亞答屋

營業中

休息中

中環原來有一個咁正既地方，都係今日先知道。幾岩遊客來既一個地方，有唔同國家既美食同精品。而且價錢都唔太貴，今日試左呢個$72蚊港紙既海南雞飯。真心覺得唔錯，啲雞肉都好滑。唔鞋口！同埋幾中意個三個醬汁既味道，中間紅色個個本人覺得係最好食既。同油飯都好香好香雞油味，係會令人一食愛上的感覺。但個湯就一般般啦，我覺得有點過咸了。成碗湯覺得只有咸味，食唔到有其他味道。如果佢地改一改良個湯的話，呢一個套餐就真係完美了。

來到中環街市差唔多2點，見到Attap 2點就開始有下午茶餐😍 個餐牌咁吸引，當然唔介意等一下啦！海南雞飯 （$72）份量十足的無骨海南雞🐓皮脆肉滑，仲有雞油香。跟餐配有蘇東魚丸雞湯，兩粒魚丸，非常爽口彈牙，仲有2粒魷魚，吊起雞湯嘅鮮味。新加坡大蝦喇沙摻摻($68)呢個喇沙賣相非常靚又足料，有4邊蝦有魚蛋魚片絲脆蒜，仲有半隻蛋，吸哂湯嘅豆卜😍濃濃椰香味嘅湯底帶少少🤏辣，一咬落舊豆卜度就好似飲咗啖湯咁。半熟蛋 配 咖吔多士($36)半熟蛋配有專屬豉油，非常特別。多士用麥包來做，好脆身但比較薄同細件，加入咖吔同牛油，食落去未夠口感，但味道一流。新加坡鹹蛋黃單骨雞翼（$56/ 8pieces)香脆可口、帶有少少甜的單骨雞翼，咸蛋味可以再重啲就會更加好味。

餐廳：Attap地點：中環街市菜式：新加坡菜餐牌：平日下午茶餐牌有8款選擇，有飯有沙律有肉有小食海南雞飯配蘇東魚丸雞湯 $72海南雞有雞脾有雞胸肉有雞翼，雞皮好薄，都好多肉食，質感唔錯，都好嫩口。跟有三色醬汁，包括甜豉油，辣醬同姜蓉，令雞肉更好味道！伴有幾片青瓜。雞油飯偏乾身，又香又好食。蘇東魚丸雞湯有兩粒魚蛋，仲有脆口八爪魚粒，個湯都好清。亞答慢煮豬手原隻 $148亞答慢煮豬手超大份，已經切到細細件好易食。豬手塊皮超彈牙，脂肪唔算多，肉質我都覺得好嫩，而且味道入味，好正！配有兩細兜酸辣汁，點黎食更惹味！豬手伴有糖心蛋一開二同鹹菜。呢份主菜有呢個份量都好抵食！上菜好快，中環食lunch人士可以考慮試試。

Attap located at Central Market serving casual southeast cusine - specializing a signature dish of each country including singapore hainanese chicken rice 🐥 malaysia trotter rice 🍖 and thailand vermicelli 🥢亞答屋喺中環街市入面 主打星馬泰各國招牌菜 包括星加坡海南雞飯 🐥 馬來西亞慢煮豬手 🍖 泰國撈檬 🥢🐥海南雞飯 配蘇東魚丸雞湯 hainanese chicken rice with sotong fish ball soup HKD$72海南雞無骨係基本 😋 啖啖肉 肉質嫩滑配黑醬油 🖤 酸辣汁 🧡 薑蓉 💛 個人就只喜歡黑醬油 甜甜地油飯香 唔會太乾 唔會太油膩 🍚如果想健康啲可以轉白飯 🌱蘇東魚丸雞湯湯底鮮甜 魚丸彈牙 🥣下次有機會一定會試埋馬來西亞慢煮豬手 🍖 泰國撈檬 🥢

今日去完大館參觀，沿住電梯去到中環街市行下，順便食個lunch，朋友見到呢間話想食，我地就揾個位坐底。呢到係food court咁，自己揾位坐叫野食自己拎餐。酸辣鳳爪鳳瓜已經去哂骨，啖啖肉，味道酸酸甜甜，我自己唔食得辣覺得好辣，朋友就超級中意。古法魚皮出面好少地方有得賣，見到有就叫左一份，魚皮超級爽脆，處理得好完全無腥味，加左大量芫茜味道香口。會安雞絲扎肉檬粉雞絲嫩滑，檬粉入口幼滑，湯底清甜。蓮藕蝦餅蝦餅鮮味十足，爽口彈牙，加左蓮藕口感豐富。

今個星期試了2間不同店舖嘅海南雞飯，呢間份量好足，但飯身偏硬左D,吾知係咪未焗透，但去骨雞肉好滑，同別家不同的是呢間幾有雞味，值得－試👍餐跟－碗肉丸湯，味道有啲淡。

[ Attap ]中環街市翻身後重開，越來越多美食，估唔到有另一番風味，food court 形式既自助點餐，可以食好多唔同種類嘅嘢。✿ 蕃茄蟹膏蟹肉蝦丸扎肉湯檬🍅🍅 $72包含蟹膏、蟹肉、蝦丸、扎肉，搭配蕃茄汁，湯汁鮮美，好濃烈，重口味既一定鐘意呢個檬粉🤤🤤。✿ 海南雞飯 配 蘇東魚丸雞湯 $72海南雞肉嫩多汁，油飯都好香口，配埋個蘇東魚丸雞湯色香味俱全，味道濃郁，圓圓既魚丸，口感Q彈多汁，不錯👍🏻。✿ 半熟蛋配 咖吔多士 $36蛋白半熟嫩潤，配埋咖吔既椰香味，厚厚既牛油，果然係夢幻美食組合😍😍。✿ 新加坡鹹蛋黃單骨雞翼 (8PCS) $56新加坡著名小食，色香味俱全，外脆內咸，炸得好酥脆，食落好邪惡呀！總結🫦中環街市裏面有唔同種類嘅美食，鍾意食星加坡菜嘅不妨一試，性價比高，點餐後可以同朋友慢慢食慢慢傾計😎。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Attap地址：中環皇后大道中93號中環街市地下G17號舖電話：✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

冇落filter, 個豬手真係咁既色😂啲肉好淋，同啲豬皮一夾就分開左。本身見menu寫住推薦，個心都帶少少期待，以為會好好味，果然有期待就會有失望其實係好普通既豬手，不過個飯都唔差。湯就比較似味精湯

喺中上環活動時encore了無限次的食店。水準穩定，坐得舒服。傍晚時鍾意坐喺已收工的水bar，非常romantic.白天坐近中庭享受日光和空氣也很寫意。海南雞不太肥，油飯可轉白飯，但因為少人食白飯所以唯一一次唔新鮮。附送的魚蛋湯較濃味，通常食咗魚蛋同章魚就算。週末的午飯人多，唔知有冇關，豬手都好似又肥又冇上次咁好食。不過仍然覺得係呢一區的好選擇。另外，最近會用手提電話程式叫埋其他餐廳嘅嘢食。一次過滿足晒所有願望～ 多人用餐之選

Got off work late today and was too lazy to go home and cook. So stopped by central market to grab a meal. Decided i wanted a rice dish and ended up opting for the trotter rice with sotong fish ball chicken soup which costed $80. The trotter was very soft and basically fell off the skin. The egg was also cooked to perfection. I also liked the sauce, but the highlight was definitely the rice which was soo flavourful! It had a nice oily aroma and I gobbled up the dish in no timr

Attap今晚去左中環街市搵野食😻原來夜晚去都唔太多人，幾好😆有戶外座位亦有戶內位置💁🏻‍♀️我地簡左Attap 💁🏻‍♀️同埋Pulau💁🏻‍♂️兩間餐廳🍴食我地嘅晚餐🤤……….🐷亞答慢煮豬手飯(配蘇東魚丸雞湯)($68)豬手好淋身，入口即溶😻😻我感覺到滿滿嘅膠原蛋白😂😂🇸🇬新加坡大蝦喇沙摻摻/米線($68)湯底唔辣，但係湯底味好濃郁，如果可以加點辣更加好🤤賣相好靚，有蝦有魚蛋，亦有蛋，好多配菜💁🏻‍♀️🥪半熟蛋配 咖吔多士($36)多士好脆身，咖吔甜甜地好好食🤭🐷參峇醬燒豬頸肉($82)豬頸肉燒得乾身，唔油膩🤤，食咗都唔怕肥🤭……….原來中環街市餐廳都好多選擇，同朋友去可以各自食唔同嘅餐廳🤤有多打卡位😌📸……….

今日黎到中環街市走走，因為節日嘅關係，場內有人表演，但係時間仲早，所以人流少。行咗咁多次，今日係第一次係度食嘢。街市入面餐廳選擇多，總有一間會岩你👍🏻選擇困難症嘅我，行咗幾個圈終於揀到餐廳😆用餐位置有分室內同室外，今日天氣唔錯，又有陽光，想坐室外，不過已經無位了，所以最後坐室內。亞答慢煮豬手飯 配蘇東魚丸雞湯 ($80)豬手份量一啲都唔孤寒，每件啖啖肉，而飯係配油飯😋跟餐會配蔥醬油汁，點豬手食唔錯，令豬手食落無咁膩，不過肉有點硬。除咗豬手，仲配半隻溏心蛋🥚食飽飯後，試一試個雞湯。湯好清，唔油膩。有兩粒魚蛋，好彩嘅話，會有一粒海鮮😂主食好濃味，相比下湯較淡味，可以用作解膩，不過始終味精湯，飲完好口渴。喺任何餐廳消費，憑單據當日都可以去《果言》買飲品有9折。街市內可以用手機點餐，一次過就可以睇哂全部餐廳嘅餐牌。先揾位坐低，再慢慢揀食物，點餐過程算方便。總結整個用餐，我個人唔太推薦哩間餐廳。食物唔係即叫即整，所以温度唔夠，温度微涼。下次有機會的話，會試埋其他餐廳🍴如果大家鍾意行小店，中環街市值得一行👍🏻又有裸買店👍🏻

中午去中環買野，順便食埋個午飯至走。好欣賞翻新咗之後既中環街市，多打卡位之餘又行得舒服。行咗一圈決定東南亞菜，點咗手工扎肉雞絲撈檬（$72），再去埋隔離既姊妹店Pulau食胡椒豬肉串（$48）。前排涼咗但今日熱返，好啱食撈檬。檬粉清爽幼滑，配上扎肉同雞絲，既清新又健康；再加埋酸酸甜甜既撈檬汁，食落更醒胃。胡椒豬肉串即叫即整，食既時候仲熱騰騰香噴噴。初時擔心胡椒味太重，但食落又啱會wor, 加上咬落去好juicy。想食辣既仲可以點辣醬，味道唔錯，下次會再食~

星馬泰嘢最啱我口味😎中環街市真係好好hea~放工唔知食咩最鍾意嚟呢度打躉食物又平又有質素泰式豬手飯～早咗收工六點前嚟仲係下午茶價份量同晚市其實一樣啲豬手成碟滿晒炆到好入味好腍仲配上酸菜中和返啲油膩感香茅飯香得來又唔會好油 抵讚海南雞飯啲雞好滑有雞味仲有兩層夠晒份量飯類都配有魚蛋清湯個湯似係冬瓜湯再配兩粒魚蛋清清地幾好味呢度嘅王牌個人覺得係喇沙可以簡摻摻或者米粉我就鍾意地道嘅摻摻油面配米粉呢個組合口感最好喇沙個湯底好夠厚又有蝦嘅香味啲豆卜吸晒啲汁仲有魚蛋、魚片絲、雞蛋、鮮蝦、蘆筍、芽菜如果唔係怕肥我一定成碗連湯飲埋重點咗個胡椒豬肉串勁香胡椒味而且用粗竹串住個presentation 超美！

今日過咗嚟中環，朋友喺萬邦行返工，陪我食咗個快lunch💨揀咗喺中環街市呢間新加坡菜，呢度係自助形式嘅，自己先俾錢order ，然後自己拎，我哋揀咗坐outdoor 位置，幾舒服，可以對住好多植物食嘢😆兩個人揀咗👇🏻亞答慢煮豬手飯配蘇東魚丸雞湯$68亞答冰鎮鮑魚（4pcs)$128酸辣鳳爪$62豬手非常軟腍而且又入味👍🏻雞油飯粒粒分明好香，魚丸湯好鮮甜，好飲😋如果可以多幾粒魚丸就更加好啦😁呢個性價比高，好味得黎價錢又抵👍🏻冰鎮鮑魚非常爽口彈牙👍🏻朋友讚不絕口，酒香味唔算太重，唔鍾意酒味嘅朋友都食唔到酸辣鳳爪呢個又幾好食，酸同辣個比例啱啱好，而且個份量都唔少😋食咁多間酸辣鳳爪，呢間一定係三甲之內呢間啲嘢食真係唔差🤤但係就冇提供飲品，如果要飲嘢嘅朋友可能要喺附近買，或者喺cashier 前面可以拎水🙌🏻