亞參雞飯 (黃埔天地奇妙坊)

營業中

休息中

成日都見到「尋覓99分海南雞飯」，今日終於試到亞參雞飯，心入面都好期待，因為佢slogan同個店名講到咁，我哋當然要點招牌中嘅招牌—— 經典海南雞飯！🐔去骨海南雞嘅雞皮晶瑩剔透，而搭配雞肉的油香飯粒粒分明，每一口都蘸滿了濃郁的雞油香氣，當然就要配埋三大靈魂醬汁🥣：酸甜辣椒醬、濃郁黑醬油同薑蓉，味道層層交疊！不過雞肉比想象中冇咁滑，由於抱住好大期望食，所以覺得有少少可惜，大家有興趣都可以試下！📍 亞參雞飯

其實你地黃埔天地分店d員工真係好過分，一家六口係門口等位，有老人家有大肚婆有小朋友，等咗一段時間，終於入到去。坐落去點餐，星期日7點幾咋，點完同我地講仲有三隻雞但全部已預訂，唔俾得你地，亞參雞飯無雞食，禁都算。我地見無雞可以點，唯有走。一句都無抱怨同時，行出店個短髮女經理同我地講［唔食咪唔好食囉］其實你真係無雞可以賣，點解我地等位時唔講，一家大細等位等完，入到去點餐先講，我地走時仲要單單打打。你地d員工真係一言難盡，食個飯食唔到搞到好係乞食一樣，仲要侮辱人，真係有無搞錯😡

下午茶時段只有六成桌枱有客，入座後遲遲都無提供QR code票給予落單，要召喚職員即場撳機下單，茶餐追加雙併小食，只有豬肉串、熱飲會跟主食上餐，當食完碗麵及豬肉串後幾分鐘，仍未見咖吔多士蹤影，以為剛才幫落單職員漏入多士單，但翻查QR code手機資料後是有的！而隔離枱遲十幾分鐘入座的食客所叫的咖吔多都已上枱，而當追問職員時即話：已知、做緊！但，又係要等多幾分鐘後才有呢！

叫了咖央多士和熱馬拉拉茶 ，結果多士係凍 ，拉茶微暖 唔夠5分鐘凍了.問店員多士是凍的，店員回應如果多士是熱那麼中間塊牛油會溶.聽完都o咀. 當時舊牛油喺雪櫃攞出嚟硬到不得了.食麵包不是要熱食的嗎？牛油要半溶咁先好食. 希望店主改善一下上菜速度.

今日陪兒子來到黃埔店，下午繁忙的時候，叫了一個喇沙米線，下午茶餐多士配斑蘭咖啡，正👍服務態度表現不錯，原來這個同事專門收拾乾淨，及安排客人等待入座，有耐心聆聽客人的需求及改善！我在旁觀察，這態度不錯，令人覺得香港的服務業也是不錯，希望繼續保持現狀的服務，我與家人對黃小姐的服務態度的印象不錯！對待客人的笑容😊可加分👍最後都讚下食品還是不錯，會繼續幫襯！介紹下別人！相信店長也付出不少努力！才有這樣的質素！最後想說清潔還是做得不錯，看到桌面，椅子都很乾淨！沙發的污漬難免有些少，很少見到現在的餐廳這麼乾淨，這店看起來令人很舒適！平時的清潔也是落力吧！希望貴公司生意興隆，繼續堅持做好服務！

这家店的服务态度很棒！每一个人都非常热情，并且面带笑容的服务我们。店员推荐的油鸡饭真的很惊艳，香茅薄荷饮也很特别。是非常正宗的东南亚风味。下次还会再来！超级推荐！

經過見到有無骨海南雞飯就同friend入咗去睇完menu最後決定試埋豬手飯雞肉幾嫩 啲飯粒粒分明 豬手好入味 肥而不膩服務唔錯 上菜快手 下次趕時間又多一間餐廳揀👍🏻

叫咗個少甜奶茶，最後嚟咗，又甜又凍。跟住我哋要求可唔可以換，又唔肯，話係咁樣。最多俾杯熱水你自己去溝。跟住，服務員根本都唔想同你傾，轉頭走咗去，睬都唔睬你，真係唔知乜嘢服務態度。叫咗第二個過嚟，都係咁樣，根本都唔想理你。平心而論，啲嘢食還可以，但係一啲都唔平，而且咁嘅服務態度，一定冇下一次！後來俾錢仲經典，一定要問我攞現金，八達通收費要俾手續費，我話，你擺得個八達通機出嚟，就預咗俾人用。搞咗一輪，先至俾到錢。

經常黎呢度食下午茶，今次揀咗雞絲湯河，平時會加配咖吔多士或其他小食，但今日食完河粉都飽晒啦😂湯味香濃唔油膩，配上炸蒜令湯味更多層次👍🏻我平時真係好少飲凍野，但呢杯咖啡就算係加左冰，味道都唔會溝淡左，好正

整體來說是好吃的東南亞菜，他的海南雞飯配上雞湯，也是鮮嫩的，白滑的。另外配上他的串燒，可以吃得出他的肉質，是比較有質素的。另外他的菠蘿炒飯也是比較高質素的，他蝦肉的肉質也是煙韌有咬口的，但是可能料較少。整體上他是中上水平的，然後價格也是正常的。新開沒多久的餐廳，還是挺不錯的菜式。但是我覺得服務水平有待改善。

之前一直食開佢嘅海南雞飯，今次試下佢個喇沙😬新加坡喇沙米線（蝦、魚片、雞蛋、豆腐卜、芽菜、通菜）見到個湯以為好辣，食落又唔係，仲要好香，唔會好重椰奶味，整體做得好平均👍🏻蝦剝晒殼，有4隻開邊蝦，有鮮味，好食😋魚片和豆腐卜浸湯食好正，如果餸的份量再多啲就perfect食過咁多喇沙，佢係暫時最啱我口味的☺️

放假又要諗食咩好，系樓下附近行行下，決定又去返我個飯堂亞參😂食最中意嘅蝦麵佢嘅蝦麵真系食過返吾到轉頭，湯底十分濃郁，超級有蝦嘅香味，入面仲有好多材料tim而朋友就揀左個海南雞飯，有油飯揀，雞肉幾嫰滑，仲包埋個湯仲嗌埋好好食嘅斑斕咖央包，斑斕醬完全系畫龍點睛左，加哂分

原來元朗YOHO開咗亞參雞飯，喺門口睇餐牌見到幾抵食，今晚試吓🤤第一次嚟梗係食海南雞飯，非常有驚喜海南雞肉質好滑。油飯味道唔錯，飯粒軟硬適中。配冬瓜湯都幾好飲👏🏻另外都試吓肉骨茶，平時唔算好鍾意呢種味道。呢度嘅肉骨茶都算易入口，胡椒味唔算超級重，食唔到咁辣都飲得到。有兩舊肉配豆卜，豆卜連湯一齊食味道唔錯。我自己就推介海南雞飯多啲佢哋嘅三周年慶免收+1，星期六日及公眾假期除外平日黎超級抵食！會encore🤤

雖然亞蔘有好多分店但今次是我第一次幫襯，無特別期望之下竟然有驚喜，覺得幾好食！去骨海南雞飯($89): 雞都幾嫩滑，連雞胸都唔嚡，雞的份量算多，油飯幾香，冬瓜粒湯唔會好咸。新加坡喇沙米線($81)：湯底香濃，米線煮得剛好不會過稔，配料有蝦、雞蛋、魚蛋、豆卜。跟餐的飲品加$10/杯，叫咗熱薏米水同凍柑桔特飲。薏米水好好飲喎，甜甜地又有薑的微辣，不過太細杯唔夠喉！見到隔離枱碟椰香咖央南洋包($25/四件) 睇落幾好味咁我哋又叫咗嚟試，個包烘得香脆而不會好硬，厚牛油好邪惡不過夾埋食幾香口。另外叫多咗個 D197貓山王榴槤糯米糍 ($38/兩件), 糯米糍個皮好薄，半透明可以見到入面啲餡，榴槤蓉香甜美味，不過太細粒所以覺得有點貴。😜

本來想食海南雞飯而入去既一間餐廳，但估唔到原來喇沙先係必食，因為海南雞飯係正常既，但喇沙真係比起出面其他鋪頭既多好多香料，你會見到成個面都係，一上枱已經好香，然後食落雖然辣，但真係會食到停唔到口