亞萊泰 (秀茂坪商場)

營業中

休息中

父親節晚餐，怕觀塘太多人等位，近近地喺屋企人附近秀茂坪商場食，原本諗住食酒樓中菜，但怕又貴又唔好食，上一層發現有間泰國菜，見有人等位，決心一試，一行6人等咗20分鐘左右有位。優惠價有3款，揀咗一個泰式明爐烏頭，泰式湯底味道ok，但略嫌配菜少咗d，條魚細咗少少，普遍是ok的，不過不失！馬拉盞炒通菜，菜是嫩口的，少少辣，份量比出面的算多，幾好食的👍泰式串燒拼盤，比較豐富，有蝦，雞翼，豬肉，羊肉，最正有燒菠蘿，肉質唔會太乾身，全部都好食😋！泰式生菜肉碎包，正常味道，如果多少少辣味會好食！會員價買一送一，芒果沙冰，芒果夠熟，好香味道濃郁👍另一款西瓜青檸沙冰，新嘢，都好味，但忘記影相。會員價的泰式火山骨配有粉絲，賣相幾好，味道都唔錯，正常味道！有d唔記得影相😅泰式蝦餅，蝦肉夠彈牙，足夠6個人食👍泰式生蝦，擺盤好靚，配有炸過的蝦頭，配上個汁係唔錯的😋菠蘿炒飯，飯炒得乾身，值得試的👍食物同服務都幾好，值得幫襯一下！

諗住食個炒金邊粉，呢啲最普通嘅野應該穩陣。都唔好講個啲賣相，有冇火候呢啲咁高層次嘅野全完唔係個回事，又淡，直情唔係個樣嘢黎，唔知食緊乜咁。個金邊粉仲要$88，根本連$20都唔值。

客少唔係無道理，態度比較差，唔好以為堂食先係咁，唔好以為外賣無事，收銀都可以令你着火。可能想行澳牛路線。食物係可以嘅，唔算太差。網上落單個平台比唔到錢。現場有銀聯貼紙但比唔到銀聯，收銀亞姐話部機無裝。

位於秀茂坪商場三樓的亞萊泰，裝潢簡樸卻充滿家庭式溫馨感，下午茶時段性價比極高 吸引不少街坊泰式肥牛湯河 ($45)湯頭清澈帶淡淡香料香氣，肥牛片份量足且嫩滑，河粉吸湯不軟爛，整體味道濃郁泰式海南雞飯 ($58)雞肉去骨滑嫩，皮下脂肪處理得宜，油飯粒粒分明且椰香撲鼻，配搭冬瓜雞湯椰汁珍多冰 +$10椰奶香濃不膩，綠色粉條Q彈有嚼勁📍地址：觀塘秀茂坪秀明道101號秀茂坪商場3樓304-307號舖

去探朋友，在附近秀茂坪商場食lunch，經過見到泰式餐廳：亞萊泰 ；之前在淘大商場食過唔錯，加上餐廳有冇咩人，於是入去試吓。招呼唔錯的，侍應姐姐非常熱情。海南雞飯配黃薑飯 $68 椰汁珍多冰 +$10黃薑飯比較硬，海南雞一般，食得出是雪藏雞。椰汁珍多冰非常好飲，椰汁味香濃。椰香青咖喱飯（牛腩） $65 椰汁紅豆冰 +$10青咖喱非常香濃，撈飯一流，但牛腩非常少。椰汁紅豆冰，椰汁味香濃，紅豆腍甜，很不錯。碳燒豬頸肉配黃薑飯 $68炭燒豬頸肉香口好食，黃薑飯都是偏硬。價錢唔貴，服務還可以，但肉類份量偏少，飲品反而加分。

食物方面：蠔仔炒蛋：煎蠔餅食得多，蠔仔炒蛋好小見有得食😂熱辣辣😆好夠味😋半隻海南雞：雞肉都幾滑😆😆😆生菜包：肉粒辣辣地，幾開胃😆味道都好足😋椰汁糕：配埋甜品好滿足😆😆😆甜品椰汁味唔突出～泰奶：唔建議少甜，甜度剛剛好😆😋服務方面：ok環境方面：唔錯性價比方面：好高，上面食物加埋$300就ok如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

食物方面：炒金邊粉：好香好惹味😋😋份量多😆😆雜菜粉絲：下面有火，可以keep住食到熱嘢，好正😋😋火山骨：3大舊豬肋骨，好嫩滑，好多肉😆😆😆湯底辣辣地，好惹味😋下面有火一直熱住！甜品：都ok，椰汁香味可以再重啲😆泰奶：甜品適中，有香草味👍🏼服務方面：ok環境方面：ok性價比方面：以上是二人餐，不用$300，有咁多嘢食👍🏼如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

餐品份量足，賣相挺好看。冬陰功湯濃味濃稠（鹹），生蝦好吃，火山骨酸辣開胃，新鮮青椒與青檸🍋‍🟩味道合拍。吃不了辣的可能要考慮一下。菠蘿蘇打：氣不足，但是菠蘿還行。 不過飲品還有其他選擇，看起來都不錯，比如椰汁紅豆冰。蝦頭油炒飯很多小蝦，但是也只能算正常味道。 小吃品盤中規中矩。（這次點的雙人套餐，但五個人吃都還可以）環境：餐廳环境看起来比较干净，可是能提供给大人数顾客的台面不夠，只能搭枱。有少少迫。

食物質素無問題但員工就真係有問題我落單自取時只係10:35，家人10:42到店，家人示意攞早餐，有一個女職員晦氣咁跟我家人講：「11點啦喎！無早餐啦！」家人好愕然話未夠鐘，此時男收銀員向女職員示意早餐並未暫停，女職員才收聲離去剛開業無幾耐，第一次幫襯叫早餐就有咁嘅體驗，真係無言之後要再考慮一下仲會唔會幫襯呢間店

啱啱新開的舖，水準唔差，但就是太多人了。排咗半個鐘先入到去。佢哋個泰式奶茶都幾滑下，不算太甜，剛剛好。早餐嘅魚柳幾大條有炸得幾脆。但服務員有啲戴口罩有啲唔戴口罩，同埋可能比較忙，佢哋講嘢好快，冇乜耐性

D野食真係好麻麻，無話太差但又絕對不是好食嗰亭，再者餐牌上菜式的款式選擇實在很少而且價錢在秀茂坪地區黎講並不便宜，一家老幼計計埋埋消費可真不少呢。衛生方面，可能都係新開張原故，整體都較為企理乾淨，至於員工方面，多說話少做事，大部份態度令人感覺到極其傲慢和不友善，尤其是那位黑衫黑褲既男店長和帶了口罩那位樓面大家姐😮‍💨😮‍💨總括而言，附近並沒有其他好的泰國餐廳，所以我相信客源方面佢係會有，但如果不繼續改善員工表現及出品質素，應該還有其他選擇所以下次可以毋須幫襯了。

一定要在門外撳飛等叫號碼才可入座,等了兩張,店員話要同前一個人搭枱,緊係唔搭啦！就再等,於是安排了入座最入兩座位,但係要曬住背嚟食,冷氣已不夠,仲要曬住有D熱,食物一般質素,凍飲夠大杯,但整體感覺不是太好,部份員工有帶口罩,剛巧無帶口罩一位員工拿住碟多士腸仔蛋準備給我時,居然向着我碟食物同外面人說依度有位,噴晒口水,oh my god！幫襯一次無下次！