伊間珈琲

【南瓜巴斯克真係有驚喜！🎃】嚟到呢間cafe，試咗佢哋萬聖節限定嘅南瓜巴斯克，真係好有驚喜！蛋糕口感綿密細滑，好似食緊新鮮南瓜蓉咁，仲食到一絲絲南瓜粒，增加咗口感。甜度調得剛剛好，唔會太膩，突出咗南瓜本身嘅天然甜味。可惜店員話只係Halloween限定，做到今個月31號就冇喇！另外叫咗杯Flat White，店員好細心問我鍾意啡味重啲定奶味重啲。我揀咗啡味重啲，佢就幫我加多個shot。可能因為轉咗oat milk關係，感覺咖啡味有啲過重，如果唔加個shot可能會更啱我口味。整體嚟講，今次體驗唔錯，特別係件南瓜巴斯克會再encore！…Read More

今日下晝突然落超級大雨🌧️，諗住做gym前嘆杯咖啡醒醒神，點知俾我喺屋企附近搵到呢間咖啡店！心血來潮試咗杯**Dirty**，嘩！一啖飲落去，熱辣辣嘅Espresso撞落冰凍鮮奶度☕，上面層咖啡油脂香到癲，下面啲奶又滑又甜，兩層嘢喺個口度「打緊交」咁過癮！重點係**咖啡師手勢超班**，飲到尾都仲keep到冷暖分明，完全冇變「污糟貓」😝！ 暴雨逼人入舖頭反而有驚喜💥，$47蚊杯絕對值回票價！下次落雨唔使愁，直衝過嚟「吸取咖啡因」就啱晒～運動前飲完，跑步機都踩快兩倍！…Read More

土瓜灣復古cafe ☕️餐廳座位唔多，餐牌以蛋糕、曲奇、吐司等輕食為主開心果控唔好錯過開心果terrine 💚淺綠色部分係開心果cream cheese，口感輕盈順滑！深綠色就係開心果terrine，味道非常濃郁，口感厚實一啲😋面頭仲鋪滿開心果碎真係大滿足！另外試左開心果忌廉芝士曲奇 🍪個人覺得冇terrine 咁驚艷成塊口感似食muffin 入面嘅忌廉芝士同我想像中有出入佢似係開心果醬多d🧐飲品方面正常發揮！都有d 特別嘅飲品例如青瓜latte 但係同友人都冇勇氣試🤣…Read More

The Pistachio Terrine was rich and creamy, loaded with plenty of pistachio bits that added a satisfying crunch. The nutty flavor was prominent and truly fulfilling, making each bite a pleasure.As for the Matcha Coconut Drink, while the coconut element was present, the matcha flavor dominated, providing a vibrant and refreshing taste. It was invigorating and paired nicely with the sweetness of the terrine.Overall, this combination is a must-try for anyone who enjoys unique flavors and a delicious dessert experience!…Read More

呢度應該係啟岸商場入面最多人聚集既地方，假日店外企滿等外賣既客人，店內嗰十個位亦都坐滿，我地攞飛等一張二人檯都要大概二十分鐘，每人低消一份食品或者飲品🫣▪️ 開心果Terrine （7.5/10）💲68為咗佢而嚟，大量香脆既開心果碎，淺色層係開心果Cream Cheese，質感軟滑，兩隻味平衡得唔錯，深色層係開心果Terrine，不過比較硬實，堅果香無預期重，只係得甜味🤌🏻▪️ 小山園焙茶巴斯克 （7.5/10）💲55巴斯克頂部帶點焦香，口感偏挺實，中間有少量軟心，值得一讚既係焙茶味同埋芝士味都好香濃，但係又唔會互搶🧀🔎 整體評分（7.5/10）…Read More

聽講呢間好出名想試好耐環境裝修主要以暖色黃光木調為主好有隱世Cafe嘅感覺空間唔大，所以普遍都係要等位佢有Bar枱，亦都有兩人枱因為一個人食，所以等咗5分鐘左右就入咗去嗰日幾肚餓，所以order咗一份三文治食Good Day Egg Salad 估唔到佢都幾足料入面有蕃茄生菜青瓜同埋蛋沙律基本上蔬菜佔咗一半所以都十分之有咬口同飽肚食咗一個其實已經有啲飽如果想健康嘅人，可以試吓呢個不過建議可以標示返入邊有咩材料因為叫嗰陣其實唔係好知有啲咩同埋唔知道個蛋係有沙律醬Flat white 佢咖啡真係不錯做到flat white薄泡嗰種感覺飲入口好smooth好和諧Feel到沖呢杯嘢嗰位Barista嘅功力而且飲到淡淡嘅果香味會因為佢杯咖啡想再嚟最後走嗰陣仲有問我啲嘢食同嘢飲O唔OK 整體成間舖頭嘅Staff都好friendly、好願意同顧客互動環境又好食物嘢飲又好高質美中不足就係位置唔多唔可以慢慢坐但係絕對係值得再嚟…Read More

店舖走日系寧靜風,座位不多🪑提供輕食,以甜品/曲奇/蛋糕/吐司/咖啡為主開心果甜品意外大有驚喜😝✿開心果Terrine 淺綠色部分係開心果CreamCheese,質感軟滑creamy!而深綠色部分即是開心果Terrine口感較似生朱古力texture,偏向有黏性🤏🏿開心果味道唔單止有!更是濃郁der!!👅重點是大量開心果碎,每啖都可搭配開心果粒粒💚一次過有曬三重開心果層次🥰～開心果控不能錯過❕❕✿開心果忌廉芝士曲奇曲奇十分厚重🍪外層軟脆內層帶開心果軟心忌廉芝士,質感帶少許粘稠驚喜的是曲奇放有少許開心果碎粒🤠口感再豐富左🆙🤩香濃開心曲奇頗大塊的,稍為少膩,但值得一試～✿Honey Butter Toast (Blueberry CreamCheese)蜜糖吐司外型討喜,口感外脆內軟,滿有牛油香🧈面層灑上白砂糖及香甜蜜糖🍯配上CreamCheese及酸甜藍莓果醬🫐雖然藍莓果醬的甜度未有很合乎我個人口味🫣但這簡單組合是不錯的🤗✿DirtyEspresso的香濃混入牛奶,帶出甘香☕️加入芝麻口味的,相對較苦澀個人較喜歡原味🤓開心果𝗧𝗲𝗿𝗿𝗶𝗻𝗲 $𝟲𝟴開心果忌廉芝士曲奇 $𝟰𝟴𝗛𝗼𝗻𝗲𝘆 𝗕𝘂𝘁𝘁𝗲𝗿 𝗧𝗼𝗮𝘀𝘁 (𝗕𝗹𝘂𝗲𝗯𝗲𝗿𝗿𝘆 𝗖𝗿𝗲𝗮𝗺𝗖𝗵𝗲𝗲𝘀𝗲) $𝟲𝟱𝗗𝗶𝗿𝘁𝘆 $𝟰𝟳𝗗𝗶𝗿𝘁𝘆 (𝗕𝗹𝗮𝗰𝗸 𝗦𝗲𝘀𝗮𝗺𝗲 +$𝟯) $𝟱𝟬…Read More

2025.02.08今日去試一樣Bookmark 左好耐既 @imacoffee.hk 伊間咖啡係佐敦同錦田 Good day coffee 既姊妹店坐位唔多 但是一間感覺好溫馨既小店 有好多不同種類既甜點 芝士蛋糕 多士 美式曲奇 muffin 每樣個樣都好精緻特別係 muffin好大個好飽滿但今日主要都係食我最鐘意既芝士蛋糕蘋果玉桂cheesecake士多啤梨巴斯克Espresso soda Hazelnut latte蘋果玉桂芝士蛋糕好足料蛋糕中間有一層鋪滿切薄片既蘋果面層鋪滿 crumble 好有口感玉桂味都好突出芝士蛋糕味道豐富 質感適中 唔會一切就散晒或實的的 好濕潤連底層既餅底都好香口而且成件cake 偏厚身同大件 好滿足！士多啤梨巴斯克同我預想既唔同 以為會食到有士多啤梨肉但裡面一粒果肉都無 應該係將士多啤梨打溶晒再撈入蛋糕糊裡但其實士多啤梨味又唔係好食到 蛋糕質感係小軟心 蛋糕面烘到有巴斯克既小燶面但唔會太乾身 口感正常個人覺得芝士蛋糕比巴斯克出色咖啡方面就普普通通唔算濃啡味亦唔算太滑其實最想試既係佢地既粟米巴斯克 南瓜巴斯克 柚子巴斯克同埋黑芝麻巴斯克 可惜今日都無呢幾款 唯有擇日再去試同場買走佢地既麵豉棉花糖美式曲奇 反而好有驚喜雖然食唔到麵鼓味 但曲奇質感非常好煙煙韌韌非常好咬經過三分鐘既烘熱後 曲奇非常香 面頭既棉花糖呈拉絲質感而且唔太甜亦唔膩 讚！ @dobbyisfree.to.eat…Read More

我最近到了一間咖啡店，品嚐了他們的巴斯克蛋糕。這款蛋糕外焦內軟，呈現出完美的焦糖色澤，口感濃郁，香氣四溢。每一口都讓人感受到濃厚的奶酪味，搭配上微微的苦味，實在令人難以忘懷。店內環境舒適，服務熱情，讓我在享受美食的同時也感受到放鬆的氛圍，真是一個完美的下午時光！…Read More

位於士瓜灣嘅日系cafe，座位唔算多，平日就唔算多人，但聽聞假期會keep住滿座。好多人介紹話甜品好出色，近排好多人衝去食開心果蛋糕‼️提供多款甜品，曲奇、蛋糕、muffin等．開心果Terrine $68擺盤好靚係滿滿嘅開心果碎😍上半部份係開心果cream cheese，有少少開心果味，cream cheese味較濃，配埋開心果碎食好夾！下半terrine部份質感偏實但滑嘅，好濃味，不過真係要share食，比較膩🤣．玄米紅豆巴斯克 $57巴斯克蛋糕質感軟滑，玄米茶味好清香，不過配紅豆怪怪地，唔係好夾，甚至紅豆味蓋過咗茶味🥲份量唔算大舊，依個價錢偏貴😟…Read More

今日嚟到土瓜灣附近做運動，做完運動就去咗呢間Cafe坐！ 我哋係Target住佢嘅開心果甜品過嚟嘅！原來呢個甜品叫做terrine, 佢嘅質地有一半係類似生朱古力咁，另一半就係cream cheese咁嘅質地！成個甜品係非常之濃開心果味，加上佢配埋啲開心果碎，成個口感都非常之多層次！ ！開心果迷一定會好鍾意！另外我哋叫咗兩杯latte，都10分好飲！雖然店舖有啲細，但係整體嚟講都坐得幾舒服！舖頭入邊播住一啲輕快嘅音樂，成個感覺都幾輕鬆！而且店員亦都非常之樂意去介紹甜品，成個體驗都幾好！推薦鍾意開心果嘅你去試一試😍…Read More

開心果控不能錯過的一間cafe最愛的開心果Terrine💚口感好濃郁且厚實，上面一層開心果碎，中間D芝士好creamy，底層有開心果terrine，整體好豐富抹茶鮮奶都OK🍵不會太甜有茶味…Read More

1️⃣凍抹茶鮮奶($53)抹茶香氣濃郁，每一啖都感受到濃濃的茶味。甜度啱啱好，唔會搶晒抹茶的風味，反而完美平衡咗茶既苦澀。鮮奶的醇厚和綿密的質地增添咗豐富的層次感！好味指數：🍡🍡🍡🍡2️⃣開心果Terrine($65)外層的開心果外殼散發住誘人的香氣,內餡的滑順同有超濃郁的開心果味！超級好食！好味指數：🍡🍡🍡🍡3️⃣ 芒果巴斯克蛋糕($55)呢款芒果巴斯克蛋糕雖然外觀吸引，有流心效果，但味道有啲失望。芒果的香氣同味道唔夠夠明顯，甜味偏重，口感有啲單一🥹好味指數：🍡🍡📍紅磡馬頭圍道63號啟岸地下15號舖🚇 港鐵土瓜灣D1 出口, 步行約6分鐘🕒 Mon-Fri：11:00-18:30 Sat-Sun : 10:30-18:30#香港#土瓜灣巴斯克蛋糕#巴斯克蛋糕#HongKong#foodiehk#香港美食#香港foodie #土瓜灣美食#香港美食#土瓜灣打卡…Read More

OpenRice 寫餐廳營業到6:30pm話說今日去排隊用餐，那時時間約4:40pm。在門口等候了一會未有人招呼，全場滿座。然後搵到個職員A去講:唔該2位。職員A:等陣隔左一陣，聽到職員B叫號碼飛9號，先知道原來要取票，店面/門口又看不到有貼紙告示需取號😂 然後我又問職員B:係咪要攞籌職員B:係啊，等陣先等等等等等😂餐廳真係全場滿座，人手又不足。然後等到4:50pm再出聲問先有人比張飛同時我後面都仲有一組人想等位。取票後，職員A表示我們堂食至6點，我前面仲有2枱客先到我個籌，拎完飛就婉轉地話你知佢地堂食收6:00pm，暗示你自己決定等唔等，其實佢地應該要寫返有last order 4:30pm咪算，搞到d客傻更更企係門口呆等左陣先有人應😂言下之意我Get到係唔想做生意啦☺️ 不過佢嘅處理手法可以做得更好，真係失望，特登睇完啲Foodie介紹話甜品出色，先想去試下。其實我最後無食到，但基於個等待過程實在令人不愉快，所以先係OpenRice留個言😂😂😂…Read More

因為開心果蛋糕而進入！很好味⋯⋯而且蛋糕不是只有甜味，開心果有開心果味嘅蛋糕，我覺得冧酒提子都幾好食呀👍整體嘅感覺服務很好，食物也很好！環境也不錯，店舖雖然不大，但也沒有逼迫澀澀的感覺啦，價錢也很合理呀👍1:30約咗朋友一齊來這間舖頭嘆下🍰☕️，大家太久沒見了😅不停聊天🥰其實有點不好意思舖頭環境不是很大，人流也算多，但我們坐到四點幾，自己都不好意思😅店主也沒有趕客🙏⋯⋯整體給我感覺我會介紹朋友和自己再來🥰開心的一個下午…Read More