井茶

營業中

休息中

朝頭早8:40到井茶食早餐A餐$36要咗沙茶牛肉意粉、腸仔炒蛋、原本有牛油方包半件，加$3改為要香脆奶油豬半件，飲熱奶茶沙茶牛肉意粉沙茶味香濃，牛肉肉質靚，意粉份量有多以牛肉質素來講，近排我喺呢度食過三間餐廳，一間就係鮮牛肉，一間就係沙嗲牛肉，兩間都唔好食，今餐嘅沙茶牛肉最出色。炒蛋味道都OK，不過唔係好滑個款。腸仔個心中間凍㗎加咗$3嘅香脆奶油豬第一啖邊位就脆，跟住咬得好攰，係屬於煙硬嗰款麵包。熱奶茶第一啖覺得好飲及香滑，跟住個口就會感到好鞋，都係有少少鞋口鞋脷。

食完覺得好好， 要寫個comment個例湯好好味， 好少會飲曬成碗央走有啡味， 奶都好滑另外， 食左牛脷飯， 牛脷好厚好淋， 又有茶，值得留good comment如果係學生買外賣， 仲有得減5蚊tim🤣 可惜我無校服著😆😆

今次經過悅湖順便買晚飯兜左一個圈都搵唔到心水食肆咁岩睇到依間新開既井茶（因為太耐冇黎，所以覺得佢係新開）試左佢既咸魚雞粒炒飯（外賣）就算難食都係一次亦都冇太大期望試炒野都可以睇下間茶餐廳既功架當我食第一啖既時候我好黯然又好興奮因為我太耐未食過有點功架既炒飯佢炒得還要好過某些多分店既酒樓起碼佢炒得似樣別忘記我是叫了外賣溫度雖然流逝但仍然嚐到殘餘既鑊氣第二晚點的晚飯外賣係土魷蒸肉餅特意咁去了悅湖一趟目的想試出這是我心目中的飯堂嗎？回家打開嚐了一口這不就是老的味道嗎？是古早的味道想起了自己兒時回憶另外肉餅不帶馬蹄，土魷不吝嗇這點加了許多分數總結：1.無論炒，蒸，食物味道質素控制好。2.餐牌多樣化選擇，這點好重要，特別對於「無飯家庭」來說是綠洲3.員工好態度，在這高壓的城市中，保持到咁既態度係抵讚

新裝修環境、服務流暢比上一手食肆更好👍🏻下午茶餐，$30起，凍飲加$3唔知幾時開始，愈來愈少有餐廳會端上熱辣辣出哂煙既食物出嚟，好多時都係預先製造再翻熱，特別係下午茶時段。師傅落場休息，呢d 煎炸冇咩技窮、難度既快餐，一夾一吱（醬汁）就完成。可能仍處於新開張階段，食品連下午茶都熱辣辣👍🏻欣賞西多士4 件，每件內有薄餡（花生醬），都係熱辣辣既。炒粉麵茶餐，星洲炒米、雞扒烏冬，都係熱到出煙有d 火喉👍🏻整體嚟講，茶餐廳價錢$140 三個茶餐連凍飲三杯，味道中規中矩、環境光猛乾淨企理、入座流程流暢（一貫連鎖茶記水準），已經算係咁！好過食大咩活、大咩樂、美X、一咩麵。OK 啦

最近商場開咗一間茶餐廳，於是去試一試佢個下午茶餐；餐廳裝修有特色，座位間隔寬敞；西多士有特色，外型似炸豆腐，味道正常；炸雞髀非常好，外皮鬆脆，肉質鬆軟多肉汁公司三文治也不錯，麵包烘得適中，沒有燶，餡料豐富。

話說本人住左係屯門碼頭2x年 悅湖茶餐廳終於轉手喇 新開左間茶餐廳 就同屋企人試試豬潤啫啫排骨煲 成煲野得兩舊豬潤 味道一般 淡淡的椒絲腐敗通茶炒牛肉 味道好淡 但又食到成口油香塔韮茶花炒雞柳 呢碟最差 食材好唔掂 d韮菜花好老 起晒飵西芹腰果蝦仁炒鮮魷 咁多碟黎講呢碟最正常 但都唔係特別好食 都係淡淡的 凍檸茶 點解連杯凍檸茶都有怪味環境方面 明明係新開ge 頭頂部冷氣竟然滴水 諗住以後屯碼可以多個選擇 今次ge經驗 一定唔會再幫襯 唔推介

今天經過發現悅湖山莊，發現原本的茶餐廳已搖身一變，變成了《井茶》。從外看看餐廳，光線充足，雖未有即時惠顧，但也想跟大家分享一下餐廳餐牌，以供大家參考!我經過的時候，大約是星期日的五時許，店內人不多，店外亦有數張枱，其中一張是滿佈膳後的餐具及廚餘，未見有職員作即時處理，故比較難看，如門口那幾張枱能時刻保持整潔，相信能大大增加客人惠顧的意欲。不知大家有否惠顧過呢？其待大家分享一下這餐廳的食評呢！ 😊下列是為大家拍下的《餐牌速遞@20211017》，給大家參考參考! 😊