亞參星馬美食店

營業中

休息中

因女朋友返香港大學而去接佢，咁啱就見到呢間店舖，可惜佢門口俾啲棚架遮住左，如果唔係都幾多人會望到既。同女朋友入到去就問下有乜野食，咁個老闆就推介喇沙同沙嗲麵啦。都冇所謂啦，都係肚餓。等左一陣，兩碗就到左， 我碗喇沙個海鮮味直衝上腦，一試個湯底味道豐富而有椰奶香味。而且麵身十分彈牙，唔係好似出面個呢咁淋。個沙嗲麵又係好香，唔似出面茶記果啲沙茶醬果啲味，而係好似上次同屋企人去馬來西亞旅行食沙嗲個隻味咁。好食到我同女朋友唔洗十分鐘就各自清碗。同個老闆吹下水，原來佢以之前去左星加坡讀書，都好鐘意果道啲野食，所以返黎就開店想大家分享下我心目中星加坡既味道，佢講完我感覺同佢既距離有幾層樓咁遠.....好在差啲唔記得俾錢，咁好食兩個麵連飲品100有找，以後多啲黎接女朋友食下啦。

返工去巴士站等車，近李陞小學見到開左間新舖，早餐有燒賣，魚蛋，蒸包仲有飛碟等。見好耐無食過飛碟，坐低叫左份黎試下。連飲品只係18蚊，都幾抵。平時係公司附近買早餐都要22至25蚊到。叫左芝士火腿飛碟，佢寫住係車打芝士。一咬落口，塊芝士溶緊，好好味。杯咖啡好香濃，好提神。下次可以試下其他食物，見佢寫住有喇沙，滷水牛飯果d試，搵次放假可以試下lunch先

平時我慣返到公司附近買早餐食，但今日係巴士站，近李陞小學門口等車，見到開左間小食店，有少量位置可以堂食。見依間舖早餐有燒賣，魚蛋，蒸包，飛碟等食物。我就試下火腿車打芝士飛碟，連飲品都係18蚊，好抵。我叫左杯咖啡飲。一咬落去，芝士熔出黎，好好味。咖啡夠熱，夠味道。平時食開公司附近既三文治早餐都最少22蚊，我又多個選擇。