伝説のすた丼屋

營業中

休息中

本來不抱期望見新餐廳想試下，叫左個生姜豚肉丼M size$55 加左炸雞套餐$35。出餐時間已經唔算快，都要20分鐘左右，因為都好多客人所以都覺得冇乜野。碗野上到枱食第一下真係嚇親我咁咸，個種咸係疊加，食一啖咸兩分個種，而生姜豚肉亦一啲姜味都冇，豬肉肉質亦係好一般急凍嘅火鍋腩片。我冇撳到走蔥嘅option，但係成碗野食曬都只係得少少嘅蔥，面頭完全冇，餸同飯之間只係有兩細塊紫菜夾住，完全冇乜配料咁。麵豉湯冇乜好講，就係普通麵豉湯🙉炸雞特別mention左要等10至15分鐘😂結果係同個丼差不多一時間先出到，咁不如全部item都寫返呢個mention先😂😂😂冇影到相，但係個炸衣的確係炸得幾好食，雞都多汁，但同個飯相反係幾乎冇味☠️而且岩岩食中3舊雞有兩舊都有雪藏雞嘅腥臭味☠️☠️

見社交平台page睇到香港開左伝説のすた丼今日終於有時間試叫左すた丼L$68加生蛋set$15等左5分鐘先上飯等多5分鐘先上生雞蛋,等得嚟個飯都凍啦完全唔明點解生蛋都要等咁耐賣相同日本係差唔多但係配套同日本差太遠日本餐枱有蒜蓉醬油大量調味料任加，香港就得一支七味粉呢間舖嘅靈魂係任加蒜蓉呀嚟到香港冇左任加蒜蓉仲點樣叫伝説のすた丼另外すた丼汁太小,完全唔夠餸飯價錢貴兩倍但係只有10%似日本店,完全不成正比永遠不會再來

每次經過都排晒長龍,夜d去冇乜人就試下。嗌咗個牛扒丼加嘢飲。等餐時間都合理，但d嘢食係凍嘅... d飯只係好微微嘅溫度.. d汁正常都係凍嘅.. 就因為咁..淋左係飯個d位連小小微溫都冇埋.. 配菜洋蔥都係凍..就連牛扒都係凍嘅!?? 小小熱都冇.. 究竟係咪我誤會咗個餐其實係凍食!? 雖然份量都夠，但唔熱黎講..份量幾足都冇用! 更何況係呢d咁凍嘅天氣真係好差嘅體驗..牛肉都冇乜牛味，好似只係咬緊舊肉咁，128蚊個飯，飲埋嘢加埋都140.. 我去隔離燒肉like好過.. 睇埋介紹重話係日本過江龍，睇埋d comments 原來都有人係覺得d嘢食唔熱餐廳重有食客係到，突然有個姐姐推住個高身綠色垃圾車係側門由餐廳中間係客人側邊經過.. 感覺好似去咗大排檔

由裝修到開張 滿心期待日本過江龍餐廳 中午經過見到大排長龍 心諗一定唔差(？)1205順利唔洗排隊入到餐廳 揀咗牛舌飯、生薑豚肉 配炸雞同芝麻菠菜好快職員就上咗麵豉湯 正正常常 有幾舊細細嘅腐皮 麵豉湯都凍哂 仍然未見豚肉飯同其他前菜😅😅最後等咗40分鐘 終於等到豚肉飯送到 中年職員用佢純熟嘅指法 將手指公插係碗邊送上 飯只係微溫 味道亦都係普通到唔普通「前菜」小食都終於送到 炸雞係熱嘅 整體偏油而且無咩調味 芝麻菠菜就更加出色 送錯隔離枱後 幾分鐘後回收完再送嚟👍🏿 當問職員隔離枱已經除哂口罩食緊野 是咪有啲唔太衛生？中年男職員 無出聲之後將菠菜由樓面送番入廚房 過咗一陣又係廚房送返我哋枱面 到底係咪同一碟 真係唔知但自己就真係唔敢食😂😂😂本身以為係日資公司 但我錯～無做好資料蒐集 原來和心集團旗下嘅餐廳🔵 如果想感受下香港餐茶餐廳嘅日本食物文化同好得閒又鍾意排下隊嘅 可以一試🫡

食咗兩款豚肉飯（原味/香蔥）兩款既豚肉過肥 味道好重 好鹹 食原口都乾乾地我地叫咗一款S Size 一款M size以我依個大食既人嚟講 S都夠M就多咗等嘢食都用咗25分鐘試一次就夠 下次不了

最近經過新都會見到依間餐廳係新開就打算試吓，晚飯時間出面都大約有10幾人排隊入座難得睇完戲出嚟9:30左右見到未關門冇人排隊就即刻去試！食落去的確有少少失望叫左一款豚肉同一款牛肉飯蒜香豚肉完全唔夠入味，肉質亦都一般牛肉飯比豚肉飯好少少，不過我都係覺得唔夠味。餃子質素正常！

平時去葵廣掃街就食得多，今次經過新都會廣場嘅時候，發現有啲咁平嘅又有啲人氣旺盛嘅丼飯店，決定試一試❤️-店舖主打好多款伝說丼，亦都有好多唔同嘅size，對唔食食量嘅朋友好friendlyMenu款式都算多，一定會揀到岩自己嘅丼飯！最後決定食M Size嘅蒜香牛油同芝士伝說丼～落完單等左20分鐘先有得食，但係覺得兩個飯都唔太夠熱(｡ ́︿ ̀｡)-蒜香牛油伝説丼（$62）有三塊牛油同好多件豬肉片溝埋珍珠米一齊食勁香蒜頭牛油味！M size對大食人士都已經好夠( ´▽｀)牛油係飯嘅餘溫都溶得七七八八但係食左一半就會覺得凍左啲油琼左推薦指數：✨✨✨✨-芝士伝說丼（$62）丼面頭有勁多芝士，火灸味十足好適合配隻半熟蛋撈埋一齊食！可惜都係因為啲飯唔夠熱所以啲芝士有啲溶唔到推薦指數：✨✨✨✨不過覺得佢夠熱嘅話味道真係唔錯咖！-因為新開張，買單嘅時候所以送咗買一送一嘅優惠券俾我哋(｡･ω･｡)ﾉ仲有好cute嘅memo紙！-相信係因為新開張所以人手未必足夠令上菜時間有啲耐同食物質素未必係最好但係員工態度非常之好，亦都好細心為我哋介紹餐單(((o(*ﾟ▽ﾟ*)o)))好欣賞有唔同size嘅飯可以比客人揀店入

葵芳新開左間伝說丼屋新開期間光顧仲送一張買一送一優惠券平安夜晚約埋朋友黎慶祝黎到門口已經有條長人龍..好彩排左大約30分鐘就入座可能因為4人枱要併枱所以覺得座位有點逼不過價錢就唔貴豚肉飯仲有分唔同SIZE 另外仲有炸雞小食～和風牛肉飯丼($48)另配$15日本蛋套餐普通牛肉丼，味道唔算太特別牛舌丼($58)另配$18溫泉蛋套餐牛舌既量唔少，不過略嫌有D韌以上丼飯只有一個SIZE(滿足)女仔胃口比較細就覺得啱啱好~

剛剛在試業的日本丼飯品牌伝説丼屋開在葵芳新都會廣場二樓，剛開門見無乜人，以前在渋谷食過又大碗好好味又便宜，不用考慮立即入店醫肚先😋走嘅時候超多人排隊，又送咗一張買一送一卷俾我，下次約埋老友半價食🤗此品牌在日本開咗超過五十年，現在有130多間，在香港的是首間開店，應該會係其他丼飯牛肉飯的強勁競爭對手，香港人又係有福氣，多個選擇，多啲口味。講到口味，佢哋除咗伝説丼豚肉、牛丼唐揚是拎奬嘅必食，還有咖喱🍛👍