仝堂茶聚

營業中

休息中

在入座前，我已自動自覺量體溫，因朋友已有位，我便入行入去，點知個阿嬸侍應好似當我狗咁呼喝我：搓手呀！平時我都會用餐廳提供嗰D，今次火都嚟埋，我話我自己有，結果成餐飯冇曬mood，希望餐廳快D炒佢。

朋友介紹呢間，因為佢有coupon，咁即管試下啦！食物選擇一般唔算多。 懷舊茶壺，幾得意。黑豚肉叉燒，係好味嘅，半肥瘦，夠林身。涼伴三併，ok嘅。錦鹵雲吞紫淮山黑木耳，夠爽脆。芋角，有半隻鵪鶉蛋，夠脆身，同蛋好夾。呢個5色蝦餃，好食嘅蝦夠鮮甜，不過大部份酒樓都做到，又係為左打卡。佢話五色代表唔同味，當然係個色啦，食落...粒粒一樣味而呢一蘢包，坦白講，第一次先會叫黎打卡，普通到不得了，但＄99 亦只會因為打卡而叫，味道同巿場上酒樓分別不大，下次唔會叫囉。總結，味道中上，價錢中高，碟碟size的的骰骰咁囉。可以一試，不過問心唔算好值嘅，但打卡就唔理嫁啦！都有佢生存之道嘅。

朋友有現金卷準備到期，所以帶我嚟食好嘢，順便可以shopping同girl Talk! 我哋因為好早就嚟到，雖然疫情關係，開始只有兩枱客人，，加上又未到午餐時段，但到我們離座嘅時候已經坐滿人，所以我們選擇會比較安全我哋兩位，竟然食咗六個點心加一碗湯！冇辦法啦太好味啦選擇款式又多，難怪咁多人叫外賣或者堂食啦！我哋叫咗：牛油果蝦春卷：絕對可以再試鮮蝦韭菜餃：皮薄，但太軟一夾就難蜜汁黑豚叉燒：好好味！不能停腿蓉百花魚肚餃：菜式特別，魚肚夠入味！馬蹄糕：好特別好香甜！豬肺湯：材料不夠新鮮鮮蝦春卷：皮脆餡靚

友人相聚，相約六人一起試下呢問新店。當日我們都叫了頗多菜式，每份不算太多。晚飯也是有點心可以叫。比較是新派，創新，又有舊烹調手法。裝修新式，但座位不是寬躺舒適那種。我們叫了仝堂bb鴿兩隻$46 x 2; 蔴辣蟶子(3-4入份）$119; 白蟶子花雕蒸蛋$129； 花雕魚露東風螺頭(凍）$99；花膠魚湯時蔬$156；黑松露蝦多士（5件）$106；塔門蠔仔泡飯$89；龍蝦湯配脆米$96；金雞獨立$299；懷舊橙汁卷$36；黃糖有豆$36。除了兩個甜品未能吸引到我們呢幾位甜品控外，其他餸也很不錯。份量不算太大，可以多試幾款。特別推介的是蝦多士、蟶子、蒸蛋、東風螺、金雞與龍蝦湯脆米！（見相）🤗ps 沒有信用卡優惠，只有買coupon.買$1000 比$1200，約83折買$3800 比$4800，約8折買完可以用一半，即分別定$600 或$2400。每張$200，有效期到2020年九月尾。繁忙時間，訂座不會留座太耐，也有限時間70分鐘用餐。茶錢$9@，加一

星期五夜晚，我同朋友去咗九龍塘又一城嘅懷舊餐廳食野^_^餐廳有好多選擇任你揀！好多餐廳而家應該唔會再做呢啲點心🥧！魚腸蒸蛋覺得非常之好食😋！聖子亦都好好食馬拉糕非常之鬆軟！鹹柑桔亦都非常之好飲！

行完街想食野，由於唔係太肚餓，所以只想食少少點心。喺外面望到餐廳內好似都幾古色古香，所以就入去坐低試吓。叫咗兩款食物，一個係小豬奶皇包，另一個係橙汁卷。小豬包造型好趣緻，啱啱蒸起，好夠熱。熱辣辣都幾好味。第一次食橙汁卷，平時飲茶都未見過。果然有橙味，晶凝通透，賣相相當討好，但略為甜咗啲。呢度環境真係幾靚，好少飲茶地方可以清清靜靜，而價錢都OK，見到餐牌上有好多其他食物都好吸引不過我一個人真係食唔到咁多，下次會帶埋屋企人再嚟試吓😋

好耐冇去又一城，見呢新開就試下。。座位好寬闊舒服，侍應都好有禮貌好好服務，不停咁幫我哋加水同問d食飯如何&d野到齊未(佢個語氣唔係想吹我走😂)不過食物就普通 ，價錢我覺得偏貴。未必會再嚟蝦多士，好脆，個蝦都好新鮮，又唔會好油👍叉燒腸，普普通通冇乜特別滷水雜錦魚腸，媽咪話好少地方有好想食，但我就覺得好魚腥味

一個平日的晚上我們六人約好到仝堂茶聚一聚。疫情下的又一城比較冷清，仝堂茶聚細枱都不用等位。我們點了幾款懷舊菜：煎釀士鯪魚、錦鹵雲吞、串燒金錢雞；再加：大蜆花雕蒸蛋、燒味五拼、鹵三鮮、仝堂BB鴿、蝦醬生菜煲。菜式中規中矩，食不到懷舊味道，錦鹵雲吞的汁很淡和稀，大蜆蒸過了火，有啲硬；BB鴿新鮮夠熱😋朋友話午市點心唔錯，可以再來試！可能生意不夠好，每個侍應每次上菜、加水，都推銷現金卷，到最後我們也不買，就被問：「點解唔買呀？我哋啲嘢唔好食？」好食和買現金卷是兩回事，服務態度有待改善。

見到六小福好得意就入咗依家餐廳食晚飯。龍蝦湯烏冬-原本以為得湯，原來還有菇同3隻蝦，份量適中，湯濃但頗鹹。最好係湯面分開上，唔會令面發脹及變軟，煙韌。黑松露蝦多士-吾會食到成口油，香脆，有豐富嘅黑松露香味，蝦滑份量適中。好食！六小福 包子鬆軟-白蓮蓉蛋黃:甜度適中，加埋蛋黃香，正！-流沙奶黃:吾止流岀嚟，仲有沙嘅口感。因為冇分開食，唔知係咪包嘅黑芝麻粉定奶黃。-紅豆:最甜-紫薯:甜度適中，少許紫薯味。店員服務態度非常良好，環境衛生舒適，有消毒紙巾。

每次嚟九龍塘都會幫襯呢一間中式餐廳坐得舒服又可以飲茶Steamed clams and egg with Huadiao wine大蜆花雕酒蒸蛋😍 一上枱已經聞到濃濃花雕酒香味☺️😃大蜆新鮮肉質彈牙😋蛋雖然厚身 但蒸得非常嫩滑！ 配白飯一流😋荷塘白玉片即冬瓜腐竹蓮子煲☺️過年食得太多食滯左不妨煲黎試下😌😌清熱又消滯😍太肚餓唔記得影相🤣呢道牛肉菜式真係超級正會著火🔥熱辣辣的 超級新鮮好食影相一流

今日約咗爸爸媽媽食午餐，梗係揀佢哋老人家鍾意食嘅中式點心啦，最想介紹嘅係腸粉、陳皮鴨同鳳爪。腸粉香滑，陳皮鴨有濃郁嘅陳皮味，可以令油膩感大大降低，至於鳳爪，好多時都會味道太濃，但係呢個鳳爪味道啱啱好，而且唔太油，值得推介。另外值得一讚嘅係餐廳嘅用心服務，連茶杯都特別靚過人。

今天和朋友運動過後專登同朋友黎九龍塘尼間餐廳食飯 因為之前聽朋友講水準好高所以咁係要黎一試究竟 餐廳要量體溫才入座 雖然依家好多餐廳都係咁但係主動提供紙巾包住口罩所以覺得好好 晚市入座 有乳鴿送 一人半隻 雖然係免費嘅 但係水準好高 我地叫左一個翅 係一位用嘅 份量好足 見朋友食到一滴不剩 應該係好味的燒鵝例牌 都好好味 聽職員講係既燒嘅 水準都好高懷舊雲吞 第一次食 覺得都美味胡椒蝦 大大隻 啖啖肉還有我最愛的公仔奶皇包 cp值好高最後叫了店員推薦的薑汁蛋白鮮奶 唔係好甜 暖暖的 仲好滑好美味 整體黎講都好滿意 員工服務得好好 推薦嘅嘢食都係掂嘅 餐飯覺得好滿足 美中不足係出餐速度太快了😂有小小食唔切 最後我們買了3800蚊的現金卷 送多1000蚊 等於尼餐飯百幾蚊 其實都真係好抵 相信疫情過後我會經常黎🤣🤣🤣

今日早收工, 去左又一城行陣, 經過仝堂菜聚,見到晚市送乳鴿之前食過兩次都算唔錯, 以同場中菜黎講平過八月花, 味道都算ok 最後二個人食左$300零, 唔錯ps : 未入座已經幫你量體溫, 又比酒精搓手, 都算體貼

午餐，叫左5個點心1個菜1個排骨飯。點心好普通，唔特別好味。全堂蝦餃皇。係一個普通嘅蝦餃，唔知皇左係邊度。錦鹵雲吞，個汁係凍嘅，d料有蝦有魚。個魚好腥。棉花雞正正常常，個芋角面個層算脆但係入面個皮係硬嘅。個迷你排骨飯就真係好迷你。得兩談飯，3粒排骨。差唔多50蚊😨。佢個特色係每樣野都好細，價錢就唔細。兩個人埋單4佰幾。都有3分飽嘅😅。唔值呢個價，服務不過不失，但係有d伙計帶口罩有d唔帶就唔係咁好囉🤷🏻‍♂️

食之前要度度體溫.酒精抹手先比入場（好有禮貌）🥰👍🏻焗魚腸—即叫即焗.個面係微脆.有微腥味👍🏻.魚腸原條👍🏻好多都醉晒.好多薑同茜茜馬拉糕—都鬆軟🥰咖啡骨（我第一次食）要點奶點咖啡糖.味道👍🏻☺️木耳炒紫淮山.爽口.👍🏻👍🏻👍🏻海蜇麻醬粉皮.都不錯.麻醬係腸粉果隻（好多都用日本果隻有酸味）家陣買卷$1000=$1200👍🏻服務係中上👍🏻（我最like)