二鍋頭 (好運中心)

天氣凍冰冰，最需要一鍋熱氣騰騰的火鍋來驅寒進補！沙田的【二鍋頭】最近新推出的火鍋放題套餐實在太吸引，極尚鮮味暖入心，超澎湃火鍋放題。獨家新增羊腩煲，還有無限量任食的牛雜煲、雞煲、牛尾煲、豬手煲，以及多達四款口味的烤魚！再加上火鍋放題，是我和同事冬天聚會的首選。我們當晚用QR Code 自助點餐，率先試了招牌「辣酒東風螺雞煲」，香辣惹味、雞件嫩滑，東風螺吸滿湯汁，每一啖都充滿層次。另一款「秘製牛雜煲」更是打邊爐界的靈魂，牛肚、牛腸、牛筋滷得入味又Q彈，愈煮愈香。 鴛鴦湯底更令人驚喜，我們選了「香茜皮蛋鍋」搭配「懷舊沙爹鍋」，前者清香帶濃郁皮蛋香氣，後者沙爹味厚實微辣，兩種風味讓人一試難忘。火鍋配料任食超過100款，從雪花牛肉、海蝦、蜆肉，到手打丸、雲吞、水餃及新鮮蔬菜，選擇多到眼花撩亂。汽水、啤酒任飲，飯後還有雪糕雪條作結尾，滿足感爆棚。餐廳位於沙田好運中心三樓，環境寬敞且乾淨明亮，設有大枱位，非常適合一班朋友聚餐。熱氣瀰漫中，香氣不斷湧上，滿滿的聖誕氣氛熱鬧又溫馨。想趁寒流大啖熱辣辣火鍋，補身又過癮，羊腩煲、牛雜煲、烤魚與雞煲火鍋放題，味道與份量都超滿足！…查看更多

今次來到沙田分店，而旺角、尖沙咀店推出最長7小時牛雜煲烤魚雞煲火鍋放題套餐，無限量任食牛雜煲，4款口味烤魚＋雞煲、牛尾煲、豬手煲等，最後仲有打邊爐，超級豐富🪄醬香惹味雞煲、秘製火焰牛尾煲醬香惹味雞煲入味，醬汁濃郁雞肉嫩滑，淨係雞煲都已經好多口味，重慶麻辣、辣酒東風螺、泰式冬陰功、醬香惹味、雙乳味（鹹牛乳同腐乳），朋友唔食辣揀咗醬香味雞煲，賣相唔錯，雞肉都特別多，色澤較深，之後仲叫咗牛尾煲，店員直接係面前加入酒做出火焰效果，整體不錯🪄無限任食打邊爐湯底可以因應個人風味選擇唔同個口味，而家可免費升級鴛鴦湯底、台式藥燉排骨、龍蝦海鮮粥底鍋（尖沙咀限定），任食多款火鍋配料，當中推薦牛小排，食落牛味算豐富，蜆類、大蝦算新鮮🪄泰國象啤酒飲品任飲，甜品任食最推薦自家制豆腐雪糕杯，食咗兩杯🤣仲有韓國雪條等火鍋、飲品、配菜、雪糕，無限量供應，一個價錢多個味覺體驗，性價比很高🚩二鍋頭（好運中心）地址：沙田橫壆街1-15號好運中心3樓3109及3110號舖…查看更多

如果你鐘意香辣惹味又有層次感的鷄煲，辣酒東風螺雞煲絕對值得一試！兩小時内任食鷄煲，除此之外仲可以打邊爐，仲可以免費轉鴛鴦鍋，佢地噶任食套餐性價比極高。👅辣酒東風螺雞煲嫩滑多汁的雞件，份量十足，有好多鷄翼雞脾件，啖啖肉，雞腳更有膠質，口感一流。東風螺吸晒辣酒汁，香辣入味，完全唔會「鞋口」。裏面有好多芫茜、花椒、洋蔥等，炒香後上枱，香氣撲鼻。🧡除咗雞煲，仲有其他煲類如黑椒豬手煲、火焰牛尾煲、酸菜魚、人氣烤魚，最近新出左冬陰功口味，酸酸辣辣噶湯底特別提神醒胃！🧡最後仲可以打邊爐，免費升級鴛鴦煲之餘仲可以揀臺式藥膳排骨鍋，過百種打邊爐食材任點任食。今次揀左豬骨湯和越式牛肉湯，大大舊豬筒骨煲成奶白色湯底真的好足料！另外越式牛肉湯裏面有多塊靚牛，有濃厚的牛肉味，食唔夠可以任點脂肪較低的牛板腱和嫩牛肉。我好欣賞佢地噶嫩牛肉，十分爽滑，牛味香！除此之外還有很多台灣特色肉丸，例如三星葱爆醬貢丸、香葱魚羹、皮蛋紅姜貢丸等，貢丸愛好者的天堂！！🧡仲有好多海鮮類可以選擇，例如大大粒噶沙白，鮮味濃郁噶帶子粒，爽口低脂噶水魷魚，鮮甜彈牙的蝦。人均300蚊都唔使就有咁多野食，食足兩小時，麽都圍番本了！🧡最後一定要試下本地名牌雪糕，豆腐味和港式奶茶味味道都很香濃！一次過滿足曬兩個胃。…查看更多

朋友推介話有間食牛雜煲又烤魚又雞煲又火鍋放題嘅好地方，有無咁誇張呀？「二鍋頭」主打無限量任食煲同火鍋，環境整潔，卡座大玻璃窗透陽光感覺舒服。我哋中午嚟食仲有八折，任飲任食兩個鐘，$245/一位，可以食足六款煲同埋打邊爐超抵食。◉ 牛雜煲烤魚雞煲火鍋放題套餐首先有六款煲俾你揀：牛雜煲、牛尾煲、豬手煲、酸菜魚、五款口味嘅雞煲同六款口味嘅烤魚，有本事你可以全部食晒，仲可以無限任食，真心啱晒大胃王。想試晒咁多個煲，都應該係要有啲策略，今次試唔晒，下次要再嚟食過。❶ 秘製牛雜煲首先一定試吓個牛雜煲，為咗可以試多啲，我決定叫半份，要小辣。上枱後仲煲住食，熱辣辣咋咋聲，醬汁味道好濃郁，牛雜炆得入味，牛腸、牛肚好腍，太惹味好快就已經食晒，夠薑你係可以無限添加。❷ 黑椒豬手煲第二款煲都係叫半份，通常呢款豬腳仔都係配搭梅子或者南乳，我都係第一次食用黑椒汁去炆，味道比預期出色，黑椒味濃，豬腳仔炆得好腍，每件都有皮有肉有骨，我覺得比起食豬手嘅皮更加滿足，因為皮比例多，啖啖都滿滿膠質。❸ 烤魚第三款煲我哋試烤魚，有六款口味：麻辣、香辣、酸辣、醬香、番茄同冬陰功，簡直選擇困難症，最後要香辣味，可自選辣嘅程度，味道香又唔會辣到食唔到，選用原條清江魚，魚肉緊實又彈，一路煲住一路食，依然保持形態無話煲到爛晒，肉質又唔會好老，鋪滿辣椒、蒜蓉、萵筍、鮮雲耳、豆皮麵，仲有豆卜可以吸湯。❹ 火鍋食到咁上下就可以轉湯底打邊爐，可以免費升級鴛鴦鍋，我哋就揀咗台式藥燉排骨湯底，淥嘢前先飲啖湯，好重藥膳味，湯料排骨份量都唔少。肉類、海鮮QR code落單，多款火鍋配料、醬料、汽水同甜品都係自助形式。๑牛板腱～油花分佈均勻，唔好淥太耐，柔軟牛味濃，無限任食encore之選，亦可加錢升級和牛套餐。๑ 打邊爐點可以唔食呢三寶：響鈴、炸魚皮、生根，脆口又索湯。๑配料~枝竹、炸芋頭、年糕、蟹棒、芝士腸⋯⋯多款丸類，有款皮蛋紅薑貢丸幾特別。๑蔬菜~唐生菜、娃娃菜、西洋菜、冬菇、鮮淮山⋯⋯๑麵~韓國即食麵、出前一丁。๑醬料~生蒜、炸蒜、乾蔥⋯⋯供客人自助混醬。๑雪櫃有啤酒，放滿唔同汽水同茶類，雪糕、雪條全部任食，雪糕係Coco berry。#二鍋頭地址：沙田橫壆街1-15號好運中心3樓3109及3110號舖…查看更多

自問不是西客 我對住服務員都禮禮貌貌平時都不會去寫食評但今次食飯真係太差 好幾個服務員一直不好禮貌我以為自己去咗澳牛食肆同時是服務業 除了食物品質 服務態度都是必要我並沒有要求5星級服務 但最起碼的禮貌及耐心都沒有不會再來…查看更多

琴日天氣急凍，問住沙田朋友有咩好食？ 佢話呢間雞煲好好食，所以我哋五個人即刻就去食。見到天氣凍，有啲想食羊腩煲，所以我哋們大家就嗌咗$278位嘅餐，包含六個煲同一個邊爐，全部任食。首先試咗雞煲，果然超級好食，可以話係我暫時喺香港入面，試過最好食嘅雞煲。。。 因為佢唔係好油，但係好香，啲雞肉都煮得好腍。然後就試咗烤魚，因為我唔食辣，所以我哋嗌醬香，條魚係烤得幾好，但係醬香冇乜味有啲失望，之後再嗌多一個黑椒豬手煲，豬手超冧，好索味，好適合配一碗白飯。之後就終於到打邊爐，打邊爐湯底嗌咗沙嗲同埋豬骨湯，湯底嚟講比較一般，沙嗲湯似沙茶醬，只有鹹味冇花生嘅香味，豬骨湯好似平時屋企煲湯咁，清清地，不過呢個價錢食到咁多嘢，我覺得都算唔錯。飲品同雪糕任食，基本上打邊爐嘅材料都差唔多，都算新鮮，會再去！ …查看更多

天氣開始寒冷，要食D暖笠笠煲仔菜平時食一個煲都要1百多今次我就帶我媽去到沙田嘅二鍋頭任食牛雜煲、羊腩煲、雞煲、豬手及烤魚煲放題:食火鍋同時仲可以吃到不同款的煲在兩個小時內，我和媽媽已吃了三個煲相信如果人數多的我可以吃4、5個煲都冇問題，真係好抵食 而且每款煲嘅水準不錯，非常足料又入味每個煲的份量是按照人數而定就可以留肚吃其它更提供麻辣、香辣、酸辣、冬陰功、醬香、番茄，更會按照客人的口味如bb辣、小辣、中辣。。。那麼每一次來吃，都可以有新口味假設我今次吃麻辣雞煲，下次可吃冬陰功雞煲😆 我大力推介必吃秘制牛雜煲 ^湯底十分醇厚濃郁，每一片牛雜都好入味有秘製醬料長時間熬煮，我特別喜歡吃牛肚和牛腸牛肚好有嚼勁，味道鹹香，記得加湯留來做火鍋🥰另外一款羊腩煲^，啖啖肉，另外送嘅腐乳醬都好味最後一個煲，就係麻辣香江魚^，少骨，肉質細嫩愛吃烤魚嘅你，有機會要來試下! 而且火鍋肉類選擇多，有本地鮮牛肉、西班牙豬梅肉、紐西蘭羊卷肉，而海鮮有活海蝦及活海蜆計埋外出自取的食材，海鮮火鍋配料高達100款飲品和雪糕都是外出自取的 今次我們吃了三個煲，女店務員非常有禮貌更密切留意我是否要轉第二款煲價格都非常超值我和媽媽大概每人150元就可以食到兩個鐘下次我想再過嚟食黃牌雞煲、豬手煲…查看更多

上週末同朋友去沙田 二鍋頭，食「極尚鮮味」放題，成人 $278 一位，計落嚟真係抵到爆燈！一入到去已經畀陣陣香氣撩到心郁郁，服務員即刻俾張 QR code 落單，話明「任食任叫任飲」，我哋即刻開戰！😆主力狂掃 雞煲 同 烤魚。雞煲件件煲得入晒味，啖啖肉汁，暖胃又滿足；烤魚就係重頭戲，魚外焦內嫩，辣得過癮，魚肉嫩滑完全無腥！😍 雖然套餐有 牛雜煲、羊腩煲、豬手煲、牛尾煲 全部任食，但係…我哋太飽，冇食到呢四個！食完煲轉場打邊爐，湯底揀咗 台式藥膳排骨湯，一上枱已經好香，黨參、杞子、紅棗味濃，暖笠笠又唔藥味。自取區丸類蔬菜多到誇張：爆汁牛肉丸、芝士魚腐、芝士腸，…蔬菜有金菇、唐生菜、粟米、任夾！用 QR code 落單仲有 滑牛、沙白蜆、牛柏葉，滑牛薄切即涮即食，蜆肉肥美無沙，牛柏葉爽脆入味，邊爐環節完全無冷場！👍🏻飲品有凍檸茶、汽水任飲，仲有雪糕任食，食到飽到要解褲頭！🤣🤣…查看更多

今日我同朋友去咗沙田食放題， 呢間專門做煲類放題，真係好吸引！好特別～首先我哋就選咗幾款煲。而家秋天梗係食返個羊腩煲，羊腩炆得好入味濃郁，馬蹄、枝竹、冬菇配料豐富，配合啲香料，真係好正！接住就嚐咗烤魚煲，魚肉鮮嫩，色香味俱全，我哋揀咗冬陰功味，酸酸辣辣條配得好好，推介，真係好開胃！之後我哋仲食咗牛雜煲，好正，配料十足，所以好香，鍾意食牛雜一定要食！仲有火鍋，唔可以唔提，食咗三個煲之後，我哋就開始打邊爐，仲有多種湯底又可以選擇鴛鴦鍋，火鍋食物種類好多款超過100様，牛肉已經幾樣選擇啱哂牛魔王、海鮮白沙好清甜，丸類又多，蔬菜新鮮，西洋菜，正呀…..飲品仲有多款選擇，各種汽水、多樣茶品、啤酒都好多，而且甜品仲有多款雪糕，雪條，好飽呀好滿足！…查看更多

沙田二鍋頭煲+火鍋放題必試推介‼️最近去咗沙田嘅二鍋頭，朋友同我真係超滿足😍！最正係無限量任食多款煲➕打邊爐，畀你一次過食晒，真係煲煲驚喜鍋鍋開心😁‼️羊腩煲牛雜煲烤魚雞煲火鍋放題套餐多款煲類，烤魚任你食，一叫再叫👍🏻👍🏻✨羊腩煲✨一上枱，已經聞到陣陣香氣。羊腩大舊，肉質嫩滑，好食😍搭配腐乳醬汁，入味又滋味，食左兩煲都唔覺膩，真係啖啖肉，令人意猶未盡，超正。✨牛雜煲✨坊間比較少見，都幾特別。足料又大煲，內有牛肚、牛肺、蘿白等大量配料，厚切又爽口，夾埋香濃醬汁，超級好食🤤。✨辣酒東風螺雞煲✨整個煲香辣好味，東風螺大隻又彈牙，雞件多到數唔晒，啖啖肉，仲有脹卜卜嘅鳳爪，配埋醬汁撈起一齊食，味道真係好誘人！✨藥膳排骨鍋✨臨尾梗係打邊爐啦！藥膳湯底香氣撲鼻，排骨入味，超級滋補。鍋底配料嚟講，安格斯牛板腱鮮紅吸睛，肉質滑嫩，落鍋涮幾秒超過癮；活海蝦同活海蜆新鮮彈牙，食落鮮甜無敵。蟹籽墨魚滑滑溜溜，牛柏葉爽口有嚼勁。鮮蝦雲吞飽滿彈牙，丸類超多款，最推薦奶油南瓜包，爆汁甜甜哋，令人回味無窮。甜品部分都有心思，除咗幾款雪糕之外，強烈推介榴槤味雪條，濃濃果香，作為收尾唔錯。價錢合理，食材新鮮，服務又貼心，一次過嘆煲又邊爐，確實唔錯！想睇更多介紹，馬上Follow我啦😁。#二鍋頭 #火鍋 #羊腩煲 #雞煲 #牛雜煲 #沙田美食 #沙田好去處 #沙田 #沙田餐廳 #big_big_foodie #big_big_foodie食勻沙田 #big_big_foodie食勻香港 …查看更多

呢間性價比極高的火鍋放題✨一個價錢就可以無限量任飲任食牛雜煲˃ ᵕ ˂ 仲可以嘆埋雞煲✧豬手煲✧牛尾煲✧烤魚同埋打邊爐呀.ᐟ‪‪.ᐟ 一次過滿足你多個願望🥰 真係超扺食🤤 先講雞煲 惹味十足 滑嫩的雞肉吸收哂濃濃嘅醬汁😬 每一啖都充滿鮮味🐣 再到牛雜煲🤭 牛雜超惹味 仲要超足料🤡 濃郁的醬香配上牛雜的質地豐富🤤 然後到打邊爐啦🙌🏻 有多款肉類✧丸✧海鮮🥩 先去自助區揀自己鍾意嘅醬料 再點選埋自己喜歡嘅火鍋湯底🍲 有蕃茄薯仔濃湯鍋◦香茜皮蛋鍋◦胡椒豬肚雞鍋◦川椒麻辣鍋…可以揀鴛鴦湯底 我們選了台式藥燉排骨鍋 ☺️ 淥咗好多牛肉 令肉類更加鮮味可口😛 安格斯封門柳和牛板腱 脂肪分佈平均又夠肉汁✨ 油花滿滿的 在口中溶化👄 真的令人一試愛上❣️ 還有鮮嫩鵝腸~爽脆花枝片~新鮮白鱔片 👅 口感嫩滑😬 外面仲有得拎菜類•響玲•烏冬•腸仔•魚皮… 超多嘢揀 好扺食啊😆‼️而飲品和甜品都係喺自助區到拎😀 食飽再揀返杯雪糕🍦雪條食 真係超滿足😘 火鍋控們絕對要試吓๑⃙⃘´༥`๑⃙⃘…查看更多

今日同另一半，去咗沙田好運中心嘅極尚二鍋頭試下火鍋放題，今期呢間鋪頭主打『極尚鮮味套餐』，除咗平時食開嘅火鍋之外，仲有幾款特色菜，包括烤魚、羊腩煲、牛雜煲、雞煲、豬手煲、牛尾煲。其實樣樣都想試，不過兩個人就真係食唔到咁多。所以最後都淨係試到雞煲同羊腩煲，雖然已經叫咗最少份量，不過依然份量都唔少。雞煲相當之惹咪，羊腩煲有好多筍，羊腩又冇咩臊味，相當唔錯。不過要留意返，店員提醒要先食呢啲煲仔菜，然後先可以打邊爐，因為換咗火鍋之後呢就食唔到煲仔菜。如果有四個朋友一齊嚟就最好，多啲人食就可以試多幾款煲。至於火鍋方面，佢有10個湯底俾大家選擇，我哋最後呢就揀咗豬骨湯同埋冬陰功湯嘅鴛鴦鍋底，其實有個藥膳排骨湯底都幾有興趣㗎，不過最後都冇揀到。最估唔到嘅係嗰個豬骨湯底嗰舊豬骨，真係大到成個拳頭咁大，上面仲有好多筋，鍾意食豬骨嘅朋友真係好啱。火鍋料方面，大致同外邊食嘅都差唔多，基本有啲海鮮，例如蜆、蝦，都幾新鮮，我就比較鍾意佢嘅薄切牛板鍵，有牛味之餘又唔會太肥。另外餐廳都有好多火鍋嘅醬料，菜蔬、丸類、響鈴、炸魚皮，地方雖小，但係五臟俱全，環境都係整齊乾淨，飲品都有好多選擇，亦都有雪糕雪條提供，今次食得都相當滿足，大家有興趣不妨試吓。…查看更多

一入到去有個女人黑晒面已經唔想食，又串又好似全世界都對佢唔住咁，唔係該有嘅態度😅😅安排咗一張又迫又焗嘅枱，我哋提出要換枱，條友黑晒面咁樣話嗰張枱係俾多人，兩張都係四人枱，我哋三個人食，張枱到我哋走咗都冇人嚟過。 食物種類少，又要唔新鮮。牛肉結晒冰，要喺個盤度刮落嚟。圖文不符（見圖一），完全唔係和牛嘅味道同埋樣。 環境好焗好熱，好似完全冇開過冷氣咁。 總括而言，我哋叫嘅餐係$188，啲和牛係冰鮮嘅，完全未解凍，牛板腱勉強可以。衛生冇問題，但係服務同埋環境極差。大伏，唔推薦。…查看更多

「二鍋頭」真係超正💯有得任食雞煲🐓牛尾煲🐄豬手煲🐖羊腩煲🐑烤魚🐠.⚠️此餐廳收取10%服務費💰.極尚鮮味無限時成人火鍋放題(2位)🍽️套餐$716💰.酸辣清江魚🐟套餐包含💰清江魚新鮮滑嫩，啖啖肉😋湯底酸爽香濃😌配料有金菇🍄‍🟫薯粉、豆卜、酸菜🥦芫荽等🌿.鴛鴦鍋🍲套餐包含💰泰皇冬陰功鍋酸辣惹味🇹🇭蕃茄薯仔濃湯鍋🍅🥔酸甜開胃😛.肉類🥩套餐包含💰安格斯牛小排🐮脂肪分佈平均😍肉味濃郁，肉質緊緻😗牛板腱有咬口🐂肉汁豐富👍🏻.B餐火鍋配料(2位)🥢跟餐$80💰有活海蜆🐚鳳城水餃🥟鵝腸，蜆肉雖然細隻但鮮甜😋水餃以河蝦、豬肉🐷木耳等為餡料🖤口感爽口😆.自助吧🍽️套餐包含💰有蔬菜🎃🌽🥬丸類🍢🦀豆類製品、餃子、菇菌🍄🍄‍🟫年糕、麵食🍜響鈴、魚皮等🐠.甜品🍮套餐包含💰有雪條同雪糕🍦🍨.飲品🥤套餐包含💰有啤酒🍺汽水🫧茶類飲品🍵涼茶飲品🫖果汁🥭…查看更多

火鍋放題
火鍋放題嘅選擇多到誇張！有牛肉、羊肉、肥牛、海鮮（蝦、蜆、魷魚）、丸類（牛筋丸、墨魚丸）同各款蔬菜同菇類。湯底我哋揀咗麻辣同清雞湯，麻辣底好香辣，辣得過癮但唔會太嗆，清雞湯就夠鮮甜，飲完都唔口渴。配料質素唔錯，特別係肥牛，油花均勻，涮完好嫩滑！放題仲有飲品同甜品。秘製火焰牛尾煲
呢個牛尾煲係另一個必點！牛尾炆得軟爛，肉質同筋腱好有咬口，醬汁有點微辣同甜香，似係用咗豆瓣醬同其他秘製調味，超級惹味！上枱時仲有火燒住，視覺效果滿分，影相打卡一流！份量都唔少，幾個人share啱啱好。香濃黑椒豬手煲
黑椒豬手煲好香！豬手炆到好腍，皮Q彈，肉質軟滑，黑椒味濃但唔會蓋過豬手嘅原味。仲有啲洋蔥同彩椒配菜，增添口感同甜味。呢個煲同烤魚一齊食，味道好互補，唔會覺得單調。二鍋口惹味雞煲
雞煲係比較中規中矩嘅一道菜，雞肉嫩滑，醬汁惹味，帶點麻辣同蒜香。雖然唔及牛尾同豬手咁出彩，但都好食，尤其係雞皮煎得微焦，香口得來唔會太油。配菜有薯仔同年糕，吸晒汁，食落好滿足。
二鍋頭嘅滋味無限套餐真係抵食！烤魚、牛雜煲同火鍋放題加埋招牌煲仔菜，選擇多，味道正，份量夠，性價比高。…查看更多