仁人餅店

見到麻糬波波$20/10個咁平，細細隻又熱辣辣，兩啖一個好好食咁，2秒決定快快手買返屋企食於是即刻請姐姐每個口味執幾件，姐姐好快手執入袋，但自己太心急冇check，到屋企先發覺袋入面得9件波波宜家個數同屋企人分唔平均，自己蠢:(食少一件下次一定要記得打開袋睇睇…查看更多

走出藍田地鐵站啟田道出口，這餅店就在左邊。每天早上，都有大量新鮮麵包出爐，所以每天早上都有不少人在這兒買麵包作早餐。除了麵包，這兒還出售三文治和盒裝飲品，又有皮蛋酥、老婆餅等中式餅食和西式曲奇出售，產品可謂多樣化。我這天買的丹麥條，只售8元，比不少餅店的丹麥條大很多，而且外層鬆脆，內裏柔軟，味道更很好，大推！另外想一讚這店的店員，我取得麵包後，才發現錢包中只有一張$500的大鈔，晨早用大鈔買數元的麵包，實在有點不好意思，幸好店員說不要緊，並立即為我找贖。…查看更多

本來想買麵包嘅時候, 見到個職員對一位買麵包嘅伯伯呼呼喝喝極度冇禮貌, 話唔想聽到伯伯把聲, 叫佢快啲走, 另外一位職員話唔好理佢:(:(:( 第一位客人咁差, 已經冇胃口食, 就算佢呢包幾好食都好, 還有阿伯伯是笑著的, 只係職員嫌佢煩…查看更多

:) 2018年5月18日 (星期五) 3:30pm  33°C 提供多元化麵包、西餅及飲品等。 燈光明亮，環境整潔乾淨，各款麵包蛋糕擺放齊整，一目了然。:) 吞拿魚包：HK$6.5:) 人數：1人 不用排隊 吞拿魚包 - 麵包烘焗得漲滿，色澤光亮，香草灑在面頂，賣相美觀。【推介之選】❤❤❤ 質感軟綿綿，不會乾硬。面層的沙律醬帶少許酸甜，感覺開胃，配合吞拿魚的餡料，簡直天衣無縫。 吞拿魚味道新鮮，沒有腥氣，口惑滑溜豐盈。內層餡料滿溢，絕無欺場，叫本人頓感驚喜！【 溫 馨 提 示 】：❶ 下午 5:00pm 後提供特價優惠❷ 師傅落了不少油來搓揉，使麵包軟綿，故此會比較油膩一點。…查看更多

有晚放工經過見到有摩囉酥就好想食！一問之下只係6蚊就有3個！！！即時買左三個黎試下個外皮幾鬆化，但個餡就甜左啲同比較腍！整體味道就不過不失啦，過下口癮都ok，但六蚊三個係幾抵既！------------------------------食物質素：🤤🤤🤤(5🤤最優)價格水平：💰💰(5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------…查看更多

這裏位於藍田地鐵站某個出口，人流甚多，生意很不錯。雖然是街坊麵包店，不過款式極多，除了傳統的菠蘿包和雞尾包外，沒饀的有咸豬仔、麥包、提子包、法式軟包、合桃包等。有饀的有叉燒包、吞拿魚包、芝士司華力腸包、芝士腸包、芝士磨菇包、芝士肉鬆包、豬柳漢堡包等。此外還有丹麥條、椰絲條和香蔥花，單是麵包已有十多款，往來經過地鐵站，香氣四溢，很難不幫趁的！此外還有很多中式餅食：蓮蓉酥、皮蛋酥、老婆餅、豆沙酥、合桃酥和較少見的嚤囉酥等，每個賣$4，件頭不算細。蛋撻也有酥皮和曲奇皮兩種，蛋饀滿滿的似頗足料。還有蛋糕，大件細件任君選擇。我最喜歡這裏的椰撻，大大個賣$4.5。薄酥皮底，椰絲不太甜，整個撻用油較少，拿上手也不會「油淋淋」。因此吃一整個，也較少「罪惡感」呢！…查看更多

話說小妹除左中意食麵包蛋糕之外，“撻”類都好中意架！但就一定要係牛油皮🤗🤗🤗-嗰日行落地鐵站既時侯咁岩見到有蛋撻岩岩出爐，熱辣辣"新鮮出爐"wooooooo，仲要係牛油曲奇皮架！！！咁吸引，叫我點忍手又點忍口就算有啲趕時間都要停一停，放低幾兩先蛋撻拎上手係辣手架，蛋面仲係脹卜卜添吸引到想在啖啪曬入囗-其實新鮮出爐既蛋糕好難唔好食既，而呢間個撻皮都尚算鬆化，蛋涵也夠滑身不過甜，雖蛋香未夠，但亦屬合格不過，幾蚊買到個熱辣辣既蛋撻就唔好咁高要求啦，本人就已經好滿足嚕…查看更多

一早趕時間！買兩個麵包做早餐！呢種舊式麵包店最合我心！見到玻璃櫃入面，一盤盤焗起嘅麵包！好滿足！有機會當然會試新款式麵包！但自己偏好傳統麵包！可能由細食到大，情意結！麵包款式好多，揀了芝麻包同香腸包！都係$10.5，個店員本來想分開膠袋袋麵包！不過我即食！所以叫佢唔使！服務好爽手！正常！麵包鬆軟，芝麻包咸香，香腸包香腸配麵包！好味道！而且麵包重身！唔係空氣包！食了好滿足！…查看更多

剪完頭髮反屋企，經過餅店見到不少新鮮出爐的蛋撻仁人餅店的麵包都食過好幾次了，感覺都唔錯今次買了三個麵包做下午司華力腸芝士包 、 漢堡扒包 、椰蓉包三個包之中最愛司華力腸芝士包 厚厚的司華力腸切片，上面有半溶的芝士漢堡扒包上的是一整片的漢堡扒芝士就只有少少包的質地又偏硬椰蓉包是長長的，相中是已經對摺的椰味不重，而且太膩質素真的變差了再冇下次光顧的機會…查看更多

前幾日同牙妹去買餸果陣經過,見有d餓所以買左個黎食!!其實佢既好多包,我地都已經試過,特別係椰鐽!!真係好好食,d椰絲好香,食既時候又唔會整到周圍都係!!今次買既係 : 餐蛋包!!餐肉經過焗之後冇咁鹹!!蛋好厚身,不過細片左少少!!個包面陣味好似雞尾包咁!!價錢總括黎講比較平,款式都算多!!大部分既包都好味味!!…查看更多