休息中

今日嚟到位於葵芳嘅但馬屋分店，但馬屋喺香港都有唔少分店㗎，以各類嘅日式火鍋為主打。日本黑毛和牛及北海道夢之大地豚套餐日本黑毛和牛和牛嘅脂肪比例啱啱好，牛肉味道突出，肉質非常之幼滑，入口即化。北海道夢之大地豚豚肉入口有好香濃嘅肉味，加上脂肪唔算太多，食多幾塊都唔會覺得好油膩。喺自助區域，有脆皮腸同各種丸類，仲有羽衣甘藍等等嘅蔬菜可以選擇，選擇夠晒多，款式令人琳琅滿目。甜品方面，有幾款雪糕可以揀，啱晒唔同口味嘅人。整體來講，今餐嘅質素真係非常之高，估唔到可以一個咁平嘅價錢，食到咁多款唔同嘅食物。🫶🏻但馬屋 (新都會廣場) (葵芳)葵芳興芳路223號新都會廣場2樓251-255號舖#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#冬季慶典饗宴 #觀塘火鍋 #火鍋放題 #關東煮 #鯛魚燒 #黑毛和牛 #壽喜燒 #黑毛和牛 #火鍋放題 #但馬屋 #葵芳 #放題 #限定北海

Hotpot at lunch is amazing!!My friend and I ordered the 60-min set lunch and we were both full afterwards. Generally speaking, the food was very fresh and clean. The staff was helpful and the service was efficient. There were many choices of hotpot ingredients and I particularly like the instant noodles which tasted so different from other hotpot restaurants. We will definitely give it a try at dinner time!

知道來自日本🇯🇵既𝐒𝐡𝐚𝐛𝐮-𝐒𝐡𝐚𝐛𝐮火鍋放題餐廳🍲最近新推出左𝐒𝐮𝐤𝐢𝐲𝐚𝐤𝐢🤩有日本產🇯🇵黑毛和牛🐃，仲有北海道夢之大地豚🐷梗係唔洗諗，即刻去食啦😚~•~•~•~•~•~•~•~•~•~•~•~•~•~•~•~•~•~•~• ▪日本產黑毛和牛及北海道夢之大地豚壽喜燒 • 𝟗𝟎分鐘 ($389)餐廳🍽供應既係關西風壽喜燒❣️關西風就係以煎既方法去烹調和牛🐃逐塊逐塊和牛🥩咁放入鍋中，輕輕煎煎後🔥就可以淋上壽喜燒汁(黑色樽🖤)，再等多一陣，俾塊和牛索一索汁🤭點埋生蛋🥚就食得啦🥢.𝐒𝐮𝐤𝐢𝐲𝐚𝐤𝐢既套餐係日本產🇯🇵黑毛和牛🐃(可無限𝐑𝐞𝐟𝐢𝐥𝐥❣️)油脂分佈好均勻 • 霜降狀既雪花紋路❄️用壽喜燒方式，更易迫出牛脂油香，食落真係係口中散開🤤. 💁🏻‍♀️大家唔洗怕唔識煮 / 食用方法，餐廳好細心💕有個𝐐𝐑 𝐂𝐨𝐝𝐞俾你嘟📱，打開𝐋𝐢𝐧𝐤就有詳細教學👨🏻‍🏫𝐒𝐭𝐞𝐩 𝐛𝐲 𝐒𝐭𝐞𝐩，一定唔會唔識啦🫶🏻.而豚肉🐷方面就有𝟐種，分別係💁🏻‍♀️北海道夢之大地豚肉 • 北海道夢之大地豚西冷同樣𝟐款都係可以無限𝐑𝐞𝐟𝐢𝐥𝐥❣️食完黑毛和牛，就開始食北海道豚啦，轉另一種方式係(白色樽🤍️)係湯汁🍲𝟐款豚食落肉質

今日嚟到葵芳去新都會廣場嘅但馬屋，餐廳位於新都會2樓，位置都好方便🙈，入到嚟嘅日式風格簡約得來令人舒適，而且仲可以睇住師傅將啲肉切出嚟，睇住和牛一片一片咁樣切出嚟，真係睇到流晒口水🤤。-我哋叫咗90分鐘 壽喜燒 - 日本產黑毛和牛及北海道夢之大地豚套餐。由頭到尾自己一手一腳處理，唔識整都唔緊要，隔離就有個QR code，掃一掃，教你成個步驟點樣處理😂。。黑毛和牛同豚肉睇落好吸引🤩，脂肪分布均勻，食落好肥瘦適中，入口即溶，而且肉味濃郁。再加上壽喜燒醬汁，味道一流😋。除此之外，少不了嘅係蛋液🙈，經過壽喜燒醬汁煮過嘅肉，再浸過蛋液，令到個肉質口感更加嫩滑，無論口感定係味道都更上一層樓❤️。。

諗住夜晚打下邊爐，去左呢間但馬屋食晚餐，食物質素OK,但食食下野發現張枱會搖，仲倒瀉了少許熱湯，幸好沒有淥到，但勁驚。我覺得呢間餐廳做事十分馬虎，沒有檢查清楚枱腳是否安全就給客人坐，大家黎食要三思呀！

今日中午經過新都會 突然好想食打邊爐就同屋企人入咗呢間一人一鍋嘅餐廳入到去環境都幾ok 唔會話好迫我哋選咗90mins嘅All you can eat 湯底就有幾款可以選擇，而我就選擇左蕃茄芝士，屋企人就選擇左麻辣湯底。佢哋係豬牛款式就唔算多不過味道算ok唔錯，除咗牛同豬之外其他野食同無酒精野飲就可以係外面拎食物種類唔算多 不過都可以接受有埋雞同魚，唔會話得丸同菜睇得岀係有誠意。甜品方面就有四款雪糕，味道都唔錯。特別欣賞呢度員工服務態度幾好。有機會再嚟食

中秋前夕，老公多野做收晏少少，我放咗工就去攞定飛，行陣街等位食火鍋放題😉呢晚人唔算太多，比想像中快有位 湯底揀返我地鍾意嘅甘露鍋同埋美人鍋Order咗$369 嘅和牛set 入座後，自己攞飲品、自助bar攞蔬菜醬汁好快趣職員已奉上牛肉及豚肉，等湯底滾起便可烚吓烚吓開餐了😋 一如既往，食物質素不錯，職員服務爽快，態度很好，所以我地都經常幫襯❤️

星期四晚上8點入坐，食最平的$259餐，其實埋單都要$270，啲牛第一Round是正常，之後所有牛都係瘦到張圖咁，真係令人唔想再叫落去，再叫三碟都係咁，真係好失望，我唔係要叫好高質，佳寶肥牛都好高佢🥲好彩豬都係Ok的，當然都係第一Round靚啲。雪糕係最好味嘅。我聽到鄰枱客反映牛太瘦要求換過，待應客有換但表示$259係咁，下次考慮食貴啲。待應好忙好忙，成日望唔到人，要等近5分鐘先叫到佢哋落單。唉….本來都喜歡食但馬屋，雖然好耐無食，但去完呢次，經驗真係太差，待應叫我儲分我都費事，應該唔會再食了。

今日公眾假期，想食豐富啲，所以食任食邊爐叫咗澳洲長期穀治牛，澳洲牛肉都係肉味會重啲，唔會太肥，所以會較為實淨，今次坐近廚房，可以見到佢一塊一塊咁樣刨出嚟都幾治癒不過今次個水準唔係太穩定，我哋兩個人總共帶咗四轉牛肉，每次兩碟，當中有有一次牛肉好似不符水準，一夾就散至於湯底，就揀咗甜豉油，雖然係日式湯底，但係我都會加大量芫荽落去，夾埋牛肉食，非常美味除咗牛肉之外，其他食材就要出去攞，當中又有Haagen dazz 雪糕，食材亦都尚算屬於靚料今日都算人多，侍應都非常之忙，雖然有時會漏單，但係都非常有禮貌

🫕 一人一鍋 🫕 ～ 澳洲產長期殼飼牛🐮放題套餐 🍻 ，成日見排長龍，是晚見人潮未到，就即刻入座🛋，試吓佢既晚巿放題套餐🍲🙋🏼‍♀️ 揀 ～ 美肌鍋 🫕 ～ 含豐富骨膠原，有滋補美容之效，深受女性歡迎 👏🏻 ～ 其實就是雞肉湯底😂🙋🏻‍♂️ 揀 ～ 甘露鍋 🫕 ～ 甜豉油的甜味能喚醒疲勞的身體，重新注入能量 ～ 實質是壽喜燒湯底😆服務員💁🏻💁🏻‍♂️好快就送上湯底，2碟牛肉及1碟豬肉，效率算高，服務不錯👍🏻。 隨後，我們當然是不停加添牛肉🥩，牛肉切得大大片，絕不是碎濕濕的，而每碟牛肉的質素亦相當平均，肉質嫩口，不「靭」也不「鞋」😋自助吧也有不少款式提供，🥦🥬🌽、雞肉、魚柳、豆卜、響鈴等等。 飲品也是任飲，都是汽水🥤，茶之類，款式還可以😌。 我哋就order了啤酒🍻，火鍋🍲配啤酒🍻，對我哋嚟來說，好像是必然的🤪。 雪糕則是Häagen-Dazs 🍧🍨，共有5款，任君選擇😉。 🛎用餐時間為90分鐘，相對來說，當然是不夠啦，沒停口地食，肚子也脹爆了🤢

最近心情唔係咁好，加上又落雨濕濕，個人都冇乜興致出去食嘢， 日前睇電視突然見到有人打邊爐，因為實在太耐冇打邊爐啦，所以突發兩條友去咗葵芳呢間但馬屋，開心打邊邊。.佢有唔同嘅放題系列，我哋就揀咗：1. 穀飼牛肉 x 豚肉 💲289 2. 美肌鍋3. 千夜鍋.首先入去之前，因為有夏祭嘅關係，佢有得俾你玩遊戲，贏咗嘅話有機會可以原張單有折扣。另外，佢可以即時download 個會員app, 即日單減total 💲58, 有折扣一定要推介比大家！.首先位置都幾舒適，而枱面係比兩個木兜你，可以自行出去夾你想打邊爐嘅材料，其實主打幾類選擇，包括丸類，菜類，豆腐，主食麵類烏冬，甜品，仲有些少熟食：如台灣腸。.基本坐埋位，佢已經俾咗兩盤牛肉及兩盤豚肉，其實基本上食哂尼四盤，已經感覺好飽，不過本人麻麻哋佢哋嘅豚肉，感覺上都係牛肉比較好食，如果下次會選擇💲268個餐，直接skip豬肉，個人意向。.整體嘅牛肉還可以， 相對比較有水準嘅係穀飼牛肉，有油脂香及牛味，其他相對一般般。.菜方面佢有秋葵又幾讚賞，娃娃菜同栗米亦好甜！最終食左兩條台灣腸仔同烏冬結尾。.90分鐘時間相當充裕，一人一鍋亦好方便口味唔同既你地

夜晚經過成日都見唔少人排晒隊。一人一鍋制，每人都可以揀自己喜愛的湯底。限時90分鐘任飲任食，牛肉即叫即刨，出面仲有各款自助配料，仲有haagen dazs雪糕任食！有六種價位可選擇；湯底有五款，分別為千夜鍋、藥膳麻辣鍋、甘露鍋、美肌鍋和意式蕃茄芝士鍋配料自己出去夾，選擇唔算好多但都足夠！最重要有至愛既芝士魚腐同響鈴！

今日試什麼？無論什麼季節，總之鐘意打邊爐🍲但馬屋日式邊爐🫕，湯底似乎真是有別於其他。我的是 美肌鍋，papa的是甘露鍋，他表示太甜。一坐低食不停，我們叫的是179價位的90分鐘任飲任食。豚肉和牛肉都非常好味，不會滿口肥油。美肌鍋搭有2⃣️塊雞件疏菜瓜果：有超級菜 - 雨衣甘藍，我吃了2⃣️大碗，正！ 有冬草花 - 真是第一次見到邊爐提供，如果平時少食，可以順便食補一下有綠皮紫心瓜 - 味道吃不出什麼，單純覺得特別，因為未見過🙈🙈雪糕：4⃣️種häagen-dazs 口味選擇汽水：款式不過不失，不過這不是邊爐的重點😁😁如果食量不大，選60分鐘肉類定量供應的也不錯，因為除了肉，其他也是任食。雖然配菜方面不算超多選擇，但有種 ^麻雀雖小 ，五臟俱全^的感覺，而且提供出來的和自己味蕾相夾已經足夠，之後會常來的

疫情緩和，終於可以約人食飯啦，好耐無見嘅舊同事約食飯，當然要見下啦，朋友相聚打邊爐就最啱，唔洗互相遷就食乜，仲可以一邊食一邊吹水。而我哋就揀但馬屋，貪佢夠近仲可以網上攞位，唔洗慢慢排。原來但馬屋真係好受歡迎，7點左右去到，已經有海量嘅食客排隊，睇來大家都等咗晚市堂食解禁好耐。好彩同事醒目，6點左右已經攞咗飛，去到等多陣就可以入座。但馬屋都好細心，會做足防疫措施，真係食都食得安心d。愛辣嘅我揀咗藥膳麻辣鍋，而同事就揀咗美肌鍋，鍋仔細細，一人一鍋啱啱好。我哋今晚食嚴選牛肉放題，肉質都ok喎，而且呢度呢配料相當多，基本上要有的都有，仲不停refill, 唔怕食唔飽。而飲品選擇唔算特別多，但基本的都有齊，最特別係有O哈飲，但試無妨。嘻嘻哈哈，咁就差唔多夠鐘，當然要食埋佢哋嘅甜品先夠完滿。甜品係Haagen Dazs雪糕，有幾款基本口味可以揀，而最好嘅係，佢哋係用紙杯裝，夠乾淨衛生。

難得出去葵芳就要食D荃灣未有既餐廳…本身打算食燒肉Like…但下午5點幾取飛都要排130幾張枱…唯有放棄…轉戰但馬屋…雖然取飛後都等到左接近個2個鐘…不過行下街咁等都OK既…今次叫左北海道夢之大地豚套餐（已包括北海道夢之大地豚、澳洲產長期穀飼牛、嚴選牛肉同丹麥皇冠豚肉）。湯底就選擇甘露鍋同美肌鍋。葵芳店比較細，座位唔算好寬敞。自助區有少量款式既丸、雞肉、鱈魚供應，較驚喜係蔬菜區，有羽衣甘藍、心內美、竹筍呢幾款比較係放題出現既蔬菜。飲品同雪糕都係一般大路野。嚴選牛同夢之豚肉係套餐入要相對出色既肉類，肥瘦適中，肉味都算濃！