亞參雞飯 (雅蘭中心)

營業中

休息中

阿參海南雞飯：雅蘭中心的一次平凡體驗 位於旺角雅蘭中心的阿參海南雞飯，作為一間主打東南亞風味的餐廳，吸引了不少喜愛海南雞飯的食客。帶著滿心期待，我決定前來一探究竟，看看這家餐廳是否能滿足我對這道經典菜式的渴望。海南雞飯：還可以，但不驚艷首先來說說主角——海南雞飯。雞肉的確嫩滑，米飯也帶有淡淡的雞油香氣，整體算是合格的水準。然而，雞肉的調味稍顯平淡，少了一點讓人回味無窮的驚喜感。配菜的黃瓜和辣椒醬雖然新鮮，但似乎也沒能為整道菜增色太多。總的來說，這份海南雞飯是「還可以」，但並不足以讓人拍案叫絕。飲品：調校失誤，味道平平至於飲品，這次的體驗稍微令人失望。我點了一杯東南亞風味的特色飲品，期待能感受到濃郁的香料和甜美的口感，但實際上，飲品的味道卻顯得淡而無味，像是少了靈魂的一部分。或許是調校比例出了問題，讓這杯飲品失去了應有的特色。環境與服務：中規中矩 餐廳的環境整潔舒適，裝潢帶有一點東南亞的風情，但並不算特別出眾。服務人員態度友善，效率尚可，但也沒有讓人感到特別貼心或驚喜的地方。整體來說，這裡的用餐氛圍是中規中矩，適合簡單的朋友聚餐或快速解決一餐。總結：普通的一餐 阿參海南雞飯作為一家位於雅

我同朋友今日約左去旺角雅蘭中心食飯，行下行下睇到有間叫亞參雞嘅野，心諗都未試過不如就入去試下，入到去餐廳睇到裏面嘅環境都唔錯，餐廳係採用開放式嘅設計，我地坐底之後叫左個海南雞飯同埋猪手飯，啲海南雞好鮮好有雞味，而啲豬手都炆得好冧好入味，而嗰度啲職員嘅態度都好有禮貌，仲好細心教我地點様落單添，比到我嘅感覺喺度食野好舒服好開心，下次一定再黎。

果日得閒冇野做，行行下街有d肚餓隨便搵左間食肆入去食野，d野食唔錯，海南雞飯幾好味d職員對於我嘅所有提問亦都有清晰耐性嘅回答，有禮貌，對於一個初入呢間食肆食野嘅人，感覺良好

有朋自遠方來，不亦樂乎！大家商議過，歐陸食品就不用吃了，吃東南亞食品比較好 ....星加坡叻沙米線 : 叻沙湯底的味道充滿了椰汁，不失鮮味，香口但偏辣一點，跟在星加坡所吃到的有些少差別；食材有蝦、豆卜、雞蛋、魚片、蝦，食材算是豐富，味道算是不錯吃的 ~招牌海南雞 (一隻)： 賣相不錯，海南雞是去骨的， 吃起來啖啖肉，雞肉的肉質滑嫩，皮薄而富脂香，雞味都濃郁鮮美，不用沾醬汁也好味 ; 油飯，色澤油潤，滿有米香；配以獨家秘製的海南雞醬，實在是把海南雞飯的味道提昇到另一個 level ~還另點了一些東南亞小吃，碟頭都頗大的，質素都算不錯，三個人吃不完，還可以打包回家，認真大件夾抵食 ~本篇完 ~

3點半幫襯下午茶餐，座位雖多，全場只坐約半滿！職員帶位需與另一食客隔膠板而對坐！如果人滿無可厚非，所以要求可否坐另一4人卡座，寧願待客滿時才安排對坐，但職員梗要安排坐2人座，安排餐廳盡頭2人卡座，坐位偏狹窄，空調又不太足，職員安撫坐坐下就涼，原來係想客人「心靜自然涼」！剛食到茶餐飲，隔鄰安排中年夫婦坐，該男客不久向本人方向打了大噴嚏，雖用單手掩蓋，該男客不久再向本人方向打大噴嚏，仍只用手掩！本人要求他使用枱上餐紙掩蓋，但該男客即表不滿，聲稱已用手掩！隨後又撩交呀，叫本人盡快食完離開，否則會好快再打噴嚏！本人反駁點解香港人咁無公德心！該兩夫婦即反唇相譏！本人唯有離開息事寧人！香港地食肆租金貴，但都要視乎環境安排食客坐得較舒適，餐廳角落空調不足，相信是雅蘭屬舊建商場，所以空調分佈不均！總而言之，一個十分失望得體驗。

今日中午喺雅蘭中心附近，見已經係食晏時間，諗住去返之前食過嗰兩間餐廳睇吓有乜嘢食。上到一樓俾呢間餐廳牆上面搶眼嘅宣傳字句：「尋覓99分海南雞飯」吸引住。見到當時餐廳入邊都已經差唔多冇位，不過又唔係好多人喺度排隊等位，為咗試吓係咪真係99分，我排咗隊。😂等咗一陣就有個較隱蔽嘅位，因為用QR Code落單，唔係好需要餐廳職員幫手，呢個位靜靜哋仲好, 我今日當然係食海南雞啦。我其實好唔鍾意食雞胸，不過QR Code落單冇得揀「走胸」，如果𨍭雞髀要加$25😅，唯有希望佢哋俾我嗰碟唔好咁多胸肉啦，好彩都唔係好多。😊碗湯望落去好多油，飲落去雖然淡咗啲，但係都okay喎。試第一嚿雞，原來雞皮都可以入口即化，忍唔住連皮食咗呢嚿。😂碟上面有幾嚿雞胸，唔鍾意食都唔好做「大嘥鬼」，好彩都唔係嚡熠熠好難食。😂一向食好少飯嘅我，今日成碗油飯食哂😅，我鍾意佢哋啲薑蓉，好味！唔太鹹而且有啲沙薑味。海南雞豉油就唔係好甜同埋有啲「稀稀哋」，同平時一般餐廳嗰啲有少少唔同。如果我有得選擇「走胸」，我會俾90分，不過而家我要勉強自己食雞胸，雖然唔係好難食，我都係俾唔落咁高分，88分係我今日俾佢哋海南雞嘅分數。整體嚟講，雞肉質

通常亞參我都幫襯開銅鑼灣利舞臺嗰間多，今日在旺角食晏晝食咗一次，其實佢嘅食物質素同銅鑼灣一樣啦，但係旺角始終係旺角🤣🤣🤣因為旺呀嘛，所以地方比較擠迫人多嘈雜要搭枱，加埋見佢好似啱啱開業，公司人手唔夠，雖然我見到佢門口已經貼咗排版只收電子貨幣，但我食緊嘅過程中見到好多食客都仲想俾cash , 有點微言，其實應該客人入座時，店員應該同個客講多聲會好啲，但見啲職員已經好忙，已經做到死死地🤣🤪 不過冇辦法！香港租金太貴，仲要開在雅蘭，未完善就已經開張呀呢，依個明白，希望有待改善la …. 所以食評我只減環境個🌟🌟。😅😅😅

全部雞骨雞翼頭離晒譜，同店員講完只係話同廚房講吓即係冇講，而家啲飲食集團真係要自救希望再做得好啲。又要自助俾錢又要全部收錢機都壞，簡直嘥時間。諗住以為咖喱可以遮擋食物嘅質素就任意比垃圾給食客食真係要改善

大家注意，呢間嘢係唔收現金但係入門口又冇提醒，只係門口有部以為係叫號碼嘅機原來嗰部係自助收銀機,上面有行極不起眼嘅字寫住不收現金，又唔收信用卡，食完畀錢先知，用八達通畀錢又嘟極嘟唔到壞機，兩三枱客都畀唔到錢，企咗響度五分鐘都搞唔掂，最後咪又係嗰職員自己收我現金佢幫我嘟，搞咁多嘢根本就係添加麻煩，重新一次電子支付應該係包括信用卡，好學唔學，講返嘢食，新鋪份量細咗，衛生情況，阿叔執枱跌咗個餐牌落我碟菜到都冇同我換個碟新，完。