亞答屋

營業中

休息中

今日黎到中環街市走走，因為節日嘅關係，場內有人表演，但係時間仲早，所以人流少。行咗咁多次，今日係第一次係度食嘢。街市入面餐廳選擇多，總有一間會岩你👍🏻選擇困難症嘅我，行咗幾個圈終於揀到餐廳😆用餐位置有分室內同室外，今日天氣唔錯，又有陽光，想坐室外，不過已經無位了，所以最後坐室內。亞答慢煮豬手飯 配蘇東魚丸雞湯 ($80)豬手份量一啲都唔孤寒，每件啖啖肉，而飯係配油飯😋跟餐會配蔥醬油汁，點豬手食唔錯，令豬手食落無咁膩，不過肉有點硬。除咗豬手，仲配半隻溏心蛋🥚食飽飯後，試一試個雞湯。湯好清，唔油膩。有兩粒魚蛋，好彩嘅話，會有一粒海鮮😂主食好濃味，相比下湯較淡味，可以用作解膩，不過始終味精湯，飲完好口渴。喺任何餐廳消費，憑單據當日都可以去《果言》買飲品有9折。街市內可以用手機點餐，一次過就可以睇哂全部餐廳嘅餐牌。先揾位坐低，再慢慢揀食物，點餐過程算方便。總結整個用餐，我個人唔太推薦哩間餐廳。食物唔係即叫即整，所以温度唔夠，温度微涼。下次有機會的話，會試埋其他餐廳🍴如果大家鍾意行小店，中環街市值得一行👍🏻又有裸買店👍🏻

中午去中環買野，順便食埋個午飯至走。好欣賞翻新咗之後既中環街市，多打卡位之餘又行得舒服。行咗一圈決定東南亞菜，點咗手工扎肉雞絲撈檬（$72），再去埋隔離既姊妹店Pulau食胡椒豬肉串（$48）。前排涼咗但今日熱返，好啱食撈檬。檬粉清爽幼滑，配上扎肉同雞絲，既清新又健康；再加埋酸酸甜甜既撈檬汁，食落更醒胃。胡椒豬肉串即叫即整，食既時候仲熱騰騰香噴噴。初時擔心胡椒味太重，但食落又啱會wor, 加上咬落去好juicy。想食辣既仲可以點辣醬，味道唔錯，下次會再食~

星馬泰嘢最啱我口味😎中環街市真係好好hea~放工唔知食咩最鍾意嚟呢度打躉食物又平又有質素泰式豬手飯～早咗收工六點前嚟仲係下午茶價份量同晚市其實一樣啲豬手成碟滿晒炆到好入味好腍仲配上酸菜中和返啲油膩感香茅飯香得來又唔會好油 抵讚海南雞飯啲雞好滑有雞味仲有兩層夠晒份量飯類都配有魚蛋清湯個湯似係冬瓜湯再配兩粒魚蛋清清地幾好味呢度嘅王牌個人覺得係喇沙可以簡摻摻或者米粉我就鍾意地道嘅摻摻油面配米粉呢個組合口感最好喇沙個湯底好夠厚又有蝦嘅香味啲豆卜吸晒啲汁仲有魚蛋、魚片絲、雞蛋、鮮蝦、蘆筍、芽菜如果唔係怕肥我一定成碗連湯飲埋重點咗個胡椒豬肉串勁香胡椒味而且用粗竹串住個presentation 超美！

今日過咗嚟中環，朋友喺萬邦行返工，陪我食咗個快lunch💨揀咗喺中環街市呢間新加坡菜，呢度係自助形式嘅，自己先俾錢order ，然後自己拎，我哋揀咗坐outdoor 位置，幾舒服，可以對住好多植物食嘢😆兩個人揀咗👇🏻亞答慢煮豬手飯配蘇東魚丸雞湯$68亞答冰鎮鮑魚（4pcs)$128酸辣鳳爪$62豬手非常軟腍而且又入味👍🏻雞油飯粒粒分明好香，魚丸湯好鮮甜，好飲😋如果可以多幾粒魚丸就更加好啦😁呢個性價比高，好味得黎價錢又抵👍🏻冰鎮鮑魚非常爽口彈牙👍🏻朋友讚不絕口，酒香味唔算太重，唔鍾意酒味嘅朋友都食唔到酸辣鳳爪呢個又幾好食，酸同辣個比例啱啱好，而且個份量都唔少😋食咁多間酸辣鳳爪，呢間一定係三甲之內呢間啲嘢食真係唔差🤤但係就冇提供飲品，如果要飲嘢嘅朋友可能要喺附近買，或者喺cashier 前面可以拎水🙌🏻

中環街市食嘢 坐得舒服 而且時不時會有唔同嘅展覽晚餐 食海南雞飯嘅好選擇 ⭐️海南雞飯set 配蘇東魚丸雞湯油飯好香 軟硬度適中 🐥 雞肉好軟滑 而且唔會會好肥食埋雞皮都唔會有so味 ⭐️煙鴨胸飯 鴨胸份量好多 而且煎得好香 配上油飯非常好味 仲有青瓜 糖心蛋 炸魚仔配菜 份量都幾多 ⭐️串燒拼盤 蝦🦐 已經剝咗殼 燒得好香 🦑燒魷魚鬚 非常推薦 燒雞肉串 🐣 雞肉好香 非常抵食 傳銷嘅醬汁有香茅味 東南亞沙嗲好抵食嘅價錢喺中環食餐簡簡單單嘅晚飯 👍🏻

今晚和朋友在中環街市地下Attap吃晚餐，朋友話她午飯時常來，因合口味又性價比高。我吃完都非常滿意，多謝她的推介，下次來中環又多一個吃飯的好地方。朋友話Attap的海南雞和豬手飯都好正。因我今日午餐已吃雞，便選了:阿答慢煮豬手飯配蘇東魚丸雞湯($80);檳城蝦麵($78); 和香辣大蝦串燒($68)。豬手很美味，豬皮香滑充滿骨膠原，豬手肉鹵得入味，夠淋有肉香，趁熱吃好正。醬汁酸甜辣惹味。魚丸彈牙，雞湯不錯。檳城蝦麵也很有水準，湯底甜，蝦美味，麵有質感，配料足。香辣大蝦串燒惹味，蝦肉甜，一份五串，抵食。食物份量足，兩個人都吃得又飽又滿足，人均消費$110左右，不用加一，在中環算好抵。店員很有禮貌，樂意向顧客介紹食物和落單程序。下次再試海南雞。

亞答慢煮豬手飯 $80慢煮豬手煮得好軟腍，肥度適中～滷汁鹹中帶少少甜，豬手好入味，惹味‼️另外伴碟有大量酸菜，可以解膩～配油飯，飯粒粒飽滿有彈性 正💕海南雞飯 $82海南雞已經去咗骨，啖啖肉夠晒滿足😝雞肉嫩滑，完全唔會有雪味～味道亦都啱啱好，就算唔點汁都得😋兩個餐跟配一碗蘇東魚丸雞湯，入面有有2粒魚蛋，另外仲加咗章魚粒😋清新雞胸肉沙律 $68慢煮雞胸肉超嫩～沙律菜好新鮮～爽口‼️再配上車厘茄、藍莓～refreshing 💕中環街市翻新之後，整體環境舒服咗~多咗餐廳進駐，選擇多之餘同事提供大量座位👍🏻Attap (中環)中環皇后大道中93號中環街市地下G17號舖

近呢一兩年中環街市翻新咗之後我同朋友都好鍾意去。環境好chill又有氣氛，佢唔係好似fine dining咁樣食奢華，free style 得來好好feel。呢個場最正就係飲返兩杯，淨飲唔食嘢唔得點，食過咁多間，呢間亞塔算係我嘅首選。海南雞嘅肉質好滑，雞皮脆口，連皮食一啲都唔油膩，起咗骨啖啖肉，點埋啲醬汁，送酒一流。慢煮豬手肥瘦適中，豬手嘅皮充滿骨膠原，肥肉部份好香，瘦肉部份有質感有豬肉味，調味香料用得好好，最正就係配埋少少雪菜一齊食，可以帶出豬嘅風味，又開胃啲，真係可以飲多兩杯。

原來中環街市哩度，都有一間幾唔錯嘅東南亞餐廳！🐷607亞答慢煮豬手(原隻) 低溫慢煮 $148，原隻豬手，真係好吸引，🥢而且炆得夠軟腍，點埋泰式嘅秘製醬汁，更加入味。🦆904 娘惹茶燻鴨 配：雞油香飯及蘇東魚丸雞湯 $82，套餐已經包埋飯同埋湯，🍚所以性價比幾高。鴨肉食起身帶有少少煙熏味，非常誘人。⭐Attap Trotter (Whole) ⭐Nyonya Smoked Duck Breast w/ Rice in Chicken Oil & Sotong Fish Ball Chicken Soup

Attap 亞答屋阿塔慢煮豬手飯+蘇東魚丸雞湯 (推介指數：🐾🐾🐾）呢個就唔係虎媽嗌嘅😮‍💨, 不過都有食咗啲豬手。虎媽覺得煮得幾淋😍同埋好入味, 同外表就有啲唔同🤣。如果你鍾意食豬手嘅話, 都可以一試👍🏻~~烤豬頸肉撈檬 $76(推介指數：🐾🐾🐾🐾🐾）虎媽覺得天氣真係太熱🥵, 所以就食檬粉。豬頸肉賣相就唔錯🤩啦, 虎媽就嫌味道鹹咗少少。而檬粉醬汁都好好味, 酸酸甜甜, 非常之開胃而且好清爽。呢啲天氣真係要食檬粉呀😏~~~~總括嚟講，虎媽會推薦呢度嘅慢煮豬手飯，豬手真係非常夠淋, 好好味道😋。而店員嘅服務態度亦都好好, 例如:見到虎媽食檬粉, 就會提醒如果需要多啲檬粉醬汁, 可以再過去拎。*以上食評為個人食後感*五隻腳印為滿分

中環街市開左一段長時間都未食過，好似bar咁既音樂。活化成一個幾chill又另類既food count。今日細心D睇啲價錢，發現都唔係好貴，就食個七夕情人節飯！先來一個串燒拼盤 $78，有三款食物！雞肉串大大串，點個似辣醬又唔係既！有啲似喇沙沙麵既醬。雞肉有啲香草配搭，都幾大件！大蝦串係去埋殼，正正！解放下雙手！幾爽口，個醬不錯不錯！魷魚鬚中等size，比我想像中細左少少。不過好處係易咬好多，大條個啲好多時好難咬開。蘇東魚丸雞湯冬瓜味道好重，再加上有香蔥幾重味！仲有小驚喜，湯入面有魷魚碎提鮮！海南雞飯配蘇東魚丸雞湯 $82海南雞肉嫩帶光澤，唔會乾巴巴，有帶油脂既！亞答慢煮豬手飯配蘇東魚丸雞湯 $80見話慢煮就叫左，本身想叫瀨沙既！慢煮豬手未食過，就想試！豬手大厚件！加少少酸菜食解一解豬皮油，豬皮食少許有膠質，好入味。以價錢來講，慢煮幾入味又唔會話老柴肉！

今日星期六去中環行街，食晏時間去左活化中環街市醫肚😙地方乾淨企理，見多人order 呢間舖頭嘅海南雞🐔飯，和烤豬肉🐷撈檬，就試下啦。海南雞飯🐔+蘇東魚丸雞湯 $82呢個餐係人氣推介🌟，海南雞飯🐔份量足夠，雞肉嫩滑，好淋好味道，伴以青瓜作配菜，有3種調味料，加埋醬油食好香口。香油飯🍚也值得一讚，油份量啱啱好，油香味濃，唔會乾又唔會太油。呢個套餐奉送魚丸雞湯，味道不錯。烤豬肉🐷撈檬 $76賣相唔錯，檬粉好滑，烤豬肉皮脆肉嫩，有口感。肥瘦適中，恰到好處😋呢間餐廳食物高質，雖然價錢貴一點，但也算物有所值。

今天去中環恆生總行辦完事情，見到對面馬路原中環街市舊貌變心顏。急不可待地去走走逛逛，不知不覺到午餐時間了，地下food court開有多家特色小吃店。我們選擇了Attap品嘗地道的新加坡美食。號稱豬手王的亞答慢煮豬手飯是必點的，慢煮的豬手好冧，肉質軟腍，肥瘦相夾，入口即化，口感豐富而有層次，配有糖心蛋和酸菜，下飯一流。招牌菜海南雞飯，雞肉好淋無骨，肉質嫩滑，油飯雞油香味濃郁又唔會太油膩，夠水準。套餐都配有蘇東魚丸雞湯，鮮美好飲夠健康。鮮亞答冰鎮鮑魚，大大隻1份有4粒，帶有少少海水鹼味非常新鮮，鮮甜彈牙有嚼勁，性價比超高，現在天氣熱吃上冰鎮鮑魚，舒適又開胃。

難得Weekday約咗朋友食飯，今次第一次喺中環街市食正餐。今次就一次過試咗兩間都幾經濟實惠嘅新加坡菜餐廳🇸🇬，而家先介紹以海南雞飯/豬手飯為主嘅ATTAP!🌟亞答慢煮豬手飯配蘇東魚丸雞湯慢煮豬手嘅皮帶點煙韌，連埋豬手嘅少量脂肪同埋肉，真係好正！豬手🐷用上慢煮方式烹調，所以肉質能保持嫩軟同腍身。配上酸菜食可以解膩，醬汁就用上酸辣汁🌶，辣度頗低唔太明顯，容易入口😛。🌟烤豬頸肉撈檬要先讚下檬粉底充滿米香，夠曬清爽，再撈埋魚露甜酸汁，夏天食岩曬！至於豬頸肉烤得香脆，肉質亦夠曬爽口，略帶少少脂肪充滿油香。

話說呢日我同個frd放咗工之後，相約咗喺中環食飯。大家都好似未去過中環街市，所以就一齊去咗行吓。咁啱就見到呢間新加坡菜，見到個名咁得意就食吓～～·亞答慢煮豬手飯🐖最鍾意食無骨嘅豬手～亦都係因為佢慢煮，所以整到好冧好入味，嗰啲甜甜嘅滷水汁係滲入咗所有嘅豬手皮同肉。食落係好惹味，仲要跟埋個酸辣汁，加埋就更加開胃好味😋！！·蘇東魚丸雞湯🐓魚丸魚味十足，清雞湯亦都好鮮甜，可以話係中和咗食物味道比較濃嘅主菜。飲落係舒服嘅！！😆·海南雞飯🐓無骨嘅海南雞係基本啦～我好驚食好多肥油又太肥嘅海南雞🫢，不過今次佢肥瘦度控制得好好，有少少油香，雞皮又唔會話太肥，肉質鮮嫩，食落又唔會黐牙，係唔錯嘅！望落去亦都整列得好整齊美觀，份量亦都好夠，油飯嘅質感又唔會話太油太濕，所有嘢都配合得幾好！🤭·亞答冰鎮鮑魚鮑魚本身係醃咗有啲味嘅，咁冰鎮就即係冷盤啦～好適合呢輪又熱又濕嘅天氣食，起碼易入口啲先～鮑魚嘅鮮味再加少少醃咗甜甜鹹鹹嘅味，食落係夾嘅～再加多少少🤏🏻酸薄荷汁，就有提鮮開胃嘅效果～～😬·食飽就同個frd喺中環街市四周圍行吓，咁啱又撞正佢嗰個期間限定嘅微型藝術展，將香港唔同時間、唔同地區，用模型一一呈現晒出嚟！我