仝堂茶聚

本餐廳的戶外餐飲區全新裝修設計以LED透明玻璃屏，以加強環境舒適空間予任何客群融入用餐體驗。這次品嚐的幾道菜，不以濃烈奪目取勝，而以細膩平衡讓人回味。燒味三拼：燒鵝|星級蜜叉燒| 脆烤燒腩肉燒鵝：內餡配上了微小當歸汁，外層脆皮真的新鮮即燒，相當美味。星級蜜叉燒：選用黑毛豬，外層焦香，肉質鬆化。蜜汁甘醇不死甜，邊緣微脆的「燶邊」是精髓所在。脆烤燒腩肉：脆皮香脆，肥瘦層次分明，沾些芥末醬更能帶出肉香。…查看更多

因為又一城的食店都食過，跟老人家吃晚飯就選吃中菜。除了乳鴿，四季豆，脆豆腐外，點了兩個手工菜。以為，點知…蝦籽柚皮，蝦籽好似係粉多啲，未食好似食麵包的柚皮，好厚，但係唔太諗，口感好奇怪。好期待的釀鯪魚仲過分，好硬，硬度似未熟的番石柳。好鹹，好鹹，阿媽話應該係雪藏貨。原來想食手工菜，點知食咗解凍食物。四季豆都係好鹹…成餐飯大家都冇咩出聲，因為知道伏咗。平日晚上只得兩三枱客。只見到一位應該係最低級的員工不斷做，個經理就不斷鬧/不斷提醒。我又唔覺得個員工有做錯野。只係覺得，全間食店被這位高級經理破壞了氣氛。趕客。三個人食咗$9XX。無下次啦！…查看更多

趁休息時間，帶爸爸媽媽出嚟食飯，提前慶祝母親節。經理姐姐服務好好，好細心，安排咗一個出入方便的位置，攙扶媽媽入座🙏🏻推介我哋食燒鵝，燒鵝做緊推廣，半隻即減$100出餐都算快，好快有得食，雖然見得三四人做事，好忙，但埋枱都好有禮貌，介紹食物，請問用燒鵝好入味，皮夠脆。搭配含有當歸的醬汁、好好食各款點心亦都做到好出色，全部都係即叫即蒸，熱辣辣，甜品好精緻，睇得出師傅們都好用心做。川貝雪梨海底椰湯，好足料，煲晒雪梨本身的甜味出嚟，超級好飲。本次用餐爸爸媽媽食得好滿足經理姐姐還送上一份精緻的禮物給媽媽，祝媽媽母親節快樂，好有心，、非常多謝…查看更多

本人今晚來到九龍塘一間中菜餐廳「仝堂茶聚」，這家餐廳自2018年起開張主打經典地道的傳統手工港式粵菜，餐廳裝潢以懷舊風情為靈感，適合各位來朋友家庭聚餐或特別慶祝愛必食推介「脆皮炸子雞（1隻）」原隻脆皮雞烤至金黃酥脆，香脆薄身的外皮，雞肉肉質鮮嫩多汁黃油的香氣與鹽香融合，整體香不膩口，十分推介的經典明爐燒味菜式「瑤柱扒西蘭花」新鮮時蔬揀選西蘭花，西蘭花口感爽脆，瑤柱扒汁充滿香氣，吸收了汁的精華，味道濃郁且充滿層次感，必食鮮蔬之選心「特級黑豚叉燒」選用上等半肥瘦黑豚肉，帶蜜糖甜香，肉汁豐膄帶點焦香，口感柔滑軟綿，肥瘦比例剛好，外邊微微焦香。「脆烤燒腩肉」烤至金黃的豬皮薄香脆，脂肪和腩肉層層分明，肉質肥瘦分明，香味垂涎脂香，入口即化味道郁香豐腴，肉嫩甘香，每啖燒腩仔都是一口大小而絲毫不膩。…查看更多

無食過午市，唔知下午d點心咩質素，但晚市係超級難食！叫左- 咕嚕肉 （$～160） ，用瘦肉整既咕嚕肉真係第一次食，趙到痴哂牙都未必咬得開…- 醉蝦：完全無酒味，你餐牌唔寫有酒，係完全食唔出 （乜落多少少清酒真係噤高成本） - 蟹肉伊麵 （～$180） 無味，似清水碌完d麵 求其放d雪藏蟹肉落去… 個質地又好差，大佬啊，你慳錢唔用上湯煮，都落多少少鹽俾番個味丫- 豬仔奶皇包黃，個賣相係唔差，但冇乜甜味，唔似一個正常嘅奶皇包…. （可能有人鍾意食唔甜嘅甜野會鐘意）- 本身叫咗乳鴿，落完單隔咗半個鐘又話冇晒，但係因為以上嘅食物真係太難食，情願食唔飽我都唔會再加單最後埋單三個人食唔飽，食完垃圾都俾咗$800 超級中伏，千祈唔好夜晚去…查看更多

所謂經理服務態度好差，排緊隊還聽到她邊在鬧工作人員，當然工作人員態也不是好，等了好久總之態度就是愛理不愛咁喇，可能多人排隊唔憂冇客喇。怪不得香港好多人寧願返大陸消費。…查看更多

其實食物ok, 環境同裝修都好，但全個用餐過程就令到你好唔舒服。首先要排隊等入座，冇得拎飛，所以老人家需要企，而門口只有一張凳比排隊嘅人坐。第二，其實店內有很多枱未執，亦有枱已經執好，但侍應唔知點解唔安排客人入座。第三，落單係用點心紙，由侍應幫你再入單，但係我所點嘅點心落漏單，要問侍應出單先知漏咗。另外我覺得部份食物偏鹹⋯⋯總括而言，服務唔夠好，就算食物可以，都會令客人唔想再幫襯！！希望餐廳會有所改善。…查看更多

好耐冇去九龍塘又一城食嘢，睇完open rice 食評推介，決定試下呢一間中式點心食肆。平日中午時段到達，因要等3-4張枱，唔想企住等太耐，決定行陣先⋯13:30再排隊，大概10分鐘已安排坐6人大枱-卡枱（但我只有3人😂）。裝修美觀舒適，但坐椅太軟太扁，坐到成個人好似凹咗落去咁⋯好唔舒服！茶只供應紅茶、綠茶，味道幾好⋯對茶冇要求。食咗8個點心，不斷食，最後先記得影炸芋角。水晶蝦餃：皮夠薄，蝦咬落爽口新鮮，好食👍🏻。叉燒包：醬汁及餡料平均，味道適中，好味。蒸鳳爪：少少辣好惹味，稍為鹹啲啲，都係好食嘅！鮮竹牛肉球：本人冇食，2位朋友都讚好食。潮洲蒸粉果：皮薄、餡料平均及蒸熟後粉果內仍保持到少許醬汁，好食。雞扎：平日只選擇食魚肚，今次食晒成件，材料新鮮。雞肉幾入味，但本人味覺上喜歡清淡，感覺略為鹹啲啲；其他朋友覺得雞肉味道適中。蜂巢芋角：點餐時無為意係咪有分鳥巢芋角（有鵪鶉蛋在面）/蜂巢芋角😅⋯點心上枱時係蜂巢芋角。好多人都講過現在好食嘅炸芋角難求！4年後嘅今日⋯好期待！細細口第一啖，再大大啖⋯身邊朋友都追問味道如何，整件食晒後係失望嘅！零芋頭味，外脆但內有少許實，唔知點解🤔️⋯⋯魚翅餃：平時好少食呢款點心⋯味道一般，沒有太大驚喜。總括來說，蝦餃、叉燒包、粉果這3款點心雖然普通，但要做到皮薄餡靚，就要睇下該食肆會唔會認真處理食材，肯唔肯花心思時間去聘請真材實料嘅點心師傅喇！至於，喺午膳時間13:30-15:30時般內，侍應們嘅服務嘅態度尚可接受，還有進步空間⋯只不過⋯要求再攞點心紙、水壺加熱水、再落單需要耐心等候，一請再請😂。…查看更多

點心與平時茶樓的不同，有比較特別的，份量也是正常。星期六12點等位大約等了30分中吧，服務也不錯。超級推介有個龍蝦湯配米餅，湯濃餅脆，沾湯吃是一流的，還有那個叉燒包也外脆內熱，超好食！…查看更多

之前有一日收工嘅時候因為天氣唔好，所以揸車嚟咗又一城呢間嘢去飲茶。嗰日係星期六，但即使去到晏晝1:30都仍然需要排隊，大概排咗半個鐘頭方可入坐。一睇餐牌就發覺有好多好多嘅經典點心可以選擇，最後就嗌咗好多唔同嘅點心，包括大蝦餃、乳鴿、炸兩、潮州粉果、無骨鳳爪、錦鹵雲吞、蟹肉伊麵、辣酒煮花螺、咖喱魷魚、鮑魚燒賣。除咗辣酒煮花螺味道稍遜之外，其他的味道都相當唔錯。後來發覺好似嗌得太多，三個人都係僅僅食得晒。最後三個人埋單係超過$1000 ，我未試過飲茶飲到咁貴，但係我覺得都幾滿意。…查看更多

星期五約中午飯市時間到場，已經5-6組客人排隊，等咗大約15分鐘入得。員工服務態度親切，前後加咗兩次單，仍然非常有禮貌，值得一讚👍🏻食物質素方面，其實同一般屋邨中式酒樓差唔多，冇乜驚喜位，亦都冇乜驚嚇位😅但相對地價錢較高， 食環境、食服務、食感覺，位於又一城可以過關。如果純為食物質素而來，同等價錢中式粵菜餐廳類別，絕對可有其他選擇。環境感覺方面，係可以畀人坐低吹水、嘆茶、一盅兩件嘅一個好地方，坐得舒服。…查看更多

推介指數 Recommendation Level : 🔥🔥🔥🔥香港酒樓食肆非常多，做點心的餐廳亦不少，所以要突圍而出亦不容易。這間點心店坐落於商場內，門外經常有一條長長的人龍。原來是提供傳統廣東特色點心，此外還有一些新派的點心設計，由於選擇比較多，而且點心的造型亦非常精緻，可以吸引不少客人光顧。Hong Kong's dining scene boasts a plethora of restaurants, including a significant number specializing in dim sum. Standing out amidst the competition in this crowded market can be challenging. This dim sum eatery, situated within a mall, often garners long queues outside its doors. Known for its traditional Cantonese dim sum offerings, the restaurant also features innovative dim sum creations that appeal to a wide range of patrons due to their variety and exquisite presentation.仝堂BB鴿 (1隻) ($59)Tong Tong Roasted BB Pigeon這個bb燒乳鴿是餐廳的招牌菜式之一，上檯的時候熱辣辣，而且香氣撲鼻，撕開後肉汁不斷流出，而且乳鴿肉又非常嫩滑，外皮又非常香脆，絕對是值得推介One of the restaurant's signature dishes, the BBQ pigeon, arrives at the table steaming hot, emitting a fragrant aroma. Upon tearing into it, the succulent juices flow out, revealing tender pigeon meat encased in a crispy and flavorful skin, making it a highly recommended dish.鳥巢芋角 ($46)Deep-fried Taro Dumping with Quail Egg這個鳥巢芋角的造型非常吸引，真的像一個鳥巢包裹著一隻雞蛋，芋角的芋泥充滿芋頭的香氣，而且炸得非常香脆，但又不會太會油膩，連同鵪鶉蛋一同吃，增加了請到菜式的口感層次The appearance of the Bird's Nest Taro Puff is captivating, resembling a nest enveloping an egg. The taro puff exudes a fragrant aroma of taro, fried to a crisp perfection without being overly greasy. Paired with quail egg, it adds layers of texture to this delightful dish.酥皮叉燒包 ($49)Crispy BBQ Pork Bun 雪山叉燒包是近年新興的廣東點心之一，但不是每間餐廳都做得好吃。這間的皮做得非常酥脆，雖然叉燒的蜜汁十分豐富，但亦不會令到麵包皮過濕，而且蜜汁的甜度又非常適中，叉燒的肉又不會太硬The Snow Mountain Char Siu Bao is a relatively new addition to Cantonese dim sum offerings in recent years, and not all restaurants execute it well. This particular establishment's pastry is exceptionally flaky, with a generous filling of honey-glazed char siu that maintains the right balance without dampening the bread's texture. The sweetness of the honey glaze is perfectly calibrated, and the char siu meat is tender without being overly tough.潮州蒸粉果 ($43)Steamed Dumplings, Chaozhou Style粉果的皮不算太厚，而內裏多種不同的餡料，有爽口的菜甫，香口的好蝦米及肉粒，還有味道較濃的韭菜，絕對是合格的傳統廣式風味The Steamed Dumplings features a thin skin enveloping a variety of fillings, including crisp vegetables, fragrant dried shrimp, and meat, along with a flavorful chive filling, capturing the essence of traditional Cantonese flavors.牛油果蝦春卷 ($49)Deep-fried Shrimp Roll with Avocado 這個新派的牛油果春卷，味道比較失色，因為完全吃不到牛油果的味道，不到蝦的鮮味，幸好是外皮比較香脆In contrast, the modern avocado spring roll falls short on taste, lacking the distinct flavor of avocado and freshness of shrimp. However, the crispy outer layer compensates for the flavor imbalance.😎 評價 - Epicurean Explorer's comments: 🍽️食物Food： 🔥🔥🔥🔥✅菜式的選擇非常多，除了點心外，還有小菜及炒飯或麵The menu offers a wide selection of dishes, including dim sum, appetizers, and stir-fried rice or noodles.❌無Nil🏡環境Environment： 🔥🔥🔥✅雖然餐廳不算很大，但座位卻非常寬敞及舒適While the restaurant may not be large, the seating is spacious and comfortable.❌部分座位位於開放式地帶，與等候座位的客人非常接近，私隱度稍有不足Some seating areas are located in open spaces, with minimal privacy due to proximity to waiting guests.💁服務Service：🔥🔥🔥✅上菜的速度非常快速，侍應生活非常勤力幫客人添茶，亦非常有禮貌Service is prompt, with attentive staff regularly refilling tea and displaying courteous interactions with patrons.❌無Nil💰價格Price：🔥🔥🔥✅以這個質素來說，算是合理的中價收費，而且服務員比街坊茶樓好Considering the quality of food and service, the mid-range pricing is reasonable, surpassing the standards of local tea houses.❌由於沒有特價點心或套餐提供，單點餐單的價錢會較貴Considering the quality of food and service, the mid-range pricing is reasonable, surpassing the standards of local tea houses.…查看更多

仲有幾日母親節，趁今日放假，決定提早慶祝！一行六人，叫左幾個餸，柚子蜜糖蝦球好食😋酸酸甜甜，十分開胃😍😍😍其他餸菜都幾好味，家人都大讚👍👍👍落單果陣叫左半隻燒鵝，話要燒45分鐘，因為係即叫即燒😀等左好耐，都食到飽哂，燒鵝終於來到😀燒鵝皮好脆，呢個很可以！只係等得耐左少少🤏…查看更多

因為朋友介紹,半年前得知又一城有呢間中菜餐廳，時隔左差唔半年再來一次都無令我失望今次係第二次去到，可能星期五關係，去到勁多人排隊，眼見都有10 幾人排緊隊，但因為好想食，所以選擇繼續留低等啦，排咗約半個鐘就入到去，兩個人叫咗四餸一湯😂😂奶黃小豬包樣子可愛，味道都不錯，必食另外印象最深刻係個經理姐姐,短髮姐姐,佢超好人,見我地叫到成張枱都係野食啦 就主動過黎幫我地 拍好兩張枱比我地 幫我地執好晒 態度超好 ,唔黑口,服務真心正…查看更多

呢間現代感十足嘅中式餐廳仝堂茶敘給我留下超深刻的印象！不僅菜色好食，服務係一級棒。一入去就感受到熱情友善氛圍，店長立刻迎接我們，馬上安排座位。佢地態度專業又帶住微笑，令我地感覺賓致如歸。店員對菜單非常熟悉，有耐心咁回答我地問題介俾左超好建議。佢地細心咁照顧每個客人，飲料和菜餚送上來速度都啱啱好。而且，佢地服務細節到位。枱上餐具一直保持乾淨，杯杯常滿水，佢地適當時機俾餐巾紙和湯匙。呢啲小小細節令整個用餐體驗好完美。最特別係，佢地態度好好。不僅店員對客人有禮，而且佢地願意聽客人意見同需求。佢地積極處理客人問題，確保每個客人都十分滿意。總而言之，呢間仝堂茶敘喺服務方面好出色。我絕對會毫不猶豫咁推薦俾我frd同屋企人，同等唔切想再次光臨！…查看更多