享樂烘焙

營業中

休息中

星期日下午，離鐵路較遠嘅地方人都好多，上次去過新蒲崗分店都幾滿意，今次又幫襯下先，舖唔大，人好多🤦‍♀️，其實都唔可以認真慢慢續款睇🤷‍♀️，作為一個抹茶控咁唔需要太多思考支持下放喺就近嘅抹茶麻糬吐司啦(其實連個名都睇得唔係好清楚😅😅，應該無打錯掛）已入好袋，攞上手幾重，有質感👍，而家市面上好多麵包都輕飄飄嘅🙄，食完都唔飽。HKD35嘅吐司無切件嘅，按形狀我分三件，咬落去濃濃嘅茶味👍, 鬆軟又實在❣，麻糬新鮮又煙韌，好高質💋，味蕾作證，無得呃😋

清新之選鹹甜檸檬蛋糕表面覆蓋一層脆脆的糖再有點鹹鹹甜甜的點綴入口先是檸檬的清爽然後是蛋糕的甜最後是一點鹽的鹹很有趣的體驗感覺再雪凍d會更好味口感會更佳下次一定買多幾件

之前已經買過幾次不過都冇影到相今次再去 特登影張相先咁就可以同大家分享 哈哈😆😆.佢兩間分店我都去過個人鍾意九龍灣分店多啲可能因為慣咗🤣🤣雖然兩間都差唔多大 大家可以睇邊間就腳啲.今次買咗4款麵包🥯🥖🥐🥨① 極濃芝士脆脆 $10(左上)② 砂糖冬甩 $10 (右上)③ 明太子法包 $20 (左下)④ 特濃抹茶麻糬貝果 $18 (右下).① 極濃芝士脆脆已經係第二次買 因為覺得幾好味😋😋有芝士醬同芝士粒係面啲醬重甜甜地不過因為係法包整體偏硬 要啲牙力呀🤣.② 砂糖冬甩🍩係因為突然好想食先買口感唔算超級鬆軟 不過都滿足.③ 明太子法包都係第二次買🤣明太子份量幾多成個包都有.④ 特濃抹茶麻糬貝果 個個都介紹佢地嘅貝果因為差唔多個個去到都會買🤣如果有留意開香港手作bagel都知依家包餡bagel都賣都成30幾蚊💸享樂啲價錢係一半咋！！不過佢地bagel嘅口感就唔夠煙銀比較似一般麵包不過佢地勝在選擇夠多👍🏻

之前每一次都係買一個麵包返屋企俾媽媽食，自己好少試麵包舖買少見少，好味嘅就肯定唔使講！其實我係想搵一間茶餐廳門口擺埋賣麵包嘅舖頭，一來越來越少啦，二來全部都大集團個包大過你個頭，我就真係麻麻！返工附近有呢間享樂烘焙，見佢整整齊齊好衛生，所以見到就算10幾蚊一個麵包都會去買曾經買過椰絲包、紅豆包、蒜蓉包、芝麻包等等俾媽媽試，因為佢鍾意簡單d嘅包，佢都覺得同佢平時樓下買$10三個嗰啲有分別，知道個囡錫佢買好嘢佢食😛我有機會試過佢嘅咖喱雞肉包、特濃抹茶焦糖三角、麻薯波波等等，因為平時都係一早買早餐嘅時候去買，完全冇機會見過佢出名既貝果🥯包，琴日年三十晚，屎忽痕走去兜咗個圈，終於見到人潮搶購貝果包 ，仲專攻特濃抹茶味麻薯添！其實本身我對於貝果包就係麻麻地，覺得個質地唔係我想食嗰種包，但係見人哋差唔多搶晒所以又心思思，呢啲就係羊群心理，終於買咗一個返嚟食。佢嘅質地同我之前試嗰間有啲分別，唔會太硬太乾，裏面嘅麻薯餡軟軟糯糥，我覺得唔錯，不過我諗我下次都係會繼續試佢唔同嘅產品！同埋如果早餐時分已經有多啲其他款式好啦🤪😋

建議：放工時段去，貨架通常都吉哂。今次好好彩 Lunch 時段去，有好多款揀😌之前特登去九龍灣朝聖享樂烘焙，點知去到個貨架連面包碎都見唔到🍞🤯 今次襯住放假再去多次👏 終於見到全場都係面包啦❤️ 今次試左：《丸久小山園》特濃抹茶拿鐵麻糬小吐司 (HK$35)一打開個袋已經好香抹茶味，拎上手都好有份量🤭 一條切開左4塊，食完一塊好滿足，好想繼續食😌不過麻糬唔係好多(5-6粒)，集中係中間既位置❤️ 淺綠色部份係抹茶面包，深綠色部份係抹茶蛋糕👍 一個面包有齊 3種口感，而且食得出抹茶味🍵下次再試下其他面包，仲有幾款大熱既 Bagel 😎 最想食既冰心包都係未遇到🤞

繼上次撲空之後，今次去到終於買到享樂烘焙~不過我放工時間去剩低嘅選擇唔多，最後就揀咗一個bagel同麻薯酥。結果佢嘅麻薯酥嚴重超乎我想像嘅味道🤩中間嘅芋泥好甜，而外皮又夠酥脆，最後中間嘅麻薯又煙韌，超多層次✨兩樣都會encore!.♦ 湯種松露芝士貝 ⋆ $20♦ 大甲芋泥麻薯酥 ⋆ $20

這家烘焙麵包店是人氣店舖，但只有九龍區的兩家分店，但仍然吸引不少人慕名而來🙈。難得經過看到，當然要買來試試，看看質素如何吧😚。💥湯種野生藍莓乳酪貝果 HKD$18，用野生小藍莓乾配上忌廉芝士製成。這個貝果的口感鬆軟，味道酸酸甜甜，既開胃又美味挻喜歡吃💕。💥湯種芋泥貝果 HKD$18，用台灣直送的大甲芋泥製成，面頭還有少量紫薯粉。這個貝果的口感較硬，味道少少甜，芋泥口感軟滑，沒有太大特別。貝果味道兩款也不同，其中一款略為有點失望，因為口感太硬，感覺像吃石頭😫。食物質素一般，價錢中等。

建議： 平日如果唔係放工係附近都真係好難買到🤣 周末早少少去，咩包都有，連芋頭酥都有👍隔離就係大渣哥，食完正餐可以過隔離掃包🤣之前早鳥訂左享樂禮盒，所以周末一早突登去轉九龍灣。入到去真係咩包都有，上次試左抹茶麻糬吐司 (有興趣可以睇番 #好好味推介 076 💚)今次試左：湯種特濃抹茶麻糬Bagel (HK$20)手心甘大，本身預左麻糬份量會好少🙈 (因為之前個吐司既麻糬份量太少) 不過見新鮮出，仲要係夾盤上面爆糬🤣 所以即刻夾左個估唔到Bagel 既麻糬量都算幾足，至少有一整舊係底層。麻糬面仲有層抹茶蛋糕/醬(？！) 包住，啲抹茶味幾濃😌 不過如果淨係食包個層，抹茶味就唔係好出濃朱古力橙香包 (HK$24)試依個包係因為起新鮮出爐，新鮮到成盤仲放緊係櫃頂攤凍，牌都未放好，就已經夾左一個去比錢🤣 所以依個包名都係估既外型好似墨西哥包，不過食落就唔似。切開個包，入面呈扭紋色，包入面有朱古力粒同果皮粒 (唔鍾意食柚子類味道既朋友仔要注意🙈) 份量都好足，切開一半都好重手，當早餐食好夠飽🤭

話說近來ig 好多bagel store本人曾係泰國食過暫時為止最最最好食既bagel然而香港未有所合心水之選.而尼間麵包店我見好多人提及亦不乏健康之人推薦早兩日見佢出團購set可恨既係睇到已過左時間可見非常搶手🤔點知星期5早上8點幾返工loop 電話見佢又出加單即刻就扑左喇！.我係真心特登揸車入去順手睇下有咩幫襯作為碳水化合物既愛好者當然唔會放過尼個機會買多幾款試試佢❤️.去到時店內非常之多人係非常之！首先行左一round周圍好多人提到:我上次食尼個好食呀:今次試下尼d 先即係有一堆固定熟客🤔🤔.眼見個伯爵茶麻薯bagel 得返最後一粒就眼明手快即拎左🤡仲拎左兩粒scone再加兩隻原味bagel驚死餓死既節奏.然而埋單時其實我仲有一set 8隻各兩隻味既團購set未拎但老娘一d 都唔後悔😹😹😹亦安慰自己其他可以放一星期應該咬下咬下就好快無.一上車即刻試左個scone 先頭一下感覺係。。下？就咁ga jar?d 人吹噓得好犀利woo其實口感同味道都唔係太強烈但 食完後又一啖接一啖好快發現手上既scone 已完結.食後感係佢既牛油香重但唔會偏甜亦都食到個咬口所以看似普通卻令你一不小心食到兩

享樂嘅麵包人人都讚 好似可遇不可求嘅冰心包 重有好味又抵食嘅bagel 但飲品又有幾多人試過呢杯醇香鮮奶小山園抹茶簡直係滄海遺珠 whole milk加上大量抹茶漿 係超濃嘅抹茶味 唔苦但有淡淡既回甘 好飲到我不斷幫襯見我老是常出現嘅善良咖啡師更加推介轉飲豆奶 用嘅係Bonsoy豆奶 同抹茶好夾 奶味無咁出反而突出抹茶味  比起鮮奶稍為稠少少 令嗰陣餘韻喺口腔入面停留耐啲 重要無牛奶咁肥 正啊!據講係九龍灣限定 所以抹茶控一定一定要試下

網上同朋友一直都介紹享樂烘焙嘅bagel 今日終於特登搭車去九龍灣到買今次買咗兩款2款bagels 一款係芋泥 另一款係藍莓芝士 呢兩款都係朋友推介因為我唔係買嗰日即刻食 所以我食之前都會放落焗爐 大約焗三至5分鐘先至食焗完之後 個面脆脆地 但入邊仲係好軟好有咬口我覺得芋泥唔算太甜 甜度適中 食落去有芋頭味 係會想再食嘅味道藍莓芝士好好味 佢有一舊cream cheese夾住左係入邊 好香芝士味 同樣藍莓亦都唔會太甜我應該會再去九龍灣 試埋其他味

成日喺IGshop見到有餡料嘅Bagel都好想買黎食，但好多時問一問價，發現都好貴，最後就冇買到。朋友向我介紹左呢間享樂烘焙，佢話啲Bagel好抵食嘅。咁啱前牌路過九龍灣，驚見呢間享樂烘焙，就入去行個圈啦。見到真係好抵買，有餡嘅都只係10幾蚊就有交易，即刻買返個黎試吓。於是我就買咗呢個芋泥Bagel，不過略嫌芋頭味唔夠重，同埋甜咗少少，但諗返佢個價錢$20有找，算係咁啦。下次經過應該都會再買。同埋見到有啲有茶味又有麻薯係入面嘅，同樣都係十幾二十蚊，抵。下次買來試吓先。

又去左買享樂Bagel😍好貪心一口氣買左兩個冰心麵包同四個Bagel😂試左原味冰心麵包同抹茶粉心麵包，超級爆餡🤣一搣開流晒出泥超興奮，食落口涼浸浸真係好岩夏天食丫🏖抺茶味仲好香添💚四個bagel 排名按個人喜好分先後：🏆伯爵黑糖麻糬貝果，好好味丫個黑糖麻糬軟綿綿，bagel有earl grey味，食第二次都仲係覺得佢第一名😋🥈抹茶麻糬貝果，唔知係咪對麻糬情有獨鍾🙈有麻糬就即刻好開心😂🥉手工芋泥貝果，本身唔係特別中意食芋泥，但見佢紫色買泥影下相，點知又幾好味播！有種淡淡既甜味💜🎖松露芝士貝果，雖然係4個入面排第4，但唔代表佢唔好味，可能本身唔係太好又甜又鹹既食物，所以無想像中咁驚喜，不過真係有好濃既松露味🍄最誇張係買多咁多麵包同bagel 都係$112😱CP值好高丫🥯唯一改善係，疫情下麵包應該包好獨立包裝放出泥會安心啲👉🏻👈🏻因為有時客人揀完無close 番個麵包隔個門，但麵包又無包膠袋⋯⋯

享樂烘焙係一間賣台式同日式麵包嘅小店，佢哋賣嘅麵包款式琳琅滿目，有牛角包🥐、貝果🥯、吐司🍞、法包🥖、鬆餅、冰心包等等，而且口味配搭新穎又好食，多到我唔知要試邊款好🤣 但重點係價錢都唔算太貴😌•貝果係最出名嘅產品之一，價錢唔算貴，當日去到仲有8款口味可以揀🤩小貼心嘅係每款貝果嘅價錢牌上面會寫晒有無包含蛋、奶、糖、牛油～等大家可以選擇適合自己嘅口味，尤其方便素食者～🥢 湯種伯爵麻糬奶茶貝果 $20價錢牌寫住呢款用上斯里蘭卡伯爵茶，加上台灣黑糖麻糬～不過就無特別寫有無落牛油、雞蛋、奶、糖，所以應該係落晒🤣 就咁望落都見到唔少伯爵茶粉，但食落聞落無乜味，呢款貝果嘅外皮硬少少，入面就口感煙韌，一切開聞到好香黑糖味，食落都係黑糖味比較濃同搶，而奶茶餡就少少偏甜，加埋一齊真係有少少黑糖珍珠奶茶嘅感覺🤣•🥢 湯種野生藍莓乳酪貝果 $18 呢款貝果用上野生小藍莓乾配幼滑cream cheese，而且寫明無落雞蛋同牛油～叮熱咗之後幾鬆軟，藍莓乾酸酸甜甜同cream cheese好夾，成個貝果嘅主要甜味嚟自藍莓乾，但都夠味又唔會太甜～•🥢 法國LESCURE草莓酥 $18呢款應該要即食先最好食，因為上面有吉

實在太鍾意去享樂烘焙🥯買包包喇，我諗唔止係我，喺唔同foodie既ig都會見到享樂包包既相，相信好多人都好鐘意💛今次忍手淨係買左兩款bagel 🥯俾自己，幫同事代購左一個～➿ 湯種擂沙芝麻貝果($18）貝果入面加左唔少黑芝麻，而表面亦都沾滿白芝麻，啖啖都咬到粒粒芝麻😉 我覺得芝麻bagel應該係咁多款之中甜度最高個個，不過都唔會太甜(知道佢地有聽客人意見，有再調整過👍🏽) 同埋覺得如果落少左糖，應該做唔到口感沙沙地既效果～➿ 湯種手工芋泥貝果($18）encore再encore既bagel口味☺️ 手工芋泥強調糖份少於5%，對我黎講，甜度的確岩岩好👍🏽 有芋香之餘，質感都好綿密！➿ 湯種咖啡𝒃𝒂𝒊𝒍𝒆𝒚𝒔貝果 ($20) 我每次打開放左呢個bagel既袋，都會好大陣咖啡味湧出黎😆 同事大讚好好食，滿足到又鍾意飲咖啡☕ 又係酒鬼一個既佢！總括黎講💁🏽‍♀️享樂湯種貝果做到軟熟而帶點兒嚼勁👍🏽即使放左雪櫃兩日再翻熱，質感不變！幫襯左七八次既我，一定會keep住支持💛