五十嵐日本料理

係石硤尾做野經過呢間見幾多學生黎食 所以就諗住試下叫咗 和風牛肉便當上菜速度十分快 因為真係好多學生lunch 時段港式溝日式既飯講真40蚊冇話好大期望牛肉係啲街市肥牛整成 份量多似屋企食到味道 啲菜炒得幾清 冇咩特別調味 有啲黑椒咁中華沙律係平時係魚尚爭鮮買到個啲既質素飯既份量好多 知道自己食唔晒記得叫少飯!玄米茶 平時759買返黎茶包既味道正正常常40 蚊黎講都接受到既真係唔好預期咁多平食既選擇…查看更多

收工收得夜，貪佢近屋企，大約夜晚9點半入去食，當時舖頭入面坐得幾檯，見到有宵夜餐，之後同個waiter嘅對話如下：我指住個B餐：唔該我要個BWaiter：好呀B餐，揀邊款我：海鮮雜錦吖Waiter：好呀之後佢行咗去廚房，如是者等咗15分鐘，嚟咗個白汁海鮮焗飯，我以為佢送錯檯，同佢講返，佢俾張單我睇，寫住宵夜G餐，確實係海鮮焗飯，最後佢都肯換返個B餐俾我，如是者又等咗10分鐘，個waitress攞咗一碗嘢一嘢擺落我檯面就走咗，望到有啲魷魚碎，蟹柳碎等等我都估到係我嘅其實，食落口，唔識形容個湯底味道，米線正常，海鮮好腥臭，酸菜都夠酸嘅總結：食物：唔係鬧飢荒都唔好去食，買幾個杯麵返屋企食好過服務：係咪痴架整體：垃圾PS：唔好同我講33蚊仲想點，係飽嘅，成肚氣，平時對食呢樣嘢其實要求都唔高，但呢間嘢真係激使我要出post…查看更多

朋友約了6:00晚飯，因為吃完要去賽馬會藝術中心睇話劇。太早吃晚飯，所以都預左6:30才到。朋友早去到唔使等位，但點知Openrice 個icon 位置是錯的，標示去了另一棟美X樓，到處問人也不知美薈樓在哪裡？終於去google map 才找到😥😥找到這餐廳後，叫了碗拉麵及熱檸水，餐廳裡面都開始座滿人，落單後，點知等了10分鐘才有杯熱檸水，再等多10分鐘才等到拉麵，湯底味道一般，不太咸，拉麵都幾滑，不太有𡁻口，如果大家趕時間就唔好去呢間餐廳，因為實在等食等太耐了！還有冷氣不夠涼，外面30多度，可能坐近門口都滲汗！下次未必會再來！…查看更多

夜晚去食等咗幾個字個飯都未到 問個店長/經理係咪漏咗單啦 點知佢望下我唔采我走咗去 又冇幚過我問廚房 要我大聲話：「你唔理我 咁我走喇」跟住佢先去問廚房 試過兩次都係咁 仲要細細聲比悔氣話你聽。。。想同佢哋老細投訴又揾唔倒 冷氣又細又焗 食得咁受氣嘅話我以後都唔幚襯喇！…查看更多

今日諗唔到食咩，就去咗呢間嘢食晚餐，諗住佢都應該會快，食完就走。點知……兩個人去食，一個叫咗豬軟骨拉麵，另一個叫咗义燒拉麵。個豬軟骨拉麵等咗二十分鐘，而個义燒拉麵就等咗二十五分鐘。兩個人本來由唔趕時間等到變成超趕時間。速度慢得令人不可原諒，而我地又點會諗到食碗拉麵要等咁耐。兩碗拉麵嘅份量少得可憐，少到食完之後好似食咗陣風咁，都唔知自己食咗啲咩，好似食完仲肚餓咗。坐喺度見到啲職員行嚟行去，都冇咩服務可言。我諗我以後都唔想再去食。…查看更多

去石硤尾探朋友, 之後落樓下五十嵐食 lunch, 點了餃子米線配雜錦壽司及招牌豬軟骨便當。先講講個米線餐, 份量都好大碗, 米線唔會太淋, 加了蟹柳片, 粟米粒,海藻及蔬菜, 味道還可以, 餃子煎得尚算金香可口, 雜錦壽司有 4 件, 望落去略為 dry, 唔太吸引, 食落都係ㄧ般。豬軟骨便當都 ok, 好入味, 但比較油膩, 配了少許蔬菜, 漢堡肉扒有 2 小塊, 白飯嘅份量都算多, 如果唔想浪費, 落單時可以叫小飯, 餐飲可以揀熱玄米茶 or 凍柑桔檸蜜。整體價錢合理。[IMG:1…查看更多

晚上想吃日本嘢因為住在深水埗每次也在深水埗的店食 今次特別啲諗住行去石硤尾的五十嵐全因為看見他的價錢真的十分便宜 去到的時候，他的格局非常非常像一間普通茶餐廳但是沒有關係，因為只是想吃他的東西，環境沒有問題的 看見他有優惠， 十蚊兩件三文魚壽司逢星期一至五仲唔洗加一。覺得非常非常抵，因為爭鮮要八蚊一碟，加一都要八個八。壽司嚟都之後飯整得好實，夠凍 本人不喜歡整得咁實，但我老婆非常喜歡三文魚是新鮮的 串燒方面，本身想吃它們的茄子串燒，但是他們已經賣完，只有吃雞的串燒。雞腎好食不太乾，但燒雞軟骨我便覺得他的軟骨部份有點硬，骨肉相連是最好吃的， 還有照燒雞也非常好吃。雜錦天婦羅沒有什麼特別，可以不要因為也是食蕃薯蘿蔔一些普通東西而那兩隻蝦亦都非常普通白汁三文魚焗飯，味道有點清淡，需要自行加鹽和七味粉，否則真的淡而無味，而且它的飯沒有炒過感覺就像一兜軟軟的東西，沒有豐富的口感。炒烏冬是好吃的，也足料，也大碟，值得叫。秋刀魚，好吃，喜歡吃秋刀魚的話可以叫。埋單只是153 也吃不完， 因為量很足夠 ，超級滿意性價比一流。…查看更多

深水埗區有很多美食，但呢一間開業已經5年，雖然轉老闆都有兩次，但食物質素同價錢都一樣依然冇變。我同家人先向服務員點了一客三文魚頭㷛，燒雞扒定食和海鲜焗飯。下午茶2點到6點仲免費有一杯熱咖啡或茶，套餐都係$32元，好抵食。至於食物質素比較参差，首先講講海鲜焗飯，海鲜有蝦，蟹柳，青豆等，雖然有芝士汁，但整體上淡而無味。燒雞扒就超正，香脆美味，但菜太黃，似乎烹調過火。至於魚頭㷛，味道適中，湯內有豆腐，蔬菜，菇類，配上白飯，足以填滿胃部空間。如不太高要求，必定再光顧多次啊!…查看更多

咁啱黎到石硤尾，又到下午茶時間喎，咁就搵下野食啦！沿住石硤尾站出口行落黎見到呢間五十嵐個名咁熟口面，原來好耐以前食過，但得番好少分店嘅咁就入黎食下啦！係幾多人食又唔駛等位下午茶都多款式又唔算貴仲有好多小食可以揀今次食左個蕃茄薯仔湯通粉，食落個味又唔差喎，又唔會好酸，甜甜地，幾開胃，見小食又唔貴，又叫左炸雞，薯餅，西多等等啦，黎到新鮮熱辣嘅，再叫杯凍檸茶，絕配呀，仲要唔細杯仲有卡位坐添，坐耐少少都唔會比人趕…查看更多

這日和跑步運動來食飯，運動家主場就聽她話去五十嵐經過一番考慮，我們決定食得特別些，於是就order了:刺身壽司冷麵便當 $48日式海鮮鍋 $38 加白飯 $10刺身壽司冷麵便當到了魚生彈牙有口感，冷麵都好爽滑，天婦羅細件不過都幾香脆日式海鮮鍋配料略少，不過種類都夠多，而且每款有兩件，可以大家都試到至少一件蝦太細，但蠔肉還不錯，蟹柳都好好味，整體質素不錯刺身壽司冷麵便當 $48日式海鮮鍋 $38 加白飯 $10這就是我們的單了，兩個人加起來100元有找，又食得飽雖然不算好高質，但整體質素中上，價錢不貴，性價比相當高的平民日式餐廳…查看更多

本身想去石硤尾食手撕雞飯嘅，但又收咗。九點幾都搵唔到地方食嘢就同朋友去呢間食，見咁夜問佢地收未，佢地好nice話做埋我地先last order。兩個人叫咗兩個拉麵同埋一個鍋，嘢飲叫凍奶茶凍檸茶。奶茶認真麻麻，不過嚟到嘅海鮮拉麵真係足料，都只係30蚊， 金菇肥牛鍋肥牛勁多，都只係36蚊，我寧願要多啲金菇哈哈。可能做街坊生意，性價比真係高，會再食！…查看更多

今日在深水埗一帶開工，行到石硤尾邨一帶都唔知搵乜舒服的地方食野時俾我見到五十嵐，五十嵐係我十年前在梨木樹返工最喜歡的食肆，果陣最愛食靖魚飯餐……今日午餐選了D餐，做學生最開心可以有優惠價，當然我冇呢個優惠啦(￣∇￣)如果有媽媽帶住著校服的小朋友幫襯就最抵食~~~我問阿姐有冇熱柑桔蜜，佢話冇，提議我走冰，個海鮮炒飯味道一般，唔係好夠熱，早知叫J餐，見旁邊倒有不少人點咗，真係好想知係乜野味道個人覺得幾好坐，不過始終在屋村地方，所以比較熱鬧d，未能聽清楚電視的聲音…查看更多

趁住今日上堂同上堂之間有三個鐘gap😴我同咗一班同學就行到哩邊食五十嵐 行過黎見到好多選擇下 餐廳都幾乎坐滿咗 我地好好彩咁等咗5分鐘就入得去😉我地簡咗4個唔同既餐👭👭👭 但我就淨係記得影我個個餐既相 而飲品我地就分別嗌咗3杯涷柑桔檸蜜 1杯熱玄米茶 大概10分鐘所有野就黎齊 最快係日式炒烏冬 而最慢就係汁燒魷魚筒便當 我地等齊就一齊開餐😁😁😁😁涷柑桔檸蜜都幾大杯😆 有少量冰 但飲落已經好凍 都幾有柑桔味 但係唔似檸蜜🍋 應該落咗唔少糖水 所以飲落都有d過甜😬😧我食個個就係日式海鮮鍋定食 一黎到覺得食唔哂 因為分量有d過大😮 有碗飯之餘仲要個鍋有一大堆粉絲 見到咁多料其實會幾開心 但係我覺得粉絲分開上就比較好 因為d粉絲係個鍋入面索哂d湯 所以好快就唔夠湯😕😕😣😣鍋入面有齊各款海鮮 蝦 魚 蜆 又有菜 冬菇 蟹柳 算係勁豐富 不過魚🐟身太硬 有d難消化 而其他料就不過不失 總體黎講係可以接受既🙌其實以學生餐黎講 真係好抵 $32💵💲 要記得係落單個時拎學生證比侍應睇就可以😅 …查看更多

日式咖喱海鮮飯份量大大碟，配料豐富。有炸蝦，帶子，魚柳。炸物好味，應該係新鮮炸。其他配料有草菇，野菜，另外用甜咖喱煮過的薯仔，紅蘿蔔。不過薯仔就唔够淋，比較硬身！日式豬軟骨拉麵拉麵的份量同樣比較多， 豬肉够入味，配有日式魚蛋，粟米，海帶，野菜，可惜無軟綿綿的豬軟骨！焗番茄芝士豬扒飯飯係用珍珠米，加左雞蛋炒完再焗，唔油膩。而焗飯的豬扒係用炸豬扒，有厚度，比某快餐店大件好多。炸過的豬扒去焗，食落油膩！集錦刺身壽司壽司飯唔够實，食的時候容易散開，三文魚刺身ok。總括而言，五十嵐日本料理似一間抵食的港式茶餐廳。…查看更多

其實以前學生個陣成日食五十嵐，不過自從學校附近個間執左之後就無再食lu. 多年後喜遇佢，無諗到佢都仲係行緊平民路綫。下午茶$34，凍飲加$3除左個三文魚感覺唔多新鮮之外，其他都ok! 冷麵好正常，個汁同紫菜既配搭都幾好。蟹柳同八爪魚壽司都出乎意料地好味！個蟹籽沙律感覺新鮮，沙律醬既調味都唔錯。呢個價錢食到呢個質素，其實真係唔錯架啦！…查看更多